ކުޑަހުވަދޫއަށް ޖެއްސި ފުރަތަމަ ޓެސްޓް ފްލައިޓުން ވަޑައިގެންނެވި ޓޫރިޒަމް މިނިސްޓަރު ޒަމީރު ރިއޮލޯގެ އިސްވެރިންނާ ސަލާމްކުރައްވަނީ. ފޮޓޯ: ޓޫރިޒަމް
01 ޖޫން 2017 - 11:07
104 comments
ދ. ކުޑަހުވަދޫގައި ރިއޯލޯ އިންވެސްޓްމަންޓްސްއިން ހެދި އެއާޕޯޓަށް ފުރަތަމަ މަތިންދާބޯޓު މިއަދު ހެނދުނު ޖައްސައިފި އެވެ.
"ދާލު އެއާޕޯޓް"ގެ ނަމުގައި އަލަށް ހެދި އެއާޕޯޓަށް ދިޔަ ފުރަތަމަ ޓެސްޓް ފްލައިޓްގައި ޓޫރިޒަމް މިނިސްޓަރު މޫސާ ޒަމީރާއި ކުޑަހުވަދޫ ދާއިރާގެ މެމްބަރު އަހުމަދު އާމިރާއި ސިވިލް އޭވިއޭޝަންގެ ޗީފް އެގްޒެކްޓިވް ހުސެއިން ޖަލީލާއި އައިލެންޑް އޭވިއޭޝަންގެ މެނޭޖިން ޑިރެކްޓަރު އަބްދުލް ހާރިސް ވެސް ވަޑައިގެންނެވި އެވެ.
ކުޑަހުވަދޫއަށް ޖެއްސި ފުރަތަމަ ޓެސްޓް ފްލައިޓުން ވަޑައިގެންނެވި މަޖިލިސް މެމްބަރު އަހުމަދު ނިހާން ކުޑަހުވަދޫގެ ބައެއް މީހުންނާއި ސަލާމް ކުރައްވަނީ. ފޮޓޯ: ޓްވިޓާ
ޓޫރިޒަމް މިނިސްޓްރީން ބުނިގޮތުގައި މޯލްޑިވިއަންގެ މަތިންދާބޯޓު ދާލު އެއާޕޯޓަށް ޖެއްސީ މިއަދު ހެނދުނު 9:27ގަ އެވެ.
އެ އެއާޕޯޓް ހިންގާ ކުންފުނީގެ އިސް އޮފިޝަލަކު ވިދާޅުވީ އެއާޕޯޓަށް ކުރިޔަށް އޮތް ދިހަވަރަކަށް ދުވަހުގެ ތެރޭގައި މޯލްޑިވިއަންގެ ޝެޑިއުލްގެ ދަތުރުތައް ފަށާނެ ކަމަށެވެ. އަދި ފުރަތަމަ ފަށައިގަންނައިރު ދުވާލަކު އެއް ދަތުރުކުރެވޭނެ ކަމަށް ވެސް އޭނާ ވިދާޅުވި އެވެ.
ފުރަތަމަ ޓެސްޓް ފްލައިޓުން ވަޑައިގެންނެވި ބޭފުޅުންނަށް މަރުހަބާ ދެންނެވުމަށް ކުޑަހުވަދޫގެ ރައްޔިތުންނާއި އެއާޕޯޓުގެ މުވައްޒަފުން ޓާމިނަލް ކައިރީގައި މަޑުކޮށްލައިގެން. ފޮޓޯ: ޓޫރިޒަމް
"ދާލު އެއާޕޯޓް"ގެ ނަމުގައި މި އެއާޕޯޓް ހިންގާ ދާލު އެއާޕޯޓް ހޯލްޑިންސް އިން 62.81 ހެކްޓަރުގެ ބިން ހިއްކައިގެން 1،800 މީޓަރުގެ ދިގު ރަންވޭއަކާ އެކު ހެދި އެއާޕޯޓުގައި 42 ބޯޓަށް އެއްފަހަރާ ހިދުމަތް ދެވޭނެ އެވެ. އޭގެ ތެރޭގައި އެތެރޭގެ އުދުހުންތަކުގައި އާއްމުކޮށް ބޭނުންކުރާ ޑޭޝް-8 އަދި އޭޓީއާރު-72 މަރުކާގެ ބޯޓުތައް ހިމެނޭއިރު، މިއީ އަމިއްލަ މީހުންގެ ޖެޓުތައް ވެސް ޖެއްސޭ ގޮތަށް ރާއްޖޭގައި ތަރައްގީކުރި ފުރަތަމަ ޑޮމެސްޓިކް އެއާޕޯޓު ވެސް މެ އެވެ.
އަމިއްލަ ހަރަދުގައި ކުޑަހުވަދޫގައި އެއާޕޯޓެއް ތަރައްގީކުރަން ރިއޯލޯ އިންވެސްޓްމަންޓްސްއާ ސަރުކާރުން ހަވާލުކުރީ 2013 ގަ އެވެ. އަދި އެއާޕޯޓް ހިންގާނީ ރިއޯލޯ ހިއްސާވާ ދާލު އެއާޕޯޓް ހޮލްޑިން ޕްރައިވެޓް ލިމިޓެޑުންނެވެ.
ކުޑަހުވަދޫއަށް ޖެއްސި ފުރަތަމަ ޓެސްޓް ފްލައިޓުން ވަޑައިގެންނެވި ޓޫރިޒަމް މިނިސްޓަރު ޒަމީރު ކުޑަހުވަދޫގެ ބައެއް މީހުންނާއި ސަލާމް ކުރައްވަނީ. ފޮޓޯ: ޓްވިޓާ
ރާއްޖޭގައި މިހާރު ވެސް 11 އެއާޕޯޓެއް އެބަ އޮތެވެ. އެއީ އިންޓަނޭޝަނަލް އެއާޕޯޓުތަކުގެ ގޮތުގައި ބަލާ ވެލާނާ އިންޓަނޭޝަނަލް އެއާޕޯޓާއި ގަން އެއާޕޯޓާއި އދ. މާމިގިލީ އެއާޕޯޓް އަދި ހދ. ހަނިމާދޫ އެއާޕޯޓުގެ އިތުރުން، ހަތް ޑޮމެސްޓިކް އެއާޕޯޓެވެ. އެއީ ފުވައްމުލައް، ބ. ދަރަވަންދޫ، ރ. އިފުރު، ގއ. ކޫއްޑޫ، ގދ. ކާޑެއްދޫ، ލ. ކައްދޫ އަދި ތ. ތިމަަރަފުށީގައި އޮންނަ އެއާޕޯޓެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޫސާބޭ
24 June 2017
ބާގާވާތެއްނޫނޭ، ބަޣާވާތޭ. بغاواة. ނަޝީދަށް މިގޮތަށް ދަސްކޮށް ދީބަލަ. އަލިފުބާ ނުޖަހާތިބި މަދު ދިވެހިންގެ ތެރެއިން އެކަކު. ދިވެހި ވެރިކަމަށް ކުފޫ ހަމައެއްނުވޭ. މިކަން ޚުދް ނަޝީދަށްވެސް އެނގޭ. އެހެން ވެގެންނޭ އޭނަ އަމިއްލަޔަށް އިސްތިޢުފާ ދިނީ، ދެއްތޯ މައުމޫން، ޤާސިމް، ފާރިޝް
ބަންގާޅި ހުސޭނު
03 June 2017
އެމް.އެޗް370 އެދުވަހު ނުޖެއްސުނީ އެއާރޕޯޓް ނާޅާ އޮތީމަ! މިވީ ގޮތުން ދެން ޖައްސާނެ ގެއްލެންދާ ފްލައިޓްވެސް
މެންޓަލް ކޭސް
03 June 2017
އަހަންނަކީ ވަކި ކޮޅަކަށް ޖެހޭ މީހަކަށް ނުވާތީ ބްރިޖް މަތިން އިރާދަކުރެއްވިއްޔާ ފުރަތަމަ ދަތުރު ކުރާ ދުވަހު ހަޅޭއްލަވާނަން ކޮބާހޭ އިންޖިނޭރަކީ، ނަޝީދު ޔޫކޭއިން ކިޔަވާ ވިދާޅުވިޔަސް ސިކުނޑި ވަރަށްވެސް ހަމަ ޅަ
މެންޓަލިސްޓް
01 June 2017
ތިޔައީ ރައީސްނަޝީދުގެ ސަރުކާރުން ފެއްޓިޕްރޮޖެކްޓްއެއް ،،،، ރިއައްލޯ މީހުންނާޢި އެކަންހަވާލުވީ ،،، ދެން ތިޔަތަނަށް 10 ބޯޓްއެއްފަހަރާ ޖެއްސިޔަސް ރައްަޔަތުން ވޯޓްދޭނީ ސަރުކާރާއި ދިމާއިދިކޮޅަށް ،،،، އެކަން އެއޮތީ ކައުންސިލް އިންތިޙާބުންވެސް ފެންނާން ،،،، ކުރިއަށްއޮތީވެސް އެހެން ،،،، މިހާރު މެންބަރު ހުންނެވީ ދެފަރާތަށް ކިރިލަކިރިލަ ،،،،، ވަރަށްވެދުން
ވަދު ފޮށި
02 June 2017
ނަޝީދަކީ ހުރިހާ ކަމެއް ފައްޓަވާ ބޭފުޅެއް ތާއެވެ؟ ނިންމަވާ ބޭފުޅެއް ނޫނެވެ.
މެންޓަލް ކޭސް
03 June 2017
ނިންމީސް ބަގާވާތް ނުކުރިނަމަ
ނޫނޭ
03 June 2017
ތިޔާހެން ނުވާނެ.! އަހަންނާމެން ތިވޯޓަށް މިތައޔާރުމިވަނީ ނިމިދިޔަ ކައުންސިލް އިންތިޚާބުގެ ނަތީޖާއަށް ބަލާފައި އަހަންނާމެނަށް އެއްވެސް ތާއިދެއް ނެއްކަން އެނގި ތިބެމެ. ވުމާއިއެކު އަހަންނާމެން ބާރުގެ ބޭނުން ކުރާނަން އޭގެ އެންމެ މަތީދަރަޖައްށް. މިކަމުގައި އެއްވެސް ޝައްކެއްނެތް. ނަތީޖާ އަކީ އަނެއްކާ ވެސް ވެރިކަމުގެ އިއްޒަތް އަހަންނާ،މެން އަތުލުން. އޭގެ ފަހުން ކުޅިވަރު ދްއްކާލާނީ. އަދި މިތިބީ ހަމަ ބަލަން.
ހަސަން
03 June 2017
މި ގައުމުގަ ބަގާވާތެއް 21 ވަނަ ގަރުނުގަ ކުރިކަމެއް ނުދެނަހުރިން
އަހުމަދުލް
01 June 2017
ސާބަހޭ ދިވެހިންގެ ރައީސް ރައީސް ނަޝީދަށް، މަނިކުފާނު އިންދެވި އޮށުން މިއަދުގަސްފަޅައި ފޯދި މޭވާއަޅަން ފަށައިފި، ޝުކުރިއްޔާ ރައީސް ނަޝީދު. ރައީސް ނަޝީދު އިންދި އޮށުން ގަސްފެޅުމުން ގަސްހައްދާ މޭވާއަޅާހިސާބަށް ގަހަށް ފެންސީ ހެދިކަމަށްޓަކައި ރައީސް ޔާމީންއަށްވެސް ޝުކުރިއްޔާ.
މީމަށޭ
02 June 2017
ހުކުރު މިސްކިޔް ވެސް ބިނާކުރީ ނަޝީދޭ
ފޭކް
02 June 2017
ދެން ބުނޭ ބްރީޖް އަކީވެސް މަމެން ރައީސް މީހާ އަޅަން ޤަސްދު ކޮށްފައި ވާ ތަނެކޭ...
ޕައްލަންބެ
01 June 2017
ޚަބަރު ނުކިޔާ ކޮމެންޓް ކުރި މީހުން މި ތަންކޮޅު ކިޔާލާK އަމިއްލަ ހަރަދުގައި ކުޑަހުވަދޫގައި އެއާޕޯޓެއް ތަރައްގީކުރަން ރިއޯލޯ އިންވެސްޓްމަންޓްސްއާ ސަރުކާރުން ހަވާލުކުރީ 2013 ގަ އެވެ. އަދި އެއާޕޯޓް ހިންގާނީ ރިއޯލޯ ހިއްސާވާ ދާލު އެއާޕޯޓް ހޮލްޑިން ޕްރައިވެޓް ލިމިޓެޑުންނެވެ.
ޕޕމ
02 June 2017
ތީ ޔާމީންގެ ތަނެއް
ޭކުޑަހުވަދޫ ޗިންގަލީ
01 June 2017
އަހަރެމެންނަށް ވަރިހަމަ ކޮންމެ ރައީސަކު ކޮށްދިނަސް، އަހަރެމެންނަށް ތަރައްޤީއާއި ލުއިފަސޭހަ ކޮށްދެނިކޮށް. މިކަމުންވެސް ކުޑަހުވަދޫއަށާއި މުޅިއަތޮޅަށް ވަރަށް ފަސޭހަވެގެންދާނެ. ބާރަގަޑީއިރުގެ ކަނޑުގަދަ ދަތުރުތައް ބައިގަޑީއިރަށް ކުރުވީ. ކޮންމެ މީހަކުކޮށްދިންކަމެއްވިޔަސް އެބަޔަކަށް ކުޑަހުވަދޫ އެންމެހާރަށްޔިތުންގެ ފަރާތުން ޝުކުރިއްޔާ!!!
ޕޕމ
02 June 2017
ޔާމީން އަށް ސުކުރު ކުރަން ވީ
1234
01 June 2017
ކުޑަހުވަދޫ މަތިން އެދުވަހު އެފެނީ އެމްއެޗް 370 ނުފެނުނުކަމަށްޓަކާ ތިޔަ ލިބުނީ އެއަރޕޯޓެއް
ސަންތި
01 June 2017
kއަގު ވަރއް ބޮދުވާނެ މޯލްޑިވިއަން ފްލައިޓގ
ފާތުމަ
01 June 2017
ޝުކުރިއްޔާ ރައީސް ނަޝީދު.