ގާސިމް އަޑުއެހުމަކަށް ފަހު ކޯޓުން ނެރެނީ: އޭނާ ބަންދުކުރި މައްސަލަ އިސްތިއުނާފް އަޑުއެހުންތައް ވަނީ ނިންމާލާފައި --ފޮޓޯ/މިހާރު
30 އެޕްރީލް 2017 - 16:27
7 comments
ޖުމްހޫރީ ޕާޓީގެ ލީޑަރު އަދި މާމިގިލީ ދާއިރާގެ މެމްބަރު ގާސިމް އިބްރާހިމް ބަންދުގައި ބަހައްޓަން ކްރިމިނަލް ކޯޓުން ނެރުނު އަމުރުގެ އިސްތިއުނާފް އަޑުއެހުންތައް ހައި ކޯޓުން މިއަދު ނިންމާލައިފި އެވެ.
ސަރުކާރު ވައްޓާލަން ރޭވުމާއި ނުފޫޒު ފޯރުވުމުގެ ތުހުމަތުގައި ހައްޔަރު ކޮށްފައިވާ ގާސިމްގެ ބަންދަށް 15 ދުވަސް ކްރިމިނަލް ކޯޓުން އިތުރުކުރި މައްސަލަ އިސްތިއުނާފްކުރީ ގާސިމްގެ ފަރާތުންނެވެ. އެ މައްސަލައިގެ އަޑުއެހުންތައް ނިންމާލީ އަޑުއެހުންތައް މިއަދު ފެށުމަށް ފަހު އެވެ.
ގާސިމްގެ ވަކީލުން ހައި ކޯޓުގައި ފާހަގަކުރި ގޮތުގައި، އޭނާގެ ބަންދާ މެދު ގޮތެއް ނިންމުމަށް ޕްރޮސެކިއުޓާ ޖެނެރަލްގެ ފަރާތުން ކްރިމިނަލް ކޯޓަށް ހުށަހަޅާފައި ނެތުމާއި ގާސިމްގެ ބަންދުގެ މުއްދަތު އިތުރު ކުރީ އޭނާ ހައްޔަރު ކުރުމުގެ އަމުރު ނެރުއްވި ގާޒީ ކަމަށް ވާތީ އެވެ. އަދި ހެއްކެއް ނެތި ގާސިމް ބަންދުގެ މުއްދަތު އިތުރުކުރި މައްސަލަ އާއި އާންމުކޮށް ހުޅުވާނުލައި، ބަންދުގެ މަޖިލިސް ކްރިމިނަލް ކޯޓުން ކުރިއަށް ގެންދިޔަ ނުކުތާ ވެސް ގާސިމްގެ ވަކީލުން ފާހަގަކުރި އެވެ.
ސަރުކާރު ވައްޓާލަން އުޅުމާއި ނުފޫޒު ފޯރުވުމުގެ ތުހުމަތުގައި ގާސިމް ހައްޔަރު ކޮށްފައިވާއިރު ރައްޔިތުންގެ މަޖިލީހުގެ މެމްބަރުންނަށް ރިޝްވަތު ދޭން އުޅުނު ކަމަށް ބުނެ ގާސިމަށް ދައުވާ އުފުލައި، ޝަރީއަތް ދަނީ ހިންގަމުންނެވެ. އެ މައްސަލާގައި ތިން ދައުވާއެއް ގާސިމަށް ވަނީ އުފުލައިފަ އެވެ.
މެމްބަރުންނަށް ރިޝްވަތު ހުށަހެޅުމުގެ ތުހުމަތުގައި ކުރިން ވެސް ގާސިމް ހައްޔަރުކުރި އެވެ. އެކަމަކު އެފަހަރު އޭނާ ދޫކޮށްލަން ހައި ކޯޓުން އެންގީ މެމްބަރުންގެ އިމްތިޔާޒްގެ ގާނޫނާ ޚިލާފަށް ޕްރޮސެކިއުޓާ ޖެނެރަލްގެ ހުށަހެޅުމެއް ނެތި ގާސިމް ހައްޔަރު ކުރުމުގެ އަމުރު ނެރެފައިވާތީ އެވެ. އެކަމަކު ފަހުން ގާސިމް ހައްޔަރު ކުރުމުގެ އަމުރު ނެރުނީ ޕްރޮސެކިއުޓާ ޖެނެރަލް ހުށަހެޅި ހުށަހެޅުމަކަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަޙްސް
01 May 2017
2000މީހުންގެ ސޮޔަކީ ހަމައެކަނި މާމިގިލީ ރައްޔިތުންގެ ސޮއެ ގާސިމްގެ އިޚްލާސްތެރިން ގެގޮތުގައި ތިބި މީހުންގެ އަދަދު އެގިލައްވާތޯ?
އަލީ
01 May 2017
މިގައުމުގެ އަދުލު އިންސާފް ހުރި މިންވަރު ވަރަށް ރަނގަޅަށް ދޭހަވޭ ތި ޝަރީއަތްތައް ކުރިއަށް ގެންދާގޮތުން.
ކަރުންމަތީގެ ޑޮކްޓަރު
30 April 2017
ގާސިމް ދޫކޮށްލުމަށް އިދިކޮޅު މީހުން ގޮވާލާ ޕެޓިޝަންގައި 2000 މީހުން ސޮއިކޮށްފި ކަަމަށް ބުނެ އިދިކޮޅު ޓީވީތަކުން އެބަ ގޮވައެވެ. އަހަރެންގެ ހިތަށް އަރަނީ ތާއީދު އޮތްވަރު މިއޮތީ ފެންނާށޭ. ޙަފުތާއެއް ވީއިރު އެންމެ 2000 މީހުންގެ ސޮއި ލިބުނީމާ އިދިކޮޅަށް ތެދުވި ޕާޓީތަކުގެ އިސްލާހީ މީހުން ކޮބައިތޯ މިއަދު ސުވާލު އުފެދެއެވެ.
މީހާ
30 April 2017
ބަލަ ސިޔާސީ ޑްރާމާ ނުކުޅެ މާތާހިރުވާނެ މިގައުމުގަ ހިނގާާާދިޔަ ގަތުލު ތަކުގެ ފަހަތުގައި ތިބި މީހުން ހޯދަބަލަ.
GAN Island
30 April 2017
ރާއްޖޭގައި އުފެދިފައިވާ ސިޔާސީ ހުރިހާ ޕާޓީ އެއްގެ ވެރިން (ޕީޕީއެމް އިން މައުމޫން އަބުދުލް ޤައްޔޫމް Maldivian Democratic Party އިން މުޙައްމަދު ނަޝީދު Adhaalath Party އިން އިމްރާން އަބުދުއްﷲ JP އިން ޤާސިމް އިބްރާހިމް) މިހާރު މިއޮތް ސަރުކާރު ވެރިކަމުން ދުރުކުރަން ނުވަތަ އާންމު ބަހުންނަމަ ''ވެރިކަމުން ވައްޓާލަން'' ފާޅުގައި މަސައްކަތް ކުރައްވާ އިރު ހަމަ އެކަނި ޤާސިމް އިބްރާހިމް ގެ މައްޗަށް ދައުވާ ކުރައްވަނީ ކީއްވެގެންތޯ ؟؟ . . . ކަންތައް ވަމުންދާ ގޮތުންނާއި ސަރުކާރު ހިންގަވަން ތިއްބެވި ބޭފުޅުންގެ ބަސްމަގަށް ރާގަށް އައިސްފައިވާ ބަދަލުތަކަށް ބަލާއިރު ދެން މާގިނަ ދުވަހަކު ޤާސިމް އިބްރާހިމް ވެސް އަދި ދެންތިބި ބަޔަކުވެސް މިހާރު ތިބިގޮތަށް ''އަނިޔާވެރިކަމުގެ ތެރޭގައި'' ތިބެންޖެހޭނެ ހެނެއް ހީއެއްނުވޭ. ބޭފުޅާ ކެއްކޮށްލައްވާ.
ޢުއްތޭ
30 April 2017
ޖަސްޓިސް ޑިލެއިޑް ޖަސްޓިސް ޑިނައިޑް
ދދ
30 April 2017
ޤާސިމް އިބުރާހީމް ބަންދު ކޮށްފައި ހުންނަތާ 15 ދުވަސް ވެއްޖެ. ކުރީގައި ބަންދު ކުރި 6 ދުވަހާއި ފަހުން ބަންދު ކުރި ދުވަހުން މިއަދާއި ހަމަޔަށްވީ 9 ދުވަސް ޖުމުލަ 15 ދުވަސްވެއްޖެ ބަންދުގައި!