އިތުރަށް ދެވުނު 37 ލާރި އަނބުރާ ދައްކަން ހައި ކޯޓުން އަންގައިފި

ހައި ކޯޓު: ތިނަދޫ ކޯޓުގެ މެޖިސްޓްރޭޓް ދޫކޮށްލަން ހައި ކޯޓުން ވަނީ ދެންމެ އަމުރުކޮށްފައި.---މިހާރު ފޮޓޯ

އަހުމަދު އަބުދުﷲ ސައީދު، މިހާރު

15 ޖޫން 2016 - 17:40

މީގެ ދެ މަސް ކުރިން، ހައި ކޯޓުގެ ވަޒީފާ އިން ވަކިކުރި މީހަކަށް އިތުރަށް ދެވިފައިވާ 37 ލާރި އަނބުރާ ދައްކަން އެ ކޯޓުން އެ މީހާ އަށް އަންގައިފި އެވެ.

މި މަހުގެ ދެ ވަނަ ދުވަހު ހައި ކޯޓުން އެ މީހާ އަށް ފޮނުވި ސިޓީގައި ބުނެފައިވަނީ އޭނާ އެ ކޯޓުގައި ވަޒީފާ އަދާކުރި ދުވަސްވަރު، 2015 ވަނަ އަހަރުގެ އޮކްޓޫބަރު އަދި ނޮވެމްބަރު މަހުގެ ގަޑީ ލާރީގެ ގޮތުގައި މުސާރަ އިން އުނިކުރަންޖެހޭ ފައިސާގެ ތެރެއިން 37 ލާރި ވަނީ އުނި ނުކުރެވި ކަމަށެވެ.

ހައި ކޯޓުގެ ކުރީގެ މުވައްޒަފަކަށް އިތުރަށް ދެވިފައިވާ 37 ލާރި އަނބުރާ ދެއްކުމަށް އަންގައި އެ ކޯޓުން ފޮނުވާފައިވާ ސިޓީ.

"ވީމާ، މި 0.37 ރ. (ތިރީސް ހަތް ލާރި) ވީ އެންމެ އަވަސް ފުރުސަތެއްގެ ތެރޭގައި މި ކޯޓަށް ދައްކައި ޚަލާސް ކޮށްދެއްވުން އެދެމެވެ." ހައި ކޯޓުން އޭނާ އަށް ފޮނުވި ސިޓީގައި ވެ އެވެ.

އޭނާ އަކީ މިދިޔަ އެޕްރީލް މަހުގެ ކުރީކޮޅު، ޝަރުއީ ދާއިރާގެ ވަޒީފާތަކުން ވަކިކުރި ނުވަ މީހުންގެ ތެރޭގައި ހިމެނޭ މީހެކެވެ. އެ ފަހަރު ވަކިކުރި ނުވަ މީހުންގެ ތެރެއިން ފަސް މީހަކު މިހާރު ވަނީ އެ މައްސަލަ ވަޒީފާއާ ބެހޭ ޓްރައިބިއުނަލަށް ހުށަހަޅައިފަ އެވެ.

އެ މައްސަލަތަކުގެ ފުރަތަމަ އަޑުއެހުންތައް މި މަހުގެ 21 ވަނަ ދުވަހު ބާއްވާ ގޮތަށް މިހާރު ވަނީ ތާވަލުކޮށްފަ އެވެ.

ހައި ކޯޓް ޖުޑީޝަލް އެޑްމިނިސްޓްރޭޝަން ޖުޑީޝަރީ ވަޒީފާއާބެހޭ ޓްރައިބިއުނަލް

13 ކޮމެންޓް, 72 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޝަރީފާ

20 June 2016

ކޮބައިތޯ ތިކަމުގައި އިހުމާލުވި މުވައްޒަފު؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންސާފު

17 June 2016

މިއީ ރާއްޖޭގެ ހައިކޯޓުން ރައްޔިތުންގެ ލާރީގައި ނުޖެހޭނެކަމުގެ އަލިގަދަ ހެެއްކެއް! ހައިކޯޓުވަރެއްނެތް...!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން

17 June 2016

މި 37 ލާރި ޗެކަކުން ދައްކަން ފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލެލް

17 June 2016

މި 37 ލާރި ހުސް ވަކި 1 ލާރިން ދައްކަން ފެނޭ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުަހައްމަދު

16 June 2016

ތިއީ އަހަރެންނަމަ ކޯޓަށް ލިޔާނަން، ދިރިއުޅުމުގެ ހާލަތު މިވަގުތު ހުރިގޮތުން ތިޔަ ފައިސާ އެއްފަހަރާ ދެއްކެން ނެތް ކަމާ، 37 މަހަށް ބަހާލައިގެން އެ ފައިސާ ދެއްކޭނެގޮތް ހަމަޖައްސަވައިދެއްވުމަށް.