ޚަބަރު / ކުރީގެ މޭޖަ ޖެނެރަލް އަހުމަދު ޝިޔާމް

ސިފައިންގެ ކުރީގެ ޗީފް ޝިޔާމަށް ކުރި ދައުވާ ހަތް އަހަރު ފަހުން އަނބުރާ ގެންގޮސްފި

ސިފައިންގެ ހިދުމަތަށް 125 އަހަރު ފުރުން ފާހަގަކުރުމުގެ ގޮތުން އޭޕްރީލް 24، 2017 ގައި، ކަޅުތުއްކަލާ ކޮށީގައި ބޭއްވި ހާއްސަ ރަސްމިއްޔާތުގައި އޭރުގެ ޗީފް އޮފް ޑިފެންސް އަހުމަދު ޝިޔާމް ވާހަކަދައްކަވަނީ. -- މިހާރު ފައިލް ފޮޓޯ

03 ޖުލައި 2025 - 09:14

21 comments

ކުރީގެ ޗީފް އޮފް ޑިފެންސް ފޯސް އަހުމަދު ޝިޔާމްގެ މައްޗަށް ދައުލަތުން ކުރި ރަސްމީ ހައިސިއްޔަތު ނަހަމަ ގޮތުގައި ބޭނުން ކުރުމުގެ ދައުވާ ސާބިތުނުވާ ކަމަށް ކްރިމިނަލް ކޯޓުން ކުރި ހުކުމް އިސްތިއުނާފަށް ހުށަހެޅުމަށް ފަހު ދައުލަތުން މައްސަލަ އަނބުރާ ގެންގޮސްފި އެވެ.

ކުރީގެ ރައީސް އަބްދުﷲ ޔާމީންގެ ވެރިކަމުގައި ޗީފް އޮފް ޑިފެންސް ފޯސްގެ މަގާމު އަދާކުރެއްވި ޝިޔާމްގެ މައްޗަށް ދައުލަތުން ދައުވާކުރީ އެ މަގާމުގައި އޭނާ ހުންނެވި ދުވަސްވަރު ސިފައިންގެ ވީއައިޕީ އިމާރާތެއްގައި ޝިޔާމްގެ ބައްޕަ ބަހައްޓައި އަދި ބައްޕަގެ ކަންކަން ބަލަހައްޓަން ސިފައިންގެ އޮފިސަރަކު ބެހެއްޓި ކަމަށް ބުނެ އެވެ.

މި ދައުވާ ސާބިތުނުވާ ކަމަށް މިދިޔަ އަހަރުގެ އޮކްޓޫބަރު މަހުގެ 1 ވަނަ ދުވަހު ކްރިމިނަލް ކޯޓުން ހުކުމް ކުރުމުން މިދިޔަ ޖެނުއަރީ މަހު ހައި ކޯޓުގައި އިސްތިއުނާފްކުރީ އެވެ.

ނަމަވެސް މައްސަލަ ކުރިއަށް ދަނިކޮށް ޕްރޮސިކިއުޓާ ޖެނެރަލްގެ އޮފީހުން އެދިގެން މިދިޔަ މަހުގެ 30 ވަނަ ދުވަހު ވަނީ މައްސަލަ ބާތިލްކޮށް ހައި ކޯޓުން ދައުވާ ފޯމު ބާތިލްކޮށްފަ އެވެ.

އިސްތިއުނާފުގެ މައްސަލައިގެ ދައުވާ ފޯމު ބާތިލްކޮށް ހައި ކޯޓުން ނެރުނު ރިޕޯޓްގައި ބުނެފައިވަނީ، ދައުވާ ފޯމު ބާތިލްކޮށްދިނުމަށް ދައުލަތުން އެދިފައިވަނީ މި ހާދިސާ ހިނގި ފަހުން ހަތް އަހަރުވެފައި ވާތީ އާއި ޝިޔާމްގެ މައްޗަށް ތުހުމަތުކުރެވޭ އިތުރު މައްސަލައެއް ވެސް ޕްރޮސިކިއުޓާ ޖެނެރަލްގެ އޮފީހުގައި ނެތުމުން އެ ކަންކަމަށް ރިއާޔަތްކޮށްފައި ކަމަށެވެ.

" ... މި މައްސަލަ އިތުރަށް ކުރިއަށްގެންދިއުމުގެ މަސްލަހަތެއް އޮތް ކަމަށް ޕްރޮސިކިއުޓާ ޖެނެރަލްގެ އޮފީހަށް ނުފެންނާތީ، މި މައްސަލަ އިތުރަށް ކުރިއަށް ނުގެންދިއުމަށް ޕްރޮސިކިއުޓާ ޖެނެރަލްގެ އޮފީހުން ނިންމާފައިވާ ކަމަށް ބަޔާންކޮށް މި މައްސަލައިގެ އިސްތިއުނާފް ފޯމް ބާތިލްކޮށްދިނުމަށް" އެދި ސިޓީއެއް ފޮނުވާފައިވާ ކަމަށް ހައި ކޯޓުގެ ރިޕޯޓްގައިވެ އެވެ.

ޝިޔާމްގެ މައްޗަށް ދައުވާކޮށްދިނުމަށް އެދި ޕްރޮސިކިއުޓާ ޖެނެރަލްގެ އޮފީހަށް ހުށަހެޅީ އޭރުގެ ޕްރޮސިކިއުޓާ ޖެނެރަލް ހުސައިން ޝަމީމްގެ އެންގެވުމަށް އެންޓި ކޮރަޕްޝަން ކޮމިޝަން (އޭސީސީ) 2020 ވަނަ އަހަރު އެވެ. އެކަމަކު އޭގެ ކުރިން އޭސީސީން ނިންމާފައި އޮތީ ޝިޔާމްގެ މައްޗަށް ދައުވާ ކުރެވޭނެ ހެއްކެއް ނެތް ކަމަށެވެ.

ޝިޔާމަށް ކުށް ސާބިތުވާ ނުވާ ކަމަށް ކްރިމިނަލް ކޯޓުން ހުކުމްކުރީ ވެސް ކުށް ސާބިތުވާ މިންވަރުގެ ހެއްކެއް ނެތް ކަމަށް ކަނޑައަޅައިފަ އެވެ.

ކުރީގެ މޭޖަ ޖެނެރަލް އަހުމަދު ޝިޔާމް ކްރިމިނަލް ކޯޓް ހައި ކޯޓް ޕްރޮސެކިއުޓާ ޖެނެރަލް

21 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދެން އެމޑީކަން ދީ

04 July 2025

ދެން ކޮންމެސް ކުންފުންޏެއް ހަދާފަ އެމްޑީކަން ދީ. އޭރުން ހުންނާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިކަމެތިން ސައިޒުކުރަން ހަދައިގެން އުޅޭ ގާނޫނުތަކެއް

03 July 2025

ތިއިން މަގާމެއްގަ ނުހުންނާނެ ހުކުމެއް ހިނގާނެވާރުގެ މީހެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިމާވެށި

03 July 2025

ބަދަލު ހޯދަން ޖެހޭ މައްސަލަ އެކެވެ. ނަފްސާނީ ގޮތުން ލިބުނު ގެއްލުމެވެ. މާލީ ގޮތުން ލިބުނު ގެއްލުމެވެ. ތިޔަ ކަމަކާ ހެދި އެހެން ކަމެއްނުކުރެވި 7 އަހަރު ދިޔައީ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

03 July 2025

ޝިޔާމް މެން މަސައްކަތް ކުރި ދުވަސް ވަރު އުޅުނު އޮފިސަރުން ގިނަ ވަގުތު އުޅުނީ ޑިއުޓީގަ ސިފައިން ގޭގަ އެވެ. އެއް ބަޔަކު އަނެއް ބަޔަކަށް އިހްތިރާމް ކުރެ އެވެ. މިހާރު ސިޔާސީ ގިނަ ބަޔަކު އުޅެނީ ގައުމަށް ވުރެ އަމިއްލަ ފައިދާ އަށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝިޔާމު

03 July 2025

އެއްވެސް ކަމަކަށް ނުވާ ކަމެއްގަ ދައުލަތުގެ ކިހާ ރިސޯސް ތަކަކާ ވަގުތު ތަކެއް، މީހެއްގެ އަބުރު ކަތިލަން ތިއިސްރާފު ކުރެވުނީ. ދައުލަތް ތަސައްރަފު ފުދޭނީ ކޮން ދުވަހަކުންބާ !

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޯޅަ

03 July 2025

އޭނާ ކުރިކަންކަން ނުކުރާ ކަމަކަށްވީތޯ؟ ކަމަކާއި ނުލައި ދައުވާ އަނބުރާ ނަގަން ޕީޖީ ނިންމަންޔާ މަޤާމު ބޭނުންކޮށްގެން އެހެންމީހަކަށް ނާޖާއިޒު ފައިދާ ހޯދައިދިނުމުގެ ދައުވާ ޕީޖީ މައްޗަށް އުފުލަން ޖެހޭ!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމާކަލޯ

03 July 2025

ވަރަށް ޒާތީ ފީކަޅާ މައްސަލައެއް، މައްސަލައެއް ބެލޭނެ ފެންވަރެއް ނުހުރޭ، 7 އަހަރު ވާ އިރު މި ކުރަނީ ކޮންކަމެއްތަ، ދެން ބުނާނެ މަސައްކަތް ކުރާނެ ތަނެއް ނެތޭ، ލާރި މަދޭ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލައިޓް

03 July 2025

ސިލެކްޓެޑް ޖަސްޓިސް މާސްޓަރޕީސް އެއް! ޕީޖީ ސަމީމް އެބަޖެހޭ އުންސުރު ހަމަކުރަން އަލުން ކިޔަވަން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިރިމިނަލްކޯޓު

03 July 2025

"ދައުވާ ފޯމު ބާތިލްކޮށްދިނުމަށް ދައުލަތުން އެދިފައިވަނީ މި ހާދިސާ ހިނގި ފަހުން ހަތް އަހަރުވެފައި ވާތީ އާއި" ސުވާލަކީ އެވުރެޖުކޮށް ކިތައް އަހަރުންހޭ ކިރިމިނަލްކޯޓުން މައްސަލައެއް ނިންމަވަނީ؟ ހަތްއަހަރުވެގެން އިސްތިއުނާފު ނުކުރަންޏާ އިސްތިއުނާފުކުރާނެ މައްސަލައެއް އޮންނާނެހޭ، މިލިޔުން އެއްކޮށް ކިޔާލީމާ އެނގޭ އިސްތިއުނާފު ކުރި ފަހުން އަދި އަހަރު ނުވާކަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަންމާކަލޯ

03 July 2025

ކުރީގެ ޗީފް އޮފް ޑިފެންސް ފޯސް ސިޔާމްއަށް އަސްލު ކުރީ ސިޔާސީ ދައުވާއެއް މީ މިކަހަލަ މަގާމެއް އަދާކޮށްފައި ހުރި މީހަކަށް އެއްގޮތަކަށްވެސް ކުރެވިގެން ވާނޭ ދައުވާއެއް ނޫން ތާކުންތާކު ޖެހޭ ދައުވާއެއްވެސް ނޫން އަޅުގަނޑު ދެކޭ ގޮތުގައި ޗީފް އޮފް ޑިފެންސް ފޯސްގެ ބައްޕަ މަންމަ އަނބިދަރިން ކޮންމެވެސް އުސޫލެއްގެ ތެރެއިން ވީއަޕީގައި ހުރެވެންވެސް ވާނެ