ލަނޑު ޖެހުމަށް ފަހު މެސީ އުފާފާޅުކުރަނީ. -- ފޮޓޯ: އޭއެފްޕީ
24 އެޕްރީލް 2017 - 09:10
22 comments
މެޑްރިޑް (އޭޕްރިލް 24) – މެޗުގެ ފަހު ވަގުތު ލިއޮނަލް މެސީ ވައްދާލި، އޭނާގެ 500 ވަނަ ލަނޑާ އެކު ރޭ ރަށުން ބޭރުގައި ވާދަވެރި ރެއާލް މެޑްރިޑް 3-2 އިން ބަލިކޮށް ބާސެލޯނާ އިން ސްޕެނިޝް ލީގުގެ އެއް ވަނަ އަށް އަރައިފި އެވެ.
ރޭގެ އެލް-ކްލަސިކޯ މެޗުން ބަލިވި ނަމަ ލީގު ހޯދުމުގެ ރޭހުގައި ބާސެލޯނާ ވަރަށް ބޮޑަށް ފެޔަށް ޖެހުމުގެ ފުރުސަތު އޮތްއިރު، މިހާރު އެ ޓީމަށް އެއް ވަނައިގައި 75 ޕޮއިންޓާ އެކު އޮތީ އެއް މެޗު އިތުރަށް ކުޅެގެންނެވެ. ރެއާލް މެޑްރިޑް ދެ ވަނައިގައި އޮތީ 75 ޕޮއިންޓާ އެކު ލަނޑުގެ ތަފާތުންނެވެ.
މެޗުގެ ފަހުކޮޅު ރެއާލް މެޑްރިޑުގެ ކެޕްޓަން ސާޖިއޯ ރާމޯސް އަށް ރަތްކާޑު ދެއްކި މި މެޗުގެ 28 ވަނަ މިނެޓުގައި ކަސެމިރޯގެ ލަނޑުން މެޑްރިޑުން ލީޑު ނެގި އެވެ. އޭރިއާ ތެރެއަށް ހުރަސްވި ބޯޅަ ރާމޯސް ގޯލަށް ޖެހުމުން ދަނޑީގައި ޖެހިފައި ނުކުތް ވަގުތު ކަސެމިރޯ ވަނީ ގޯލުގެ ތެރެއަށް ވައްދާލައިފަ އެވެ.
އެކަމަކު 33 ވަނަ މިނެޓުގައި މެސީ ވަނީ ނަތީޖާ ހަމަހަމަކޮށްދީފަ އެވެ. އިވާން ރަކިޓިޗް ދިން ބޯޅަ އޭރިއާ ބޭރުން ކޮންޓްރޯލް ކުރުމަށް ފަހު ރެއާލް މެޑްރިޑުގެ ދެ ކުޅުންތެރިން ކައިރިން ނައްޓާލުމަށް ފަހު އޭނާ ވަނީ ގޯލަށް ބޯޅަ ވައްދާލައިފަ އެވެ.
ދެ ވަނަ ހާފު ފަށައިގެން 73 ވަނަ މިނެޓުގައި އިވާން ރަކިޓިޗް ބާސެލޯނާ އަށް ކުރި ހޯދައިދީފައިވަނިކޮށް 77 ވަނަ މިނެޓުގައި މެޑްރިޑުގެ ރާމޯސް އަށް ދެއްކި ރަތްކާޑާ އެކު އެ ޓީމަށް އިތުރު ހުރަސްތަކެއް ދިމާވި އެވެ. އެކަމަކު 85 ވަނަ މިނެޓުގައި ޖޭމްސް ރޮޑްރިގޭޒް ވަނީ ރެއާލް މެޑްރިޑަށް އެއްވަރުކޮށްދީފަ އެވެ. މާސެލޯ ދިން ބޯޅަ ގޯލް ކުރިމަތިން ކަހަލަ ގޮތަކަށް ރޮޑްރިގޭޒް އަމާޒުކޮށްލީ ގޯލުގެ މަތީ ދާގަނޑަށެވެ.
މެޗު އެއްވަރުވެގެން ނިމެން ދަނިކޮށް އިތުރު ވަގުތުގެ ދެ ވަނަ މިނެޓުގައި މެސީ ވަނީ ގޯލް ޖަހައި ބާސެލޯނާ ލީގު ހޯދުމުގެ ރޭހުގައި ކުރި ހޯދައިދީފަ އެވެ. މުޅި މެޗުގައި ވެސް މެސީ ވަނީ މޮޅު ކުޅުމެއް ދައްކައިފަ އެވެ. ހާއްސަކޮށް ސަސްޕެންޝަނުގެ ސަބަބުން ނުކުޅެވުނު ނޭމާ ނެތްތަން ވެސް މެސީ ފޫބައްދައިދިނެވެ.
ބާސެލޯނާގެ ސީނިއާ ޓީމަށް 2004 ވަނަ އަހަރު ކުޅެން ފެށި މެސީ އެ ކްލަބަށް ރޭ 500 ވަނަ ލަނޑު ޖަހައިދިނީ 577 ވަނަ މެޗުންނެވެ.
ބާސެލޯނާގެ ކޯޗު ލުއިސް އެންރީކޭ ބުނީ އެއް ވަނައިގައި މިވަގުތު އޮތަސް ރެއާލް މެޑްރިޑުގެ އަތުގައި އިތުރު މެޗެއް އެބައޮތް ކަމަށާއި ފަހު ވަގުތާ ހަމަޔަށް ވަރަށް ވާދަވެރި ވާނެ ކަމަށެވެ.
"މެޗު 2-2 އިން އެއްވަރުވި ގޯލަކީ ކުޅުންތެރިންނަށް ލިބުނު ޝޮކެއް. އެކަމަކު ފަހު ނޭވާގައި ކުޅުންތެރިން އެނބުރި އައި. އަހަރެމެން އެންމެން ބޭނުންވި އުފާވެރި ނިމުން މިއީ،" އެންރީކޭ ބުންޏެވެ.
ރެއާލް މެޑްރިޑުގެ ކޯޗު ޒައިނުއްޒީދާން ޒިދާން ބުނީ އަދި އެއްވެސް ކަމެއް ބަދަލުނުވާ ކަމަށާއި އެކަމަކު މި މެޗާ އެކު ލީގު ހޯދުމުގެ ރޭސް ބޮޑަށް ހުޅުވިއްޖެ ކަމަށެވެ. އެކަމަކު އަދިވެސް އަމިއްލަ ބާރު އެބައޮތް ކަމަށް ޒިދާން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
:)
30 June 2017
ފުޓުބޯޅައިގެ ސްޓާރެއް އެހެން ވާނޭނުން!!!!!!!!!!!!!!!!!!!!!!!!
އިންސާފް
24 April 2017
ރޭގެ މެޗްގެ ކުރީކޮޅު ރޯނާލްޑޯ އަށް ކުރި ފައުލުން މެޑްރިޑަށް ޕެނަލްޓީ ނުދިން ހިސާބުން މަށަށް އެނގިއްޖެ ރެފްރީ ބާސާ ކޮޅަށް ހުރިކަން ، އަދި އެކަން ޔަގީންވީ ރާމޯސް އަށް ދެއްކި ރަތްކާޑުން ، ދެން އިންސާފަށް ލޯބިކިރާ މީހެއްގެ ހައިސިއްޔަތުންނާއi ފުޓްބޯލައަށް ލޯބިކުރާ މީހެއްގެ ހައިސިއްޔަތުން ބުނެލަންއޮތީ ރޭގެ މެޗުގައި މެސީ ވަރަށް މޮޅަށްކުޅުނު ، އުއްމީދުކުރެވުނު ކުޅުމެއް ރޮނާލްޑާއަކަށް ނުދެއްކުނު .
ހައްޤުބަސް
24 April 2017
އޭގެ ކުރިން މާސެލޯއަށް ރަތްކާޑު ދައްކަންޖެހޭ.. އުޅަނބޮށިން ޖަހާ މެސީގެ އަނގަމަތި ފަޅާލީ ލައިންސްމަނަށް ސާފުކޮށް ފެންނާނެ އެކަމު ރެއަލް މެޑްރިޑް ވީމަ ނުކެރޭނެ 3 މެޗުގެ ބޭންއެއް ވެސް ދޭކަށް ސްޕެއިންގެ އެގްއޭއަކަށް... ދެން ކަސެމީނޯ އެއީ ވެސް ރަތެއް ދައްކާފަ ފޮނުވާލަންޖެހޭމީހެއް ރެފް ރަނގަޅުކަމުން ހުރީ... އެހެންވީމަ ޕެނަލްޓީއޭ ރެފްރީއޭ ކިޔަން ދަލިގަންނަންވާނެ.. އެހެން ނޫނަސް ޕެނާލްޑޯ އެ ވަރަށް އެކްޓް ބޮޑު މީހެއް ކިރިޔާ ޖެހިލިޔަސް އެކްޓްކުރާނެ ތިޔަބުނަނީ ހަމަ ނޯރމަލް ކޮންޓެކްޓެއްގެ ވާހަކަ
އަބްދުﷲ
24 April 2017
ތީ ފުޓްބޯޅަ އަށްވުރެ ބޮޑަށް ވަކި އަތަކަށް ޖެހިފަ ހުރި މީހެއް ... އެހެންނޫނީ މެޗުގެ ތަންކޮޅެއް ބެލިފަ ތިހުރީ.......
ސާލު
24 April 2017
މޮޅިވެރި ކަމުގެ ސާލު އޮޅައިގެން މެޑްރިޑް ކުދިން ނިދާފައި. އޭން އިންޖާޑް މެސީ އިޒް ބެޓާ ދެން ދަ އެންޓަޔާ މެޑްރިޑް ސްކުއަޑް.ދެން ޓީމު ގޮވައިގެން ފަރަށްދޭ!
ރީތި ރުބެލް..
24 April 2017
ތޯއްޓޭ ބޭބޭ،، މި ރާމޯސް ކޮންވައްތަރު ހަދަނީ ނޭގެނީ،، އަބަދު ރުޅިއަންނަ ވައްތަރު ހުންނަނީ،، ރޮނާލްޑޯވެސް ބަރާބަރު ސަކަރާތް ހުންނަނީ... އަބަދު އަބަދު އަންހެން ކުއްޖާކާރީ ފޮނިދައްކާ ހުންނަނީ،،،،
ތޮއްޑޫ
24 April 2017
އަދިވެސް ލީގުގެ އެޑްވާންޓޭޖް އޮތީ ރިއަލްއަށް
ސިމިއޯނީ
24 April 2017
ހެޔޮކޮށް ތިބުނީ، އަދިވެސް ލީގުގެ ދެވަނަ ހޯދުމުގެ އެޑްވާންޓޭޖް އޮތީ ރ.މެޑްރިޑަށް
ސިމިއޯނީ
24 April 2017
މެޑްރިއިޑިއޮޓްސް ހީހީހީހީހީހީހީހީހީ، ދުނިޔޭގެ ތާރީޙު ދެކުނު އެންމެ މޮޅު ފުޓްބޯޅަ ކުޅުންތެރިޔާ ފެނިއްޖެ ދެއްތޯ! މެޗު ނިމެން ފަޅި ތިކުންތެއް އިންދާ ނަތީޖާ އަނބުރާލެވޭނީ ކޮންކުޅުންތެރިއަކަށްވެސް އިނގިޖެ ދެއްތޯ! މެޗުގެ އޮފިޝަލުން ނަށްވެސް ވަކި ވަރެއް ދެއްތޯކޮށްދެވޭނީ...ރިއަލްގެ ފުރަތަމަ ލަނޑަކީ ހަމަ ސީދާ އޮފްސައިޑް ލަނޑެއް....ރާމޯސްއަށް ދެއްކި ރަތްކާޑުހާ ސާފު ހަމަ...އެކަމު އެ އޮފްސައިޑް ލަނޑު މެޗުގެ އޮފިޝަލުން ގަބޫލުކުރީތީ ޝުކުރިއްޔާ ސަބަބަކީ އެލަނޑުގެ ސަބަބުން މެސީ ގާތަށް ރުޅިއައިސްގެން ނިންމީ ރެއަލް މުޅި ޓީމު ކިހިލިޖަހާލާގެން ކުޅެން....މަމެން ގަބޫލު ކުރާގޮތުގަ މިހާރު މެޑްރިޑަށް ނިސްބަތްވާ ޓީމުތަކުގެ ތެރެއިން ހަގީގީ "ރިއަލް" (އަސްލު) މެޑްރިޑަކީ އެތުލެޓިކޯ މެޑްރިޑް، ނަމުގެ ކުރިއަށް އަމިއްލަ އަށް "ރިއަލް" ލާގެން އުޅުނަސް ތިޔައީ ހަގީގީ މެޑްރިޑުކަމަށް މަމެން ނުދެކެން. #ހީވެސްނުވޭ ލޮލް
ރަދީފް
24 April 2017
ދޮންކަލޯ ރިއަލް މެޑްރިޑެއް ނޫން، ރެއާލް މެޑްރިޑް
ސިމިއޯނީ
24 April 2017
ރަދީފް މެންކަހަލަ މީހުންނަށް ހަޖަމް ނުވާނެތީ ޑައިޖިން ބޭނުންކުރާށޭ މިބުނީވެސް....ރެއާލް ވިޔަސް ރިއަލް ވިޔަސް މެޑްރިޑްގެ އެންމެ ވަރުގަދަ ޓީމަކީ އެތްލެޓިކޯ، މިކަން އިންޝާﷲ ޗެންޕިއަންސް ލީގުގަ ދައްކާލާނަން...ޕެނަލްޑޯ ޖެހޭނީ ހަމަ ވެލިކާން....މެޑްރިޑް އިޒް ރެޑް އެންޑް ވައިޓް
ތޮއްޑޫ
24 April 2017
ކިޔޭ ނުކިޔޭ އެނގޭތަ އެބަ ؟
ތޮއްޑޫ
24 April 2017
އޮފްސައިޑް ލަނޑެއް ނޫން ރަނގަޅަށް މެޗް ބެލިންތަ
ހުންގާނު
24 April 2017
ތިބުނާ އަސްލު މެޑްރިޑަށް 113 އަހަރުވީ ދިގުތާރީހުގަ މިހާތަނަށް ލިބިފައޮތީ ޖުމްލަ 32 ތަށި އެއީ ހުރިހާ މުބާރާތެއް އެއްކޮށްލައިގެން، ލަލީގާ ވެސް ލިބިފަ އޮތީ 10 ފަހަރު، ޗެމްޕިއަންސް ލީގް ދުވަހަކުވެސް ނުލިބޭ އެކަމަކު ތިބުނާ އަސްލު ނޫން ރެއާލް މެޑްރިޑް އަކީ 83 ޓްރޮފީއާއެކު ދުނިޔޭގެ އެންމެ ކާމިޔާބު ޓީމު، ލަލީގާގެ އެންމެ ކާމިޔާބު ޓީމު ޗެމްޕިއަންސް ލީގްގެ އެންމެ ކާމިޔާބު ޓީމު. ހަޖަމް ޕްލީޒް
ޢަހްމަދު
24 April 2017
ކޮބާ އެއްކަލަ ޕެނާޑޯ..އެއްކަމެއްވެސް ނުވި ދޯ..މުޅި މެޗް ނިންމާލީ ވިނަގަނޑުމަތީ އަތް ޖަހާލަޖަހާލާ ހުރެ..
ހުންގާނު
24 April 2017
ލައްކަ ދުވަހަށްފަހު ޕެސީ އަށް ރަނގަޅަށް ކުޅެވުނު މެޗެއް ފެނިއްޖެ، ޗެމްޕިއަންސް ލީގުން ކަޓައިގެން ދިޔައިރު ތިޔަބުނާ މޮޅު ޕެސީ ވީ ޖައްވަށް ފަޒާއަށް ހަވާއަށް ޕެނަލްޓީޖހި ބޯޅަ ބަލާ ގޮއްސަކަންނޭގެ
ހަޢްޤުހިތިވާނެ
24 April 2017
ލައްކަ ދުވަސް ފަހަކުން ނޫން މެސީ އަބަދުވެސް ކުޅޭ ހެސްކިޔާފަ އެހެންވީމަތާ އެއްސޫޒަނެއްގަ އެންމެ ގިނަ ލަނޑުޖެހުމުގެ ރެކޯޑް އެ ހެދީ މިސީޒަންގަ... އެކަމު ޕެނާޑޯ ލައްކަ ދުވަސްކޮށްފަ އޮފްސައިޑް ގޯލްކޮޅެއްވެސް އެ ޖެހީ.. ތިޔަ ބުނާ ޕެނާޑޯ އަމިއްލަ މަސައްކަތުން ގޯލެއް ޖެހި ހަނދާނެއްވޭތަ މުޅިންވެސް ގޯލު ބުޑުހަ ހުރެފަ މަސައްކަތް ނުކޮށް ޖަހާ ގޯލް 90 ޕަސެންޓަކީ އޮފްސައިޑް ގޯލް އެހެންނު ބާނި އަބަދު ގޯލު ބުޑުގަ ހުންނަންޏާ.. ޕެނާޑޯ އަށް ރޭގަ ގޯލް ބުޑުން ހުހަށް ލިބުނު ދެ ބޯޅަވެސް ޖެހީ ޖައްވަށް ފަޒަޔަށް
އަލިކޮއެ
25 April 2017
ޕެނާޑޯލް އަށް ވާގޮތަކީ ނޯ ޕެނަލްޓީ ނޯ ޕާޓީ..
އޭބީ
24 April 2017
ލަލީގާގައި ޕޮއިންޓްގެ ގޮތުން ދެޓީމު އެއްވަރުނަމަ ދެން ބަލަނީ ހެޑްޓްހެޑް ރެކޯޑަށެވެ. ލަނޑުގެ ތަފާތަށް ބަލަނީ އެގޮތުން އެއްވަރުވެއްޖެނަމައެވެ. އެހެންކަމުން ރެއަލްއަށްވުރެ ބާސާ ކުރީގައި އެއޮތީ އެދެޓީމު ބައްދަލުކުރިމެޗްތަކުން ބާސާ ކުރީގައި އުޅޭތީއެވެ.
ސިމިއޯނީ
24 April 2017
ތިބޭޅާ ކައިރީ ކާކުތޯ އެހީ....ލަލީގާ ނަގާނީ މަދުވެގެން ތިން ޕޮއިންޓްގެ ފަރަގުންނޭ އޭބީ...ތިޔަ އެއްވަރުވެގެން ހަދަން ޖެހޭ ކަލްކިއުލޭޝަން ނުޖެހޭނެ ހަދާކަަށް މީ ނިމިފަ އިން ކަމެއް
ހުންގާނު
24 April 2017
1މެޗް އިތުރަށް ކުޅެގެން ރެއާލް އާ އެއްވަރަށް ޕޮއިންޓް ލިބިގެން ހާދަ ފޯރިއެއް އެބަހުއްޓޭ ދޯ، ރެއާލް އަށް ބާކީ ހަ މެޗް އަދި އެބައޮތް، ބާސާ އަށް ބާކީ އޮތީ ފަސް މެޗް، ލީގް ނިމެންދެން އިހަށް މަޑުކޮށްލާ
ރިއަލްރެފްރިޑް
24 April 2017
މެޅޭނެ ވެލެންސިޔާ އަތުން... ވަރިހަމަ އިތުރަށް 100 މެޗު އޮތަސް ރިއަލްރެފްރިޑަށް