ކ. ރަށްފަޅުހުރާ އާއި އެރަށު ފަޅު: އެ ފަޅުގައި ތިން ރިސޯޓެއް ތަރައްގީކުރަން ހިއްކަން ވަނީ ފަށާފައި.
24 މެއި 2017 - 15:51
19 comments
ދުނިޔޭގެ އެންމެ މަތީ ފެންވަރުގެ ބްރޭންޑްތަކަށް އަމާޒުކޮށްގެން، ކ. ރަށްފަޅުހުރާގެ ފަޅުގައި ތިން ރިސޯޓެއް ހަދަން ހިއްކަން ފަށައިފި އެވެ.
މާލޭގެ އުތުރުގައި، ކުޑަ ރަށަކާ އެކު އޮންނަ ފަޅު ހިއްކައިގެން ރިސޯޓްތައް ތަރައްގީކުރަނީ ސިންގަޕޫރުގެ ރިއަލް އެސްޓޭޓް ކުންފުންޏެއް ކަމަށްވާ ޕޮންޓިއާކް ލޭންޑުންނެވެ. އެއީ އެ ގައުމުގެ މަޝްހޫރު ވިޔަފާރި އާއިލާއެއް ކަމަށްވާ ކުވީ އިން ހިންގާ ކުންފުންޏެކެވެ.
ހެލެނގެލި ރިސޯޓު ކައިރީގައި އޮންނަ ރަށްފަޅުހުރާގައި ރިސޯޓެއް ތަރައްގީކުރަން ޓޫރިޒަމް މިނިސްޓްރީން އޭޕްރިލް 30، 2015ގައި ކުއްޔަށް ދީފައި ވަނީ މެސާ އާރުއެފް ޕްރައިވެޓް ލިމިޓެޑަށެވެ. އެއީ ކުރިން ޕިކްނިކް އައިލެންޑެއްގެ ގޮތުގައި ކުއްޔަށް ދީފައި އޮތް ރަށެކެވެ.
އެރަށާއި ފަޅު ކުއްޔަށް ދިނީ ކޮން އަގެއްގައި ކަމެއް އަަދި މަޝްރޫއުގެ އަގަކީ ކޮބައި ކަމެއް ސަރުކާރަކުން ހާމައެއް ނުކުރެ އެވެ.
އެކަމަކު ޓޫރިޒަމް މިނިސްޓަރު މޫސާ ޒަމީރު މިއަދު ވިދާޅުވީ ދެ އަހަރެއްހާ ދުވަހުގެ ތެރޭގައި އެ މަޝްރޫއު ނިމޭނެ ކަމަށެވެ.
"މިތަނަށް އަންނާނީ އަލްޓްރާ ލަގްޒަރީ ބްރޭންޑްތައް. އޭގެ އިތުރުން މުވައްޒަފުންގެ އެކޮމޮޑޭޝަނާ އެކު ޓްރެއިނިން ރިސޯޓެއް ވެސް ހިމެނޭނެ. އަދި ލަގްޒަރީ ޔޮޓްތައް ބަނދަރުކުރުމުން ހިދުމަތް ދިނުމަށް ހާއްސަ ފެސިލިޓީސްތަކެއް ވެސް ހުންނާނެ،" މިނިސްޓަރު ވިދާޅުވި އެވެ.
އޭނާ ވިދާޅުވީ މި މަޝްރޫއު 2019 ގައި ނިމޭއިރު އެތަނުން 1،000 އަށް ވުރެ ގިނަ ވަޒީފާ އުފެދޭނެ އެވެ.
ޕޮންޓިކް ކުންފުނިން ތަރައްގީކުރި ހޮޓާތައް ދުނިޔޭގެ މަޝްހޫރު ބްރޭންޑްތަކުން ހިންގަ އެވެ. އެގޮތުން ކަޕެލާ ސިންގަޕޯ، ރިޒްކާލްޓަން ސިންގަޕޯ، ކޮންރެޑް ކޮންޓިނެންޓަލް ސިންގަޕޯ، ރިޖެންޓް ސިންގަޕޯ، ދަ ޕަޓިނާ ކެޕިޓަލް ސިންގަޕޯ ހިމެނެ އެވެ. މީގެ އިތުރުން އާ މަޝްރޫއުތަކެއް ރާއްޖޭގެ އިތުރުން އެމެރިކާގެ ނިއު ޔޯކާއި އޮސްޓްރޭލިއާގެ ސިޑްނީގައި ވެސް އަންނަނީ ހިންގަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލިޔާޒާ
25 May 2017
ޢަބުދުﷲ ޖަމީލުމެން ކުދިން މިފަދަ އާޓިކަލްތައް ލިޔާއިރު، ލިޔާޒާގެ ނަޒަރުގައި، މިވަރުގެ އިންވެސްޓްމެންޓްތައް އައުމުން ޓޫރިޒަމް ދާއިރާއިން މަތީ ތަޢުލީމު ހާޞިލުކުރާ ކުދިންނަށް އަންނާނެ އިމްޕެކްޓް އަލިއަޅުވާލިނަމަ މިއާޓިކަލް ވަރަށް ފުރިހަމަވީސް. މިހެން މިދެންނެވީ، މިއާޓިކަލްގައި ޓްރެއިނިންގ ރިސޯޓެއްގެ ވާހަކަ އޮވެފައި، އެފަދަ ފަސިލިޓީއެއް އަދި ރާއްޖޭގައި ނެތުމުން.
ރަސީ
25 May 2017
އަސްލުވެސް ކޮން ހިއްކުމެއް ހިއްކާކަށްތަ؟ މި އެއަރޕޯޓްތައް ހިއްކުމާ މީހުން އުޅޭ ރަށްތައް ހިއްކުންވެސް ހުއްޓާލަންވީ.
ޒެޑްސް 1
25 May 2017
ކިތަންމެ ރަށެއް އުފެއްދިޔަސް ކިތަންމެ ވަޒީފާ އެއް އުފެއްދިޔަސް. އެއީ ހަމަ ބޭރު މީހުންގެ ވަޒީފާ. ފަށާނީ ދިވެހިންނާއި އެކު ދިވެހި ތަސައްވުރެއްގައި. ދެން މާގިނަ ދުވަހެއްނުވާނެ. 90 ޕަސެންޓް ބޭރު މީހުން. ރޫމްބޮއިން ނަށް އިންޑިއާ. އެކައުންޓެންޓުން ލަންކާ އިން. މަސައްކަތު މީހުން ބަންގްލަދޭޝް. ސްޕާ އަށް ފިލިޕީނު ކުދިން. ޑައިވިންގްއަށް ޔޫރަޕް. ގެސްޓް ރިލޭޝަންސް އަށް ޔޫރަޕް. ދިވެހިންނަށް އޮންނާނީ މާލިމީކަން.
ޔަޤީން ވިލިމާލެ
25 May 2017
ވާނުވާ ނެގި ތިބެ ވާހަކަ ދެއްކީމަ މައްސަލަ އެއް، ދި ގޮތަށް ކަންވާ ރިސޯޓެއް ބުނެބަ، ކަން ބަޔަކު ކުރީމަ ސިޔާސި ފިކުރަށް ވިސްނާފާ ވާހަކަ ނުދަކާ
އަލްކަމިސްޓް
25 May 2017
ރާއްޖޭގެ އެކި ހިސާބުތަކުގަ ޑްރެޖަރު ބާއްވާއިގެން މި ހިއްކާހިއްކުމަކީ ވަރަށްވެސް ކަންބޮޑުވާންޖެހޭކަމެކެވެ. މިހާރު މިކަން ވެފަ މިއޮތީކީ ހަމައެކަނި ސިޓީ އެއްތަރައްޤީ ކުރަން ނުވަތަ މީހުން ދިރިއުޅޭ ރަށްރަށުގެ ބިންބޮޑުކުރަން ކުރާކަމަކަށް ނޫނެވެ. އަޅުގަނޑުމެންގެ ހުރިހާ ފަޅުތަކަކާއި ގިރިތަކެއް މިއޮއްގެން ހިއްކަނީއެވެ. މިކަމާގުޅޭގޮތުން އެންވަޔަމެންޓް މިނިސްޓްރީގެ ބަހެއް ނުވަތަ ފިޝަރީޒް މިނިސްޓަރގެ ބަހެއް ވަރަށް މުހިންމުވާ ހިސާބަށް މިކަންގޮއްސިއެވެ. އެހެނީ މީ ވަރަށްބޮޑު އިކޮލޮޖިކަލް އިމްޕެކްޓް އަންނާނެ ކަމެކެވެ. އަދި މިފަދަ ފަޅުތަކުން މަސްވެރިކަމަށް އެންދެމުމާއި އެހެނިހެން އިތުރު ބޭނުންތައްވެސް ހުރެއެވެ. މިހާރު ނޫހުން އިސްނަގައިގެން ޕްރޮފެސަރ އުގައިލްގެ ލިޔުމެއް މިކަމާގުޅޭގޮތުން ގެނެސްދިނުން އެދެން.
ރަސީ
25 May 2017
ތާއީދު.. ހުރިހާ ހިއްކުމެއް ހުޢްޓާލަންވީ. އެއަޕޯޓްވެސް ހިއްކައިގެން ހަދަންޖެހެންޏާ ނަހަދަންވީ.. ތިމާވެއްޓަށް ގެއްލުންވާނީ ހަމަ އެއްވަރަކަށް،
ޔަޤީން ވިލިމާލެ
25 May 2017
ޕްރަމް ލޮކޭސަން އިން ރަށް ނެތީމަށް ހިކަނީ، ހަޖަމް ނުވުމަކީ ކަލޭގެ ކަޑަކަން
ކަކުނި
25 May 2017
ޑރ.ސިމާދު ގެ ބަހަކީ ކޮބައިތޯ
ގޯނާޑް
25 May 2017
ޑޮކްޓަރެއް ނަރުހެއް ކިޔާނެ ކަމެއްނެތް. މިރާއްޖޭގައި ކޮންމެހެން ބިންހިއްކަިއގެން ކަންކަން ކުރާނެ ކަމެއް ނެތް.
ްޤުއްޓޭ
24 May 2017
ތި ހުޅުވާ ރިސޯޓުގެ ސެއަރ ހޯލްޑަރުން ގެ ގޮތުގައި ރާއްޖޭގެ ބައެއް މަޖުޅިހުގެ މެމްބަރުންވެސް ހިމެނޭ ދޮތަ! މިވެރިންނަށް ނަފާ ލިބޭ ގޮތައް ޤައުމުގެ ހުރިހާ ފަޅުތަކެއް ވިއްކާ ހުސްކޮއްފި. މިކަމުންވެސް އެއްވެސް އާދައިގެ ދިވެހި ރައްޔިތަކަށް ކުރާނެ މަންފާއެއްނެތް. ތި ގޮތަށް މޮލެތި ނަންނަން ކިޔާފައި ރާއްޖޭ ގިރި ފަޅުތައް ހުސްކުރާނެ ކަމެއްނެތް. މަމެން އައިސް ތި ހުރިހާ ކަމެއް ބާތިލް ކުރާނަން.
ޔަޤީން ވިލިމާލެ
25 May 2017
ރިސޯޓުން ލިބޭ ކުލި، ޓްކުސް ފައިސާ އަދި ވަޒީފާ މީ ކުރިއެރުމެއް ނޫންތައް، މި ލިބޭ ފައިދާ އެއް ނޫންތައް ތި ލިބޭ ފައިސާއިން އާސަންދަ، ސްކޫލް ތައް، ހޮސްޕިޓަލް ތައް ތަރައްޤީ ކުރަނީ
ހަސަނު
25 May 2017
"މިކަމުންވެސް އެއްވެސް އާދައިގެ ދިވެހި ރައްޔިތަކަށް ކުރާނެ މަންފާއެއްނެތް." އާދައިގެ ރައްޔިތުންނަށް ކުރާ މަންފާޔަކީ އަތައްދޭ ނަގުދު ފައިސާ ކަމަށްވަންޏާ ތިޔަބުނީ ވަރަށް ބޮޑު ތެދެއް.. އެކަމު މިގައުމު މިހާ ހިސާބަކަށް ނައީސް މިރިސޯޓްތައް ތަރައްޤީ ނުވިނަމަ. ރިސޯޓް ތަރައްގީކޮށްގެން ސަރުކާރަށް ލިބޭ ފައިސާއިން ހިލޭ ހެލްތު އިންޝުއަރެންސާއި، ހިލޭ ކިޔެވުމާއި، ހިލޭ ފޮތްތަކާއި، ރައްޔިތުން އަތުން ޗާޖު ނުނަގާ ބަނދަރުތަކާއި މަގުތަކާއި އެހަދަނީ. ސިވިލް ސަރވިސް މުވައްޒަފުންނަށް މުސާރަ އެދެނީ. އަހަރު ކޮންމެފަހަރަކު ރާއްޖޭގެ ހަތަރު ބައިކުޅަ އެއްބައި މީހުން ރާއްޖޭން ބޭރައް ޗުއްޓީއަށް އެ ދަތުރުކުރަނީ.
މާމަ
24 May 2017
މާލެ އަތޮޅު އޯކޭ ދޮތަ... ފާފު ވީމަ ބައިހަދާފަ ނިކުމެ އެކަން ހުއްޓުވީ ނިކަމެތި ރާއްޖެތެރެވީމަތޯ.... މިއީ މާމަމެން އަބަދު ދައްކާވާހަކައަކީ...
ކޮރަލް
24 May 2017
ރާއްޖޭގެ ރީތިކަން ތި ނައްތާލަނީ! ތިގޮތަށް ހިއްކީމަ ތިމާވެއްޓަށްވެސް ގެއްލުންވާނެ. ރަށްރަށުގެ އޮއި ނުދެމޭގޮތަށް ގަލުން ފާލަން އެޅިމަވީ ކިހިނެތޯ؟ ތިމާވެށި ހިމާޔަތް ކުރަން މަސައްކަތްކުރާ ފަރާތްތަކުން އަޑު އިއްވާނެކަމަށް އުންމީދުކުރަން.
އުދުހޭ
24 May 2017
އަގު ހާމަނުކޮށް ރަށްތަށް ކުއްޔަށްދޫކުރުމަކީ ކޮރަޕްޝަނަށް މަގުފަހިކުރާކަމެއްކަން އެނގޭހިނދު ހަމަ އެކަން އެގޮތަށް އެކުރަނީ ގަސްތުގައި ކޮރަޕްޝަން ހިނގުމުގެ ބޭނުމުގައިނޫންނަމަ ދެން ކޮން ބޭނުމަކުބާ؟؟؟؟
މުވައްޒިފު
24 May 2017
އަޑު އިވިފައިވާ ގޮތުގައި ތިޔަ ފަޅުގައި ތަރައްޤީ ކުރާ އެއް ރިޒޯޓް އަކީ ކޮންރެޑް ރިޒޯޓްސް އެންޑް ހޮޓެލްސް އިން ހިންގަން ތައްޔާރު ވަމުން އަންނަ ރިޒޯޓް އެއް.