ފުރަތަމަ ނުވަ މަހުން ދައުލަތަށް ޓެކުހުން 20 ބިލިއަން ވަދެއްޖެ

މީރާ. ފުރަތަމަ ނުވަ މަހު ޓެކުހުގެ ގޮތުގައި 20 ބިލިއަން ރުފިޔާ ލިބިފައިވޭ -- ފޮޓޯ: މިހާރު

11 އޮކްޓޯބަރ 2025 - 12:19

މި އަހަރުގެ ފުރަތަމަ ނުވަ މަސް ތެރޭގައި ދައުލަތަށް ޓެކްސް އާމްދަނީގެ ގޮތުގައި 20 ބިލިއަން ރުފިޔާ ލިބިއްޖެ އެވެ.

ޓެކްސް އިދާރާ، މީރާ އިން އާންމުކޮށްފައިވާ ހިސާބުތަކުން އެނގޭ ގޮތުން މިއީ މިދިޔަ އަހަރަށް ވުރެ ދެ ބިލިއަން ރުފިޔާ އިތުރު އަދަދެކެވެ. މިދިޔަ އަހަރުގެ ނުވަ މަހު ޓެކްސްގެ ގޮތުގައި ދައުލަތަށް ލިބިފައިވަނީ 18 ބިލިއަން ރުފިޔާ އެވެ.

ޓެކްސް އެހާ ބޮޑަށް އިތުރުވީ، ގްރީން ޓެކްސް އާއި ޑިޕާޗާ ޓެކްސް އަދި އެއާޕޯޓު ޑިވެލޮޕްމެންޓް ފީ އާއި ޓީޖީއެސްޓީ ބޮޑުކުރުމުންނެވެ.

މި އަހަރުގެ މިހާތަނަށް ޑިޕާޗާ ޓެކްސްގެ ގޮތުގައި 1.4 ބިލިއަން ރުފިޔާ ލިބިފައި ވެ އެވެ. މިދިޔަ އަހަރުގެ އެ މުއްދަތުގައި ދައުލަތަށް ލިބިފައިވަނީ 869 މިލިއަން ރުފިޔާ އެވެ. ގްރީން ޓެކްސްގެ ގޮތުގައި 1.7 ބިލިއަން ރުފިޔާ ލިބުނު އިރު މިދިޔަ އަހަރުގެ ނުވަ މަހު ގްރީން ޓެކްސް އިން ލިބުނީ 808 މިލިއަން ރުފިޔާ އެވެ.

އެއާޕޯޓް ޑިވެލޮޕްމެންޓް ފީގެ ގޮތުގައި ވެސް މި އަހަރުގެ މިހާތަނަށް 1.4 ބިލިއަން ރުފިޔާ ލިބިފައި ވެ އެވެ. މިދިޔަ އަހަރު އެ އަދަދު ހުރީ 887 މިލިއަން ރުފިޔާގަ އެވެ.

ޓީޖީއެސްޓީގެ ގޮތުގައި 8.2 ބިލިއަން ރުފިޔާ ލިބުނެވެ. އެއީ މިދިޔަ އަހަރަށް ވުރެ އެއް ބިލިއަން ރުފިޔާ އިތުރު އަދަދެކެވެ. ޓެކްސްގެ ގޮތުގައި އެންމެ ބޮޑު އަދަދެއް ވަންނަނީ ޓީޖީއެސްޓީންނެވެ. އެއީ ދައުލަތަށް ވަންނަ ޓެކުހުގެ 32 ޕަސެންޓެވެ.

މިދިޔަ ސެޕްޓެމްބަރު މަހު ޓެކްސް އާއި އެހެން ފީތަކާ އެކު ދައުލަތަށް ތިން ބިލިއަން ރުފިޔާ ވަދެފައިވެ އެވެ. އެއީ މިދިޔަ އަހަރަށް ވުރެ 31 ޕަސެންޓުގެ އިތުރުވުމެކެވެ.

ދައުލަތަށް ވަންނަ ޓެކްސްގެ 79 ޕަސެންޓް ލިބެނީ ޑޮލަރުންނެވެ. މި އަހަރުގެ ފުރަތަމަ ނުވަ މަހު ޑޮލަރުން 851 މިލިއަން މީރާއަށް ލިބިފައިވެ އެވެ.

މީރާ ޓެކްސް ދައުލަތުގެ އާމްދަނީ ޓީޖީއެސްޓީ އެއާޕޯޓް ޑިވެލޮޕްމެންޓް ޗާޖް ގްރީން ޓެކްސް ރާއްޖޭގެ އިގްތިސާދު އިގްތިސާދު

9 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަމީން ހަމީދު

12 October 2025

އިދިކޮޅަށް ހަޖަމެއް ނުވާނެ މިކަހަލަ ކަންކަން ވަންޔާ. މީ ރަނގަޅު ފާލެއް. ދެން ދައުލަތުގެ ކަންކަން ދާނީ ރަނގަޅަށް. ކަންކަން ހިގާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްލަމް ވަހީދު

12 October 2025

އުފާވެރި ހަބަރެއް. ސަރުކާރުގެ ހަރުދަނާ ސިޔާސަތުގެ ސަބަބުން ގައުމުގެ އިގްތިސާދު މިދަނީ ރަނގަޅު ވަމުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްޑޫޅް +

12 October 2025

ޙޫމް. ރިޝްވަތުގެ ބައި ކަނޑާ ބާކީ ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔޫސުފް

11 October 2025

ދެރައީ ރަށްރަށުގެ ތަރައްގީއަށް ބިންގާއެޅުން ނޫން ކަމެއްް ނުހިނގާތީ. އެޅުނު ބިންގަލައްވުރެ ސަރުކާރުގެ ބޮޑުން ބޭރުގެ ގައުމުތަކަށް ކުރި ދަތުރު މާ ގިނަ. ބިންގާތައް ހުރީ މިހާރު ރެނދުލާފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުރުކީ

11 October 2025

ޓީޖީއެސްޓީ އަކީ ޓޫރިޒަމުން ވަންނަ ފައިސާއަށް ވީ ހިނދު 8.2 ބިލިޔަން އެއިނީ ދައުލަތަށް ވަދެފަ،އަދި ޤައުމުގެ މައިތަނބަކީ ޓޫރިޒަމް އަށް ވީ ހިނދު ދައުލަތުން ޓޫރިޒަމްގެ ލޮބުވެތި މަސައްކަތް ތެރިންގެ ޙައްޤުގައި މިހާތަނަށް ކޮށްދެވުނު ކަމެއް ވިދާޅުވެބައްލަވާ؟؟؟ވަންނާނެ ބޯހިޔާ ވަހި ކަމެއް ނެތް ކިތަށް މަސައްކަތް ތެރިންތޯ ޤައުމަށްޓަކައި އެޤުރުބާން ވަނީ؟؟ޓީޖީއެސްޓީ ބޮޑު ކޮށްގެން ސަރުކާރަށް ފައިސާ ވައްދާފަ ކަޅުޖީބު ފުރުންނޫން ކަމެއް ކުރެވިފައި ވޭތޯ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚިކި

11 October 2025

ޑިޕާޗަރ ޓެކްސްއަކީ އެންމެ ގިނައިން އެއަރލައިންތަކުން މަކަރުހަދާ އެއްޓެކްސް. ބަލާލަން މުހިއްމު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުދިމު

11 October 2025

ކޮބާ ހުރިހާ ލާރި އެއް...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ނާޑުވާ

11 October 2025

‫މި ސަރުކާރުން ޓެކްސް ބޮޑެއް ނުކުރާނެ އަދި އާ ޓެކުހެއް ތަޢާރަފެއްވެސް ނުކުރާނެ. ޓެކްސް ބޭސް ފުޅާކުރާނީ އެއީ އިތުރު ރިސޯރޓު ހުޅުވައިގެން. ތެދެއް ހެދެން އޮއްވަވެސް ދޮގެއް ނޫނީ ނުހަދާ ވެރިޔެއް މި ނޫނީ ނުދެކެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާވެރިބެ

11 October 2025

ދިވެހި ރައްޔިތުންނަށް ފައިދާވާ ގޮތަށް ހެޔޮގޮތުގަ ޚަރަދު ކުރާނަމަ 5ލައްކަ ދިވެހިން އުފަލުގަ ހަމަޖެހިގެން އުޅެވޭނެ ވަރަށް ސަރުކާރަށް އާންމުދަނީގެ ގޮތުގަ ފައިސާ ވަދޭ. މައްސަލައަކީ އިސްރާފާ އަދި "ޚަރަދުކުރާ ގޮތް"! މިކަން އަސްލާހު ނުކޮށް ކިތަންމެ ބިލިއަނެއް ލިބުނަސް އޮންނާނީ ދަރަނިވެފަ. މީ ވަރަށް ދެރަކަމެއް. އެކަމަކު ސިޔާސީ ނިޒާމް އޮތްގޮތުން މިކަމުން ސަލާމަތެއް ނެތް. މަގޭ ލަފަޔަކީ ދައުލަތުގެ ބަޖެޓްގެ %20 ގެއްލެނީ ކޮރަޕްޝަނަށް ކަމަށް.