ސޯޝަލް މީޑިއާ އެކްޓިވިސްޓް ޔާމީން ރަޝީދު ވަޅުލަން ސަހަރާއަށް ގެންދަނީ: އޭނާގެ މަރުގެ މައްސަލައިގައި އަދި މީހަކު ހައްޔަރެއް ނުކުރޭ -- ފޮޓޯ: ހުސެން ވަހީދު/މިހާރު
24 އެޕްރީލް 2017 - 15:10
36 comments
ހަށިގަނޑުގެ އެކި ތަންތަނަށް ހަމަލާދީ މަރާލި ސޯޝަލް މީޑިއާ އެކްޓިވިސްޓް އަދި ބްލޮގާ ޔާމީން ރަޝީދުގެ މަރު ތަހުގީގަށް އާއްމުންގެ އެހީތެރިކަމަށް ފުލުހުން އެދެފި އެވެ.
ފުލުސް އޮފީހުން މިއަދު ނެރުނު ނޫސް ބަޔާނެއްގައި އެދިފައި ވަނީ ޔާމީނަށް ދިން ހަމަލައާ ގުޅޭ އެއްވެސް މައުލޫމާތެއް އެނގިފައި އޮތް ނަމަ، އެކަން ވީ އެންމެ އަވަހަކަށް ފުލުހުންނަށް އެންގުމަށެވެ. ޔާމީންގެ ގާތިލުން ހޯދުމުގައި، އާއްމުންގެ ފަރާތުން ލިބޭ މި މައުލޫމާތުތައް ބޭނުން ކުރާނެ ކަމަށް ފުލުހުން ބުންޏެވެ.
ޔާމީންގެ މަރާ ގުޅޭ އެއްވެސް މައުލޫމާތެއް ލިބިފައިވާ ނަމަ ގުޅާނީ 3322111 ނުވަތަ 3322112 ނަންބަރު ފޯނަށެވެ.
ސާބިތު ނުހިފޭ، ދޮގު މައުލޫމާތުގެ ސަބަބުން ތަހުގީގަށް ހުރަސް އެޅިދާނެތީ ސޯޝަލް މީޑިއާ އާއި އެހެން މީޑިއާތަކުން ވެސް އެ ފަދަ މައުލޫމާތު ނުފެތުރުމަށް ފުލުހުން އެދުނެވެ.
މިދިޔަ ހޮނިހިރު ދުވަހުގެ ރޭ އޮފީސް ނިންމާފައި ގެއަށް ދިޔަތަނާ ބަޔަކު ހަމަލާދީ ޔާމީން މަރާލިތާ 24 ގަޑިއިރު ވެފައި ވާއިރު މި މައްސަލާގައި އަދި އެއްވެސް މީހަކު ހައްޔަރެއް ނުކުރެ އެވެ.
މަރުގެ އެތައް އިންޒާރެއް ލިބުނު ފަހުން ޔާމީން މަރާލާފައި އޮއްވައި ފެނުނު އިރު ހަށިގަނޑުގެ 14 ތަނަކަށް ހަމަލާދީފައިވެ އެވެ. އޭނާ ފެނުނީ އޭނާ ދިރިއުޅެމުން އައި ގޭގެ ސިޑިކައިރިން ދަންވަރުގެ ވަގުތެއްގަ އެވެ.
ޔާމީން ބްލޮގުގައި ލިޔާ ލިއުންތަކާއި ސޯޝަލް މީޑިއާގައި ފާޅުކުރާ ހިޔާލުތަކާ ގުޅިގެން ޔާމީނަށް އިންޒާރު ދިން މައްސަލަތައް ފުލުހުންނަށް ހުށަހެޅި އެވެ. އެ މައްސަލަތައް ބަލައި ތުހުމަތުކުރެވޭ ބަޔަކާ ސުވާލުކުރި ކަމަށް ވެސް ފުލުހުން ވަނީ ބުނެފަ އެވެ. އެކަމަކު އެޅީ ކޮން ފިޔަވަޅެއް ކަމެއް ނުބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެނޮން
25 April 2017
ކަމެއް ހާމަކުރާއިރު އިތުބާރުކުރެވޭ އާއިލާގެ މީހުންނަށާއި ރަހްމަތްތެރިންނަށް އަދި މިވަރުން ނުފުދޭ ހާލަތެއްގަ ހުރިހާ މީޑިއާއަކަށްވެސް އެކަން ސިއްރުން ހާމަ ކުރުމަށްފަހު ފުލުހުންނާ ހިއްސާކުރޭ އެކަމަކު އެހާ ލަސްނުކޮށް. އެއީ ކަމެއް ވިޔަސް އަމިއްލަ ސަލާމަތަށް އެޅޭ ފިޔަވަޅެއް. މިގައުމުގަ ނެތް މުޅިން އިތުބާރު ކުރެވޭ އެންމެ މުއައްސަސާއެއްވެސް. އެއަށްވުރެ ބިރުވެރި ގައުމެއް މިއީ މިހާރު.
އަހްމަދު
25 April 2017
މީގެ ދުވަސްކޮޅެއްކުރިން އަޅުގަނޑު ފުލުހުންނަށް އިތުބާރުކުރިން، ކްރިމިނަލްގެ އައިޑެންޓިޓީ ސާފުކޮށް އެގުނުއިރުވެސް އެއްވެސް އެކްށަނެއް ނުނަގާ. މަ ސަލާމް
ޙަސަން އަޙްމަދު
25 April 2017
ތިއުޅެނީ އޮޅިގެންވެސް ތިކަމުގެ ހަގީގަތެއް އެނގިފަ ހުރީ ކާކުތޯ ބަލާފަ އެމީހަކު ބާނަން.
ބިރުން ނަންނުޖަހާނަން
24 April 2017
ކްރައިމްސީން ކައިރީ 5 ތަނެއްގައި ކެމެރާއެބަހުރި.. ގޮސްބަލާލާ.. އެގެއާއި ޖެހިގެންހުރި ޖީއެން ގަރާޖުގަ. ކޮމްޕިއުޓަރ ފިހަރަ. ނޮލެޖް އޮފް އިސްލާމް. ޢަދިވެސް.. މިހުރިހާކެމެރާ އަބުރާފަބާހުރީ..
ރާބޮޑޭ
24 April 2017
ހޮމިސައިޑެކޭ.ބުނުމުގެ ބަދަލުގަ ޔާމީން އަމިއްލައަށް ގަޔަށް ވަޅިހަރައިގެން މަރުވިއްޔޭ ބުނިނަމަ މާތާހިރުވީހެއްނު!
މަމެންގެ ރައީސް
24 April 2017
ތިމުވައްސަސާ އަކީ މިހާރު ސިޔާސީ ޕާރޓީއެއްގޮތައް ހިންގާ ތަނެކެވެ. ވަރަށްސަލާމް
އަލީ
24 April 2017
ފުލުހުން އާއްމުންގެ އެހީތެރިކަމަށް އެދުނީމާ މައުލޫމާތު އެނގޭ މީހާ ސިއްރުންގޮސް ފުލުހުންނަށް މައުލޫމާތު ދިނީމާ އެނިމުނީ. އެކަމަކު މިހާތަނަށް ވެފައި އޮތް ގޮތަކީ ފުލުހުންނަށް ދޭ މައުލޫމާރު ވެފައި އޮންނަނީ ރަށްމެދުން ގޮވާ ކާޅުގެ އަޑަށް. އެއަޑު ނުއިވޭ އެކަކުވެސް ނެތި އެންމެ ފަހުން މައުލޫމާތު ދިން މީހާވެސް ފުރާނައިން އަތްދޮވެލަން ޖެހެނީ. މިއީ ތިޔަ އާއްމުންނަށް ގޮވާލާ މުއައްސަސާގެ ފެންވަރަކީ.
މާށި
24 April 2017
އެއްޗެްއް ބުނަން ބިރުގަންނަނީ ދޮތަ. ފޭކްވެއްގެއްޔާ މިހާރު އުޅޭ ތޫނުފިލިކުދިން އޭގެ ދޯހަޅިކަން ދައްކާނެތީ. އެހެންވީމައަޅާކިޔާލަން. ލަދު
ފިކުރު
24 April 2017
ފުލުހުން ފުރަތަމަވެސް ، ޔާމީންގެ ގެ ހުރި ސަރަހައްދުގައި ހުރި ހުރިހާ ކެމެރާތަކެއް ހުރީ އިސްޖަހައިގެން ނޫންކަން ޔަޤީންކޮށްދީބަލަ..! އެރޭދަންވަރު ކެމެރާކޮންޓްރޯލް ރޫމްގައި ތިބިއެންމެންނާ އެމީހުންނަށް އޯޑަރ ދޭންތިބި އޮފިސަރުންގެ ތަހުގީގުނިންމާލައި ވީގޮތެއް އަންގާލަދެއްވުން އެދެން.. ކެމެރާތައް ހުރީ ހަލާކުވެފައޭ ބުނެފިނަމަ ..ހަވާލުވެހުރިމީހާ ތަހުޤީގައް ހާޒިރުކޮށް ރަނގަޅަށްބަލާ!!!ސަބަބަކީ އެކަމަށް ހަރަދުކޮށްފައި ހުރީ ދިވެހިރައްޔިތުންގެ ފައިސާއިން އަދި ލައިފަތިބި ޔުނީފޯމަކީވެސް ރައްޔިތުންގެ ފައިސާއިން ފަހައިދީފައިވާ ތަކެއްޗަށްވާތީ..ރައްޔިތުންނަށް އިހުލާސްތެރި ނުވެ އިހްލާސްތެރިވާންޖެހޭނެ މީހެއް ވެރިއެއް ސަލާމަތީ އެއްވެސްބާރަކަށް ޤާނޫނުން ނޯންނާނެ..
ކަރުންމަތީގެ ޑޮކްޓަރު
24 April 2017
ކުދިންނޭ ކެތްތެތިވޭ. ކެތްތެރިންނާއެކު ﷲ ވޮޑިގެންވާކަން އެއްވެސް ކުއްޖަކު ހަނދާން ނައްތާލައިގެން ނުވާނެ. ފުލުހުންނަށް ކިތަންމެ ވަރަކަށް އެއްޗެތި ކިޔަސް ވަގުތު ޖެހުނީމަ ޔާމީނުގެ ޤާތިލުން ހޯދޭނެ. އަވަސް އަރައިގެން ނޫޅޭ ހަމަހިޭންވޭ. ހަމަހިމޭންވޭ.