ދިވެހިންނަށް ލަންކާއިން އެއް އަހަރުގެ ވިސާ ދޫކުރަނީ

ދިވެހިން ލަންކާއަށް އޮއްސާލާ ފައިސާ ބޮޑުތަނުން މަދުވެ އިގްތިސާދަށް އޭގެ ނޭދެވޭ އަސަރުކޮށްފައިވާތީ އެޅި ފިޔަވަޅެއް މިއީ. ކިތަންމެ ދިގު މުއްދަތަކަށް ވިސާ ދޫކުރިޔަސް ބައެއް ދިވެހިންގެ ނޭއްގާނީ ޢަމަލުތަކާ ހުރެ ހުރިހާ ދިވެހިންނަށް ވެސް އެކަމުގެ އުނދަގުލާ ކުރިމަތިލާންޖެހޭނެ އަދިވެސް. ލަންކާގެ ގޭންގުތަކާ ގުޅިގެން ކުށްކުރުމުގައި ދިވެހިން ބައިވެރިވާކަމީ ހިތި ޙަގީގަތެއް. އެފަދަ މީހުން ހައްޔަރުކޮށް ލަންކާގައި އަދަބު ތަންފީޒުކުރުވަންވީ.

ލަންކާ ރައީސް ރާއްޖެ (މާލެ) ވަޑައިގެން މާލޭސަރުކާރު ރައީސާއި ބައްދަލުކުރާއިރު، އެތަން ތަރައްޤީނުވަނީ "ރާއްޖެއާއިމާދުރުގައި ވަކިންއޮންނާތީ، ދަތުރުފަތުރުކުރުމަށް ދަތި އުދަގޫތަނކެއް ހުރުމުގެސަބަބުންކަމަށް، މާލޭސަރުކާރު ވެރިން ވިދާޅުވެފައިވާ، އައްޑޫސިޓީއަށް ލަންކާގެ ޤައުމީ އެއަރލައިން އަމިއްލައަށް އިސްނަގައިގެން ކުރަމުންދާ ޝެޑިއުލް ދަތުރު ތަކަށް މާލޭސަރުކާރުން އެއްވެސް އިނާޔަތެއް ދެވިދާނެތޯ ބަލަން" ވާހަކަދެއްކުމަކީ އަހަރުމެން އައްޑޫމީހުން އެދޭކަމެއް.

މާލޭސަރުކާރު ވެރިންނަށް އަނގައޮޅި ދޫއޮޅި ކުޑަދޫވެސް އޮޅިގެނެއްނޫން "އައްޑޫ ތަރައްޤީއަށް އޮތް ހުރަހަކީ ރާއްޖެއާއި ވަކިން މާދުރުގައި އައްޑޫ އޮތުމުން ކަމަށް" ވިދާޅު ވެވުނީ. ޚަޤީގަތުގައި ވެސް ރާއްޖެ (މާލެ) އާއި އައްޑުއާއި ދެމެދު އޮތް ދުރުމިނަކީ ތަރައްޤީއަށް އޮތް ހުރަހެއް ކަމަށް ވެދާނެ. މާލޭސަރުކާރު އެއަރލައިނަށް އައްޑޫ މަގުން ބޭރުގެ އެއްވެސް މަންޒިލަކަށް ދަތުރު ކޮށް ނުދެވިގެން އުޅެނީ ވެސް އައްޑޫ އޮތް ހިސާބު ދުރުކަމުން ކަމަށް ވުން އެކަށީގެންވޭ.

މާލޭސަރުކާރުގެ އެއްބާރުލުން ނުލިބި "ލަންކާގެ ޤައުމީ އެއަރލައިން އަމިއްލައަށް އިސްނަގައިގެން" 2015 ވަނަ އަހަރު ކޮލަމްބޯ އާއި އައްޑުއާއި ދެމެދު ޝެޑިއުލް ދަތުރުފެއްޓުމުން އޭރު މާލޭއެއަރލައިން ކުންފުނި ހިންގަންހުރި އެމްޑީ ހާރިސް ވިދާޅުވީ "ތިއީ އަހަރުމެންވެސް ކުރަން އުޅެ ނުކުރެވުނު ކަމެއް ކަމަށާއި، ތިކަމުން ގެއްލުން ނޫން އެއްޗެއް ނުވާނަ ކަމަށް އަދި 3 މަސް ފަހުން ޖެހޭނީ ތިކަން ހުއްޓާލަން" ކަމަށް. އެކަމަކު ގެއްލުމުގައި އަދިވެސް އެމީހުން އެކަން އެބަކުރޭ.

ހާރިސް އަށާއި މާލޭސަރުކާރަށް މިހުރިހާ ކަންކަން އިގޭ އިރުވެސް މާލޭސަރުކާރުން އެއަރޕޯޓް ޗާޖަސް ތަކަށް ބަދަލު ގެނެސް ޤާނޫނަށް އިސްލާޙްގެނެސް ރާއްޖެއިން ބޭރަށްފުރާ މީހުންގެ އަތުން އެއާޕޯޓް ޑިވެލޮޕްމެންޓް ފީ އާއި ޑިޕާޗަރ ޗާޖް އާއި އެއަރޕޯޓުގެ އެހެނިހެން ފީތައް ބޮޑުކުރި އިރު އެތައް ބިލިޔަން ޑޮލަރުގެ ލޯނުން ތަރައްޤީ ކުރަމުންދާ މާލޭ އެއަރޕޯޓުން ނަގާ ވަރާއި އެއްވަރު އަދަދަކުން އައްޑޫ ގޭން އެއަރޕޯޓުން ވެސް އަގު ނަގާން ވަނީ ކަޑައަޅާ ގެޒަޓް ކޮށްފައި.

ރިސޯޓް ސައުދާޤަރުން ބޭނުންވާތީ މާލޭސަރުކާރުން ހަނިމާދޫ އާއި GAN International Airport ގައި އަޅުވާފައި އޮތް "މަރުތަޅު ވަރުގަދަކުރަން" ލިބުނު އިތުރު ފުރުސަތަކަށް މިދެންނެވި ޤާނޫނު އެމީހުންވަނީ ހަދާފައި. ރާއްޖޭގެ އުތުރާއި ދެކުނަށް ޓްއަރިޒަމް ހިގައިދާނެތީ އެކަމަށް ހުރަސް އަޅަން ހަނިމާދުއާއި ގޭން އެއަރޕޯޓުން ބޭރުގެ މަންޒިލްތަކުން ކުރާ ދަތުރު ހުއްޓުވަންވެގެން ސީދާ މިކަންކަން މިހެން ކުރަނީ. އެމީހުން ބޭނުމެއް ނުވޭ އައްޑުއަށް ޔޫއެލް ދަތުރު ކުރަންވެސް.

އުއްމީދަކީ ކޮލަމްބޯގެ Ratmalana International Airport އަށް މޯލްޑިވިއަން ދަތުރު ކުރަން ދިން ފަދަ އިނާޔަތް ތަކެއް Srilankan Airlines އައްްޑުއަށް ކުރާ ދަތުރު ތަކަށް ވެސް ދިނުމަށް ލަންކާ ސަރުކާރުގެ ފަރާތުން މާލޭސަރުކާރަށް ހުށަހަޅައިގެން ކޮލަމްބޯ ގޭން ޓިކެޓް އަގުހެޔޮ ކުރެވޭނެ ގޮތެއް ވޭތޯ ލަންކާ ސަރުކާރުން މާލޭސަރުކާރާއި ވާހަކަ ދައްކައިގެން އަހަރުމެން އައްޑޫ މީހުނަށް ބޭރުގެ މަންޒިލްތަކަށް އަގުހެޔޮކޮށް ދަތުރު ކުރެވޭނެ ގޮތްތަކެއް މިދަތުރުގައި ހަމަޖެހުން.

ބަޔަކަށް އާޤައުމުތަކެއްފެނުނަސް އަހަރެމެންނަށް އަދިވެސް ލަންކާއަކީ ހަނދާންނައްތާނުލެވޭނެ ޤައުމެއް

މާލޭސަރުކާރުން ހެދި ޤާނޫނުގެ ދަށުން އައްޑޫ އެއަރޕޯޓުން ފުރާ މީހާ އަތުންވެސް އިކޮނޮމީ ކްލާހުގައި ދަތުރުކުރާނަމަ 50 ޑޮލަރު، ބިޒްނަސް ކްލާހުގައި ދަތުރުކުރާ ދިވެހިންނާއި ބިދޭސީންގެ އަތުން 120 ޑޮލަރު އަދި ފަސްޓް ކްލާހުގައި ދަތުރުކުރާ އެންމެންގެ އަތުންވެސް 240 ޑޮލަރު ނަގަން ކަޑައަޅާފައި ޕްރައިވެޓް ޖެޓުގައި ދަތުރުކުރާ މީހުންގެ އަތުން ނަގާ ފީ 480 ޑޮލަރަށް ވަނީ ބޮޑުކޮށް ހިދުމަތް ނުލިބުނަސް މާލެއާއި އެއްވަރަށް އައްޑޫ އެއަރޕޯޓްގެ އަގު އުފުލާފައި.

ދެން މާގިނަދިވެހިންނެއް ލަންކާއައް ދިރިއުޅުން ބަދަލެއް ނުކުރާނެހެން ހީވަނީ. އެއީ މިފަހުން މާލެސަރަހައްދުގަ ދިރިއުޅެވޭނެ ވަސީލަތްތައް އިތުރުވުމުން އަމިއްލަ ގައުމުގަ ތަންކޮޅެއް ހަމަޖެހިގެން ދިރިއުޅެވޭނެ މަގު ފަހިވެފައިވާތީ.