ރާއްޖެއިން މިދިޔަ އަހަރު ހައްޖަށް ދިޔަ މީހުންގެ ތެރެއިން ރާއްޖެ އައި ފުރަތަމަ ގްރޫޕްގެ މީހުން އެއާޕޯޓުން ނިކުމެގެން ދަނީ- ފޮޓޯ: ނިޝާން އަލީ/މިހާރު
22 މެއި 2017 - 13:24
7 comments
ރާއްޖެ އިން މި އަހަރު މީހުން ހައްޖަށް ގެންދަން ކުންފުނިތަކަށް ހުއްދަ ދޫކުރި ގޮތް އެންޓި ކޮރަޕްޝަން ކޮމިޝަން (އޭސީސީ)ން ތަހުގީގު ކުރަން ފެށުމުން ހައްޖާ ގުޅޭ ހުރިހާ ކަމެއް ދެން ކުރިއަށް ގެންދާނީ އެ ތަހުގީގު ނިމުމުން ކަމަށް އިސްލާމިކް މިނިސްޓްރީން މިއަދު ބުނެފި އެވެ.
ރާއްޖޭން މި އަހަރު މީހުން ހައްޖަށް ފޮނުވުމަށް ހަ ކުންފުންޏަކަށް ވަނީ ފުުރުސަތު ދީފަ އެވެ. އެކަމަކު އެ ހުއްދަ އަށް އެދި ޕްރޮޕޯޒަލް ހުށަހެޅި ކުންފުނިތަކުގެ ޕްރޮޕޯޒަލް އިވެލުއޭޓްކޮށް، ޕޮއިންޓް ދީފައި ވަނީ ކޮރަޕްޝަނަށް މަގުފަހިވާ ގޮތަށް ކަމަށް ބުނެ އޭސީސީއަށް ވަނީ މައްސަލަ ހުށަހަޅާފަ އެވެ. އެހެންވެ، އެކަމާ ގުޅޭ މަސައްކަތްތައް މަޑުޖައްސާލައި، ހައްޖު ގުރޫޕުތަކަށް ފައިސާ ނުދެއްކުމަށް އެ ކޮމިޝަނުން ވަނީ އިލްތިމާސް ކޮށްފަ އެވެ.
އިސްލާމިކް މިނިސްޓްރީން ބުނީ އޭސީސީގެ އެ ނިންމުމަށް އިހުތިރާމް ކުރާނެ ކަމަށާއި ކުންފުނިތަކަށް ހުއްދަ ދިނުމާއި ކޯޓާ ދޫކުރުމާ ގުޅޭ ކަންކަން ކުރާނީ އެ ތަހުގީގު ނިމުމުން ކަމަށެވެ.
"އަޅުގަނޑުމެން އަދި ނުނިންމަން ގުރޫޕުތަކަށް ދީފައިވާ ހުއްދަތައް ކެންސަލްކޮށް، އަލުން ޕްރޮޮޕޯސަލްތައް އިވެލުއޭޓް ކުރާކަށް. އެކަމަކު ތަހުގީގު ނިމޭ ގޮތަކުން އެކަން ކުރަން ވެސް ޖެހިދާނެ،" އެ މިނިސްޓްރީގެ އޮފިޝަލަކު ވިދާޅުވި އެވެ.
ހައްޖަށް މީހުން ގެންދަން މި އަހަރު އިސްލާމިކް މިނިސްޓްރީން ހުއްދަ ދިނީ ހައްޖު ކޯޕަރޭޝަނުގެ އިތުރުން ސިސިލްފަރު ހައްޖު އެންޑް އުމުރާ ގުރޫޕް، ޒައީ ހައްޖު ގުރޫޕް، ދަރުމަ ލިލް ހައްޖި، އަލް ހަރަމައިން އަދި ކިސްވާ ގުރޫޕަށެވެ.
ރާއްޖެއަށް ލިބިފައިވާ 1000 ކޯޓާގެ ތެރެއިން 50 ޕަސެންޓް ނުވަތަ 500 ކޯޓާ ދީފައިވަނީ ހައްޖު ކޯޕަރޭޝަނަށެވެ. އަނެއް ފަސް ކުންފުނީގެ ތެރެއިން ކޮންމެ ކުންފުންނަކަށް ދިނީ 100 ޖާގަ އެވެ. އޭސީސީން ބުނީ ހައްޖަށް ގެންދިއުމުގެ ހުއްދަ ދިނުމާ ގުޅޭ ގޮތުން އެ ކޮމިޝަނަށް ހުށަހަޅާފައިވާ މައްސަލަ ސީރިއަސް ކަމެއްގެ ގޮތުގައި ބަލައި، ވަރަށް އަވަހަށް ނިންމާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނިފާޒް
22 June 2017
މިއީ ހައްދު ފަހަނަ އަޅާފައިވާ މިނިސްޓްރީއެއް<
ޢަބްދުﷲނާފިޒު
22 May 2017
ހައްޖު ކޯޕަރޭޝަނެއް އުފައްދަން ޖެހުނު މަޤްސަދު ހާސިލުވޭބާ! ކޮންމެ އަހަރަކުވެސް ހައްޖަށް ދާން ފައިސާ ދައްކާ ބައެއް ފަރާތްތަކަށް ހައްޖަށް ނުދެވި، ލާރި ނެގި ބަޔަކު އެފައިސާ ބޭނުންކޮށްލާ އެބަޔަކު ފިލައިގެން ގޮސް، މިކަހަލަ އެތަކެއް ތަކުލީފުތަކެއް ހައްޖަށްދާން ފައިސާ ދައްކާ ފަރާތްތަކަށް ދިމާވާތީވެ އެހެން ވިޔަ ނުދިނުމަށް އުފެއްދި ހައްޖު ކޯޕަރޭޝަނުން އެކަނި ތިކަން ކުރުމަށް އަޅުގަނޑު ގޮވާލަން، އަމިއްލަ އެއްވެސް ފަރާތަކަށް ހައްޖަށް މީހުން ގެންދިއުމުގެ ފުރުސަތު ދޭނެކަމެއް ނެތް، އޭރުން ތިފަދަ މައްސަލަތައް ދިމާވެގެން އުޅޭކަށް ނުޖެހޭނެނޫންބާ!
ބޭޝަރަމް
22 May 2017
މިއަހަރު ދިވެހީންނަށް ހައްޖަށް ނުދެވުނީ!؟
ކުޑަދޫއަހްމަދު
22 May 2017
ކޮރަޕްޝަންގެ ކަންކަން ހައްދު ފަހަނަ އަޅައިގެންގޮސް، އަހަރުމެންނަށް އަޅުކަންތަށް އަދާނުކުރެވޭ ދަރަޖައަށް މިގައުމުގެ ކަންކަން ބޮއްސުންލާއިރު، ރޮއެރޮއެފާއި ދަރުސްދޭނެ އިލްމުވެރިއެއް ނެތީތޯ؟ ނުވަތަ ތިޔަ ތިބީ ބިރުން ފިލާތޯ؟ ކޮބާތޯ އިހުލާސްތެރިކަމާއި، އިހުސާންތެރިކަމާއި، ތެދުވެރިކަން؟ ދީނާ ގައުމަށްޓަކައި ތެދުވާންޖެހެނީ ބަޔަކު ލާރިދިނީމާތޯ؟
ލަތީފް ދިއްދޫ
22 May 2017
މިގައުމުގެ މިސަރުކާރުގަ ކަރެޕްސަނާ ފަސާދަ އޮތްވަރު އިސްލާމު މިނިސްޓުރީން މިއޮތީ ފެންނަށް.%100 މުސްލިމުގައުމެއްގެ އިސްލާމިކު މިނިސްޓުރީ މިފެންވަރަށް ދިޔާމަ ދައްކާނެ ވާހަކައެއް އެބައޮތްބާ. ދެންބުނާނެ މީހަކު ކުރާ ކަމަކުން މުޅި މުއައްސަސާ އަގުވެއްޓެން ޖެހޭހޭ، ބަލާލި ކޮންމެދިމާލަކުން ފެންނަނީ ކަރެޕްސަން އެވަރިހަމަ ޓިކެޓެއްގަނަސް އެޕޮއިންޓްމަންޓެއްވިއަސް. މިިވަރުވީމަ ސަތުކާރުފެއިލްވިއްޔާ އިސްތިއުފާދޭށެ ބުނެގެން ކުއްވެރިވާނަމަ އަހަރެން މިހުރީ ކުއްވެރިވެފަ. މިއީ ކަރެޕްސަން ބޮޑުސަރުކާރެއް. ރައީސް ޔާމީނު އިސްތިއުފާ.
މޯޑް
22 May 2017
ފާހަގަކޮށްލަން ވަރަށް މުހިއްމު ކަމެއް، މި ތަހުޤީޤުތަކާއި އެއްޗެހި ކުރިޔަށް މިދަނީ ހަމައެކަނި ކުންފުނިތަކުގެ ކަން. ޙައްޖު ކޯޕަރޭޝަނާއި މިކަމަކާއި ގުޅުމެއް ނެތް. އެމީހުންނާއި އެކީ ޙައްޖަށް ދާ މީހުންގެ ކަންކަން އެބަ ވަރަށް ބާރަށް ކުރިޔަށް ދޭ. އެކަމަކު ވަރަށް ގިނަ މީހުން ތިބީ ވާނުވާ ނޭނގި
މރ. ހަދާނެއް ނުނެތޭ.
22 May 2017
"ވާނުވާ" ސަރުކާރެއްގަ އެންމެންވެސް ތިބޭނީ "ވާނުވާ ނޭނގި" ނޫންބާ! އެކަމުގަ އެއްވެސް މައްސަލައެއް ނެތެއްނު. ތަބީޢީ ކަމެއް ވިއްޔަ.