ގެޓްސެޓް ލޯނާ ބެހޭ ގޮތުން މަހީލް މިއަދު ނޫސްވެރިންނާ ވާހަކަ ދައްކަވަނީ.--- ފޮޓޯ: ނިޝާން އަލީ /މިހާރު
02 އެޕްރީލް 2017 - 15:01
15 comments
ޒުވާން ވިޔަފާރިވެރިން އުފެއްދުމަށް ސަރުކާރުން ކުރިއަށް ގެންދާ 25 މިލިއަން ރުފިޔާގެ ގެޓްސެޓް ލޯނު ޕްރޮގްރާމަށް ކުރިމަތިލާން އިކޮނޮމިކް މިނިސްޓްރީން މިއަދު ހުޅުވާލައިފި އެވެ.
އެ ޕްރޮގްރާމްގެ މެނޭޖަރު މަހީލް ޖަލީލް ވިދާޅުވީ މީގެ ދެ އަހަރު ކުރިން ސަރުކާރުން ފެށި ލޯނު ޕްރޮގްރާމަށް ހުށަހަޅާ ފޯމްތައް މި މަހުގެ 16 އިން 27 އަށް ބަލައިގަންނަން ހަމަޖެހިފައިވާ ކަމަށެވެ. އަދި އެކަމަށް އެދޭ ފޯމް އިކޮނޮމިކް މިނިސްޓްރީގެ ވެބްސައިޓުން ލިބެން ހުންނާނެ ކަމަށް ވެސް އޭނާ ވިދާޅުވި އެވެ.
މި ލޯނު ޕްރޮގްރާމަށް ކުރިމަތިލެވެނީ އުމުރުން 18 އަހަރާއި 35 އަހަރާ ދެމެދުގެ ޒުވާނުންނަށެވެ. އަދި އެކަމަށް އެދޭ ޒުވާނުންނަށް 300،000ރ. އާއި 800،000ރ. އާ ދެމެދުގެ އަދަދެއް ލޯނުގެ ގޮތުގައި ދޭން ހަމަޖެހިފައިވާ ކަމަށް ވެސް މިނިސްޓްރީން ބުންޏެވެ.
"ގެޓްސެޓްގެ ފުރަތަމަ ރައުންޑަށް ޒުވާނުންގެ ޝައުގުވެރިކަން ވަރަށް ބޮޑަށް ލިބުނު. އަދި ސަރުކާރުން ވަރަށް ހާއްސަ އިސްކަމެއް ދީގެން ރައީސްގެ ބެލުމުގެ ދަށުން މި ޕްރޮގްރާމް ކުރިއަށް ގެންދަނީ،" މަހީލް ވިދާޅުވި އެވެ.
އޭނާ ވިދާޅުވި ގޮތުގައި ލޯނަށް އެދޭ މީހުންގެ ފޯމްތައް އިވެލުއޭޓް ކުރުމަށް ފަހު ވަރަށް އަވަހަށް ލޯނު ދޫކުރަން ފަށާނެ އެވެ.
ގެޓްސެޓް ލޯނަށް ހުށަހެޅެނީ މަދުވެގެން ދެ މީހަކު ގުޅިގެން ފަށާ ވިޔަފާރިތަކަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޔާޒު
02 April 2017
ޢަހަރެންނަކީ މިދިޔައަހަރު ގެޓް ސެޓުން 7 ލައްކަ ރުފިޔާ ލިބުނު މީހެއް... ވިޔަފާރި ވަރަށް ކާމިޔާބު... އެއްވެސް ސިޔާސީ ނުފޫޒެއް ނެތި ޕްރޮޕޯސަލް އަށް ބަލާފަ މަށާ މަގޭ ފްރެންޑް އަކަށް ލޯން ހަމަޖެހިގެން ދިޔައީ... ޝުކުރިއްޔާ ޒުވާނުންގެ ރައީސް ޔާމީން...
މުހައްމަދު
02 April 2017
މަށެއް ބޭނުމެއް ނޫން އިންޓަރެސްޓު ހިމެނޭ ރިބާ ޙަރާމް ލޯނެއް. ތިޔަ ލޯނު ނުނެގިޔަސް ﷲ އިރާދަ ކުރެއްވިއްޔާ އަހަރެމެން އުޅޭނީ ކައިގެން. 100ރ އަށް ހަނޑޫ ކިލޯއެއް ދިނަސް
މޮހޮނު
02 April 2017
މިހާރު އޮންނާނީ ތިޔަ ލިބޭނެ މީހުން ނިމިފާސްވެފަ ، ކުދިންނޭ އެކަމާ ނޫޅެ އެހެންކަމަކާ އުޅޭ
ބުލްބުލް
02 April 2017
ތިޔަ ލޯނު ނަގައިގެން ޖެހެނީ އިނދަ
ވަރައްވެދުން
02 April 2017
އިހައް ތިކަހަލަ މަޅިތައް ޖެހުން މަޑުކޮށްލާ... މުހިއްމު ގައުމީ ކަންތަކުގައި މިވަގުތު ރާއްޖޭގެ އާބާދީގެ %99.6 ރައްޔަތުން ކަންބޮޑު ވުމުގައި
ރަޝީދު
02 April 2017
ތިއީ ވަކި ބަޔަކަށް ޚާއްޞަ ކޮށްފައިވާ ލޯނެއް
ކަލޯ
02 April 2017
ތިޔަކުން ވާނެ އެއްވެސް ފައިދާ އެއްނެތް. މީރާއަކީ ކުދިވިޔަފާތިތައް ހަލާކު ކުރާބައެއް
ތިންބާރު
02 April 2017
ފޮޓޯ ފެނިފަވެސް އެނގިއްޖެ ސަހަލު ގޮތަކަށް ދާނެ ކަމެއް ނޫންކަން. .
ޢަބްދުﷲނާފިޒު
02 April 2017
ސަރުކާރުން ވަރަށް ހާއްސަ އިސްކަމެއް ދީގެން ރައީސްގެ ބެލުމުގެ ދަށުން މި ޕްރޮގްރާމް ކުރިއަށް ގެންދަނީ،" މަހީލް ވިދާޅުވި އެވެ. ހެލްތު ދާއިރާވެސް ރައީސް މީހާގެ ބެލުމުގެ ދަށުން ކުރިއަށް ގެންދާނަމަ ދެއްތޮ.
gފ
02 April 2017
މިސާލަކަށް މަށާ މަގޭ ފިރިމީހާ ތި ލޯނަށް ކުރިމަތިލާއިރު ފިރިމީހާއަށް 36 އަހަންނަށް 26 އެހެންވިއްޔާ ދެމީހުނަށް ލެވޭނެތަ. ނޫނީ ލޯނަށް އެދޭނީ އެކަކުތަ. ކިހާވަރެއްތަ މަންތުލީ ބޭންކަށް ދައްކަން ޖެހެނީ