އީދު ނަމާދުގެ ބޮޑު ޖަމާއަތް މި ފަހަރު މާފަންނު ސްޓޭޑިއަމްގައި

މާފަންނު ސްޓޭޑިއަމްގައި އަޟްހާ އީދު ނަމާދު ކުރަނީ: މާލެ، ހުޅުމާލެ އަދި ވިލިމާލޭގެ 21 މިސްކިތެއްގައި އީދު ނަމާދު ކުރާނެ ކަމަށް މިނިސްޓްރީން ބުނި -- ފައިލް ފޮޓޯ

އާސިމާ ނިޒާރު، މިހާރު

20 ޖޫން 2017 - 22:42

2 comments

މި އަހަރުގެ ފިތުރު އީދު ނަމާދުގެ ބޮޑު ޖަމާއަތް މި ފަހަރު މާފަންނު ސްޓޭޑިއަމްގައި ބާއްވާ ގޮތަށް އިސްލާމިކް މިނިސްޓްރީން ހަމަޖައްސައިފި އެވެ.

އެ މިނިސްޓްރީން ކުރި އިއުލާނެއްގައި ބުނީ މާލޭގެ މާފަންނު ސްޓޭޑިއަމްގެ އިތުރުން ހުޅުމާލޭގެ ސެންޓްރަލް ޕާކާއި ވިލިމާލޭގެ ބޯޅަދަނޑުގައި ވެސް އީދު ނަމާދު ބޮޑު ޖަމާއަތުގައި ކުރާނެ ކަމަށެވެ.

މީގެ ހައެއްކަ އަހަރު ކުރިން ފެށިގެން މާލޭގައި އީދު ނަމާދު ބޮޑު ޖަމާއަތުގައި ކުރަމުން އައީ މާފަންނު ސްޓޭޑިއަމްގަ އެވެ. އެ ތަނުގައި 30،000 އަށް ވުރެ ގިނަ މީހުންނަށް އެއްފަހަރާ ނަމާދު ކުރެވޭނެ އެވެ. ނަމަވެސް އިސްލާމީ މަރުކަޒުގެ ވަށައިގެންވާ ސަރަހައްދުގައި މާބުލް ޖަހައި ނަމާދު ކުރެވޭ ގޮތަށް އެތަން ޒީނަތްތެރިކޮށް، މިދިޔަ އަހަރުގެ ފިތުރު އީދު ނަމާދު ބޮޑު ޖަމާއަތުގައި ކޮށްފައި ވަނީ އިސްލާމީ މަރުކަޒުގަ އެވެ.

އެ ސަރަހައްދުގައި މާބުލްޖަހައި ނިމުމުން 20،000 އަށް ވުރެ ގިނަ މީހުންނަށް އެއް ފަހަރާ ނަމާދު ކުރެވޭނެ ކަމަށް އިސްލާމިކް މިނިސްޓްރީން ބުންޏެވެ. އެކަމަކު މިދިޔަ އަހަރު އެތަން ބޭނުންކުރަން ފެށިތާ މަހެއް ނުވަނީސް މާބުލްތަކުގައި ވަނީ ރެނދުލައިފަ އެވެ.

މާފަންނު ސްޓޭޑިއަމްގެ އިތުރުން މާލެ، ހުޅުމާލެ އަދި ވިލިމާލޭގެ 21 މިސްކިތެއްގައި ފިތުރު އީދު ނަމާދު ކުރާ ގޮތަށް ވަނީ ހަމަޖައްސައިފަ އެވެ.

އިސްލާމިކް މިނިސްޓްރީ ފިތުރު އީދު މާލެ އީދު އީދު ނަމާދު

2 ކޮމެންޓް, 26 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުއިޒުވުން

20 June 2017

ޢިސްލާމީ މަރުކަޒު ކައިރީ މަގު ބަންދުކުރުމުގެ ބޭނުމަކީ ކޮބާކަން އޮޅިއްޖެ މިހާރު...އެމަގު ބަންދުކުރިފަހުން ލިލީމަގު ޓްރެފިކް އޮންނަވަރު އިނގޭނީ އެމަގު ބޭނުންކުރަންޖޭ އާމުންނަށް ..