ގަތަރުގެ އެކުވެރިން ދޫކޮށްނުލާނެ ކަމަށް އުރުދުޣާން ވިދާޅުވެއްޖެ

ތުރުކީގެ ރައީސް ރަޖަބް ތައްޔިބު އުރުދުޣާން. --ފޮޓޯ:ރޮއިޓާސް

ހަސަން އާމިރު، މިހާރު

10 ޖޫން 2017 - 14:05

އަންކާރާ (ޖޫން 10) - ގަތަރު އެކަހެރި ކުރި ނަމަވެސް އެ ގައުމުގެ އަޚުންނާއި އުޚުތުން ދޫކޮށްނުލާނެ ކަމަށާ އަދި ސައުދީ އަރަބިއާ އިން ގަތަރާ ދެކޮޅަށް އަޅާފައިވާ ހުރިހާ ފިޔަވަޅެއް އުވާލުމަށް ތުރުކީގެ ރައީސް ރަޖަބް ތައްޔިބު އުރުދުޣާން ވިދާޅުވެއްޖެ އެވެ.

ވެރިކަން ކުރާ ޖަސްޓިސް އެންޑް ޑިވެލޮޕްމަންޓް (އޭކޭ) ޕާޓީގެ ރޯދަ ވީއްލުމަކަށް ފަހު އުރުދުޣާން ވިދާޅުވީ މާތް ވެގެންވާ ރޯދަ މަހު ހަސަދަވެރިކަން އިސްކުރުމުގެ ބަދަލުގައި ސައުދީން އަޚުވަންތަކަން ގާއިމްކުރަން ޖެހޭނެ ކަމަށެވެ.

"ގަތަރު އެކަހެރި ކުރުމުން މައްސަލަ އަށް ހައްލެއް ނުފެންނާނެ. ގަތަރުގެ އެކުވެރިން ތުރުކީން ދޫކޮށެއް ނުލާނަން،" އުރުދުޣާން ވިދާޅުވި އެވެ.

ގަތަރު މައްސަލަ އުފެދުނީއްސުރެ އެ ގައުމާ އެކު ވާކަން ހާމަކުރައްވަމުން ގެންދަވާ އުރުދުޣާން ވިދާޅުވީ ސައުދީ އަށް އެމަނިކުފާނުގެ ވަރަށް ބޮޑު އާދޭހެއް އެބައޮތް ކަަމަށެވެ. އެއީ ގަލްފުގައިވާ އެންމެ ބޮޑު އަދި އެންމެ ބާރުގަދަ މުސްލިމް ގައުމުގެ ހައިސިއްޔަތުން އެކުވެރިކަމާއި އަޚުވަންތަކަން ދައްކަން ޖެހޭ ކަމަށެވެ.

"ސައުދީ އަރަބިއާ އިން ބުނަމުން ދަނީ އެ މީހުންނަކީ ދެ ހަރަމްގެ ޚާދިމުންނޭ. އެހެންވީ އިރު މުސްލިމް އަޚުންނާއި އުޚުތުން އެއްބައި ކުރުމަށް ސައުދީން މަސައްކަތް ކުރަން ޖެހޭނެ. މިއީ ދެ ހަރަމްގެ ޚާދިމްގެ ފަރާތުން އުއްމީދު ކުރާ ކަންތަކަކީ. އެހެންވެ ގަތަރާ ދެކޮޅަށް އަޅާފައިވާ ހުރިހާ ފިޔަވަޅެއް އެކުގައި އުވާލުމަށް ސައުދީ އަރަބިއާ އަށް ގޮވާލަން،" އުރުދުޣާން ވިދާޅުވި އެވެ.

ގަތަރުގެ 59 ފަރުދަކާއި 12 ޖަމާއަތަކުން ޓެރަރިސްޓް ޖަމާއަތްތަކާ ގުޅުން އޮންނަ ކަމަށް ބުނެ ސައުދީ، ބަހުރޭން، ޔޫއޭއީ އަދި މިސްރުން ބުރާސްފަތި ދުވަހު ނެރުނު ބަޔާނަށް ރައްދު ދެއްވާ އުރުދުޣާން ވިދާޅުވީ އެ ހުރިހާ ޖަމާއަތެއް އެ މަނިކުފާން ވަރަށް ރަނގަޅަށް ދަންނަ ކަމަށާއި އެއީ އެފަދަ ކަންކަން ހިންގާ ޖަމާއަތްތަކެއް ނޫން ކަމަށެވެ.

ތުރުކީން ވަނީ ގަތަރަށް ކާނާ އާއި ފެން ފޯރުކޮށްދިނުމަށް ހުށަހަޅައިފަ އެވެ. އުރުދުޣާން ވިދާޅުވީ ގަތަރަށް ތުރުކީން ކާބޯތަކެތި ދޭތީ ހިތްހަމަ ނުޖެހޭ ބަޔަކު ވެސް ތިބެދާނެ ކަމަށާއި އެކަމަކު އެފަދަ ފަރާތްތަކަށް ދަންނަވަން އޮތީ "ވަރަށް ބޮޑަށް ސޮރީއޭ" ކަމަށެވެ.

ތުުރުކީ ޕާލަމެންޓުން ބުދަ ދުވަހު ވަނީ ގަތަރަށް ސިފައިން ފޮނުވާ އަދި ގަތަރު ސިފައިން ތަމްރީނު ކުރުމަށް ފާސްކޮށްފަ އެވެ.

ސައޫދީ އަރަބިއްޔާ ގަތަރު ތުރުކީ ޑިޕްލޮމެޓިކް ގުޅުން

24 ކޮމެންޓް, 135 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސައްތާރު /މހއ

11 June 2017

މި މަސްއަލައިގެ ސައުދީންވެސް އަދި އެމެރިކާއިންވެސް ކަންބޮޑުވެ ބިރުގަންނަނީ ގަތަރުން އިޒުރޭލްގެ ބައެއް އަމަލުތަކާއި ކަންކަން ނިންމާގޮތުން ގަތަރުން ފާޅުގައި ދެކޮޅުހަދާތީ އެމެރިކާ އަޑީގައި އޮވެ އިޒުރޭލް ސަލާމަތް ކުރުމަށް ޖައްސާގޭމެއްމީ. މިގޭމުގައި މުސްލިމު ގައުމުތަކެއް ޖެހިފިތެމުންދާކަމީ ހިތާމަ ހުރިކަމެއް. ސައުދީންވަނީ އެންމެފަހުން ގެ އިންތިހާބުފގައިވެސް ނަތަންޔާހޫ ކެމްޕެއިންނަށްވެސް އެތަން މިޔަން ޑޮލަރެއް ހަރަދުކޮށްފައި. އެހެންވީމާ ސައުދީގެ ބައިވެރިންވެސް ބޭނުންވޭ އިޒްރޭލް ދެމިއޮތުމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދދ

11 June 2017

މުސްލިމުންގެ މުޤައްދަސް ބިމެއް ޔަހޫދީންގެ އައްދަށުގައި އޮންނަތާ 70 ވަރަކަށް އަހަރު މިވަނީ މުސްލިމް ޤައުމުތަކަށް ކުރެވުނީ ކޮންމަސައްކަތެއްތޯ ފަލަސްތީނުގެ މައްސަލަ ހައްލުކުރަން! މިޔައްމާގައި މުސްލިމުން މަރަމުން ސޫދާނުގެ ބަޔެއްގައި ނަސާރާއިންގެ ވަކި ދައުލަތެއް އިންޑަނޭޝިޔާގެ ބަޔެއްގައި ނަސާރާއިންގެ ވަކި ދައުލަތެއް ކަޝްމީރުގައި ހިންދޫންގެ ވަކި ދައުލަތެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީ

11 June 2017

ޔާ ﷲ އެމެރިކާގެ މަކަރުވެރިކަމުން އެންމެހާ މުސްލިމުން ރައްކާތެރި ކުރައްވާށި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުރުކީ

10 June 2017

އައިލަވް އުރުދުގާން... މިވަގުތު ދުނިޔޭގަ ހުރި އެންމެ ކެރޭ ހިއްވަރުގަދަ މުސްލިމް ލީޑަރ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްލާމީ ތާރީޚް

10 June 2017

މިއަދުގެ ދުނިޔޭގައި މުސްލިމުންގެ ޙާލަތު މިހާ ދަށު ދަރަޖައަކަށް ވެއްޓުނީ ދެ ޙަރަމުގެ ޚާދިމުންނޭ ބުނަމުންދާ ސަޢުދީގެ ޝާހީ ޢާއިލާއިން މުސްލިމުންގެ އެއްބައި ވަންތަ ކަން ދެމެހެއްޓުމަށްވުރެ ޝާހީ ވެރިކަން ދެމެހެއްޓުމަށް އިސްކަން ދިނުމާއި މުސްލިމުންނަށްވުރެ ބޮޑަށް ޣައިރު މުސްލިމުން އެކުވެރިންގެ ގޮތުގައި ބަލަމުން ދިއުން ކަމަށް ތާރީޚް ހެކިދޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދދދ

10 June 2017

ގަތަރާ ގުޅުން ކަނޑާލުމުން ރައްޔިތުންނަށް ގެއްލުން ވިޔަސް ޔާމީނަށް ފައިދާއެއް ވެދާނެ. އެއީ ކޮންފައިދާއެއްތޯ ކިހާ ވަރެއްތޯ ބަލަންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިދްޑްރޯވް

10 June 2017

ތުރުކީގެ ތިޔާ އަމަލުގެ ސަބަބުން މެދުއިރުމަތީގެ ސުލްހަ އަށް ހުރަސް އެޅޭނެއެވެ. ތިޔާ ކަން ވިދްޑޯރ ކުރަން މަމެންނަށް ފެންނަވާހަކަ މަމެން ބުނަން ނެތީމު ދޯ.