ރިފާއުއާ ސުވާލުކުރީ އާޒިމް ހަބަރުގެ ސުރުހީއާ ބެހޭ ގޮތުން

ރިފާއު

މުހައްމަދު ޔާމީން، މިހާރު

11 ޖޫން 2017 - 11:14

ވީމީޑިއާގެ ދަށުން ހިންގާ ވީއޮންލައިންގެ ސީނިއާ އެޑިޓަރު އަހުމަދު ރިފާއު ފުލުސް އޮފީހަށް ހާޒިރުކޮށް ސުވާލުކުރީ އާދަމް އާޒިމް ހައްޔަރުކުރުމުން ލިއުނު ޚަބަރުގެ ސުރިޚީ އޮތް ގޮތާ ބެހޭ ގޮތުން ކަމަށް އޭނާ މިއަދު ބުނެފި އެވެ.

ދޮޅު ގަޑިއިރެއްހާއިރު ފުލުހުންގެ އިދާރާގައި ހޭދަކުރި ރިފާއު ބުނީ އޭނާއާ ފުލުހުން ސުވާލުކުރީ "ސަރުކާރު ވައްޓާލަން އުޅުނު ކަމުގެ ތުހުމަތުގައި އާޒިމް ހައްޔަރުކޮށްފި" މި ސުރުހީގެ ދަށުން ލިޔުނު ހަބަރާ ބެހޭ ގޮތުން ކަމަށެވެ.

ރިފާއުގެ މައްޗަށް ކުރަނީ ގާނޫނުލްއުގޫބާތުގެ 310 ވަނަ މާއްދާގެ ދަށުން، ސައްހަ ލިއުމަކަށް ބަދަލު ގެނައުމުގެ ތުހުމަތު ކަމަށް އޭނާ ބުންޏެވެ.

ގާނޫނުލްއުގޫބާތުގެ އެ މާއްދާގައި ބުނެފައިވަނީ ސައްހަ ލިޔުމަކަށް ބަދަލު ގެނައުމާއި އެ ލިޔުން ނަކަލު ކުރުމާއި އަގުހުރި އެއްޗެހި ނަކަލުކޮށް އަސްލުގެ ގޮތުގައި ދެއްކުމަކީ ކުށެއް ކަމަށެވެ.

ރިފާއު ބުނި ގޮތުގައި އާޒިމް ހައްޔަރުކުރުމާ ގުޅިގެން ލިޔުނު ހަބަރުގެ ސުރުހީ ލިޔެފައިވަނީ ކޯޓު އަމުރުގައި ބުނާ އެއްޗެއް އާންމުންނަށް އޮޅޭ ފަދަ ގޮތަކަށް ކަމަށް ބުނެ ފުލުހުން އޭނާއާ ސުވާލުކުރި އެވެ.

މޯލްޑިވްސް މީޑިއާ ކައުންސިލް (އެމްއެމްސީ)ގެ މެމްބަރުކަން ވެސް ކުރަމުން އަންނަ ނޫސްވެރިޔާ ބުނީ އާންމުންނަށް އޮޅުވާލަން ވީމީޑިއާ އިން ހަބަރެއް ނުގެންނާނެ ކަމަށެވެ. އަދި ވީމީޑިއާގައި ޖެހި ސުރުހީ، ރާއްޖޭގެ އެހެން މީޑިއާތަކުގައި ވެސް ޖެހި ކަމަށް އޭނާ ބުންޏެވެ.

"އެ ސުރުހީގެ ދަށުން ހައެއްކަ މީޑިއާ އިން ހަބަރު ގެނެސް ދިން. އެކަމަކު އަޅުގަނޑު ގެންގޮސް މި ސުވާލު ކުރީ،" ރިފާއު ބުންޏެވެ.

"އަޅުގަނޑު ވާނީ ފުލުހުން ކުރި ސުވާލުތަކަށް ބަޔާނެއްގެ ގޮތުގައި ޖަވާބު ދީފައި."

މީޑިއާ ނޫސްވެރިކަން ފުލުހުން ނޫސްވެރިން ވީޓީވީ ނޫސްވެރިކަމުގެ މިނިވަންކަން ޚިޔާލުފާޅުކުރުމުގެ މިނިވަންކަން

8 ކޮމެންޓް, 28 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙުމާމު

12 June 2017

މިވެސް ދެން މަތިން އަންގާލީމަ ފުލުހުންނައް ކުރަންޖެހޭ ކަންކަން ބާ. މީދެން ބޮޑު ޖޯކެއް. މިކަހަލަ ހަބަރުތައް އެބަޖޭހޭ ބޭރުދުނިޔެއައްވެސް ހާމަވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގާޒީ

11 June 2017

ފާރަވެރިވާނެ މުއަށްސަސާތަށް ހުރުމުގެ ބޭނުމަކީކޮބާ؟ ކޮންމެކަމެއް ޕޮލިހުން ބަލަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުރުޚީ

11 June 2017

ސުރުޚީ އޮތްގޮތުން ސުވާލުކުރިވާހަކަ ބުނުމުން 1980 ގެ ވާހަކައެއް ހަނދާންވެއެވެ. ޕާކިސްތާނުގައި ނުކުންނަ ނަޔާ އުފްޤު އަކީ ވަރަށް ހިނގާ މަންތްލީ ނޮވެލް އެކެވެ. މިކަމުގެ ހަގީގަތް އެޑިޓަރުކާރިން އެހުމުން އޭނަ ނޫސް މަޖައްލާ ނޮވެލް ފަދަ ތަކެތި ހިންގުމަށް ބޭނުންވާ ހުނަރުތައް ކިޔައިދިނެވެ، އޭގެތެރޭ އެއްކަމަކަށް ބުނެފައިވަނީ ސުރުޚީ ގެ ވާހަކައެވެ. ސުރުޚީ ވާންޖެހޭނީ އެ ސުރުޚީކިޔާފައި މީހުން އެ ކިޔާހިތް ވާކަހަލަ ސުރުޚީ އަކަށެވެ، ކޮންމެހެން އޭގައި އޮންނަ އެއްޗެއް ސައްތައިން ސައްތަ ދިމާވާކަށް ނުޖެހެއެވެ. މިކަހަލަ އެތައްކަމެއް އޭނާ ފާހަގަކުރިއެވެ. ވީމާ އެއީ ނޫސްވެރިކަމުގެ ފަންނުގެ ތެރޭ ހިމެނޭ ކަމެއްކަމަށް ގަބޫލުކުރެވެއެވެ. މިކަން ވަރަށް ގިނަ ކިއުންތެރިންގެ ކިބައިން ވެސް ފެންނާނެއެވެ. ބައެއް ސުރުޚީ ކިޔާފައި ވަގުތުން އޭގެ ތަފްސީލު ކިޔާ ހިތްވާނެއެވެ. ބައެއް ސުރުޚީ ކަޔާފައި އެއްގޮތަކަށްވެސް ކިޔާހިތްނުވެދާނެއެވެ. އެކަމަކު އެ ސުރުޚީ ގެދަށުން ލިޔެފައިވާ ލިޔުން ވަރަށް ކަމުދާ ލިޔުމަކަށްވެސް ވެދާނެއެވެ. މިހާރު އަކީ މިފަދަ ކަންކަމުގައި ތަޖުރިބާ ހުރި ނޫހެއްކަން ފާހަގަވެއެވެ.