ގިނަ މަޝްރޫއުތައް މި އަހަރު ނިމުމުގެ ކުރިން ނިމޭނެ: އެމްއާރުޑީސީ

އެމްއާރުޑީސީން މިއަދު ބޭއްވި ނިއުސް ކޮންފަރެންސްގައި އެ ތަނުގެ ޕްރޮޖެކްޓް ހެޑް މުހައްމަދު ޝަރީފް (ކ) ވާހަކަ ދައްކަވަނީ.---މިހާރު ފޮޓޯ: ހުސެއިން ވަހީދު

މުހައްމަދު ޔާމީން، މިހާރު

18 ޖޫން 2017 - 13:01

22 comments

މޯލްޑިވްސް ރޯޑް ޑިވެލޮޕްމަންޓް ކޯޕަރޭޝަން (އެމްއާރުޑީސީ) އިން ކުރިއަށްގެންދާ ގިނަ މަޝްރޫއުތައް މި އަހަރު ނިމުމުގެ ކުރިން ނިމޭނެ ކަމަށް އެ ކުންފުނިން މިއަދު ބުނެފި އެވެ.

އެމްއާރުޑީސީގައި ބޭއްވި ނޫސްވެރިންގެ ބައްދަލުވުމުގައި އެ ތަނުގެ ޕްރޮޖެކްޓް ހެޑް މުހައްމަދު ޝަރީފް ވިދާޅުވީ އެމްއާރުޑީސީން އެންމެ އިސްކަމެއް ދީގެން ކުރަމުން އަންނަ މަސައްކަތަކީ ރަށްރަށުގެ މަގު ހެދުން ކަމަށެވެ. އެ ގޮތުން 10 ރަށުގެ މަގު ހެދުމުގެ މަސައްކަތް ކުރަމުން އަންނަ ކަމަށް އޭނާ ވިދާޅުވި އެވެ.

އެއީ ގާތްގަނޑަކަށް 126 މަގު ކަމަށާއި އެ ހުރިހާ މަގެއްގެ ދިގުމިނުގައި 38 ކިލޯމީޓަރު ހުންނާނެ ކަމަށް އޭނާ ވިދާޅުވި އެވެ. މި މަސައްކަތުގެ ދަށުން އެންމެ އަވަހަށް ނިންމާލެވޭނީ ހދ. ކުޅުދުއްފުއްޓާއި ހއ. ދިއްދޫގެ މަގު ހެދުމުގެ މަސައްކަތެވެ. އެ ގޮތުން އެ ދެ ރަށުގެ މަސައްކަތް އަންނަ އޮގަސްޓް މަހުގެ ނިޔަލަށް ނިންމާލެވޭނެ ކަމަށާއި މުޅިން އަލަށް ހަތަރު ރަށެއްގެ މަގު ހެދުމުގެ މަސައްކަތް ކުރާ ކަމަށް އޭނާ ވިދާޅުވި އެވެ.

ނަމަވެސް މި މަސައްކަތަށް ހޭދަވާ ވަރެއް ހާމައެއް ނުކުރެ އެވެ.

މީގެ އިތުރުން 67 ރަށެއްގައި ފުޓްސަލް ދަނޑުތައް އެޅުމުގެ މަސައްކަތް ހަލުވި ކަމާ އެކު ކުރިއަށް ދާ ކަމަށް އޭނާ ވިދާޅުވި އެވެ. އަދި އެ މަސައްކަތްތައް ޑިސެމްބަރު މަހުގެ ތެރޭގައި ނިންމާލެވޭނެ ކަމަށާއި ހަ ރަށެއްގެ ޖެޓީ ހެދުމުގެ މަސައްކަތް ފަށައިގެން ކުރިއަށްދާ ކަމަށް ވެސް އޭނާ ވިދާޅުވި އެވެ.

އެމްއާރުޑީސީން ބުނި ގޮތުގައި ރައްޔިތުންގެ ފައިދާ އާއި މަންފާ އަށް ކުރާ މަސައްކަތްތަކުގެ ތެރެއިން ގިނަ ޕްރޮޖެކްޓްތައް އަންނަ އޮކްޓޯބަރު ނުވަތަ ނޮވެމްބަރުގެ ކުރިން ނިންމުމަށް ދަނީ މަސައްކަތް ކުރަމުންނެވެ.

ތަރައްގީގެ މަޝްރޫއުތައް ހދ. ކުޅުދުއްފުށި މަގު ހެދުން ހއ. ދިއްދޫ އެމްއާރްޑީސީ

22 ކޮމެންޓް, 22 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

Mishy

19 June 2017

ޕިސް ޕިސް...މރޑސ ގައިވެސް ޔާމީނުތަ....ހެޔޮ ކިތަންމެ މަޝްރޫޢެއް ހިންގިޔަސް ނުދޭނަން ވޯޓެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަން

19 June 2017

ޔާމީނު މުޅި ގައުމުގައި ރަންލިއަސް 2018 ގައި ވޯޓެއް ނުދޭނަން. މިއީ ފަހަކަށް އައިސް ފެންނަ ކޮމެންޓްތަކުގެ ދޭހައެވެ. މިހެންވަނީ ކީއްވެގެން ހެއްޔެވެ؟!!!!!! އަހަންނަށް ފެންނަނީ ރައްޔިތުންގެ ހިތުގައި އުފެދިފައިވާ ރުޅިވެރިކަމާއި ނަފްރަތެވެ. ރުޅިވެރިކަން މިދަރަޖައަށް އުފެދުނީ ކީއްވެހެއްޔެވެ. ކޮންމެވެސް މީހަކުބުނީ ވެރިޔާ އަށް މިގައުމު ހިންގުމަށް ލިބުނު ފުރުސަތުގައި ހެޔޮގޮތުގައި ނުހިންގަނީ އޭނަގެ ހުރި ނުބައި ޚަސީލަތެއްގެ ސަބަބުންނެވެ. ކަންތައް ހައްލުކުރަން ބޭނުންވަނީ ޖަރީމާތަކުންނެވެ. އެއީ އޭނަގެ މިޒާޖެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެހޭ

19 June 2017

ފަރަނސީ އަށް ނިއުސް ކޮންފަރެންސް ބޭއްވި ސަބަބު ނެއެނގުނީތަ ނުވަތަ ނެ އެނގޭކަމަށް ހެދެނީތަ؟ ފޮޓޯ ދައްކާލުން ފުރަތަމަ ސަބަބު، ދޮގު ހެދުން 2 ވަނަ ސަބަބު، އޮޅުވާލުން 3 ވަނަ ސަބަބު، ރައްޔިތުންނަށް ޖެއްސުން ކުރުން 4 ވަނަ ސަބަބު