ޓަމިލް ނާޑޫ ސްޓޭޓުގެ ޗީފް މިނިސްޓަރު ޖަޔަލަލިތާ ރާ ވިއްކުން މަނާ ކުރައްވާނެ ކަމަށް އިންތިޚާބުގެ ކެމްޕޭނުގައި ވިދާޅުވި.
20 ޖޫން 2016 - 12:28
9 comments
ޓަމިލް ނާޑޫ (ޖޫން 20) - އިންޑިއާގެ ދެކުނުގެ ޓަމިލް ނާޑޫ ސްޓޭޓުގައި ރާ ވިއްކާ 500 އަށް ވުރެ ގިނަ ތަންތަން ބަންދު ކުރަން ސްޓޭޓުގެ ސަރުކާރުން އަންގައިފި އެވެ.
ޓަމިލް ނާޑޫގައި އަލަށް އިންތިޚާބުވި ސަރުކާރުން ބުނީ ރާ މަނާކުރަން ނިންމީ ގިނަ ހަމަނުޖެހުންތަކުގެ އަސްލަކީ އެއީ ކަމަށްވާތީ ހަމަނުޖެހުންތައް މަދު ކުރަން ކަމަށެވެ. ޗީފް މިނިސްޓަރު ޖަޔަލަލިތާ ޖަޔަރަމް އާއި އެހެން ސިޔާސީ ލީޑަރުން ވެސް ވަނީ ސްޓޭޓުގައި މިދިޔަ މަހު ބޭއްވި އިންތިޚާބުގެ ކެމްޕޭނުގައި ރާ މަނާ ކުރާނެ ކަމަށް ބުނެފަ އެވެ.
ރާ މަނާކުރުމުގެ ވައުދަށް ގިނަ އަދަދެއްގެ އަންހެނުން ވަނީ ތާއީދުކޮށްފަ އެވެ. އެ މީހުން ބުނި ގޮތުގައި ގެވެށި އަނިޔާ އާއި ޖިންސީ ގޯނާ ކުރުމުގެ އަސްލަކީ ރާ ބުއިމެވެ. އަދި މަދުން އާމްދަނީ ލިބޭ މީހުންގެ ފައިސާކޮޅު ރާބުއިމަށް ހޭދަކޮށް އާއިލާތައް ނިކަމެތިވާ ކަމަށް ވެސް ބުނެފައިވެ އެވެ.
ބަންދު ކުރަނީ ޓަމިލް ނާޑޫ ސްޓޭޓް މާކެޓިން ކޯޕަރޭޝަންގެ ރާ ވިއްކާ ތަންތަނެވެ. އެ ނޫން ތަންތަން ވެސް ހުޅުވާފައި ހުންނަ ވަގުތު ވަނީ ކުޑަކޮށްފަ އެވެ.
އޮފިޝަލުން ބުނީ ރާ ވިއްކުން މަނާ ކުރުމުން އެހެން ސްޓޭޓްތަކުން ރާ އެތެރެކުރުމުގެ ބިރު އެބައޮތް ކަމަށާއި އަދި އަމިއްލަ އަށް ރާ އުފައްދައިގެން ބޭނުން ކުރުމުގެ ބިރު ވެސް ބޮޑު ކަމަށެވެ.
ކެރަލާ ސްޓޭޓުގެ ވަރަށް ގިނަ ތަންތަނުގައި ރާ ވިއްކުން ވަނީ 2014 ވަނަ އަހަރު މަނާކޮށްފަ އެވެ. އިރުމަތީގެ ބިހާރު ސްޓޭޓުގައި ވެސް މި އަހަރު ވަނީ ރާ ވިއްކުން މަނާކޮށްފަ އެވެ. ހުޅަނގުގެ ގުޖުރާތުގެ ސްޓޭޓުގައި ރާ ވިއްކުން މަނާކޮށްފައިވާތާ އެތައް އަހަރެއް ވެއްޖެ އެވެ. މީގެ އިތުރުން އިރު އުތުރުގެ ބައެއް ސްޓޭޓްތަކުގައި ވެސް ވަނީ ރާ ވިއްކުން މަނާކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަހަބަރު
21 June 2016
ޞިރެއްގަންނާނެ ކަމެއް ނެތް ނިސްބަތުން ރާބޯމީހުން ރާއްޖެއަކު މަދެއްނަުން . މައްޗަންގޯޅީ ސަހަރާތެރެރާހުސްކުރި ފުޅިތައް އެހުންނަނީ އާޓިފިސަލް ބީޗް ސަރަހައްދުގެ ގޮނޑު ދޮށު ފަރާތުވެސް ރާހުސްކުރި ފުޅި ދެންކިހިނެއްބުނާނީ މިއީ ރާނުބޯ ގައުމެކޭ.
އުސްތާޛު
20 June 2016
ކަނޑާ ކޮންމެ ގަހަކަށް ދެގަސް އިންދާ އުސޫލުން މިގައުމުގައި، ރާވިއްކާ ޚާނާތައް އިތުރުކުރަމުން މިދަނީ. މަގުތަންމަތީގައި ވެސް ތިއަކުން އަމަލުވެފައިތިބި މީހުން. އަހަރެން ރަށުމީހާ ނުވިސްނޭ. ކާފަރުމީހާ ބޮޑު ވިސްނޭ.
ޚިޔާލް
20 June 2016
ނަމަކަށް ތިކަން ނުކުރުން އެދެން ރާއްޖޭގައި ރާވިއްކާ ބޭނުން ކުރުން މަނަލީ ނަމަކަށްނޫންތޯ، ބޯންބޭނުންވާ އެންމެންނަށް ލިބޭ، ހުރިހައި ފަޅުތަކެއްގައި ކަނޑުގައި ރާ، ހުރިހައި ފަޅުރަށެއްގައ ރާ
ޒަބީބު
20 June 2016
ކުށްތައް މަދުވާނެއެވެ. އެއީ ރަލުގެ ނަޝާގައި ހުރެ އިންސާނާއަށް ކުރެވޭ ނުކުރެވޭ ކަންތައް ނެއެނގޭނެއެވެ. އިސްލާމްދީނުގައި ރާ ޙަރާމްކުރެއްވީ މި ސަބަބަށްޓަކައެވެ. ވަރަށް ރަނގަޅު ނިންމުނެކެވެ. ހިންދިއަކުވިއަސް އަދި އެހެން ދީނެއްގެ ބަޔަކުވިއަސް ހެޔޮކަމެއް ކުރިއްޔާ އެކަންވާނީ ހަމަހެޔޮކަމަކަށެވެ. ތަފާތަކީ އާޚިރަތުގައި ދަރުމަ ލިބުމާއި ނުލިބުމެވެ. މުސްލިމުން ކުރާ ހެޔޮކަންތަކަށް އާޚިރަތުގައި ދަރުމަލިބޭނެއެވެ. އެހެން ބަޔަކަށް އެދަރުމަ ނުލިބޭނެއެވެ
ވިސްނާލީމާ
20 June 2016
ވަރަށް ރަނގަޅުކަމެއް! ކަމަނާ ހާދަހާ މަދުތަނެއް ތިޔަ ބަންދުކޮށްލީ! އެންމެ އަވަށަކުން 500 ރާ ވިއްކާތަން! އަޖައިބުން އަންތަރީސް! -އިބްރާހީމް-
މަރީ
20 June 2016
ޓެމިލްނާޑޫ އަށް އެއްމެގިނަ އާމްދަނީ ލިބޭވިޔަފާރި ހުއްޓާލުމުން އިގްތިސާދައް އައްނަ ބަދަލު ބަލަންޖެހޭ.
އަލިދީދީ
20 June 2016
އިސްލާމް ދީނުގައި ރާ ހަރާމް ކުރީ އޭގެން ނޭދެވޭ ކަންތައްކަށް މަގުފަހިވާތީ! މި ނިންމުން ރަނގަޅަށް މަސައްކަތް ކޮށަފިނަމަ ތި ހީކުރާފަދަ ބަދަލެއް ހިޔެއް ނުވޭ އަންނާނެހެނެއް!
ދިގުދޫ
20 June 2016
އަހަރެމެން ބިރުބޮޑުވަނީ ތިޔަރާތައް ދިވެހިރާއްޖެއަށް އެތެރެކޮށްފާނެތީ. އަދި އެބޯތަނަކަށް މިތަން ހަދާފާނެތީ.
ހުސެންބެއްޔާ
20 June 2016
ބިރުގަންނާނެ ތަނެއް ނެތް! އިންޑިއާއިން ނުލިބޭނެހާ ވައްތަރުތައްވެސް ރާއްޖެއިން ލިބޭ. ދިވެހިންނަކީ މާ އިސްލާހު ބައެއް ނޫން ބަޔަކު އެމީހުން ގޯސްކުރާކަށް