މަސް ނިމިއްޖެ، ބޮޑު ހިޔާނާތުގެ ރިޕޯޓެއް ނުނެރުނު!

އޭސީސީގެ މިދިޔަ އަހަރުގެ އަހަރީ ރިޕޯޓު ނެރެން މާޗް މަހު ބޭއްވި ރަސްމިއްޔާތުގައި، އެ ކޮމިޝަންގެ މެމްބަރުން ބައިވެރިވެވަޑައިގަންނަވަނީ

ފަޒީނާ އަހުމަދު، މިހާރު

30 އެޕްރީލް 2017 - 11:42

49 comments

މޯލްޑިވްސް މާކެޓިން އެންޑް ޕަބްލިކް ރިލޭޝަން (އެމްއެމްޕީއާރުސީ) މެދުވެރިކޮށް ހިންގި ބޮޑު ހިޔާނާތުގެ ރިޕޯޓު މި މަހު ނެރޭނެ ކަމަަށް ބުނި ނަމަވެސް މަސް ނިމުނުއިރު ވެސް އެންޓި ކޮރަޕްޝަން ކޮމިޝަން (އޭސީސީ) ގެ ރިޕޯޓް ފެންނަ ވަރެއް ނުވި އެވެ.

ގައުމު ސިއްސުވާލި 1.2 ބިލިއަން ރުފިޔާގެ ބޮޑު ޚިޔާނާތުގެ ތަހުގީގު ރިޕޯޓް މި މަހު އާއްމުކުރާނެ ކަމަށް އޭސީސީން ބުނީ އެ ރިޕޯޓު ނެރުން ލަސްވެގެން އަމާޒުކުރާ ފާޑުކިއުންތަކަށް ރައްދު ދެމުންނެވެ.

މީގެ ދޮޅު އަހަރު ކުރިން ތަހުގީގު ކުރަން ފެށި މައްސަލަ ލަސްވަނީ، އޭސީސީން ތަކުރާރުކޮށް ބުނެފައިވާ ގޮތުގައި، އެއީ މިހާތަނަށް އެ ކޮމިޝަނުން ތަހުގީގުކުރާ އެންމެ ބޮޑު މައްސަލައަށް ވެފައި ގިނަ ބަޔަކާ ސުވާލުކޮށް މައުލޫމާތު ހޯދަން ޖެހޭތީ އެވެ. އެކަމަކު އެ ރިޕޯޓް ގާތްގަނޑަކަށް ނިމިފައިވާ ކަމަށް މިދިޔަ މަހު ވެސް އޭސީސީން ވަނީ ބުނެފަ އެވެ.

އެކަމަކު އެ ރިޕޯޓް މި މަހު ނުނެރުނީ ކީއްވެ ކަމެއް އޭސީސީން މިއަދު ސާފުވާ ގޮތެއް ނުވި އެވެ.

MMPRC ge hiyaanaathuge report anna mahu nerenee | Mihaaru

The most trusted news source in the Maldives

Mihaaru

އޭސީސީގެ އަހަރީ ރިޕޯޓް އާއްމުކުރަން މިދިޔަ މަހު ބޭއްވި ނިއުސް ކޮންފަރެންސްގައި އެ ކޮމިޝަންގެ ރައީސް ހަސަން ލުތުފީ ވިދާޅުވެފައި ވަނީ އެމްއެމްޕީއާރުސީގެ ހިޔާނާތުގެ ތަހުގީގު ލަސްވީ އެ މައްސަލައިގެ ބާވަތުން ކަމަށެވެ. އެކަމަކު މި މަހު ރިޕޯޓް އާއްމުކުރާނެ ކަމުގެ ޔަގީންކަން އެ ބައްދަލުވުމުގައި އޭނާ ދެއްވި އެވެ.

އެމްއެމްޕީއާރުސީ މެދުވެރިކޮށް ހިޔާނާތް ހިންގިކަން ފަޅާއެރުމާ އެކު ފުލުހުންނާއި ސިފައިން އެ އޮފީހުގެ ދޮރުމަތީގައި ފޯރިމަރަނީ

ރިޕޯޓް ނުނެރިގެން ފާޑުކިޔާ ބައެއް މީހުން ދެކޭ ގޮތުގައި، ރިޕޯޓް ނެރެން އޭސީސީ ޖެހިލުން ވަނީ އެވެ. ސަބަބަކީ 1.2 ބިލިއަން ރުފިޔާގެ ޚިޔާނާތުގައި ސަރުކާރުގެ އިސް ބައެއް ވެރިންނާއި ރައްޔިތުންގެ މަޖިލީހުގެ ބައެއް މެމްބަރުން ބައިވެރިވެވަޑައިގެންފައިވާ ކަން ތަހުގީގުން އެނގޭތީ އެވެ. ފައިސާ ބޭނުން ކުރެއްވި ކަމަށް ބައެއް މެމްބަރުން ފާޅުގައި ވިދާޅުވެފައިވާއިރު ވެސް ހެކިތަކާ އެކު ރިޕޯޓު ނެރުމުގެ ހިތްވަރެއް، އެ މިނިވަންކަމެއް ވެސް އެ ކޮމިޝަންގައި ނެތް ކަމަށް، އިދިކޮޅު ފަރާތްތަކުން ބުނެ އެވެ.

Dholhu aharuvi iru ves bodu hiyaanaathuge thahugeegeh nunimunu! | Mihaaru

The most trusted news source in the Maldives

Mihaaru

ދައުލަތަށް ގެއްލުނު އެހާ ބޮޑު އަދަދެއްގެ ފައިސާގެ މައްސަލާގައި ރައީސް އަބްދުﷲ ޔާމީނާއި އެމަނިކުފާނުގެ ސަރުކާރުގެ އިސް ގިނަ ބޭފުޅުންތަކަކާ އޭސީސީން ވަނީ ސުވާލުކޮށްފަ އެވެ.

އެ ކޮމިޝަނުން ކުރިން ބުނެފައިވާ ގޮތުގައި ތަހުގީގު ލަސްވިއަސް އެ ތަހުގީގާ މެދު ސުވާލު އުފައްދާނެ ޖާގައެއް ނޯންނާނެ އެެވެ.

ސަބަބަކީ، އޭސީސީގެ ނައިބު ރައީސް މުއައްވިޒް ރަޝީދު ވިދާޅުވި ގޮތުގައި، ތަހުގީގު ވަކި ގޮތަކަށް ކުރިއަށް ގެންދަން ތަހުގީގު ޓީމަށް އޭސީސީން އަންގާފައިނުވުމާއި ދައުލަތުގެ އެއްވެސް މުއައްސަސާއަކުން ވެސް އެފަދަ ނުފޫޒެއް ފޯރުވާފައި ނުވުމެވެ.

މިހާތަނަށް ލިބިފައި ހުރި މައުލޫމާތުތަކަށް ބަލާއިރު، އެމްއެމްޕީއާރުސީގެ ބޮޑު ހިޔާނާތާ ބެހޭ ގޮތުން އޮޑިޓް އޮފީހުން އާއްމުކޮށްފައިވާ ފައިސާގެ އަދަދާއި އޭސީސީން އަށް ހޯދުނު އަދަދުގައި މާ ބޮޑު ތަފާތެއް ނެތް ކަމަށް އޭސީސީން ވަނީ ބުނެފަ އެވެ.

ދިވެހި ސަރުކާރު އެންޓި ކޮރަޕްޝަން ކޮމިޝަން ކޮރަޕްޝަން އެމްއެމްޕީއާރުސީ އެމްއެމްޕީއާރްސީގެ ކޮރަޕްޝަން

49 ކޮމެންޓް, 124 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަންނަރާ

30 April 2017

ތިޔަކަން ވާނީ އިބިލީހުގެ ކާވެންޏަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

GAN Island

30 April 2017

ހާލިދު ބިން ވަލީދު (ބްރޯ) މެދުވެރިވެ ހުންނަވައިގެން ބަޔަކު ރާއްޖޭގެ ބައިތުލް މާލުން ކުރި ބޮޑު ވައްކަން ކުރީ ކޮންބައެއްކަން ތިޔަބަޔަކުލައްވާ ބަލަން އަހަރުމެން ބޭނުމެއްނޫން. . . ދުނިޔޭގެ މަޝްހޫރު ނޫސް އޭޖަންސީ Al Jazeera އިން ރާއްޖޭގައި ހިންގާ ވައްކަމާއި ކަޅުފައިސާ ދޮވުމާއި ބެހޭގޮތުން ދެއްކި Stealing Paradise އަހަރުމެންގެ ތެރެއިން ނުބަލާ ބަޔަކު ތިބިނަމަ އެ ތަނުގެ ރިޕޯޓަރަކު ރާއްޖެ ވަޑައިގެން ތައްޔާރު ކުރެއްވެވި Investigative ރިޕޯޓް އަދި އެއްފަހަރު ބަލާލާ. . . . އޭގެ އިތުރުން ހިޔާނާތް ކަމަށް ތިޔަ ކިޔާ ''ވައްކަން'' ކުރުމުގައި ބައިވެރިވި ކަމަށް ރައްޔިތުން ތުހުމަތު ކުރާ މީހުން އެދުވަސްވަރު އުޅުނު ''ޗާލާކީ ދުނިޔެ'' ތަސައްވަރުކޮށްލާ. އަދި ބްރޯ ވަރެއްނެތިގެން އެދުވަސްވަރު އުޅުނު މީހުންނާއި ''ބްރޯގެ ފަހަތުގައި ބޮލުގައި ފޮތިކޮޅު ބަނދެގެންތިބެ ސައިކަލް ބުރު ޖެހި ކުދިންކޮޅު'' ފޮޓޯ ތަކުން ބަލާލާ. . . . ކީއްކުރާ ރިޕޯޓެއް، ވައްކަން ކުރިމީހުންނާއި ވަގަށް ނެގި ފައިސާ ބޭނުން ކުރި މީހުންނާއި އެފައިސާ ޖަމާވި ބޭންކް އެކައުންޓްތައް އިގޭނަމަ ތިޔަ ރިޕޯޓެއް މުހިންމެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަތްޔަތުމީހާ

30 April 2017

ނުކެރަޭނެ ނެރޭކަށް ވެރީންނާގުޅުންހުރި ރިޕޯޓެއް ނެރެފިއްޔާ ފެންނާނީ ސިޑިގޮޅީތެރޭގަ ޒަޚަމްތަކަކާއެއްކޮށް މަރުވެފަ އޮއޮއްވާ ކަމައްވާތީ ނުކެރިގެންއެއުޅެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިރު

30 April 2017

މިހާރު އެގެންދަވަނީ ޤައުމީސަލާމަތައްޓަކައި ނުރައްކާވެދާނެހެން ހީވާ ބައިބައި އުނިކުރަމުން. ކެއްތެރިވޭ ކެއްތެރިވޭ ރިޕޯޓްގެ ފުރަތަމަ ގަޑާ ބޭރުގަޑު މާލަސްތަކެއްނުވެ ފެނިގެން ހިގާދާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިކުރު

30 April 2017

އިސްލާމިކް ބޭންކުގައިއޮތް މީހެއްގެ އެކައުންޓަށް އެންމެ ހައެއްކަ މިލިއަން ޖަމާކޮށްފަ އޮތްވާހަކަ، ފެނިއްޖެއްޔާ ރަނގަޅު..! ދިގުކޮށް ކިޔަން ފޫހިވާތީ ކުރުކޮށް ނިންމާލީ.!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިންތިލީ ވޫމް

30 April 2017

އިރު ކޮޅަކުން އޭސީސީން ބުނާނީ ލަސްވަނީ ޓެކުނިކަލް މައްސަލަޔެދިމާވެގެން އުޅޭތީޔޭ، ވަރައްއަވަހަ ނެރޭނަމޭ ތިޔަ. އެހެން ގޮސް އަހަރުނިމޭނީ!!! އޭސީސީން އަކީ ފުލުސް އޮފީހެކޭ ހަމަ ހަމަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަޅިބެ

30 April 2017

މީތި ސަޅި. މިއީ އަސްލު ނޫސްވެރިކަމަކީ. ކުރަންބުނެ ނުކުރެވޭ މިފަދަ ރައްޔިތުންގެ ހައްޤުތަކާއި ގުޅިލާ މެހިފައިވާ ކަންކަމުގައި ބިނާކުރުވަނިިވި ފާޑުކިޔުން އަމާޒުކުރުމާއި އެކު މުޖުތަމައުގައި ފިތުނަ ނުއުފެދޭނެގޮތަކަށް ހަބަރާއި މައުލޫމާތު ގެނެސްދިނުން. ވަރަށް ފުރިހަމަ ހަބަރެއް. ޝުކުރިއްޔާ މިހާރުގެ ޓީމަށް.