ހައި ކޯޓް: ކޯޓުތަކުގެ އެޑްމިނިސްޓްރޭޓަރުންގެ ވަޒީފާއިން ވަކިކުރި 10 މީހަކަށް އަލުން ވަޒީފާދޭންޖެހޭ ކަމަށް އެ ކޯޓުން ވަނީ ނިންމާފައި -- ފޮޓޯ/މިހާރު
04 ޖުލައި 2022 - 16:23
5 comments
ކޯޓުތަކުގެ އެޑްމިނިސްޓްރޭޓަރުންގެ ފެންވަރު ބެލުމަށް ފަހު 10 މީހަކު ވަޒީފާއިން ވަކިކުރީ ގާނޫނާ ޚިލާފަށް ކަމަށާއި އެ މީހުންނަށް އަލުން ވަޒީފާ ދޭންޖެހޭނެ ކަމަށް ހައި ކޯޓުން ވެސް މިއަދު ހުކުމްކޮށްފި އެވެ.
ކޯޓުތަކުގެ އެޑްމިނިސްޓްރޭޓަރުންގެ މަސައްކަތު ފެންވަރު ބެލިއިރު ވަކި އަދަދަކަށް މާކްސް ނުލިބުނު ކަމަށް ބުނެ 2019 ވަނަ އަހަރު ވަޒީފާއިން ވަކިކުރީ ހައި ކޯޓާއި ކްރިމިނަލް ކޯޓާއި ފެމިލީ ކޯޓުގެ އިތުރުން މެޖިސްޓްރޭޓް ކޯޓުތަކުގެ ތެރެއިން ހަތް ކޯޓެއްގެ އެޑްމިނިސްޓްރޭޓަރުންނެވެ.
މިދިޔަ އަހަރު ވަޒީފާއާބެހޭ ޓްރައިބިއުނަލުން ނިންމާފައި އޮތީ އެ މީހުން ވަކިކުރީ ގާނޫނާ ޚިލާފަށް ކަމަށް ވާތީ އެ މީހުންނަށް އަލުން ވަޒީފާދިނުމަށެވެ.
އެ މައްސަލަ ޖުޑީޝަލް ސާވިސް ކޮމިޝަން (ޖޭއެސްސީ) ގެ ފަރާތުން އިސްތިއުނާފް ކުރުމުން ހައި ކޯޓުން ވެސް މިއަދު ނިންމީ އެ މީހުން ވަކިކުރީ ގާނޫނާ ޚިލާފަށް ކަމަށެވެ. އެހެންވެ، ޓްރައިބިއުނަލްގެ ނިންމުން ބާތިލްކުރަން ޖެހޭ ސަބަބެއް ނެތް ކަމަށް ހައި ކޯޓުގެ ހުކުމުގައިވެ އެވެ.
ހައި ކޯޓުގެ ހުކުމުގައިވަނީ އެޑްމިނިސްޓްރޭޓަރުން ވަޒީފާއިން ވަކިކުރީ އެ މީހުން އަދާކުރަމުންދިޔަ މަގާމު އުވުމުން ރިޑަންޑެންސީގެ ހާލަތު މެދުވެރިވުމުން ކަމަށާއި އެ މީހުންނަށް ދޭންޖެހޭނީ ފައިސާގެ ބަދަލެއް ޖޭއެސްސީން ބުންޏަސް، އެއީ ގާނޫނީ ގޮތުން ހަމަޖެހޭ ބުނުމެއް ނޫން ކަމަށެވެ.
އެގޮތުން، މަގާމު އުވުނީ ކަމަށް ޖޭއެސްސީން ބުންޏަސް، ކޯޓުތަކުގެ ޗީފް އެޑްމިނިސްޓްރޭޓަރުންނާއި އިދާރީ އިސް މުވައްޒަފުންގެ މަސްއޫލިއްޔަތުތައް ބަޔާންކުރާ އުސޫލުގައި އެ މަގާމުތައް އުވުނީ ކަމަށް ބުނެފައިނުވާ ކަމަށް ހުކުމުގައިވެ އެވެ. އަދި ވަކި ޝަރުތުތަކެއް ފުރިހަމަވާ ނަމަ އާ މަގާމަށް ބަދަލުވާނެ ކަމަށް އުސޫލުގައި ބުނާއިރު، އެ ދެ މަގާމުގެ ޒިންމާތަކުގައި ވެސް މާ ބޮޑު ތަފާތެއް ފެންނަން ނެތް ކަމަށް ވެސް ހުކުމުގައި ބުނެފައިވެ އެވެ.
ފަނޑިޔާރު ހުސައިން މަޒީދާއި ފަނޑިޔާރު ޝުއައިބު ހުސައިން ޒަކަރިއްޔާ އާއި ފަނޑިޔާރު ހުސައިން ޝަހީދުގެ އިއްތިފާގުން ކުރެއްވި ހުކުމުގައިވަނީ ޓްރައިބިއުނަލްގެ ނިންމުން ބާތިލްކުރަންޖެހޭ ސަބަބެއް ނެތް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިބުނަނި
04 July 2022
ޓްރައިބިއުނަލުން ނިންމީމާ، އިދާރާތަކުން ދެން ނުޖެހޭ އަލުން ހައިކޯޓަށް ސުޕްރީމް ކޯޓަށް ހުށަހަޅާކަށް. ޓްރައިބިއުނަލުން މުވައްޒަފުންނާ ދެކޮޅަށް ނިންމީމަ، މުވައްޒަފުންނަށް އޮންނަ ފުރުސަތެއް އެއީ ހައިކޯޓާ ސުޕްރީމް ކޯޓަށް ދިޔުން. ވީމާ، މިމައްސަލަ ދެން ސުޕްރީމަށް ނުފޮނުވުމަށް ގޮވާލަން. އޮރިޔާންވާން ކޮންމެހެން ބޭނުމިއްޔާ ސްޕްރީމާ އދ. އަށް ދޭ
ޓުމުޔު
05 July 2022
ކަލެއަށް މާބޮޑަށް އެނގެނީ. އަމިއްލަ އަށް ކިޔާލާ ތި ކޮމެންޓް.
އަލިފުޅު1111
04 July 2022
ތިވަރަކުން އަދި ދުލެއް ނުކުރާނެ. ސްޕްރީމް ކޯޓަށްވެސް ދާނެ. މިވެރިކަން ކުރިއަށްއޮތް 5އަހަރަށް ދެމިއްޖެނަމަ ސްޕްރީމްކޯޓުން އެންގިޔަސް ވަޒީފާއެއްނުދޭނެ. މިވަރުގެ ކަންކަން އިންސާފު ހޯދައިދޭންޖެހޭ ތަނުން ކުރާއިރު އެހެން ތަންތަނުގެ ހާލަތަށް ވިސްނާލާ. މަކަރުން އެޑްމިނިސްޓްރޭޓަރ ކިޔާ މަޤާމެއްގެ ނަން ޗީފް އެޑްމިނިސްޓްރޭޓަރ ކިޔާފަ ބައެއް މުވައްޒަފުންނާ މައްސަލަތަކަށް އަންނަ މީހުންވެސް ހިމަނައިގެން މާކްސްދީފަ އެމީހުން ކަނޑާލީ. އިންސާފްގެ ކަންފުޅެއްވެސްނެތް
މަސްތޫރު
04 July 2022
ޤާނޫނާ ޚިލާފަށް އެޑްމިނިސްޓްރޭޓަރުން ވަކިކުރި މީހުންނާ ދޭތެރޭގައި އެޅޭނެ ފިޔަވަޅެއް ނެތްތޯ؟
މުލޭ
04 July 2022
ޖޭއެސްސީ ވެސް އުޅޭ ގޮތްދޯ. އިންސާފުގެ ވާހަކަ ނުދައްކަމާ ހިނގާ!