ގެއްލިގެން ހޯދަމުން އަންނަ ކޮޅުވެއްޓި "މާރިޔާ 3" ރާއްޖޭގެ ރަށެއްގެ ބަނދަރެއްގައި: މި ކޮޅުވެއްޓި ގެއްލުނީ ތުލުސްދޫން ފުރި ފަހުން
18 މެއި 2017 - 20:25
7 comments
ކ. ތުލުސްދޫން ހަ މީހުންނާ އެކު މީގެ ދެ ދުވަސް ކުރިން ލ. ގަމަށް ފުރި ކޮޅުވެއްޓިއެއްގެ ޚަބަރެއް ނުވެގެން މިއަދު ހޯދަން ފަށައިފި އެވެ.
އެމްއެންޑީއެފުން ބުނި ގޮތުގައި ސެނޯކް ޕްރައިވެޓް ލިމިޓެޑްގެ މި ކޮޅުވެއްޓީގައި ދެ ދިވެހިންނާއި ހަތަރު ބިދޭސީން ދަތުރުކުރި އެވެ. އެ ދެ ދިވެހިންނަކީ ދެމަފިރިންނެވެ.
"މާރިޔާ 3" ނަމަކަށް ކިޔާ މި ކޮޅުވެއްޓީގެ ޚަބަރެއް އެންމެ ފަހުން ވެފައި ވަނީ މިދިޔަ އަންގާރަ ދުވަހުގެ ރޭ 9:30 ހާއިރު ކަމަށް އެމްއެންޑީއެފުން ބުންޏެވެ. އޭގެ ޚަބަރެއް ފަހުން ނުވެގެން ސިފައިންނަށް ރިޕޯޓްކޮށްފައި ވަނީ މިއަދު ހަވީރު އެވެ.
އެމްއެންޑީއެފުން ބުނި ގޮތުގައި 168 ފޫޓުގެ މި އުޅަނދުގެ ހަލްގައި ލާފައި ވަނީ ފެހި ކުލައިގެ ދަވާދެވެ. އަދި ކޮޅުވެއްޓީގެ ފަހަތުގައި ހުދު ކުލަ ލާފައިވާ ވީލްހައުސްއާ އެކު، މަތީގައި ރަތް ދަވާދެވެ.
މި ދުވަސްވަރު މޫސުން ގޯސްވެ ކަނޑު ގަދަވެފައި ވާއިރު ދަތުރުކޮށް އުޅުމުގައި ސަމާލުވުމަށް، މޫސުމާ ބެހޭ އިދާރާ އާއި ކޯސްޓް ގާޑުން ވެސް ވަނީ އިލްތިމާސްކޮށްފަ އެވެ. ކަނޑު ގަދަވުމުގެ ސަބަބުން މިއަދު ވެސް ވަނީ ކަނޑުމަތީގެ އެކި ހާދިސާތައް ހިނގައި ބައެއް އުޅަނދުތަކަށް ގެއްލުން ވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަނަސަ
19 May 2017
އެމ.އެން.ޑީ.އެފް. އިންވެސް އަދި ޢާއްމު ރައްޔަތުންވެސް ފަރުވާތެރިކަމާއިއެކު ހޯދުމުގެ މަސައްކަތް ކުރެއްވުމަށް ގޮވާލަން.
ބޭބޭ
18 May 2017
ދެން އެމްއެނޑީއެފުން ގޮވާނެ އުޅަނދުގެ މައުލޫމާތު ލިބޭބަޔަކު އަންގަން ކޮބާ ހެލިކޮޕްޓަރު، މްނަވަރުތައް ކޮބާ
އައިންތު
18 May 2017
ހެލިކޮޕްޓަރު ބޭނުން ކޮށްގެން ނުހޯދާ ކަމެއް ކިހިނެއްތަ އެނގެނީ؟
އަހުމަދުބެ
18 May 2017
މާލޭގެ އެއްވެސް ހިސާބަކުން ގަދަ އިރު ލައިފް ޖެކެޓް ނާޅާ ދަތުރަށް ނިކުތުން ހުއްޓުވަން ވީއެވެ. އަދި ރަށްރަށުގަ ވެސް މޫސުން ގޯސް އިރު ކައުން ސިލުން ސަލާމަތީކަންކަން ބެލުމަށް ފަހު ނޫނީ ފުރިގެން ނުވާނެއެވެ. އެންމެން ގެ ރައްކަލަކަށް ކުރަން ޖެހޭ ކަމެކެވެ. އޮޑިވެރީން ވެސް ދަތުރުމަތި ލައިފް ޖެކެޓް އަޅައިގެން ތިބެންޖެހެއެވެ. އެއީ ފަރުދީ ޒިންމާ އެކެވެ. މޫސުން ގޯސް އިރު ލައިފް ޖެކެޓް ނުފޮރުވާށެވެ.
ޑިމޮކްރަސީ
19 May 2017
އެންމެންގެ ރައްކަލަކަށް ކައުންސިލުން ބުންޏަސް ލައިފް ޖެކެޓް އެއް ނޭޅޭނެ... މަ ބޭނުން ނުވާ ކަމެއް މަގޭ ނުރުހުމުގައި ޑިމޮކްރަސީ ގައި ނުކުރެވޭނެ.
ރިޒާން
18 May 2017
އިރުކޯކޮޅާ އެގޮވަނީ ބަލައިގެން ދުައްވާށޭ ދެނަ ކީއްވެ ނުބަލަނީ.
ރިޒާނޫ
18 May 2017
ދުއްވަނީ ބަލައިގެންނެވެ. ނުބަލާ ނުދުއްވޭނެއެވެ.