ހުޅުމާލެ ރަށު މާރުކޭޓުން 5 ގޮޅި ކުއްޔަށް ދޫކުރަނީ

ހުޅުމާލޭގައި ހުންނަ ލޯކަލް މާރުކޭޓު--

ފާތިމަތު އަޖްފާން، މިހާރު

08 ސެޕްޓެމްބަރ 2025 - 21:33

ހުޅުމާލެ ރަށު މާރުކެޓުން ފަސް ގޮޅިއެއް ކުއްޔަށް ދޫކުރަން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)އިން މިއަދު އިއުލާންކޮށްފި އެވެ.

އެޗްޑީސީގެ އިއުލާނުގައި ބުނީ ވަގުތުން ބޭނުންކުރެވޭ ގޮތަށް ހުރި ގޮޅިތައް ލިބޭ މީހުން ކަނޑައަޅާނީ ފޯމު ހުށަހަޅާ މީހުންގެ ތެރެއިން ޝަރުތު ހަމަވާ މީހުންގެ މެދުގައި ގުރު ނަގައިގެން ކަމަށެވެ.

ގޮޅިތައް ކުއްޔަށް ހިފަން އެދޭ މީހުން ހުށަހަޅަން ޖެހޭ ފޯމު އެ ކޯޕަރޭޝަންގެ ވެބްސައިޓް މެދުވެރިކޮށް ލިބޭނެ އެވެ. އެ ފޯމް ބަލައިގަންނާނީ ހަމައެކަނި އީމެއިލް އިންނެވެ. މެއިލް ކުރާނީ [email protected] އަށެވެ.

ފޯމު ހުށަހަޅަން ހުޅުވާލާފައި ވަނީ މާދަމާ ހެނދުނު 8:30 އިން ފެށިގެން މި މަހުގެ 23 ވަނަ ދުވަހުގެ ހަވީރު 3:30 އާ ހަމައަށެވެ. ގޮޅިތަކަށް ކުރިމަތިލާ މީހުންގެ މެދުގައި ގުރުއަތު ނަގާނީ އަންނަ މަހުގެ 16 ވަނަ ދުވަހު ހެނދުނު 10:00ގަ އެވެ.

އެޗްޑީސީން ބުނި ގޮތުގައި ދެ އަހަރަށް ދޫކުރާ އެ ގޮޅިތަކަކީ 73.33 އަކަފޫޓުގެ ތަންތަނެވެ.

ގޮޅިއަށް މަހު ކުލީގެ ގޮތުގައި 7،500ރ. ދައްކަން ޖެހޭއިރު ލީސް ޑިޕޮސިޓްގެ ގޮތުގައި 22،500ރ. ދައްކަންޖެހެ އެވެ.

މީގެ ކުރިން މާރުކޭޓު ގޮޅިތައް ދޫ ކުރަމުން އައީ ބީލަން އުސޫލުންނެވެ. އެގޮތުން ގޮޅި ދެނީ ބީލަމުގެ އުސޫލުން ފޯމު ހުށައަޅާ މީހުންގެ ތެރެއިން އެންމެ މަތީ އަގު ހުށައަޅާ މީހަކަށެވެ.

ހުޅުމާލެ ލޯކަލް މާރުކޭޓް އެޗްޑީސީ

7 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރާވެރިބެ

14 September 2025

ތި 5ގޮޅި ލިބޭނީ ބާރަށު ތާޅަފިލި އަށް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަޖޯ

09 September 2025

އާންމުންނަށް ތީގެން އެއްވެސްތަނެއް ކުއްޔައްދޭނެ ކަމެއްނެތް އެއީ ބަންގާޅީ ވިޔަފާރިޔަށް ހުޅުވަދޭދޮރެއް ޔަގީނޭ ބަންގާޅީ މީހަކަށްކުއްޔައްދޭނީ ކަން އެމްޕީއެލް އެމްޓީސީސީ ނުވަތަ އާރުޑީސީއާ ހަވާލުކުރޭ އޭރުން މުސާރަދީގެން މީހުންނަގާނީ އަމިއްލަ ވިޔަފާރިއަކަށް ހަދަިގެން ބަންގާޅީންނަށް ވިޔަފާރި ނުކުރެވޭނެ