އައްޑޫގެ ހަންކެޑެ ސަރަހައްދު: އެތަން އިންޓަގްރޭޓެޑް ޓޫރިސްޓް ރިސޯޓެއްގެ ގޮތުގައި ތަރައްގީކުރަން ވަނީ ހުޅުވާލާފައި
12 އޮކްޓޯބަރ 2025 - 21:57
އިންޓަގްރޭޓެޑް ރިސޯޓެއްގެ ގޮތުގައި ހަންކެޑެ ތަރައްގީކުރަން ޓޫރިޒަމް މިނިސްޓްރީން އިއުލާނުކޮށްފި އެވެ.
ޓޫރިޒަމް މިނިސްޓްރީން ކުރި އިއުލާނުގައިވާ ގޮތުން ހަންކެޑެގައި ތަރައްގީ ކުރަނީ 1،000 އެނދުގެ ރިސޯޓެކެވެ. އެއީ ގާތްގަނޑަކަށް ހަތް ހެކްޓަރުގެ ސަރަހައްދެކެވެ.
ޓޫރިޒަމް މިނިސްޓްރީން ބުނީ، އެރަށް ދޫކުރަނީ ޓޫރިޒަމާ ބެހޭ ކަންކަމަށް ރަށްރަށާއި ބިންބިމާއި ފަޅު ކުއްޔަށް ދޫކުރުމަށްޓަކައި ޕްރޮޕޯސަލް ހުށަހެޅުމާބެހޭ ގަވާއިދުގެ ދަށުން، ފަތުރުވެރިކަން ތަރައްގީކުރުމަށް ޝައުގުވެރިވާ ފަރާތްތަކުން ޕްރޮޕޯސަލް ހުށަހެޅުމަށް ކުރި އިއުލާނަށް ގެނައި ނުވަ ވަނަ އިސްލާހުގެ ދަށުން ކަމަށެވެ.
ތަރައްގީ ނުކުރެވި ދިގުލައިގެން ގޮސްފައިވާ ހަންކެޑެ ހަލާލު ޓޫރިޒަމްގެ ރަށަކަށް ހަދަން މިދިޔަ ޖޫން މަހު ސަރުކާރުން ވަނީ ނިންމި ނަމަވެސް، މީގެ ހަފްތާއެއް ކުރިން ވަނީ އެ ނިންމުން ބަދަލުކޮށް، އެތަނުގައި އިންޓަގްރޭޓެޑް ޓޫރިޒަމް ތަރައްގީ ކުރަން ނިންމައިފަ އެވެ.
މަރަދުއާ އިންވެގެން އޮންނަ ހަންކެޑެ ތަރައްގީކުރަން އެންމެ ފުރަތަމަ ސަރުކާރުން ހުޅުވާލީ، މީގެ 20 އަހަރު ކުރިން 2005 ވަނަ އަހަރު އެވެ. އޭގެފަހުން އެކި ސަރުކާރުތަކުން އެ މަޝްރޫއު ހިންގަން އިއުލާންކުރި ނަމަވެސް މިހާތަނަށް އޮތީ ކުރިއަށް ނުގެންދެވި އެވެ.
މިދިޔަ ސަރުކާރުގެ ދުވަސްވަރު މޯލްޑިވްސް ފަންޑް މެނޭޖްމެންޓް ކޯޕަރޭޝަން (އެމްއެފްއެމްސީ) އިން ވަނީ ހެންކެޑެ ތަރައްގީކުރަން ޗައިނާގެ ނޭޝަނަލް އިލެކްޓްރިކަލް އިންޖިނިއަރިން ކުންފުންޏާ ހަވާލުކޮށްފަ އެވެ. އޭގެފަހުން މި ސަރުކާރު ވެރިކަމާ ހަވާލުވުމަށް ފަހު، މިދިޔަ އަހަރުގެ އޭޕްރީލް މަހު އޮތް ރައްޔިތުންގެ މަޖިލީހުގެ އިންތިހާބާ ދިމާކޮށް ބަޑިބޭހުގެ ކުޅިވަރުތަކާ އެކު ހަންކެޑެ ތަރައްގީ ކުރުމުގެ އެ މަޝްރޫއު އަލުން އިއުލާންކުރި އެވެ.
ހަންކެޑެ މަޝްރޫއުގެ އަމަލީ މަސައްކަތް ނުފެށެނީ އެ މަޝްރޫއުއަށް ބޭނުންވާ ފައިނޭންސިން ހަމަނުޖެހޭތީ ކަމަށް މައުލޫމާތު ލިބިފައިވެ އެވެ. އެކަމަކު އެކަން ރަސްމީކޮށް އެމްއެފްއެމްސީ އިން ހާމައެއް ނުކުރެ އެވެ. އެ މަޝްރޫއު ލަސްވާތީ، އެކަން ބެލުމަށް މިއަހަރު މަޖިލީހަށް ވެސް މައްސަލައެއް ހުށަހެޅި އެވެ.
Copyright © 2025 Mihaaru · Terms and Conditions · Privacy Policy · Code of Ethics · Editorial Policy
ކޮމެންޓްތައް
ރާވެރިބެ
13 October 2025
ޗާލު ބޮޑު ހަންކެޑެ އަކީ މިފަދަ ރިސޯޓަކަށް ވަރަށް އެކަށީގެންވާ ރަށެއްކަމަށް ސަރުކާރުން އެއޮތީ ނިންމާފަ. 1000 ގެ ބަދަލުގަ 10 ހާސް ކޮޓާރި ވެސް ހަމަ އަޅަންވީ. އިންޓެގްރޭޓަޑް ރިސޯޓެއްވީމަ ކޮންވެންޝަން ފެސިލިޓީސްތަކާ ބޮޑެތި ޝޮޕިން މޯލްތަކާ ރެސްޓޯރަންޓްތަކާ ކެފޭތަކާ ސްޕޯޓްސް ފެސިލިޓީތަކާ މުނިފހިފިުވުމުގެ އިތުރު ތަފާތު ކުޅިވަރު ކުޅޭތަންތަން ގާއިމުކުރެވުނީމަ މިރިސޯޓު ވެގެންދާނީ ރާއްޖޭ އެންމެ މަތީ އެއް ރިސޯޓަށް. ބަލަންވީ 2027 ގެ ފަހުކޮޅު ހުޅުވަން.
އަފާފް ސައީދު
13 October 2025
މުއިއްޒް އަށް އައްޑޫއިން ދެން ބޮޑުކޮށް ވޯޓް ލިބޭނެ. ސަބަބަކީ މީ އެއްވެސް ސަރުކާރަކުން ނުކުރި ކަމެއް މިކޮށްލީ. އެތައް ބަޔަކަށް ވަޒީފާ
ނޫޝީން
13 October 2025
އައްޑޫ ރައްޔިތުންގެ ކަންކަން މިސަރުކާރުން ތޯތޯކޮށް ނުގެންދާނެ. އެކަންކަން މިދަނީ ބާރަށް ކުރިޔަށް.
ސަބީލާ
13 October 2025
އައްޑޫ ގިނަ މީހުންނަކީ ސަރުކާރުތަކުން ދައްކާ ދަޅަތަކަށް ހެއްލިގެން ތިބޭ ބައެއް. އެތަނުގަ ނުކުރެވޭނެކަން، ފީސިބަލްނޫންކަން އެނގިތިބެ ވެސް ސަރުކާރުން ވޯޓުހޯދަން ކުރާ ސިޔާސީ ވައުދުތައް ހިތުގެ އަޑިން ގަބޫލުކޮށްގެން ހުވަފެނުގެ ދުނިޔޭގަ އުޅެނީ. ޓޫރިޒަމް ބާއްވާފަ އެހެން ކަމަކަށް ފޯކަސް ކުރަން ވެއްޖެ. އައްޑޫ މީހުން ހޭލަން ވެއްޖެ. ހެޔޮނުވާނެ.
އަސަރަފަ
13 October 2025
އައްޑޫ މީހުން ކޮންމެ އިންތިހާބަކަށް މިގޮތަށް މޮޔަހައްދާ. މިކަމުގަ ނިމުމެއް ނެތް. ހަމަ އެހާ މޮޔައީތަ، ނޫނީ ކައްނެތީތަ
ހަމްދާ
13 October 2025
ވަރިހަމައީ ހަމަ
ލުބްލާ2025
13 October 2025
އެ ކުޑަ ތަންކޮޅުގަ 1000 ބެޑްގެ ތަނެއް ނެހެދޭނެ 40-50 ބުރީގެ ބޮޑު އިމާރާތެއް ޢަޅައިގެން ނޫނީ. އައްޑޫ މީހުން ހައްދަން ނޫޅޭ އިނގޭ.
ލަކީ
13 October 2025
ޙެހެ މީދެން ބޮޑުވަރު ކޮބާ ފުރަތަމަ ހަވާ އަރުވާފަ ޗައިނާ ކުންފުންޏަކާ އޭގެ ފަހުން ހަލާލު ޓޫރިޒަމް އެކަން ވެސް ފަނުފުލުން ދެން މިވާހަކަ ހުއްޓާލަންވީނު މިހާރު ކައުންސިލް އިންތިހާބު ކައިރިޥީމަ އަނެއްކާ މިވާހަކަ ސަރުކާރުން ހަމަ އާކޮއްފަ މި ދައްކަނީ އަޅުގަންޑު ސަރުކާރަށް ދަންނަވާލާނަން ކޮބާތޯ މަނިކުފާނު ޗައިނާ ކުންފުންޏަކާ ހަވާލުކުރި އިންޖީނުގެ އަޕްގުރޭޑް ކުރަން ހަވާލު ކުރި ޕުރެޖެކްޓް ކޮބާ މަނިކުފާނު ރޯޑު ޑިވްލޮޕްމެންޓާ ހަވާލު ކުރި ލިންކުރޯޑު
އުދުހޭ
12 October 2025
އައްޑުއަކީ ރާއްޖޭގެ ނިސްބަތުން ރީތި ތަނެއްނޫން. އައްޑުކަން ކަމުދާކަހަލަ އެހެން ދާއިރާއަކުން ތަރައްގީކޮށް ޓޫރިޒަމްގަ އުޅެން ބޭނުންވާ އައްޑޫ ރައްޔިތުންނަށް ގއ ގދ އިން ފުރުސަތު ހޯދަދިނުން ރަގަޅުވާނީ.
ސުންބުލިއުދުހޭ
13 October 2025
ކަލެއަށް ދޯ އެގެނީ! ވ އުފާ ކުރަންދޯ އެތަނުގަ 20 އަހރުވީ އިރު ވެސް ކަމެއް ނުކުރެވުނީމަ! ކަލެއަށް ކިހާވަރެއް ސަރުކާރުން ދޭތީ ތަ ތި ކޮމެންޓް ލިޔަނީ އެކި ނަން ނަމުގަ؟ އިގޭ ކަލޭމެން ކަމެއް ކުރާކަށް ނުން ކަން ތި އުޅެނީ! އިންތިހާބަކާ ގުޅުވާގެން ކޮންމެވެސް ޗަރުކޭހެއް ކުޅެނީކަންވެސް! ދެން އެ އިއުލަނަކާ ވިއްދާގެން ކަލޭމެން ތި ކަހަލަ ކޮމެންޓް ކުރަން އަންގާފަ އޮންނާނީ
އުދުހޭ
13 October 2025
އަހަރެން ކޮމެންޓްކޮށްގެންތަ އައްޑޫ މޫދުގަ ސީގްރާސް އެހާ ގިނައީ؟ ސާފު ދޮންވެލި ނޯންނަނީ؟
އޮނަރަބްލް އަފީފު ދީދީ
12 October 2025
ދެކުނުގަައި ޓްއަރިޒަމް ނުވަތަ އިޤްތިސޯދީ އެއްވެސްކަމެއް ކުރަންބޭނުންނަމަ ބީޗް ކޮޓަރިވެސް ހިމެނޭގޮތަށް 1000 ކޮޓަރީގެ އެއަރޕޯޓް ޓްރާންސިޓް ހޮޓަލެއް ގޭން އެއަރޕޯޓްގައި ތަރައްޤީކޮށް ހޮޓާ ހިންގާފަރާތާއި ޙަވާލުކޮށްގެން އިންފްލައިޓް ކޭޓަރިންގ އާއި ޑިޕާޗާރ ބިޒިނެސް ލައުންޖް ހިންގޭގޮތް ހަދާދިނީމާ އައްޑޫ އެއަރޕޯޓަށް ކ.މާލޭ އެއަރޕޯޓަށް މިހާރު ޖަައްސާ ގިނަ ފްލައިޓްތަައް އޮޕަރޭޓް ކުރަން ފައްޓާނެ. ފުރަތަމަ ކަމަކަށް ދަތުރު ފަތުރުގެ ކަންކަން ހަމައަކަށް އަޅުވާ.
އޮނަރަބްލް އަފީފު ދީދީ
12 October 2025
ސަރުކާރުން އައްޑޫގައި ޓްއަރިޒަމް ވިޔަފާރިކުރަން އުޅުމުގެބަދަލުގައި އެކަންކުރަން އައްޑޫ ރައްޔިތުނަށް ދޫކޮށްލާފައި ސަރުކާރުން އައްޑޫ GAN International Airport ގައި އަޅުވާފައިވާ މަރުތަޅު ނައްޓާލާފައި އެއަރޕޯޓްގައި 1000 ކޮޓަރީގެ އެއަރޕޯޓް ޓްރާންސިޓް ހޮޓަލެއް ތަރައްޤީކޮށް އިންފްލައިޓް ކޭޓަރިން އާއި ޑިޕާޗަރ ބިިޒިނެސް ލައުންޖް ހަދާފައި ޓްއަރިސްޓުންނަށް މިތަނަށް އާދެވޭގޮތަށް އެއަރޕޯޓް ދުނިޔެއަށް ހުޅުވާ ދިނުން މާބޮޑަށް ވެސް ރަނގަޅު ވާނެ.
ހށނ
13 October 2025
އަދިވެސް އޮނަރބްލް ދީދީކަން ކެޑުނު ދުވަހަކުން ހެޔޮ ބަދަލެއް އަތުވެދާނެ ކަމށް ބެލެވެނީ. ތިޔައީ މިރާއްޖޭގަ ވަރަށް އިނފޭމަސް ޓައިޓލްލް އެއް.
މިސްރާބު
13 October 2025
އައްޑޫ ރައްޔިތުން ޕްރޮޕޯސަލް ހުށަހަޅައިގެން ރަށްނަގައިގެން ޓުއަރިޒަމް ތަރައްޤީ ކުރަންވީނޫންތޯ، ކީއްވެގެންބާ އައްޑޫ ރައްޔިތަކަށް އެކަން ކުރަން ނުކެރެނީ، ސަރުކާރުން އައްޑޫ ރައްޔިތުން އެތަނުގައި އިންވެސްޓްކުރުން މަނާކުރާނެހެން ހިއެއްނުވޭ،
ގަމަރުންނިސާ
13 October 2025
ޢައްޑޫއަށް އަންނާނެ ޓޫރިސްޓުންނެއް ނެތް. ތީ ބީޗްގަނޑެއް ވެސް އޮތް ތަނެއްނޫން.