ބީއެމްއެލްގެ މުވައްޒަފުންތަކެއް ލޭ ހަދިޔާކުރަނީ: މިއަދަކީ ދުނިޔޭގެ ލޭ ހަދިޔާކުރާ މީހުންގެ ދުވަސް.-- ފޮޓޯ: ބީއެމްއެލް
14 ޖޫން 2017 - 12:20
7 comments
ރާއްޖޭގައި ލޭ ދޭ މީހުންގެ ތެރެއިން ދަރުމައަށް އެކަން ކުރަމުން އަންނަނީ 33 ޕަސެންޓް މީހުން ކަމަށް މޯލްޑިވިއަން ބްލަޑް ސާވިސް (އެމްބީއެސް) އިން މިއަދު ބުނެފި އެވެ.
ދުނިޔޭގެ ލޭ ހަދިޔާކުރާ މީހުންގެ ދުވަހުގެ މުނާސަބަތާ ގުޅުވައިގެން ނެރުނު ނޫސްބަޔާނެއްގައި ބުނީ އެމްބީއެސްގެ ތަފާސްހިސާބު ދައްކާ ގޮތުން ރާއްޖޭގައި 67 ޕަސެންޓް މީހުން ލޭ ހަދިޔާކުރަނީ ވަކި ފަރާތަކަށް ހާއްސަކޮށްގެން ކަމަށެވެ.
އެ ބަޔާނުގައި ފާހަގަކުރި ގޮތުގައި ރާއްޖޭގައި އެންމެ ގިނައިން ލޭ ބޭނުންވަނީ އެމްބީއެސް އަށެވެ. އެ މަރުކަޒަށް އެކަނި ވެސް ހަފުތާއަކު 150 ޔުނިޓުގެ ލޭ އަދި އަހަރެއްގެ މައްޗަށް 9000 ޔުނިޓުގެ ލޭ ބޭނުންވެ އެވެ. މާލޭގެ ހޮސްޕިޓަލްތަކަށް ހަފުތާއަކު 50-57 ޔުނިޓު އަދި އަތޮޅުތެރޭގެ ސިއްހީ ހިދުމަތް ދޭ މަރުކަޒުތަކަށް އަހަރެއްގެ މައްޗަށް 10،000 ޔުނިޓް ލޭ ބޭނުންވާ ކަމަށް ބަޔާނުގައި ބުނެފައިވެ އެވެ.
އެމްބީއެސް އިން ބުނީ ބަލިމީހުންނަށް، ލޭ އަޅަން ޖެހޭ ތަންތަނުން ފަސޭހައިން ލެ އާއި އެއާ ގުޅުން ހުރި އެއްޗެހި ލިބެން ހުރުމަކީ ސިއްހީ ނިޒާމެއްގެ ވަރަށް މުހިއްމު ބައެއް ކަމަށެވެ. އަދި އެކަށީގެންވާ ވަރަށް ރައްކާތެރި ލޭ ފޯރުކޮށްދިނުމުގެ ޔަގީންކަން ދެވޭނީ ގައުމީ ފެންވަރުގައި މިކަމަށް އަޑު އުފުލައިގެން ކަން ވެސް ފާހަގަކޮށްފައިވެ އެވެ.
"މުޅި މުޖުތަމައު މިކަމުގައި ބައިވެރިވެ، އަމިއްލައަށް އެދިގެން ނުވަތަ ދަރުމައަށް ލޭ ހަދިޔާކުރާ ފަރާތްތައް ވެސް އިތުރުވެގެން،" އެމްބީއެސްގެ ބަޔާނުގައި ބުންޏެވެ.
ދުނިޔޭގެ ލޭ ހަދިޔާކުރާ މީހުންގެ ދުވަހުގެ މި އަހަރުގެ ޝިއާރުގެ ގޮތުގައި ހަމަޖައްސާފައިވަނީ "ކޮށްދެވޭނީ ކޮން ކަމެއް؟ ލޭ ހަދިޔާ ކުރައްވާ- މިހާރު ލޭ ހަދިޔާކުރައްވާ- ގަވައިދުން ލޭ ހަދިޔާކުރައްވާ،" އެވެ. މި ޝިއާރު މައިގަނޑު ގޮތެއްގައި އަމާޒުކޮށްފައިވަނީ ހާދިސާތަކުގައި ލެއަށް ބޭނުންވާ ހާލަތުގައި ލޭ ހަދިޔާކުރާ ފަރާތްތަކުން ދެން ކަންކުރަންވީ ގޮތުގެ މައްޗަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަސްލަށްކިޔާ
14 June 2017
ވަކި ފަރާތަކަށް ހާއްސަކޮށްގެން ދޭ ބަޔަކު ދީ އުޅެނީ ތެލެސީމިއާ ޒާތުގެ ދާއިމީކޮށް ވަކި އުސޫލަކުން ލޭ އަޅަންޖެހޭ ފަރާތްތަކަށް. އެހެން އެކަން އެފަދަ ފަރާތްތަކުގެ ޢާއިލާތަކުގެ އެދުމުގެ މަތިން އެކަން ކޮށްދެނީ އެއާއިލާތަކަށް ދިމާވެފައި އޮޮންނަ ދަތިކަމާއި އިދާރާ، ޖަމްއިއްޔާތަކުން ލިބޭ އެހީތެރިކަން ކުޑަވުމާއި ސިޔާސަތުގެ ސަބަބުން އެކުއްޖަކަށް ބޭނުންވާ ދުވަހަަށް ލޭ ހޯދައިދޭނެ އެހެންފަރާތެއް ނުތިބޭ. އާއްމު އުސޫލަކުން އެއްވެސް މީހަކު އަގެއް ނަގއިގެން ލާރިއަށް ލޭ ދީ އުޅޭކަމެއް ރާއްޖެއަކު އެނގޭކަށްނެތް. އެކަމަކު އެހެން ހުރިހައި ޤައުމެއްހެން ކަހަލަގަތަކަށް ލޭ ޖެހޭނީ ހަމަ ފައިސާގެ އަގެއްދީފައި ގަންނަން. އެހެންވީމައި ދަރުމައަށް މިދެވެނީ ހަމަ އެންމެނަށްވެސް. ތިޔަކަހަލަގެ ވާހަކަ ނުދައްކާ. އަހަރެންނަން ދެވުނު ތެލެސީމިއާ ސެންޓަރ އަދި އައިޖީއެމްއެޗަށް ކިތަންމެ ފަހަރަކު އެމީހުން ބޭންކުގައި ލޭގިނަވެގެން ލޭ ނުނެގި. ބުނަނި ހަމަ އުކާލާށޭ ޖެހޭނީ.
އަހުމަދު
14 June 2017
ހަމަހަމަ ގައިމުވެސް ރަށްރަށުގައި ލޭ ދޭ ހުރިހާޑޯނަރުންވެސް ލޭދެނީ ހަމަހިލޭ އަގަކާނުލާ ދެންކިހިނެތްތިޔަމާނަ ކުރައްވަނީ ދަރުމަ . ލޭނެގުމަށްފަހު ދިޔާއެއްޗެއްދިނުމުގެ ބޭނުމުގައި މައިލޯޕެކެޓެއް ، ފެންތައްޓެއްދީފާނެ. މިއިކީ އަގެއްނޫން ދެެއްތޯ.
ނޫނުއަލިފް
14 June 2017
ދަރުމަ ކިޔާ މަޖައްލާއެއް ނެރޭނޫންތޯ! ވެދާނެ އެ މަޖައްލާގެ ބޭނުމުގައި ލޭ ދެނީކަމަށް.
އަންމަޑޭ
14 June 2017
ލޭ ވިއްކާ ނިޒާމެއް ޤާއިމުކްށްފިނަމަ އަހަރެންގެ ލޭ ދެވިދާނެ
އިބޫ
14 June 2017
ރަނގަޅު ވާހަކައެއް އެދުމެއް ނެތި ވެދުން ކުރުމުގެ ބޭނުމެއް ނެތް!
ޝީ
15 June 2017
އެކަމަކު ވާ ސާބަސް ކަލެމެން ދެމީހުންނަށް... ދުނިޔޭގަ އުޅެން ދަސްވެފަ އެބަހުރި...
1234
14 June 2017
މަޖިލިހުގެ މެމްބަރުންނަށް ވަރަށް ވަރަށް އާދެހާއެކު ދަންނަވަން ތެލަސީމި ދެކެރިއަރުން ކައިވެނިކުރުން މަނާ ބިލެއް ފާސްކުރައްވަން. މިހަރުވެސް 800 އަށްވުރެ ގިނަ ތެލަސީމިޔާ ކުދިން މިރާއްޖޭގައި ރެޖިސްޓްރީވެފަ ތިބިއިރު އެކުދިން އުޅޭ ހާލު އެނގެނީ އެކުދިންނަށް.