އައިޖީއެމްއެޗާއި ތެލެސީމިއާ ސެންޓަރުގައި ލޭގެ ބަލިތަކަށް ފަރުވާ ދޭން ފަށަނީ

އައިޖީއެމްއެޗްގެ މެޑިކަލް ޑިރެކްޓާ، ޑރ. ޒޭބާ، ހެމަޓޮލޮޖިސްޓް ޑރ. ސަޗިންނާއެކު އިއްޔެ އެގްރިމެންޓުގައި ސޮއިކުރައްވަނީ.-- ފޮޓޯ: އައިޖީއެމްއެޗް

އާސިމާ ނިޒާރު، މިހާރު

08 ޖުލައި 2025 - 10:35

9 comments

ލޭގެ ބަލިތަކަށް އައިޖީއެމްއެޗާއި ތެލެސީމިއާ ސެންޓަރުގައި ފަރުވާ ދޭން ތައްޔާރުވެއްޖެ އެވެ.

ދަރުމަވަންތަ ހޮސްޕިޓަލުން ވަނީ، ލޭގެ ބަލިތަކުގެ ތަޖުރިބާކާރު އިންޑިއާގެ ޑޮކްޓަރެއް ކަމަށްވާ، ޑރ. ސަޗިންނާ އެކު، ވިޒިޓިން ޑޮކްޓަރެއްގެ ގޮތުގައި މަސައްކަތްކުރަން އިއްޔެ ސޮއިކޮށްފަ އެވެ.

އެކަމާ ގުޅޭގޮތުން އެ ހޮސްޕިޓަލްގެ ޑެޕިއުޓީ ސީއީއޯ ޑރ. ޝާހު މާހިރު "މިހާރު" އަށް މިއަދު ވިދާޅުވީ ތެލެސީމިއާ އާއި ލެއާ ގުޅުން ހުރި އެކި މައްސަލަތަކަށް މި ވަގުތު އެކަށީގެންވާ ފަރުވާ އެ ހޮސްޕިޓަލުން ނުލިބޭ ކަމަށެވެ. އެހެންވެ، ގިނަ މީހުން ފަރުވާ ހޯދަން ދަނީ އަމިއްލަ ހޮސްޕިޓަލްތަކަށް ކަމަށް އޭނާ ވިދާޅުވި އެވެ.

ލޭގެ ބަލިތަކަށް ހާއްސަ ޑޮކްޓަރެއް މީގެ ކުރިން ތެލެސީމިއާ ސެންޓަރުގައި މަސައްކަތްކުރެއްވި އެވެ. ނަމަވެސް، މި ވަގުތު އެކަމަށް ހާއްސަ ފަރުވާއެއް ނުލިބެ އެވެ. އަދި ސަރުކާރުގެ އެހެން ހޮސްޕިޓަލެއްގައި ވެސް ހެމަޓޮލޮޖިސްޓެއް މި ވަގުތަކު ނެތެވެ.

ހެމަޓޮލޮޖިސްޓް ޑރ. ސަޗިންނާ އެކު އެގްރިމެންޓުގައި ސޮއިކުރުމަށް އިއްޔެ ބޭއްވި ބައްދަލުވުމުގައި ބައިވެރިވެވަޑައިގެންނެވި ބޭފުޅުން.-- ފޮޓޯ: އައިޖީއެމްއެޗް

ވިޒިޓިން ޑޮކްޓަރު ކޮންމެ މަހަކު ވެސް އައިޖީއެމްއެޗާއި ތެލެސީމިއާ ސެންޓަރުގައި ކުޑަ ދުވަސްކޮޅަކު މަސައްކަތްކުރައްވާނެ އެވެ. އެ މުއްދަތުގައި އޯޕީޑީގައި މީހުން ބެލުމާއި އެޑްމިޓްކޮށްފައި ތިބޭ މީހުންނަށް ފަރުވާ ދިނުން ކުރިއަށް ގެންދާނެ އެވެ. ތެލެސީމިއާ މީހުންނާއި ލޭގެ ކެންސަރަށް ފަރުވާ ހޯދާ މީހުންނަށް އެކަށީގެންވާ ފަރުވާ އެ ޑޮކްޓަރުގެ ބެލުމުގެ ދަށުން ދޭނެ އެވެ.

ޝާހު ވިދާޅުވީ ދިގުމުއްދަތުގެ ޕްލޭނަކީ ބޯންމެރޯ ޓްރާންސްޕްލާންޓް ހެދުމަށް ރާއްޖެއިން ބޭރަށް ދިއުމުގެ ކުރިން ހުރިހާ ފަރުވާއެއް އައިޖީއެމްއެޗްގައި ދިނުން ކަމަށެވެ.

"ރަނގަޅު ހެމަޓޮލިޖީ ޑިޕާޓްމަންޓެއް އުފެއްދުން ޕްލޭނަކީ. އޭގެ އަސްލު ބިންގާ މި އެޅިގެންދަނީ،" އޭނާ ވިދާޅުވި އެވެ.

އައިޖީއެމްއެޗުން ބުނީ ލޭގެ ބަލިތަކަށް ހާއްސަ ޑޮކްޓަރެއް ފަރުވާ ދޭން ފެށުމުން އެކަމުގެ ނަތީޖާ ރަނގަޅުވާނެ ކަމަށެވެ. އަދި ޑޮކްޓަރު ރާއްޖޭގައި ނެތް ދުވަސްކޮޅު ވެސް ޓެލެ-މެޑިސިން މެދުވެރިކޮށް ހިދުމަތް ލިބޭނެ ގޮތް ގޮތްތައް ހަމަޖައްސާނެ ކަމަށް ޝާހު ވިދާޅުވި އެވެ.

ސިއްހަތު ތެލެސީމިއާ އައިޖީއެމްއެޗު ދަރުމަވަންތަ ހޮސްޕިޓަލް

9 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިންޑިއާފަރުވާ

09 July 2025

ތިޔަ ޑރ އަށް ދެތިން އަހަރު ކުރިން ދެއްކި 2 މީހަކު އިންޑިއާއަށް ދާން އޭނަ ބުނީ. މިކޮޅުން އެއްކަމެއްވެސް ވާކަމަކަށް ނުވާނެ. އެގައުމަށް ދާނެ އިތުރު ޕޭޝަންޓުން ހޯދުމަށް އަނެއްކާ އާ ދޮރެއް ތި ހުޅުވެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ހަސަންބޭ..

08 July 2025

‫ބޭސްފަރުވާއެއް ކުރަން އައިޖީއެމްއެޗް އަށް ވަންނަން ހިތައްވެސް ނާރާ.. ކައުންޓްވެސް ނުކުރެވެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޭގެބަލިމީހާ

08 July 2025

ޑރ. ސަޗިން ޓްރީޓޮޕް ހޮސްޕިޓަލުގައި ވިސިޓިންގ ޑޮކްޓަރެއްގެ ގޮތުގައި ބަލާތާ އެތައް ދުވަހެއް ވެއްޖެ. ކޮންމެ މަހަކު އެއްފަހަރު އާދޭ ޓްރީޓޮޕްއަށް. މިހާރު މިވީ ގޮތުން ޑރ. ސަޗިން ދެން ބަލާނީ އައި.ޖީ.އެމް.އެޗް އިން އެކަނިތޯ؟ ލޭގެ މައްސަލަތައް މިހާ ގިނަ ޤައުމެއްގައި ހެމޮޓޮލޮޖިސްޓުން ނެތުން މިއީ ބޮޑު މައްސަލައެއް. ވިސިޓިންގ ޑޮކްޓަރަކު އެކަނި އެއް ނޫން، މި ދާއިރާގެ ދާއިމީ ޑޮކްޓަރުން ތިބުން މުހިއްމު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުވައްޒިފުން

08 July 2025

އައިޖީއެމްއެޗް އައް ޕޮރޯ ކޮންމްޕެނީ ވައްދަން ވީ ޖީބައް އެެޅޭގޮތައް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންތުއްކަލާ

08 July 2025

ހިމެޓޮލޮޖީން ރާއްޖޭގަ އެންމެ ތަޖުރިބާ ހުރީ ޑރ.އާމިނަތު ހުދާއެވެ.މޯލްޑިވްސް ބްލަޑް ސަރވިސް އުފައްދައިގެން ކަންވެ ނިމިގެންދިޔައީ ބޮޑު އިންވެސްޓިގޭޝަނެއް ހިންގައި އޭނަގެ ވަޒީފާގެއްލިގެންނެވެ.އޭނަ އެކަމުގެ ކަންބޮޑުވުންތައް ކަމާއިބެހޭ ފަރާތްތަކަށް ހުށަހެޅިކަމަށްވެއެވެ.ނިކުތް ނަތީޖާއެއް ނެތެވެ.އޭނަ މިހާރު އުޅެނީ އެކަމާއި ވަރަށް ދުރުގައިއެވެ.އެއިގެ އެތަށްއަހަރެއް ފަހުން އަދިވެސް މިއުޅެނީ IGMH ކަމާއިގުޅޭ ޑރ.ނެތިގެންނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު 9871

08 July 2025

ކިތައްމެ ބައްޔަކަށް ވެސް ފަރުވާދޭން ފެށި ދާނެ ، އެޕޮއިންޓުމަންޓެއް ނުލިބޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަޅުދިގު

08 July 2025

މިހާރު ބޭހެއް ނުލިބޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެ

08 July 2025

ޝާހު މާހިރު އައިޖީއެމްއެޗް ގެ އިސް މަގާމްތަކެއް ފުރާތާ މިހާރު މިއީ ދެވަނަ ރިޔާސީ ދައުރު. ދިވެހި ހިމެޓޮލޮޖިސްޓްއެއް ޓްރެއިން ކުރަން ކިތައް އަހަރު ބޭނުންވޭތަ؟ ދިގު މުއްދަތުގެ ޕްލޭންގެ ދަށުން އޮތީ ޑިޕާޓްމަންޓްތައް އައުޓް ސޯސްކުރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޟާވިން33

08 July 2025

ދިވެހި ޑރ އެއް ސައުތު އެފްރިކާގަ ހިމަޓޮލޮޖީ ހަދަމުންދަނީ. އަންނަ އަހަރު މިކޮޅަށް އަންނާނެކަމަށް މި އުންމީދު ކުރަނީ. އެކަހަލަ ކުދިން ކިޔަވަން ޙަރަދު ކުރާނަމަ ޕޭލީވްގަނޑެއް ދޭނަމަ.