ސްކައުޓް އޮފީސް ހިންގަން އިމާރާތެއް ހަމަޖައްސައިދޭނަން: މިނިސްޓަރު

ސްކައުޓް ހަރަކާތެއްގައި ދަރިވަރުން ބައިވެރިވަނީ.-- ފޮޓޯ: މޯލްޑިވްސް ސްކައުޓް އެެސޯސިއޭޝަން

ފާތިމަތު އަޖްފާން، މިހާރު

12 ސެޕްޓެމްބަރ 2025 - 19:14

ކުރީގެ އަރަބިއްޔާ ސްކޫލުގައި ހިންގަމުން އައި ސްކައުޓް އެސޯސިއޭޝަންގެ އޮފީސް ހިންގުމަށް އިމާރާތެއް އެޑިޔުކޭޝަން މިނިސްޓްރީން ހަމަޖައްސައިދޭނެ ކަމަށް އެޑިއުކޭޝަން މިނިސްޓަރު ޑރ. އިސްމާއިލް ޝަފީއު ވިދާޅުވެއްޖެ އެވެ.

އަރަބިއްޔާ އިމާރާތުގެ ތަނބުތަކުގައި ވަރަށް ބޮޑަށް ރެނދުލައި، ގެއްލުން ވެފައި ހުރުމުން 2022 ވަނަ އަހަރު ޖެނުއަރީ މަހުން ފެށިގެން ވަނީ އެ އިމާރާތުގައި ކިޔަވައިދިނުން ހުއްޓާލައިފަ އެވެ. އެ އިމާރާތް ތަޅާލުމުގެ މަސައްކަތް ފެށުމަށް މިހާރު އިމާރާތުގައި ހުރި މުދާތައް ހުސްކުރަން ފަށައިފަ އެވެ.

އެހެންވެ ސްކައުޓްގެ އިދާރާ ބަންދުކޮށް، ހުސްކުރަން ވެސް ވަނީ އަންގައިފަ އެވެ. އަދި އެ އިމާރާތުގައި ގުދަން ކޮށްފައިހުރި މިނިސްޓްރީގެ ސާމާނުތަކާއި އިލެކްޝަން ކޮމިޝަންގެ ސާމާނުތަކުގެ އިތުރުން ކެޑޭޓް އޮފީސް ވެސް ހުސްކުރުމުގެ މަސައްކަތް މިހާރު އަންނަނީ ކުރަމުންނެވެ.

ރާއްޖޭގެ ގިނަ ސްކޫލްތަކެއްގައި ހިންގާ ސްކައުޓް ހަރަކާތްތަކަށް ބޭނުންވާ ހުރިހާ ސާމާނެއް ވިއްކަނީ ސްކައުޓްގެ އޮފީހުގައި ހުންނަ ފިހާރައިން ކަމަށް ވެފައި އެތަން ބަންދު ކުރުމަކީ ގިނަ ބެލެނިވެރިންގެ ކަންބޮޑުވުމެކެވެ.

މިނިސްޓަރު ޑރ. އިސްމާއިލް ޝަފީއު އިއްޔެ "މިހާރު" އަށް ވިދާޅުވީ ސްކައުޓާއި ކެޑޭޓަކީ ވެސް މިނިސްޓްރީގެ ބެލުމުގެ ދަށުން ހިންގާ ދެ ތަން ކަމުން އެ ދެތަނަށް ވެސް އޮފީސް އިމާރާތެއް މިނިސްޓްރީން ހަމަޖައްސައިދޭނެ ކަމަށެވެ.

އަންނަ މަހު 10 ވަނަ ދުވަހުގެ ނިޔަލަށް އެ އިމާރާތުގައި ހުރި ހުރިހާ މުދަލެއް ހުސްކުރަން އަންގާފައިވާއިރު އެ މުއްދަތާ ހަމައަށް އޮފީސް އިމާރާތެއް ހަމަޖައްސައި ދެއްވާނެ ކަމަށް ވެސް އިސްމާއިލް ވިދާޅުވި އެވެ.

އެ ތަން ހުސްކުރުމަށް ސްކައުޓް އިދާރާ އާއި ފިހާރަ ވަގުތީ ގޮތުން ބަންދުކުރި ނަމަވެސް އޮންލައިންކޮށް ތަކެތި ލިބޭނެ ކަމަށް ސްކައުޓް އެސޯސިއޭޝަނުން ވަނީ ބުނެފަ އެވެ. އޮންލައިންކޮށް ގަތުމަށްފަހު އެތަކެއްޗާ ހަވާލުވާން އަންނަންވީ ވަގުތު އެ ތަކެތި ގަންނަ ފަރާތްތަަކަށް އެސްއެމްއެސް މެދުވެރިކޮށް ފޮނުވާނެ ކަމަށް އެ އެސޯސިއޭޝަނުން ވަނީ ބުނެފަ އެވެ.

ތައުލީމް އަރަބިއްޔާ ސްކޫލް ނެޝަނަލް ސްކައުޓް ކައުންސިލް

6 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ލުބްލާ2025

13 September 2025

ސްކައުޓް ހަރަކާތަކީ މިހާރު އޭގެ ޒާތުގައި އައުޓްޑޭޓް ވެފައިވާ ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިންގ އޮފް ދި ޖަންގަލް

13 September 2025

ސްކައުޓަށް ތަނެއް ދީފި. ﷲ ގަންދީ ހުވައޭ ތަނެއް ދިނީމޭ ބުނަންވެގެން ކުރިކަމެއް ގޮތަށް، ފިލާ ބިލްޑިންގ 6 ވަނަ ފަންގިފިލާއިން ދެ ކޮޓަރި. ކިހިނެއް އަހަރެމެން ގެންގުޅޭ ކޭމްޕިން ސާމާނުތަކާ ސްކައުޓް ފިހާރަ ހިންގާނީ އެތަނުގަ! ޖެއްސުން ކުރާ ހެން ހީވަނީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމިއްޓަެ

13 September 2025

ތިޔަ ސްކައުޓް ފިހާރައަކީ ދުވަހަކުވެސް ކުދިންނަށް ބޭނުންވާވަރަށް އެއްޗެހި ގެންނަބައެއް ނޫން. އެންމެ ކުޑަމިނުން ސްކާފްއަށް ލައްވާ ވޮގުލްކޮޅުވެސް ނުލިބޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައިބޯނި

13 September 2025

ކޮންމެ ކަމެއް ސުރުހީއަށް އެރީމަ ކުރަން ތިޔަ މަޑުކުރަނީ ސިޔާސީ ބޭނުމުގަ, ރަތްރިބަން ކަނޑާ އުސޫލު ދޫކޮށް ރޭވުންތެރިކަމާ ހިކުމަތާ ތެދުވެރި ނިޔަތުގައި ކަންކަން ކުރުން ވަރަށް މުހިންމު, ސްކައުޓް ހަރަކާތަކީ މިގައުމުގައި 1956 ކުން ކުރިއަށްދާ ހަރަކާތެއް،, މިހާރުގެ ރައީސްއަކީވެސް ސްކައުޓެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސްކައުޓް

12 September 2025

ސްކައުޓްއަށް އެހާ ޑިމާންޑެއް ނެތް ސަބަބަކީ ގިނައިން ދަސްކޮށްދެނީ ބޭކާރު ކަންތައް. ރާއްޖޭގެ މާހައުލާއި ގުޅުންހުރި އަދި ބޭނުންތެރި ހުނަރުތައް. މިސާލަކަށް ބޯޓު ގެންގުޅުމާ، ފެތުމާ، ފަޅު ރައްކާތެރިކުރުމާ، ސްނޯކްލިންގ، މަސްވެރިކަން ފަދަ ކަންކަން ދަސްކޮށްދިނުން ކިހިނެއް ވާނެ.