މިިދިއަ އަހަރުގެ އޭ ލެވެލްގެ ގަދަ 10 ގައި ހިމެނުނު ކުދިންނަށް އިނާމު ދޭން މިދިއަ ހަފުތާގައި ބޭއްވި ހަފުލާ: އޭ ލެވެލްގެ މަތީ ފާސް ހޯދާ ކުދިންނަށް މިހާރު ދެ ސްކޮލަޝިޕެއް ސަރުކާރުން ކުރިއަށް ގެންދޭ
26 މެއި 2017 - 14:19
14 comments
ސަރުކާރުން އަލަށް ހުޅުވާލާ ހައި އެޗީވާސް ސްކޮލަޝިޕަކީ މަތީ ނަތީޖާތަކާ އެކު އޭ ލެވެލް އިމްތިހާން ނިންމާ ދަރިވަރުންނަށް ހުޅުވުނު އާ ފުރުސަތެއް ކަމަށް، އެޑިޔުކޭޝަން މިނިސްޓްރީން މިއަދު ބުނެފި އެވެ.
މިއީ އޭ ލެވެލް އިން އެއް ވަނަ ހޯދާ ދަރިވަރުންނަށް ރައީސުލްޖުމްހޫރިއްޔާ ދެއްވާ ސްކޮލަޝިޕެއް ނޫނެވެ. އޭގެ ބަދަލުގައި މިއީ އޭލެވެލްގެ ތިން މައްދާއިންނާއި އެސްއެސްސީގެ ދިވެހި އަދި އިސްލާމް މާއްދާ އިން ދަށްވެގެން އޭ ފާސް ހޯދާ ދަރިވަރުންނަށް ޚާއްސަ ސްކޮލަޝިޕް ސްކީމެކެވެ.
ރައީސުލްޖުމްހޫރިއްޔާގެ ސްކޮލަޝިޕް މިހާރު ލިބެނީ އޭ ސްޓާ ހޯދާ ދަރިވަރުންނަށެވެ. މިދިއަ އަހަރުގެ އޭ ލެވެލް އިން ރައީސުލްޖުމްހޫރިއްޔާގެ ސްކޮލަޝިޕް 38 ދަރިވަރަކަށް ލިބެ އެވެ.
އެޑިޔުކޭޝަން މިނިސްޓްރީންގެ އޮފިޝަލަކު ވިދާޅުވި ގޮތުގައި މިހާރު ގެޒެޓްކޮށްފައިވާ ހައި އެޗީވާސް ސްކޮލަޝިޕްގެ އުސޫލާ އެއް ގޮތަށް ފުރުސަތު ލިބޭނީ، އޭ ލެވެލް އިން ދެ ވަނަ އަށް އަންނަ ކުދިންނަށެވެ. މިދިއަ އަހަރުގެ އޭ ލެވެލް އިން ދެ ވަނަ އަށް ވެސް 30 އަށް ވުރެ ގިނަ ދަރިވަރުން ދިޔަ އެވެ.
އޭ ލެވެލް އިން އެއް ވަނަ އަށް ދާ ދަރިވަރުންނަށް ރައީސުލްޖުމްހޫރިއްޔާ ދެއްވާ ސްކޮލަޝިޕްގައި ދުނިޔޭގެ ކޮންމެ ގައުމަކަށް ވެސް ކިޔަވަން ދެވެ އެވެ.
އެކަމަކު އަލަށް ތައާރަފުކުރި ހައި އެޗީވާސް ސްކޮލަޝިޕްގައި ކިޔަވަން މައިގަނޑު ގޮތެއްގައި ކަނޑައަޅާފައި ވަނީ ސާކްގެ ގައުމުތަކެވެ. ނަމަވެސް ދަރިވަރު ކިޔަވަން ބޭނުން ކޯސް ސާކްގެ ގައުމެއްގައި ހެދެން ނެތް ނަމަ، ދުނިޔޭގެ އެންމެ މަތީ ފަންތީގައި ހިމެނޭ އޯއީސީޑީގެ ގައުމުތައް ނޫން އެހެން ގައުމަކަށް ދެވިދާނެ އެވެ. އެކަމަކު އެ ހާލަތުގައި އެ ކޯހަށް ހިނގާ ޚަރަދު ވާން ޖެހޭނީ ސާކް ގައުމެއްގައި ހަތަރު އަހަރުގެ ފުރަތަމަ ޑިގްރީ ކޯހަކަށް ކުރަން ޖެހޭ ހޭދަ އެވެ.
"އަޅުގަނޑު ދަންނަވާނީ މި ފުރުސަތުގެ ސަބަބުން އޭ ލެވެލްގެ ރަނގަޅު ނަތީޖާ ހޯދާ ކުދިންނަށް އިތުރު ހިތްވަރެއް ލިބޭނޭ،"
އޯއީސީޑީގައި ހިމެނެނީ ދުނިޔޭގެ އެންމެ ތަރައްގީ އަދި އިގުތިސާދީ ބޮޑެތި ބާރުތަކެވެ. ދެކުނު ކޮރެޔާ އާއި ޖަޕާން ފިޔަވައި އޯއީސީޑީގައި އޭޝިއާގެ އެހެން ގައުމެއް ނުހިމެނެ އެވެ.
އެޑިޔުކޭޝަންގެ އޮފިޝަލް ވިދާޅުވީ އޭ ލެވެލްގެ އެއް ވަނަ އަށް އަންނަ ދަރިވަރުންގެ ފަހަތުން ރަނގަޅު ނަތީޖާ ނެރޭ އެހެން ކުދިންނަށް ކުރިން މި ކަހަލަ ފުރުސަތެއް ނޯންނަ ކަމަށެވެ. އެހެންކަމުން މިއީ، އެއް ގޮތަކުން ބަލާއިރު، އޭ ލެވެލްގެ ދެ ވަނަ އަށް އަންނަ ދަރިވަރުންނަށް މަތީ ތައުލީމަށް ސަރުކާރުން ހުޅުވާލަދިން ރަނގަޅު ފުރުސަތެއް ކަމަށް އޭނާ ވިދާޅުވި އެވެ.
އާ ސްކޮލަޝިޕްގެ ދަށުން ކިޔެވެނީ ފުރަތަމަ ޑިގްރީއަށެވެ. އޭގެ ތެރޭގައި އެމްބީބީއެސް ވެސް ހިމެނެ އެވެ.
ގެޒެޓްކޮށްފައިވާ އުސޫލުގައިވާ ގޮތުން އާންމުކޮށް ފުރަތަމަ ޑިގްރީ ހަދަން ތިން އަހަރު ހޭދަވިޔަސް، ދަރިވަރަކު އިޚުތިޔާރުކުރާ ކޯހަށް އެއަށް ވުރެ ދިގު މުއްދަތެއް ހޭދަވާ ނަމަ ހަޔާ އެޑިޔުކޭޝަން ޑިޕާޓްމަންޓަށް ލިއުމުން ހުށަހަޅައިގެން އެކަން ހަމަޖެއްސުމުގެ ފުރުސަތު އޮވެ އެވެ.
"އަޅުގަނޑު ދަންނަވާނީ މި ފުރުސަތުގެ ސަބަބުން އޭ ލެވެލްގެ ރަނގަޅު ނަތީޖާ ހޯދާ ކުދިންނަށް އިތުރު ހިތްވަރެއް ލިބޭނޭ،" އޮފިޝަލް ވިދާޅުވި އެވެ.
ހަޔަ އެޑިޔުކޭޝަން ޑިޕާޓްމަންޓުން ގެޒެޓްކުރި އުސޫލުގައި ވެސް ބުނެފައިވާ ގޮތުގައި ހައި އެޗީވާސް ސްކޮލަޝިޕް ތައާރަފުކުރުމުގެ މަގުސަދަކީ "މަތީ ސާނަވީ މަރުހަލާގައި ކިޔަވާ ދަރިވަރުން، ކިޔެވުމަށް ބާރު އެޅުމާއި ރަނގަޅު ނަތީޖާ ހޯދަން ހިތްވަރު ދިނުމެ"ވެ.
އެޑިޓަރުގެ ނޯޓު
"މިހާރު"ގައި އިއްޔެ ޖެހި ހަބަރެއްގައި ރައީސުލްޖުމްހޫރިއްޔާ ދެއްވާ ސްކޮލަޝިޕާއި ހައި އެޗީވާސް ސްކޮލަޝިޕް ވަނީ، މައުލޫމާތުގެ ކުށަކުން، އޮޅިފަ އެވެ. އޭގެ ސަބަބުން ކިއުންތެރިންނަށް ވެސް އޮޅުންތަކެއް އަަރައި، ރައީސުލްޖުމްހޫރިއްޔާގެ ސްކޮލަޝިޕް ލިބޭ ކުދިން ބޭނުންވާ ގައުމަކުން ކިޔެވުމުގެ ފުރުސަތު ގެއްލުނުކަމަށް ގަބޫލުކުރި އެވެ. އެކަމަކު ރައީސުލްޖުމްހޫރިއްޔާ ދެއްވާ ސްކޮލަޝިޕާއި ހައި އެޗީވާސް ސްކޮލަޝިޕަކީ މުޅިން ތަފާތު ދެ ބައެކެވެ. އަދި ކުރިއެކޭ ވެސް އެއްގޮތަށް، ރައީސުލްޖުމްހޫރިއްޔާގެ ސްކޮލަޝިޕް ލިބޭ ކުދިންނަށް ބޭނުން ގައުމަކުން ކިޔެވުމުގެ ފުރުސަތު އޮވެ އެވެ. އެހެންކަމުން އެ ކުށަށް މައާފަށް އެދެމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުމަރު
27 May 2017
ދުނިޔޭގެ އެހެން ޤައުމުތަކުން ޓެކުސްގެ ފައިސާއިން ބަޔަކަށް ކިޔަވައިދެންޏާ އެބަޔަކު ކިޔަވައިގެން އައިސް ޤައުމުގެ އުފެއްދުންތެރިކަމުގައި އިސްކޮށް މަސަތްކަތްކުރާނެ، މިހާރު މިވާގޮތަކީ 15 އަހަރު ހިލޭ ކިޔަވައިދީފައި މަތީފާސް ހޯދާ ކުދިންނަށް ހިލޭ ސްކޯލާޝިޕް ދިނީމާ އެކުދިން ކިޔަވައިގެން ޤައުމަކަށް ހިދުމަތެއް ނުކުރޭ، އޭގެ ސަބަބުން ޤައުމުމިދަނީ ފަހަތަށް ޤައުމު ހިންގަން ކުރީ ސަފްގައި މިތިބެނީ ހުތްޕުނޑުތަކެއް އޭގެ ސަބަބުން ޑިމޮކްރަސީ ނުގެނެވިގެން މިއުޅެނީ، ކިޔަވައި މޮޅުވާކުދިން ސަރުކާރުން ބޭނުންވަނ ޤައުމުދޫކޮށްދާން އެކަހަލަ ސިޔާސަތެއް ގެންގުޅޭތަން މިފެންނަނީ
ދިސްވޭ
26 May 2017
ޝުކުރިއްޔާ!
ދެޓްވޭ
26 May 2017
ހައި އެޗީވާސް ސްކޮލަޝިޕާ އެކު ދަރިވަރުންނަށް އާ ފުރުސަތުތަކެއް ދިނުމަށް ޓަކައި ތަފާތު އޮލްޓަރނޭޓިވްސް ތައް ބެލުން އެއީ ކުރަން ޖެހޭނެ ކަމެކެވެ. އެކަމަކު ހިލޭ ސާބަހަށް ޓޮޕް އެޗީވާރސް އެވޯރޑް އަށް ހޮވޭ ކުދިންނަށް ސްކޮލަރޝިޕްސް ސަރުކާރުން ދިނުން އެއީ އެހާ ރަނގަޅު ކަމެއް ނޫނެވެ. އެކަން ކުރަންވީ ލޯން ސްކީމެއްގެ ދަށުން. އޯއީސީޑީގެ ޓޮޕް ގައުމު ތަކަށް ގޮސް ޓޮޕް އެޗީވަރސް ކިޔަވައިފިނަމަ އެކުދިންނަކީ އެއީ ބިއުޓިފުލް މައިންޑުންނަށް ވުމުގެ ޕޮސިބިލިޓީ ވަރަށް ބޮޑު ބަޔެކެވެ. ނޯމެޓަރ ހައު މަޗް އިޓް ކޯސްޓްސް އައި ވޯންޓް އިޓް ދެޓް ވޭ. އައި ވޯންޓް އިޓް ދެޓް ވޭ..
ބެއްޔާއްކަލޯ
26 May 2017
އޮޅުވާނުލާށެވެ. މަޤުސަދަކީ ބޮޑު ލާރިގަނޑެއް ސަލާމަތްކޮށްލުމެވެ. ސަރުކާރަށް، އޭލެވެލް 5 މާއްދާއިން އޭ ހޯދޭކުދިން ފޮނުވެނީ ހަމަ އެކަނި އަވަށްޓެރި 2-3 ޤައުމަކަށެވެ. ތިޔަ ބުނާ ރައީސް ގެ އެވޯޑު ލިބެނީ ހުރިހާ މާއްދާއަކުން އޭ* (އޭ-ސްޓާރ) ލިބޭ ކުދިންނަށެވެ. ދިވެހި އިސްލާމް އެޗްއެސްސީ ގެ ނަތީޖާ އަކީ މިހާރުވެސް ސަރުކާރުން ކުޅޭ އެއްޗެއް ކަމަށް ގިނަ ބަޔަކު ޤަބޫލުކުރެއެވެ. ތިޔަ ނިންމުން އެހާ ތެދުވެރި ނަމަ، އޭލެވެލް އަށް ވުރެ ކުރިން ހަދާ ދިވެހި އިސްލާމް ނަތީޖާ އޭލެވެލް ނަތީޖާލިބުމަށް ވުރެ އެއްދުވަސް ފަހުން ދިނުމުގެ ބަދަލުގައި މަދުވެގެން 10 ދުވަސް ކުރިން ދޭގޮތަށް ހަމަ ޖައްސާށެވެ. އޭރުން އެޗްއެސްސީ ނަތީޖާއިން ގޭސް ގަނޑެއް ނާނބުރާކަމަށް ޤަބޫލު ކުރަން ފަސޭހަވާނެއެވެ. އޭލެވެލް 5 މާއްދާއިިން އޭ* ހޯދުމަކީ އާދަޔާ ޚިލާފު އިނދަގޫކަމެކެވެ. އޭގެ ބަދަލުގައި އެޑެކްސެލް 2 މާއްދާ އާއި ދިވެހި ނުވަތަ އިސްލާމް އިން އޭ* އެށް (ޖުމްލަ 3 އޭ*) އަދި އަނެއް ދެ މާއްދާއިން އޭ ލިބުމުން ރައީސްގެ ސްކޯލާރޝިޕް ލިބޭނެގޮތައް ހަމަޖެއްސުން ރަނގަޅެވެ. ޤައުމުގެ ދަރިންނަށް ދުނިޔޭގެ ރަނގަޅު ތަންތަނަށް ފޮނުވަން ޖެހުލުންވަނީތޯއެވެ؟
ކުމަރާ
26 May 2017
ޖެހިލުން ވަނީ ހަމަ. ޢެއްވެސް އިތުބާރެއް ނެތް.
ދަވޭ
26 May 2017
ހައި އެޗީވާސް ސްކޮލަޝިޕާ އެކު ދަރިވަރުންނަށް އާ ފުރުސަތުތަކެއް ފަހިވެގެން ދާނެ ކަމަށް އެޑިއުކޭޝަން މިނިސްޓްރީން ވިދާޅުވި ނަމަވެސް ސާރކް ސަރަހައްދުގެ ރޮޓެން ގައުމު ތަކަށް ހައި އެޗީވާރސް އެވޯރޑް ލިބޭ ކުދިން އަޅާލައިގެން އެކުދިން ކިޔަވާ ކިޔެވުމުން މާ ބޮޑު ރަނގަޅު އަަސަރު ތަކެއް ރާއްޖޭގެ އިގްތިސާދަށް ނުކުރާނެއެވެ. ކަން މިހެން ހުރުމުން މިތިއަރީ އެބަޖެހޭ ބަދަލު ކުރަން ސަރުކާރުން ވަޒީރުންގެ މަޖްލީހުން ނިންމަން. އެގޮތުން އެބަޖެހޭ ސިންގަޕޯރ އަދި ޖަޕާނުގެ ބޭންކްސް ތަކުން ލޯން ނަގައިގެން މިކުދިން އަމިއްލަ އަށް އެބޭންކްސް ތަކަށް ލޯން ދައްކާނެ އުސޫލުން އެކުދިން އެ ގައުމު ތަކުން ކިޔަވަން ލޯން ދޭން ސަރުކާރުން ސޮވެރިންގް ގެރެންޓީ އެއް ދެވިދާނެތޯ ބަލާ އެކަމާއި މެދު ވަޒީރުންގެ މަޖްލީހުން ވިސްނަން. ހިލޭ ސާރކް ސަރަހައްދުގެ ގައުމު ތަކަށް އެކުދިން ފޮނުވައިގެން ކިޔަވާ ދިނުމަށް ވުރެން ރަނގަޅު ވާނެ މިއުސޫލުން މިކަން ކުރިއްޔާ.
މުގާބޭ
26 May 2017
މީ މަޖާކަމެއް.
ޔަގީން ވިލިމާލެ
26 May 2017
ތައުލީމީ ޒުވާން ޖީލެއް ބިނާ ކުރަން ރައީސް ޔާމިން ކުރަވާ ކަން ކަމަށް ޝުކުރުވެރިވަން
ކުމަރާ
26 May 2017
ކޮން ކަމެއް ތަ ޔަގު ކުރީ. މައުމޫން ކުރި ކުރިހާ ކަމެއް ހުއްޓާލީ.
މިފުށި
26 May 2017
ސްކޫލުން ވަނަ އަށް އަންނަ ހުރިހާ ދަރިވަރުންނަށް ރައީސް މައުމޫނު ދެއްވާ ފުރުޞަތަކީ އެކުއްޖަކު ބޭނުންވާ ކޮންމެ ގައުމަކުން ކިޔެވުން މިހާރުސިޓީ ކައުންސިލްގެ ބާރުތަކުގެ އިތުރުން މިހާރު މިކަންވެސް މި ހަނިވީ ަ
ބޮންދު
26 May 2017
މިވާނުވާ ނޭނގޭވަރުގެ މޮޔައިން ދިވެހިން ތެރޭގައި މަދު. ޕިންކީން ތިގަބޫލު ކޮށްލައިގެން ތިބެދާނެ
އޯއްޔޭއް
26 May 2017
ހައި އެޗީވާރސް ސްކޮލަރޝިޕް ފުރުސަތު ދޭއިރު ސާރކް ސަރަހައްދުގެ ގައުމު ތަކަށް ލިމިޓް ކުރުމުގެ ބަދަލު ގައި އެކަން ކުރަންވީ އޯޕަން ޕްލެޓް ފޯރމް އެއްގައި. އެގޮތުން ލޯން ސްކީމެއް ތައާރަފް ކުރަންވީ. އެފަދަ ލޯން ސްކީމް އަކުން އޯއީސީޑީގެ އެންމެ މަތީ ފަންތީގެ ގައުމު ތައް ކަމަށްވާ ސިންގަޕޯރ އަދި ޖަޕާން އަށް ވެސް އެކުދިންނަށް އެ ގައުމު ތަކުގައި ހުރި ބޭންކްސް ތަކުން ލޯން ނަގައިގެން ކިޔަވަން ދެވޭނެ ގޮތް ސަރުކާރުން ފަހި ކޮށްދިނުން އެއީ ކުރަން ޖެހޭނެ ކަމެކެވެ. ހިލޭ ސާބަހަށް ނުޖެހޭ ޓެކްސް ޕޭޔަރ މަނީން ޚަރަދު ކޮށް ގެން ޓޮޕް އެޗީވާރސް އެވޯރޑް ހާސިލް ކުރާ ކުދިންނަށް ކިޔަވަން ފަގީރު ކިބަޅި ގައުމު ތަކަށް ފޮނުވަން. ޔޫ އަންޑަރސްޓޫޑް މީ ބަޓް ޔޫ ނެވަރ އެކްސްޕެޓް މީ އޯލް ދަވޭ. ބަޓް އައި އޭމް ލުކިންގް ފޯރ ޔުއަރ ބިއުޓި، ބިއުޓި، ބިއުޓިފުލް ޑިސިޝަން. އައި ރިއަލީ އެކްސްޕެކްޓް އިޓް.. އޯއް ޔޭއް..
ބޭބެ
26 May 2017
ކޯޑިނޭޓަރ މިއަދު ހަމައިގަތޯ ...
ކުމަރާ
26 May 2017
ނުކުރާނެ.