ރާއްޖެ ޓީވީގައި މަސައްކަތް ކުރާ ނޫސްވެރިންނާއި މުވައްޒަފުން ކްރިމިނަލް ކޯޓު ކައިރީގައި: ރައީސް ޔާމީންގެ އަބުރާ ބެހިގެން އެ ޓީވީ ސްޓޭޝަން އެއް މިލިއަން ރުފިޔާ އިން މިއަދު ޖޫރިމަނާ ކޮށްފައިވާއިރު، އެ ފައިސާ 30 ދުވަހުގެ ތެރޭގައި ދައްކަންޖެހޭ.--- މިހާރު ފައިލް ފޮޓޯ
06 އެޕްރީލް 2017 - 15:07
74 comments
ރާއްޖެ ޓީވީ އަށް ކުރިން އައި 250،000ރ. ޖޫރިމަނާ މިއަދު ދައްކާފައި ވަނިކޮށް، އެހެން މައްސަލައެއްގައި އެއް މިލިއަން ރުފިޔާ އިން އެތަން ޖޫރިމަނާ ކުރަން ބްރޯޑްކާސްޓިން ކޮމިޝަނުން ނިންމައިފި އެވެ.
ރާއްޖެ ޓީވީ މިފަހަރު ޖޫރިމަނާ ކުރަން ނިންމީ ރައީސް އަބްދުﷲ ޔާމީންގެ އިއްޒަތަށް ގެއްލުންވާ ކޮންޓެންޓެއް ގެނެސްދިން ކަމަށް ބުނެ އެވެ.
ރައީސް ޔާމީންގެ އަބުރަށް ގެއްލުންވާ ފަދަ ކޮންޓެންޓެއް ގެނެސްދިން ކަމަށް ބުނަނީ މިދިޔަ އޮކްޓޫބަރު މަހުގެ އެމްޑީޕީގެ ހަރުގޭގައި ބޭއްވި ޖަލްސާއެއްގައި ދެއްކި ވާހަކަތަކެއް ރާއްޖެ ޓީވީން ލައިވް ކުރުމުންނެވެ. މިއީ، ނޫސްވެރިކަމުގެ މިނިވަންކަން ހަނިކުރުމުގެ މަގުސަދުގައި، ރައްޔިތުންގެ މަޖިލިހުން ފާސްކުރި އަބުރުގެ ގާނޫނު ދަށުން މިހާ ބޮޑު ޖޫރިމަނާއެއް ކުރި ފުރަތަމަ ފަހަރެވެ.
ބްރޯޑްކާސްޓިން ކޮމިޝަންގެ ނިންމުމުގައި ވަނީ އެ ކޮންޓެންޓް ބްރޯޑްކާސްޓްކުރި ކަމަށް ރާއްޖެ ޓީވީން އެއްބަސްވާއިރު އެއީ ރައީސް ޔާމީންގެ އިއްޒަތާއި މަސްއޫލިއްޔަތުތަކާ މެދު ފާޅުކަން ބޮޑުކޮށް، ޝައްކު އުފެދޭ އަދި އެމަނިކުފާނުގެ ކަރާމާތަށް ގެއްލުން ލިބޭ ފަދަ ކޮންޓެންޓެއް ކަމަށެވެ. އަދި އަބުރު ރައްކާތެރި ކުރުމުގެ ގާނޫނާ ޚިލާފް ކޮންޓެންޓެއް ކަމަށް ވެސް އެ ނިންމުމުގައިވެ އެވެ.
އެކަމަކު ކޮމިޝަނުން ފާހަގަކުރަނީ އެ ޖަލްސާގައި ދެއްކި ކޮން ވާހަކަތަކެއްގެ މައްސަލަ ކަމެއް އެ ނިންމުމުގައި ބުނެފައެއް ނެތެވެ.
ކޮމިޝަނުގެ އިސްނެގުމަށް ބެލި އެ މައްސަލާގައި އެ ކޮމިޝަންގެ މެމްބަރުންގެ އަޣުލަބިއްޔަތުން ނިންމި އެ ނިންމުމުގައިވާ ގޮތުން ޖޫރިމަނާ ފައިސާ އެއް މަސްދުވަހުގެ ތެރޭގައި ދައްކަން ޖެހޭނެ އެވެ.
އެ މުއްދަތުގައި އެ ފައިސާ ނުދައްކައިފި ނަމަ ރާއްޖެ ޓީވީގެ ލައިސަންސް ބާތިލް ކުރަން ނުވަތަ ސަސްޕެންޑް ކުރަން ބްރޯޑްކާސްޓިން ކޮމިޝަނުން ނިންމާނެ އެވެ.
ޖޫރިމަނާގެ މައްސަލަ ކޯޓަށް ހުށަހަޅަން ބޭނުން ވިޔަސް ކޯޓަށް ދެވޭނީ 1 މިލިއަން ރުފިޔާ ދެއްކުމަށް ފަހު އެވެ.
ކުރިން އެ ސްޓޭޝަން ޖޫރިމަނާކުރީ އެތަނުން އާންމުކުރި ޚަބަރެއްގެ މައްސަލައިގަ އެވެ. އެ މައްސަލާގައި ކުރި ޖޫރިމަނާ ދައްކަން އެ ސްޓޭޝަނުން ފަންޑެއް ހުޅުވައި، އެއަށް ފައިސާ ލިބުމުން ޖޫރިމަނާ ދެއްކީ މިއަދު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑެވިލް
08 April 2017
ސޭޑް ލައިފް :)
ނަލަ ނަލަ ކަރަންޓުބިލް
08 April 2017
ރާއްޖެ ޓީވީ އަށް އެހީވާން ބޭނުން
ކުނބުރާންބެ
06 April 2017
ރާއްޖެ ޓީވީ އައް މަރުހަބާ. !!!!. ހިއްވަރުން ކުޑަތަންފުކެއްވެސް ދަށަށްޖައްސާނުލާތި، އިންޝާ ﷲ. ފައިސާ އަދިވެސްލިބޭނެ. އަދި އަޅުގަނޑުމެން މިތިބީ ގާތުން މަންޒަރުބަލަން ކުރިއަށްވުރެ ގިނަފައިސާ މިފަހަރު ދޭނަން. ޢަދި އިތުރު އެހީ ހޯދުމަށްވެސް މަސައްކަތް ކޮށްދޭނަން.
ޢަލީ
06 April 2017
އަޅުގަނޑު މިހުރީ ތިފަންޑައް ފައިސާދޭން ތައްޔާރައް ހަސީބު ހީނުކުރާތި ކައްވަޅުންވެސް އަޒާބު ލިބޭނެ އަނިޔާވެރިން ނައް އަނިޔާ ނުކުރާށޭ ނުބުނެ މަގާމުގެ ދަހިވެތި ކަމުގަ ތިހެން ތާއަބަދު ނުތިބެވޭނެ
ޢަބްދުﷲނާފިޒު
06 April 2017
ޖޫރިމަނާ ކުރެވޭނީ ޓީވީ ޗެނަލް، އަހަރުމެން ސޯޝަލްމީޑިއާގަ ދައްކާ ވާހަކައަކުން ލިޔާ އެއްޗަކުން ކުރެވޭނެ އެއްވެސް ޖޫރިމަނާއެއް ނޯންނާނެ، އެކަން ކުރަން ހިތުލި މީހަކުވެސް އަހަރުމެން ޖޫރިމަނާ ކޮށްލާނީ ފިސާރި އަލާ ކެނޑޭ ވަރަށް.
ޑިކްޓޭޓާރޝިޕް
06 April 2017
ކުރާނެ. މިހާރުވެސް މީހުން ހައްުޔަރުވެސް އެކުރަނީ ކުރާ ޓްވީޓްތަކާ ގުޅިގެންވެސް. ދެން މިގައުމު މިހާރު މިއީ ފުލް ޑިކްޓޭޓާރޝިޕްއެއް. ސަރުކާރު ބަދަލުވެގެން ނޫނީ ދެން މިއިން އެއްވެސް ކަމެއް ރަނގަޅެއް ނުވާނެ.
އައްޑޫ ބަކުރު
06 April 2017
ލާރިހޯދަން މީވެސް ރަންގަޅުގޮތެއްކަން ފާހަންގަ ކޮއްލަން. ހަރާމެއް ހަލާލެއް ބަލާނެ ކަމެއްނެތް
މެންޓަލިސްޓް
06 April 2017
ޖޫރިމަނާކުރިޔަސް ނުކުރިޔަސް ތެދު ވާނީ ތެދަށް ،،،، އެޔަކަށް ބަދަލެއްނާންނާނެ ،،، ވަރަށްވެދުން
ނަބާ
06 April 2017
އަވަހަށް ފަންޑު ފޮށި ބަހައްޓާ ، 1 މަސް ކީއްކުރަން 1 ދުވަސް ތެރޭގަވެސް އެެއްމިލިޔަން ރުފިޔާ ހަމަކުރެވިދާނެ!! އަހަރެންވެސް ދާނަން ތިޔަ ފަންޑު ފޮއްޓަށް ލާރި އަޅަން އަހަރެން ދަންނަ ސަރުކާރަށް ތާޢީދު ނުކުރާ އެންމެން ގޮވާގެން !! މިހާރު އަނގަ ހުޅުވާލުމުގެ އިޒުނައަށް ވެސް އެދެން ޖެހޭނީ ސަރުކާރުގެ ބޮޑުން ކުރެން!! އަދުގެ ޙާލަތަކީ މިއީ !! ކީއްކުރާނީ !! އަނގަ ހައްޕު!!!!
ގޯނި ކުޑައަލީ
06 April 2017
އަބުރުރާނުބެހުކަސްވާ ނޫސްވެރިކަން ކުރެވިދާނެ ބައެއްމީހުނައް ހީވެފަ އޮންނަކަހަލަ ޕޯޓިއމަކައް އަރާފަ މީހެއްގެ އަބުރު ފުންޑު ފުންޑު ކޮއް ނުލެވިއްޖެޔާ ކަމެއް ނުކު ރެވޭހެން ނޫސްވެރިންގެވެސް އަދި ޓީވީ ޗެނަލްތަކުގެ މުވައްޒަފުން ގައުމުގެ ރައްޔެތުންނާ ވެރިންގެވެސް އަދި މިގައުމުގަ އުޅޭ ބިދޭސިންވެސް އަބުރާ އިއްޒަތް އިންސާނީކަރާމަތް ރައްކާކޮއްދިނުމާކި ކޮއްމެ ފަރުދެއްގެވެސް ބޮލުން ނައްޓާ ނުލެވޭ ފަދަ ބޮޑުމަސްއޫލިއްޔަތެއް ޒިއްމާއެކެވެ
އަތައް
06 April 2017
ހާދަ މިނިވަން މުއައްސަސާއެކޭދޯތީ؟