ޖޫރިމަނާ ނުކޮށް ޒިންމާ އަދާކުރަންވީ ބްރޯޑްކާސްޓިން ކޮމިޝަން: ނާޝިދު

ކޮމަންޑޫ ދާއިރާގެ މެމްބަރު އަހުމަދު ނާޝިދު މަޖިލީހުގެ ކޮމެޓީއެއްގައި

އާމިނަތު ޝިފްލީން، މިހާރު

15 ޖޫން 2017 - 23:22

ބްރޯޑްކާސްޓަރުން ބޮޑެތި އަދަދުތަކުން ޖޫރިމަނާ ކުރުމުގެ ކުރިން، މޯލްޑިވްސް ބްރޯޑްކާސްޓިން ކޮމިޝަނުން އެތަނުގެ ޒިންމާ އަދާކުރަންޖެހޭނެ ކަމަށް ވިދާޅުވެ މީޑިއާ ނެޓުގެ އެގްޒެކްޓިވް ޑިރެކްޓާ ފައިނޭންސް އަހުމަދު ނާޝިދު (އޭޑީކޭ ނާޝިދު) މިރޭ އެ ކޮމިޝަނަށް ވަރަށް ބޮޑަށް ފާޑުވިދާޅުވެއްޖެ އެވެ.

ސަންގު ޓީވީ އެޗްޑީކޮށް ދެއްކުން އިފްތިތާހު ކުރުމަށް ބޭއްވި ހަފުލާއެއްގައި ރައްޔިތުންގެ މަޖިލީހުގެ ކޮމަންޑޫ ދާއިރާގެ މެމްބަރު އަދި އޭޑީކޭ ގުރޫޕުގެ ޗެއާމަން މިހެން ވިދާޅުވީ، ދިވެހި ސަރުކާރުގެ ކޮރަޕްޝަންގެ އަމަލުތައް ކަމަށް ބުނެ އަލްޖަޒީރާ އިން ދެއްކި ތަހުގީގީ ރިޕޯޓު "ސްޓީލިން ޕެރަޑައިސް" ރީބްރޯޑްކާސްޓްކޮށްގެން މީޑިއާނެޓް 500،000 ރުފިޔާ އިން ޖޫރިިމަނާކޮށްފައި ވަނިކޮށެވެ.

ބްރޯޑްކާސްޓިން ކޮމިޝަންގެ ރައީސް މުހައްމަދު ޝަހީބު ވެސް ބައިވެރިވެ ވަޑައިގެންނެވި ހަފުލާގައި ނާޝިދު ވިދާޅުވީ ރާއްޖޭގައި ބްރޯޑްކާސްޓަރުން އެ މީހުންގެ ދައުރު އަދާކުރަނީ ވަރަށް އުނދަގުލުން ބޮޑެތި ގޮންޖެހުންތަކަކާ އެކު ކަމަށެވެ. އަދި އެ މަސައްކަތް ކުރުމަށް ކޮމިޝަންގެ އެއްބާރުލުމާއި ހިމާޔަތް ބޭނުންވި ނަމަވެސް، އޭގެ ބަދަލުގައި އެތަނުން ކުރަނީ ޖޫރިމަނާ ކަމަށް ވިދާޅުވި އެވެ.

ބްރޯޑްކާސްޓިން ކޮމިޝަންގެ ރައީސް މުހައްމަދު ޝަހީބް މަޖިލީހުގެ ކޮމެޓީއެއްގައި

"އަބުރާ ބެހުމަކީ އަދި އަބުރާ ބެހެވެނީ ކިިހިނެއްކަން ވެސް [ބްރޯޑްކާސްޓަރުންނަށް] ނޭނގި އޮއްވައި، އަދި ބްރޯޑްކޮމް އިން ދޭން ޖެހޭ އެއްބާރުލުމާއި ސަޕޯޓް ނުދެވޭ ހާލުގައި، މިކުރާ ކަމަކީ ބޮޑެތިހެން ހީވާ، ޖޫރިމަނާތައް ކުރަނީ. އެކަން އެބަ ޖެހޭ ހުއްޓާލަން،" އަބުރު ރައްކާތެރިކުރުމުގެ ނަމުގައި ފާސްކުރި ގާނޫނުގެ ސަބަބުން ހިޔާލުފާޅުކުރުން ހަނިވާކަން ފާހަގަކުރައްވަމުން ނާޝިދު ވިދާޅުވި އެވެ.

ޗަމްޕާ ސެންޓްރަލް ހޮޓަލުގައި ބޭއްވި ހަފުލާގައި ނާޝިދު ވިދާޅުވީ މިރޭ އޭނާ އެ ވާހަކަ ދެއްކެވީ "މީޑިއާ ނެޓު 500،000 ރުފިޔާ ޖޫރިމަނާ ކޮށްގެންނެއް ނޫން" ކަމަށާއި "އެ ޖޫރިމަނާ ދައްކާނެ ކަން ޝަހީބަށް އެނގިވަޑައިގަންނަވާނެ" ކަަމަށެވެ.

އެކަމަކު އޭނާގެ މަގްސަދަކީ، ރައްޔިތުންގެ މަޖިލީހުގެ މެމްބަރެއްގެ ހައިސިއްޔަތުން ކޮމިޝަން ޒިންމާދާރުކުރުވުން ކަމަށް ވިދާޅުވި އެވެ.

މިރޭގެ ހަފުލާގައި ޝަހީބު ވާހަކަ ދެއްކެވި ނަމަވެސް ނާޝިދުގެ ވާހަކައަކަށް އަދި މީޑިއާނެޓު ޖޫރިމަނާ ކުރުމާ ގުޅޭގޮތުން އެއްވެސް ވާހަކައެއް ނުދައްކަވަ އެވެ.

"Stealing paradise" dhekkumun Media net 500,000 rufiya in joorimanaa koffi | Mihaaru

The most trusted news source in the Maldives

Mihaaru

"މިހާރު" އަށް އެނގިފައިވާ ގޮތުގައި ބްރޯޑްކާސްޓިން ކޮމިޝަނުން މީޑިއާ ނެޓް ޖޫރިމަނާ ކުރީ ގައުމީ ސަލާމަތަށް ނުރައްކާވާ ފަދަ ކޮންޓަންޓެއް ބްރޯޑްކާސްޓް ކުރި ކަމަށް ބުނެ އެވެ. އަދި ޖޫރިމަނާގެ އިތުރުން، މާފަށް އެދި ބަޔާނެއް ނެރުމަށް ވެސް އަންގާފައިވާ ކަމަށް ވަނީ އެނގިފަ އެވެ.

މޯލްޑިވްސް ބްރޯޑްކާސްޓިން ކޮމިޝަން އޭޑީކޭ އަހުމަދު ނާޝިދު މީޑިއާ ނެޓް ބްރޯޑްކާސްޓަރުން އަބުރާ ބެހުން ސްޓީލިން ޕެރެޑައިސް މީޑިއާ

36 ކޮމެންޓް, 110 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބާބަ

17 June 2017

ނޫން ނޫން މިގައުމް މީ އެމީހަކު ބޭނުން ގޮތަކައް އުޅެވެން ޖެހޭނެ ގައުމެއް ގާނޫނާއި ގަވައިދު ތަންފީޒް ކޮއްފިއްޔާ ސަރުކާރު ގޯސްވީ މިގައުމުގަ މިއޮތީ އަސްލު ޑިމޮކްރަސީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯލް

17 June 2017

މިދަރަޖައަށް ތިޔަ ކޮމިޝަންދާއިރު ސަހީބު ތިތަނުގައި ނިންދެ ވަޒީފާ އިސްތިއުފާދިނުން ރަގަޅުވަނީ، އެހެން ނޫނީ ގެއްލޭނީ ތިމާއަށް ލިބިފަހުރި ރީތި ނަމާއި އަބުރު. މިޤައުމުގައި މިނިވަން މުއްއްސަސާތަކާއު ފުލުހުންގެ އިދާއާގެ އިސްވެރިން ޤާނޫނާއި ހިލާފު އަމަލުތަކާއި އަމުރުތައް ނެތެފަ، ދެން މިބުނަނީ ވަޒީފާގެ ބިރުންނޭ ކުރަނީ. ދައުލަތުގެ އެއްވެސް މަޤާމަކީ އަދި ވަޒީފާއަކީ ތަރިކަ މުދަލެއް ނޫން، ކޮށްގެން ތިބޭ ހުވާޔައި ހިލަފަށް ކަންކަން ކުރަން މަޖުބޫރު ކުރުވަންޏަ އިސްތިއުފަ ދޭނީ، ރައްޔިތުން ހޮވި މަޖިލީހުން މަޤާމުދެނީ މިނިވަންކަމާއިއެކު ކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު

16 June 2017

ޖޫރިމަނާކުރީމާ އެކަމާ ކަންބޮޑުވާންވީ ކީއްވެ؟ އޭޑީކޭ އަށް ހޮސްޕިޓަލް ކުއްޔަށް ދިނީ އެންމެ ފަންސަވީސްހާސް ރުފިޔާއަށް. އެކަމަކު ޑޮކްޓަރަށް ދައްކަން ދާ ކޮންމެ މީހެއްގެ އަތުން ކިތައް ސަތޭކަ ރުފިޔާ ނެގި ބާ! ކޮޓަރިއެއްގެ ކުލި ހާހަކަށްވުރެ ބޮޑުވީ ކީއްވެބާ! މި ވާހަކަވެސް ދައްކާލިނަމަ ތިޔަ ވާހަކަ ގަބޫލުކޮށްލަން ތަންކޮޅެއް ފަސޭހަވީހެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާއިލް

16 June 2017

ދެން ހެއްވާ ވާހަކަ ނުދައްކަވާ، ނާޝިދް އެއް ކަމަކު.... މި ގައުމުގެ އެބަ އުޅޭތަ އެކަކުވެސް، ހަމަ އެކަކުވެސް، 'ޒިންމާ' ނަގަން ދަންނަ؟ އެބަހެއް ސްކޫލް ތަކުގައެއް ނުކިޔަވާދެޔޭ!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލުގުމާން

16 June 2017

ކޮންމެ މީހަކު އެބަބުނޭ "ފްރީޑޮމް އޮފް ސްޕީޗް، ފްރީޑޮމްއޮފް މީޑިއާ" އޭ. މިހެން ބުނާއިރު އަޅުގަނޑު ގެ ހިތަށް އަރަނީ މިކަމުގައި ހައްދެއް އޮންނަން ވާނެތޯ ނުވަތަ ނޫންތޯ؟ ނެތް ކަމަށް ވާނަމަ މައުސޫމް މީސްމީހުންގެ އަބުރު ކަތިލެވިދާނެ ފެންތައްޓެއް ބޯހެން. ހައްދެއް އޮންނަކަމަށް ވާނަމަ އޮންނާނެތާ ގަވާއިދެއް އެއާ ޚިލާފަވާނަމަ ޖޫރިމަނާ ވެސް ކުރަން އެބަޖެހޭ ދެއްތޯ؟ ކޮންމެ މީހަކަށް ވެސް މިވާގޮތަކީ އެމިހަކާ ކަމަކާ ދިމާވިމަ މި ހޭއަރަނީ... ގެއިން ނުކުންނައިރު ގޭދޮރުމަތީގަ ސައިކަލެއް ޕާކުކޮށްފައި އިނުމުން ކީކޭބާ ހިތަށް އަރަނީ؟ އެކަމަކު ތިމާމީހާގެ އަމިއްލަ ސައިކަލް ޒޯނުން ބޭރުގައި ހުއްޓާ ސްޓިކާ ޖެހީމަ ކިކޭބާ ހިތަށް އަރަނީ؟ މިފަދަ ކަންކަމަށް ކިޔަނީ ފަރުދީ ޒިންމާއޭ.... މިޒިންމާ ނުނަގާކަމަށް ވާނަމަ ގައުމެއް ރަނގަޅެއް ނުވާނެ ދުވަހަކުވެސް...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

"މިހާރު"ގެ ފަހުރުވެރި ކިޔުންތެރިޔާ/ހދ.ކުޅުދުއްފުށި/ހާލުފޮޅި

16 June 2017

ޓީވީ ޗެނަލަކުން ގެނެސްދިން އެއްޗަކަށް ކޭބަލް އޮޕަރޭޓަރ ކުށްވެރި ވާން ޖެހުމަކީ ބޮޑު ޖޯކެއް. ކޭބަލް އޮޕަރޭޓަރ ގެ މަސައްކަތަކީ ޗެނަލްތަށް ދޫކުރުން. ޗެނަލްތަކުން ގެންނަ އެއްޗެއްސަށް ޒިންމާވާން ޖެހޭނަމަ ހުރިހާ ޗެނަލްތަކެއްގެ މިލްކުވެރިކަން ދެއްތޯ އެލިބުނީ. މިހިރީ ސަރުކާރުން ފާސްކުރާ ދޯހަޅި ގާނޫނުތަށް ތަންފީޒު ކުރީމަ ވާގޮތް. މިކަމުންވެސް މިސަރުކާރުގެ ފެންވަރު ދަށްކަން މި އެނގެނީ އެންމެނަށް. ސަރުކާރު ލަދު ގަންނަވަރު ކަމެއް މީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސްނާ

16 June 2017

ރައީސް އަރިހުގައި (ސަރުކާރާއި ޕީ ޕީ އެމް ގައި)އަދުގަދަކޮށް މީސްމީހުންނަށް ފުރަށްސާރަ ކުރުމައް ތިގެންގުޅުއްވާ ބޭފުޅުން ދުރުކުރައްވައިގެން ނޫނީ 2018 ކާމިޔާބު ނުވާނެ މަނިކުފާނު މިކަމާ ވިސްނަވާނެ ކަމަށް އުންމީދުކުރަމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޯވޭއި

16 June 2017

ނުބައިގެ މައްޗަށް ނުބައި ހެދި ބްލެކްމެއިލްވެ ނާއުންމީދު ވެފައިތިބޭ މީހުން ދެން ކާމިޔާބު ކުރަން ވިސްނުމަށްވުރެ ވިސްނާނީ ވެވުނު ނުލަފައެއް ވެފައި ކެވުނު އެއްޗެއް ކައިގެން ޗަލާން. އެހެންޏާ ފަހެ ފަސްބައި ސާފު ރީތި ވެރިކަމެއް ކޮށްލައިގެން ދިރިއުޅުމާ މީހުންގެ ލޯތްބާ ދިންނެވުން ހޯދެން އެހާ ރީތިކޮށް ލިބުނު ފުރުސޮތަކަށް ހިތުން ރުހުމުން ފުރަގަސްދީ ހަޑިހާވާނެއެކޭ ސަލާމަތް ބުއްދިއެއް ހަމަ ނުބުނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންސާފް

16 June 2017

ވ ރަނގަޅު ކަމެއް ގާނޫނޢި ގަވާއިދު ތަންފީޒް ކުރެވެންޖެހޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަނާ

16 June 2017

ނާޝިދަށް ނޭންގެނީ ޕީޕީއެމް ސަރުކާރުގަ ވައްކަންކޮށް ގޯނިގޯނީގައި އެބެހިކަމަށް އަމިއްލައަށް އިއުތިރާފްވީމީހާގެ މައްސަލަބެލޭކަށް ނެތޯ ފުލުހުންބުނީ އެވާހަކަދައްކާމީހާ ގޮޅިއަށް ނޫނީ ޖޫރިމަނާ މި ލޮޖިކް ދިވެހިންގެ ގިނަމީހުނަށް ހަޖަމުނުވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަމަނާ

16 June 2017

މިހާރު މިއޮންނަނީ ހުރިހާކަމެއްވެސް މަނާ މަނާ އެންމެފަހުން ރައްޔިތުންމިތިބަގެންވަނީ ފަނާ ފަނާ، ދެންވާނީ ހަނާ ހަނާ .. މިވެސްވެރިކަމުގެ ވައްތަރެކޯލަ ... ކަނޑުގެހުކުމް ޖަންގަލީގެ ހުކުމް ، މަށަށްކަމުނުދިޔައީ ޕީޕީއެމްގެޓިކެޓު އޮޅިގެންނަމަވެސް ނުބައިމީހަކަށްދެވުނީތީ ...