އިކޮނޮމިކް މިނިސްޓްރީގެ ބައެއް އިސްވެރިން މީޑިއާއާ ވާހަކަ ދައްކަވަނީ: މި އަހަރުގެ ގެޓްސެޓް ލޯނަށް ކުރިމަތިލުމުގެ މުއްދަތު އަންނަ މަހުގެ 18 ވަނަ ދުވަހުގެ ނިޔަލަށް އެ މިނިސްޓްރީން ވަނީ އިތުރުކޮށްފައި.---މިހާރު ފައިލް ފޮޓޯ
28 އެޕްރީލް 2017 - 00:29
4 comments
ޒުވާން ވިޔަފާރިވެރިން އުފެއްދުމަށް ސަރުކާރުން ކުރިއަށް ގެންދާ 25 މިލިއަން ރުފިޔާގެ ގެޓްސެޓް ލޯނަށް ކުރިމަތިލުމުގެ މުއްދަތު އިކޮނޮމިކް މިނިސްޓްރީން މިއަދު އިތުރުކޮށްފި އެވެ.
އެ މިނިސްޓްރީން ކުރިން ހަމަޖައްސާފައި އޮތް ގޮތުން ނަމަ މި އަހަރުގެ ގެޓްސެޓް ލޯނަށް ކުރިމަތިލެވޭނީ މި މަހުގެ 16 އިން އިއްޔެގެ ނިޔަލަށެވެ.
ނަމަވެސް އިކޮނޮމިކް މިނިސްޓްރީން އިއްޔެ ކުރި އިއުލާނެއްގައި ބުނީ ލޯނަށް އެދުމުގެ މުއްދަތު އަންނަ މަހުގެ 18 ވަނަ ދުވަހުގެ ނިޔަލަށް އިތުރުކޮށްފައިވާ ކަމަށެވެ. ސަބަބެއް ކަމަށް ބުނެފައި ވަނީ ގިނަ އަދަދެއްގެ ޒުވާނުން ގެޓްސެޓް ލޯނަށް ކުރިމަތިލާން އަދިވެސް ބޭނުންވާތީ ވީހާ ވެސް ގިނަ ބަޔަކަށް ފުރުސަތު ދިނުމެވެ.
ލޯނަށް ކުރިމަތިލުމުގެ މުއްދަތު އިތުރުކުރި ނަމަވެސް، ކުރިން ޕްރޮޕޯޒަލް ހުށަހެޅި މީހުން އަލުން އެ ޕްރޮޕޯޒަލް ހުށަހަޅަން ނުޖެހޭނެ ކަމަށް އިކޮނޮމިކް މިނިސްޓްރީން ބުންޏެވެ.
ޕްރޮޕޯޒަލް ބަލައިގަންނަނީ އިކޮނޮމިކް މިނިސްޓްރީގެ އިތުރުން އެ މިނިސްޓްރީން ހަ ރަށެއްގައި ހުޅުވާފައިވާ ބިޒްނަސް ސެންޓަރަކުންނެވެ. އެއީ ހދ. ކުޅުދުއްފުއްޓާއި ޅ. ނައިފަރާއި ދ. ކުޑަހުވަދޫ އާއި ލ. ފޮނަދޫ އާއި ގދ. ތިނަދޫ އަދި ސ. ހިތަދޫގެ ބިޒްނަސް ސެންޓަރުން ކަމަށް އިކޮނޮމިކް މިނިސްޓްރީން ބުންޏެވެ.
މީގެ ދެ އަހަރު ކުރިން ފެށި ގެޓްސެޓް ލޯނު ޕްރޮގްރާމަށް ކުރިމަތިލެވެނީ އުމުރުން 18 އަހަރާއި 35 އަހަރާ ދެމެދުގެ ޒުވާނުންނަށެވެ. އަދި އެކަމަށް އެދޭ ޒުވާނުންނަށް 300،000ރ. އާއި 800،000ރ. އާ ދެމެދުގެ އަދަދެއް ލޯނުގެ ގޮތުގައި ދޭން ހަމަޖެހިފައިވާ ކަމަށް ވެސް މިނިސްޓްރީން ބުންޏެވެ.
ގެޓްސެޓް ލޯނަށް ހުށަހެޅެނީ މަދުވެގެން ދެ މީހަކު ގުޅިގެން ފަށާ ވިޔަފާރިތަކަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދުންމާރި
29 April 2017
ޢަލައް ވިޔަފާރިއެއް ފަށަން ތީވަރަށް ކުޑައަދަދެއް ތިލޯނުގެ ދެތިން މިލިއަންއަށް ބޮޑުކުރަންފެނޭ މިހާރުމިވާގޮތަކީ ލޯނުނަގައިގެން ކުރަންއުޅޭ ކަންކަންނުވެ ދަރަނިވެރިވަނީ ކުރިން ދޫކުރި ލޯނުން މިހާތަނަށް ފެށުނީ ކިތަށްވިޔާފާރިކަން އިކޮނޮމިކު މިނިސްޓްރީއަށް އެގޭނެ މިސާލަކަށް ހަރަރު ކޮޓަރީގެ ގެސްޓް ހައުސްއެއް އަޅަން ހުށައެޅީމަ 8ލައްކަ ރުފިޔާދޭއިރު އޭގެން އެކަންނުކުރެވޭނެކަން އެގެންވާނެ ވީމާ މިކަން އަލުން މުރާޖާކުރަންފެނޭ އަދި ހުށައަޅާ ޕުރޮޕޯސަލްތައް ރަގަޅަށް ބެލުމަށްފަހު އެހުށައަޅާފައުވާ ވިޔަފާރިއަކީ ދޭލޯނުން ފެްށޭނެވިޔަފާރިއަކަށް ވާންޖެހޭ ނޫންނަމަ ދަރަނިވެރިވުން ނޫންކަމެއް ނުވާނެ
އިބްރާހިމް އަދުރޭ
28 April 2017
މިނިސްޓްރީގެ ކޯޑިނޭޓަރަކާ ތިކަމާ ބެހޭގޮތުން ވާހަކަ ދައްކާލީމަ ވިދާޅުވީ، ޕްރޮޕޯސަލް އަވަހަށް ލުމަށް. ޔަގީނުންވެސް ލޯނު ހަމަޖައްސައިދޭނެކަމަށް. އެހެނަސް ކޯޑިނޭޓަރަށް %20 ގެ ކޮމިޝަނެއް ދޭންވާނެކަމަށް. ދެން ލޯނު ބޭނުންވާތި މަ ޕްރޮޕޯސަލް ހުށަހަޅައިފިން. ޒުވާން ވިޔަފާރިވެރިން ޔަޤީން.
މަދުވީ
28 April 2017
ލޯނަށް ހުށައެޅީ 55 މީހުން އެވަރު މަދުވީމައި އެއުޅެނީ. ސަރުކާރު. ޢޮންނާނެ ކަމުގެ އުއްމީދު ނެތީމައި ގިނަމީހުން ނުލާނެ
ާމުމްތާޒު
28 April 2017
ޠިޔަ ޕްރޮގްރާމުގެ މެނޭޖަރު އަންގަނީ މީ ސަރުކާރު ދެމެހެއްޓުމަށް ދޭ ލޯނެއްކަމަށް، އިވެލްއޭޓްވެސް ކުރާނީ ނަމެއްގަކަމަށް، ކޮމެޓީގަވެސް ތިބޭނީ ކޯޑިނޭޓަރުންނާ ސިޔާސީ މީހުންކަމަށް.