އަފްޣާނިސްތާނުގައި ހަރަކާތްތެރިވާ އައިއެސްގެ ހަނގުރާމަވެރިންނާ ދެކޮޅަށް މިއަދު ބޭނުންކުރި ބާރުގަދަ ބޮން އެމެރިކާ އިން މީގެ ކުރިން ހަނގުރާމައިގައި ބޭނުންކޮށްފައެއް ނުވޭ.
13 އެޕްރީލް 2017 - 23:38
14 comments
ވޮޝިންޓަން (އެޕްރީލް 13) - ނިއުކްލިއާ ބޮން ފިޔަވައި އެމެރިކާ އިން އުފެއްދި އެންމެ ބާރުގަދަ ބޮން އަފްޣާނިސްތާނުގައި ހަރަކާތްތެރިވާ އިސްލާމިކް ސްޓޭޓް (އައިއެސް) އާ ދެކޮޅަށް އެމެރިކާ އިން ބޭނުންކޮށްފައިވާ ކަމަށް ޕެންޓަގަނުން ބުނެފި އެވެ.
ޖީބީޔޫ-43/ބީ މެސިވް އޯޑެންސް އެއާ ބްލާސްޓް ބޮން ނުވަތަ "ބޮންތަކުގެ މަންމަ ބޮން" ފުރަތަމަ ޓެސްޓް ކުރީ 2003 ވަނަ އަހަރު އެވެ. ނަމަވެސް މީގެ ކުރިން ހަނގުރާމައެއްގައި މި ބޮން ބޭނުންކޮށްފައެއް ނުވެ އެވެ. ޕެންޓަގަނުން ބުނީ އައިއެސްއާ ދެކޮޅަށް މި ބޮން އަޅާފައި ވަނީ އަފްޣާނިސްތާނުގެ ނަންގަރްހާރު ޕްރޮވިންސްގައި ހަރަކާތްތެރިވާ އެމެރިކާގެ ހަނގުރާމަމަތީ ބޯޓުތަކުން ކަމަށެވެ. ބާރުގަދަ ބޮން އައިއެސްއާ ދެކޮޅަށް ބޭނުންކޮށްފައި މި ވަނީ ނަންގަރްހާރުގައި އައިއެސްއާ ދެކޮޅަށް ހަނގުރާމަ ކުރާ އެމެރިކާގެ ސްޕެޝަލް ފޯސަސްގެ ސިފައިންގެ މީހަކު މިދިޔަ ހަފުތާގައި މަރާލާފައި ވަނިކޮށެވެ.
ޕެންޓަގަނުން ބުނީ 9،800 ކިލޯގެ ބޮން އަޅާފައި ވަނީ މިއަދު ކަމަށެވެ. އެ ބޮން އަޅާފައި ވަނީ އައިއެސް އިން ބޭނުންކުރާ ހޮހަޅަތަކަށާއި ޓަނަލްތަކަށް ކަމަށް ވެސް ޕެންޓަނުން ބުނެފައިވެ އެވެ.
އަފްޣާނިސްތާނުގައި ހަރަކާތްތެރިވާ އެމެރިކާ ސިފައިންގެ ކޮމާންޑަރު، ޖެނެރަލް ޖޯން ނިކޯލްސަން ވިދާޅުވީ އައިއެސް އިން އެ މީހުންގެ ދިފާއު ވަރުގަދަ ކުރަން އައިއީޑީތަކާއި ބަންކަރާއި ޓަނަލްތައް ބޭނުންކުރަމުންދާ އިރު ޖީބީޔޫ-43/ބީ އަކީ އެންމެ ރަނގަޅު ހަމަލާ ކަމަށެވެ.
އައިއެސް އިން އަފްޣާނިސްތާނުގައި ހަރަކާތްތެރިވާކަން އިއުލާންކުރީ ޖެނުއަރީ، 2015 ގަ އެވެ. އަދި އެ ގައުމުގައި އައިއެސްގެ 1،000-5،000 އާ ދެމެދުގެ ހަނގުރާމަވެރިން އުޅޭ ކަމަށްވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަނަވަރު
14 April 2017
ކާފަބޮން އޮތީ ނޯތްކޮރެއާ އަތުގަ
ފައުޒާން
14 April 2017
އެންމެ 5000 ޓެރަރިސްޓުންނަށް އަމާޒުކޮށް 9800 ކިލޯގެމަންމަނު ބޮއް ބޭނުންކުރަންޖެހޭބާ ފޭކްފޭކް ؟ ތިވާނީ އެހެން ބޭނުމެއްގަ؟
އިބްރާހިމް
14 April 2017
ނަތީޖާއަކީ ކޮބައިތޯ؟ އިސްލާމުން ސައިޒްކުރުންތޯ؟
އަހުމަުދު
14 April 2017
މުސްލިމް ގައުމު ތަކަކީ އެމީހުންގެ ހަތިޔާރު ޓެސްޓު ކުރަން ބޭނުން ކުރާ ބިންތައްކެއް، އެބިން ތަކުގެ އަހުލުވެރިން ނަކީ އެމީހުންނަށް އިންސާނުންނެއް ނޫން. ހުރޭ ދުވަހަކު ކޮޅަކުން ފުރުސަތެއް ލިބުނަސް އަހުގަ އާއި ބިމުން ގޮސް ކަނޑި ބަލިކުރާނަން.
އަހަންމަދު
14 April 2017
އެބިންތަކުގައި މިއޮށް ހުރިހާ ދުވާ ދުވަހު ތަޅަމުން ދިޔައީ މުސްލިމުން އެއްބަޔަކު އަނެއް ބަޔަކާ..300.000 މުސްލިމުން (ރާއްޖޭގެ އާބާދީގެ ސަިއޒް ގާތްގަނޑަކަށް) އެދިޔައީ މުސްލިނުން ލޭ އޮހޮރުވައިގެން.
ޟުހާޓޯ
14 April 2017
ކޮބާަތަ ކާޕެޓުބޮން.
މުހައްމަދު ޒާހިރު
14 April 2017
ތީ ވައިބޮން
ވިލޭއަލި
14 April 2017
ބޮން އަޅަނީ އައިއެސް އާ ދެކޮޅަށް. މަރުވަނީ ކުޑަކުދިންނާ ޢާއްމުން. އެމެރިކާއިން ބުނަނީ ނިވާ ފަތްގަނޑެއްގެ ގޮތުގައި އައިއެސް އިން ޢާއްމުން ބޭނުންކުރާތީ އެހެން ވަނީކަމަށް. އެމެރިކާއިން ހޯދަންވި ޓެކްނޮލޮޖީ އަކީ، އާއްމުން ނިވާފަތްގަނޑަކަށް ބޭނުންކުރީމާ ތޯލިބާނުންނާ އައިއެސް މީހުން މަރުވާ ކަހަލަ ޓެކްނޮލޮޖީއެއް. އެމީހުން ސައިންސް ކަަމަކު ނުދޭ.
އުދުހޭ
14 April 2017
ޔޫޓިއުބުން މީގެ މިސައިލް ޓެސްޓް ވީޑިއޯ ބަލާލީމާ ފެންނަނީ ހާހަކަށް ފޫޓު ޑައިމީޓަރުގަ ހުންނަ ސަރަހައްދެއް ގޮވާތަން. މިވަރަރަކުން އަދި ތިޔަބުނާ ބިންގަރާސްމަގުތަކަށް މާބޮޑު ގެއްލުމެއް ނުދެވޭނެ. ޔަގީނާ ގާތަށް ވިސްނެނީ މިއީ ބިންގަރާސް ގޮއްވުމުގެ ނަމުގައި ދުވަސްވެފައިހުރި މިސައިލްތަށް ގޮވާތޯ ބެލުމަށް ކޮށްލި ޓެސްޓަކާ. ބިންގަރާސް މަގު ގޮއްވަން ޓޯރާބޯރާ ސަރަހައްދަށް އެކަނިވެސް މީގެ 100 އެއްހާ މިސައިލް އަޅައިގެން ކަންފުޅެއްވާނީ. އެކަމަކު އެހާ ބައިވަރު ފައިސާ ފަރުބަދަ މައްޗަށް އޮއްސާލެވޭހާ ފެންވަރެއް އެމެރިކާއަކު ނެތް.
ކިލްޒޯން
14 April 2017
މި ބޮމުގަ ހުންނަނީ 1 މައިލް ރޭޑިއަސްގެ ކިލް ޒޯންއެއް. މީގެ މާާނައަކީ އެ ވެއްޓުނު ތަނުން ފަށައިގެން ހުރިހާ ކޮޅަކުންވެސް ގާތްގަނޑަކަށް 5000 ފޫޓުވަރު ދުރުގަ ތިބި ބަޔަކުވެސް އަނދައި އަޅިއަށްވާނެޔޭ. ބިންގަރާސްތައް އެއްކޮށް ގޮއްވާނުލެވުނަސް މަތީގަ ތިބި އެންމެންގެ ދުވަސް ދާނެ އަދި އެތައްބަޔަކު ހޮހޮޅަތަކުގަ ތާށިވެފަވެސް މަރުވާނެ.
ށައިފު
14 April 2017
ބޭނުމަކީ އުތުރު ކޮރެޔާއަށް އިންޒާރު ކުރުން.. ދުނިޔެ ބޮޑު ހަނގުރާމައަކާއި ވަރަށް ކައިރި ވެއްޖެ..
ޑޯން
14 April 2017
ތީގެންވިފައިދާއެއްނެއް...އަޅިބުރުވަނީ.