ސުމޭދު ހޯދުން އަދިވެސް ހުއްޓައެއް ނުލަން: ޕޮލިސް

ސުމޭދު: އޭނާ ކަނޑަށް ވެއްޓި ގެއްލުނީ މި މަހުގެ ހަތަރުވަނަ ދުވަހު.

އަހުމަދު އަދްޝަން، މިހާރު

19 ޖޫން 2017 - 13:38

މި މަހުގެ ހަތަރުވަނަ ދުވަހު ޑިންގީއެއްގައި މަހަށް ނުކުމެ އުޅެނިކޮށް، އައްޑޫ ގަން ކަނޑަށް ވެއްޓި ގެއްލުނު ހިތަދޫ މުހައްމަދު ސުމޭދު ހޯދުމުގެ މަސައްކަތް އަދިވެސް ހުއްޓާ ނުލައި ކުރިއަށް ގެންދާ ކަމަށް ފުލުހުން މިއަދު ބުނެފި އެވެ.

ސުމޭދު ހޯދުމުގައި ފުލުހުންނާ އެކު އެމްއެންޑީއެފުން ވެސް އަންނަނީ ހަރަކާތްތެރިވަމުންނެވެ. އޭނާ ހޯދުމުގެ މަސައްކަތް ވައިގެ މަގުންނާއި ޑައިވްކޮށްގެންނާއި ކޯސްޓްގެ ގާޑްގެ އުޅަނދުފަހަރު ބޭނުންކޮށްގެން މިހާތަނަށްކޮށްފައިވެ އެވެ.

"މަސައްކަތް ހުއްޓާ ނުލައި ހޯދުމުގެ މަސައްކަތް ކުރިއަށް އެބަދޭ. އަދި މި ހާދިސާގެ ތަހުގީގު ވެސް ކުރިއަށް އެބަދޭ،" އިތުރު ތަފުސީލެއް ނުދީ ފުލުހުންގެ މީޑިއާ އޮފިޝަލް ވިދާޅުވި އެވެ.

ހިތަދޫ އާބިން، ސުމޭދު 27، ގެއްލުނުތާ ތިން ހަފުތާއެއްހާ ދުވަސްވެގެންދާ އިރު، އޭނާގެ ޚަބަރެއް މިހާތަނަކަށް ނުވެ އެވެ. އެކަމަކު ސުމޭދު ހޯދަމުން ދަނިކޮށް މި މަހުގެ ފަސްވަނަ ދުވަހު ސުމޭދުގެ ފޯނު ފެނިފައިވާ ކަމަށް ފުލުހުން ބުންޏެވެ.

އެ ފޯން ފެނުނީ ސުމޭދު ކަނޑަށް ވެއްޓުނު ސަރަހައްދާ ދިމާލުގައި އޮތް ފަޅު ރަށް މަޑިހެރަ ކައިރިންނެވެ.

ފުލުހުންގެ ވަޒީފާ އަދާކުރަމުން ދިޔަ ސުމޭދު މަހަށް ދިޔައީ ފޭދޫގެ ދެ ރައްޓެއްސަކާ އެކުގަ އެވެ. އެއީ ފޭދޫ ފަހާގޭ ހުސައިން ސައީދާއި ފޭދޫ ބެންހާގޭ އިބްރާހީމް ނާއިފް އެވެ.

މަހަށް ދިޔަ ޑިންގީ "ބަންޑުން ޖަހާލި" ކަމަށް ބުނާ ހާދިސާގައި އެ ދެ މީހުން ވަނީ ސަލާމަތްވެފަ އެވެ. ސައީދު ބުނި ގޮތުގައި 17 ފޫޓުގެ ޑިންގީ ބަންޑުން ޖަހާލީ އެއަށް ނެގި ބޮޑު ރާޅަކާ އެކުގަ އެވެ.

މި ހާދިސާގައި އެ މީހުން ކަނޑުވުމުން، ސައީދާއި ނާއިފް ސަލާމަތްވީ ފަތާފައި ގޮސް، ޝަންގްރިއްލާ ވިލިގިލި ރިސޯޓް ކައިރީ އޮތް ފަޅު ރަށަށް އަރައިގެންނެވެ. އަދި ފަހުން އެ ދެ މީހުން ވަނީ ޝަންގްރިއްލާ އަށް ގޮސްފަ އެވެ.

ސުމޭދުމެން މަހަށް ދިޔަ ޑިންގީ.

ޑިންގީ ފަޅު ރަށުން ފެނުނު އިރު، އޭގައި ހުރި ތަކެއްޗާ އެކު ފެނިފައިވާތީ ސުމޫދުގެ އާއިލާ އިން ވަނީ ޑިންގީ ބަންޑުން ޖަހާލީ ކަމަށް ގަބޫލު ނުކުރެވޭ ކަމަށް ބުނެފަ އެވެ. އަދި ފުލުހުން ވެސް ވަނީ ޑިންގީ ބަންޑުން ޖަހާލިކަން ކަށަވަރު ނުވާ ކަމަށް ބުނެފަ އެވެ. މި ހާދިސާ ތަހުގީގު ކުރަން ފުލުހުންގެ ހާއްސަ ޓީމެއް އައްޑޫގައި އަންނަނީ ހަރަކާތްތެރިވަމުންނެވެ.

ސުމޭދު ގެއްލިފައިވާއިރު، އޭނާގެ ހަތަރު އަހަރުގެ ކުއްޖަކާއި އަންބަކު ދުނިޔޭގައި އެބަހުއްޓެވެ.

ސ. ފޭދޫ ސ. ހިތަދޫ އައްޑޫ ފުލުހުން ސ. ގަން ކަނޑުމަތީގެ ހާދިސާ އެމްއެންޑީއެފް ސަދަން ކޮމާންޑް

12 ކޮމެންޓް, 28 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވިސްނަންވެއްޖެ.

22 April 2018

ތިވަރުގެ އައުޓު ބޯޑު އިންޖީނެއްއަޅާފައި ވާލޯންޗެއް ބަންޑުންޖަހާލައިފިނަމަ ވަގުތުން އިންގީނުގެ ބަރަށް އެލޯންޗު އަޑިއަށް ނުގޮހެއްނުހުންނާނެ. ފައިބަރަކީ އަޑިއަށްދާއެއްޗެއް އަދި އިންޖީނު އެހާބަރުވާނެ. އަދި ބަންޑުންޖެހި ލޯންޗުގައި އޭގާބޭނުންކުރާ ހުރިހާ ސާމާނެއްއެބަފެނޭ. ތީއަޖާބެންނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުރަބޯ

20 June 2017

ފުލުހުން ކުރެން މިހަބަރު ލިއުނުބޭފުޅާ އަހާބަލަ ތިޔަ ފެނުނު ފޯނަކީ ސުމޭދުގެ ފޯނެއްތޯ ނޫނީ އެއީ ނާއިފުގެ ފޯނުތޯ؟؟؟ ފުލުހުން ކަންކަން ޔަގީންނުކޮށް މީޑިޔާއަށް މައުލޫމާތު ދިނުމުގެ ބޭނުންވެސް ރައްޔިތުންނަށް އެގެން އެބަޖެހޭނޫންތޯ!!!!!!!!!!!!!!!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެންޓަލިސްޓް

20 June 2017

ފުލުހުންނަށް ވަރަށް ސަލާމް ،،، ސުމޭދުވެސް ގޮސްގެން ތިޔައުޅެނީ ހަމަ ރިލްވާން ދިޔަތަނަށް ކަމަށް ލަންކާގައި އިންނަ މާމޮޅު ސާމީކިޔާ ކަހީނެއް އެބަނުނޭ ،،،، ވީމާ އޭނާކައިރިއަށްގޮސް ތިޔަކަން ސާފްކޮއްލީމައި އިތުރު ޙަރަދަކާއި ވަގުތުތަކެށް ބޭކާރުނުކޮށް ތިޔަކަމަށް ހައްލެއްލިބޭނެ ،،، ދެން އޮތްސުވާލަކީ ތިޔަޑިންގީގައި ދެންތިބި ދެމީހުން ކީއްވެތޯ ބަންދުކޮށް 15 ދުވަސްނުޖަހާ ޝަރީއަތް ނުކުރަނީ ،،،، ތިޔައީވެސް ބޮޑުގޭސްގަނޑަކަށް ދެއްތޯ ނިމިގެންދާނީ ،،،، ގޮތްނޭންގޭ މަރުތަކެށް މިހާރުރާއްޖޭގައި ގިނަވަމުން މިދަނީ ،،، މިސާލަކަށް ލޯންޗް ޑްރައިވަރަކާޢި އޭނާގެ އަންހެނުން ،،،، ކޯޑިނޭޓަރއަކާޢި އޭނާގެ ފްރެންޑް ،،،، ވިމާނުވާ އެއް ފުލުހުންނާޢި ހޮސްޕިޓަލްތަކުން އެބަޖެހޭތާ ބަލަން ،،، ރާއްޖޭގެ ގާނޫންއަސާސީގައި އެބަޖެހޭ ލިއަން މަރުވާ ކޮންމެމީހެއްގެ ޕޯސްޓްމޯޓަމް ހަދައި އެމީހެއްގެ ކޯސްއޮފްޑެތް ރަގަޅަށް އެސްޓެބްލިޝްކުރަން ،،، އެއީމިހާރު ރާއްޖޭ ކުރިއަރާފައިއޮތްގޮތުން ކުރަންޖެހޭކަމެށް ،،، މިސާަލަކަށް ސްވިޓްޒަރލޭންޑްގައިވެސް ގާނޫނުން ލާޒިމްކުރާކަމެށް އެއީ ،،، ވަރަށްވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދީދީ

19 June 2017

ސުމެއިދު ހޯދުމުގައި އެއްވެސް ކުރިއެރުމެއް ލިބިޖެތޯ. ތުއްތު ކުޖަކު ޔަތީމް ވީ، އާއިލާޔައްވެސް އެހީތެރިކަން ފޯރުކޮއްދޭން ފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައްދާމް

19 June 2017

"އެ ފޯން ފެނުނީ ސުމޭދު ކަނޑަށް ވެއްޓުނު ސަރަހައްދާ ދިމާލުގައި އޮތް ފަޅު ރަށް މަޑިހެރަ ކައިރިންނެވެ" މަށަށް ހަމަ ނޭނގުނު......... ފޯނު ފެނުނީ ލޯންޗް ބަންޑުން ވީ ކަމަކަށް ބުނާތަނުން..... މަޑިހެރަ އޮތް ތަން އަދި ލޯންޗު ބަނޑުން ވީ ދުރުމިން މި ލިޔުނު މީހާއަށް އެނގޭ ތަ.... ؟ އޮޅުން ބޮޅުން......... އޮޅުން ބޮޅުން.........