ސައޫދީ އަރަބިއްޔާގެ ވަލީ އަހްދުގެ މަގާމަށް މިއަދު އައްޔަން ކުރެއްވި މުހައްމަދު ބިން ސަލްމާން.
21 ޖޫން 2017 - 17:47
23 comments
ސައޫދީ އަރަބިއްޔާގެ އާ ވަލީ އަހްދު އަދި އެ ގައުމުގެ ރަސްގެފާނު ސަލްމާން ބިން އަބްދުލްއަޒީޒްގެ ދަރިކަލުން މުހައްމަދު ބިން ސަލްމާން އަށް ރައީސް އަބްދުﷲ ޔާމީން މިއަދު ތަހުނިޔާ ފޮނުއްވައިފި އެވެ.
ސައޫދީގެ އާ ވަލީ އަހްދުގެ މަގާމަށް މިއަދު އައްޔަން ކުރެއްވި މުހައްމަދަށް ރައީސް ޔާމީން ފޮނުއްވި ތަހުނިއްޔާގެ މެސެޖުގައި ވިދާޅުވީ، އެމަނިކުފާނުގެ ދައުރުގައި ސައޫދީ އާއި އެ ގައުމުގެ ރައްޔިތުންނަށް އިތުރު ފާގަތިކަމާއި ތަރައްގީ ލިބޭނެ ކަމަށް ޔަގީން ކުރައްވާ ކަމަށެވެ.
"މިގޮތުން، ދުނިޔޭގެ ވިޔަފާރީގެ ގަދަބާރެއްގެ ގޮތުގަ އާއި، އިސްލާމީ އުއްމަތް އެއްބައިވަންތަކޮށް ހަރުދަނާ ކުރުމުގަ އާއި، ސަރަހައްދީ ގޮތުންނާއި ދުނިޔޭގެ ސުލްހަ ޤާއިމް ކުރުމުގައި އެންމެ އިސް ދައުރެއް އަދާކުރާ ފަރާތެއްގެ ގޮތުގައި ސަޢޫދީ ޢަރަބިއްޔާ ފާހަގަ ކުރައްވާފައިވެ އެވެ،" ރައީސް އޮފީހުން ބުންޏެވެ.
ސައޫދީގެ ރަސްގެފާނު ސަލްމާނާއި، އެ ގައުމުގެ ވަލީ އަހްދުގެ މަގާމަށް މިއަދު އައްޔަން ކުރެއްވި މުހައްމަދު ބިން ސަލްމާން (ވ).
ރައީސް ޔާމީން ވަނީ ރާއްޖެ އަށް ސައޫދީން ދެމުން ގެންދާ އެހީތެރިކަމަށްޓަކައި ދިވެހި ސަރުކާރާއި ރައްޔިތުންގެ ނަމުގައި ވެސް ޝުކުރު އަދާކުރައްވާފައި ކަމަށް ވެސް ރައީސް އޮފީހުން ބުނެ އެވެ. އަދި ދެ ގައުމުގެ ދެމެދުގައިވާ ގުޅުން ކުރިއަށް އޮތް އަހަރުތަކުގައި އިތުރަށް ހަރުދަނާވާނެ ކަމަށް އުއްމީދު ކުރައްވާ ކަމަށް ވެސް ރައީސް ޔާމީން، ޕްރިންސް މުހައްމަދަށް ފޮނުއްވި މެސެޖުގައި ވިދާޅުވި އެވެ.
ސައޫދީގެ އާ ވަލީ އަހްދު އަދި އެ ގައުމުގެ ރަސްކަމުގައި މިހާރު އެންމެ ނުފޫޒު ގަދަ އެއް ޝަހުސިއްޔަތުގެ ގޮތުގައި ފާހަގަކުރެވޭ މުހައްމަދަކީ ރައީސް އަބްދުﷲ ޔާމީނާއި ކުރީގެ ނައިބު ރައީސް އަހުމަދު އަދީބާ ވެސް ވަރަށް ގާތް ބޭފުޅެއް ކަމަށް ވެ އެވެ. ފ. އަތޮޅަށް ސައޫދީގެ ބިޔަ އިންވެސްޓްމަންޓް ގެނައުމުގެ މަސައްކަތުގައި ވެސް އެންމެ އިސްކޮށް ހުންނެވީ އާ ވަލީ އަހްދު މުހައްމަދު ކަމަށް އަޑުފެތުރިފައިވެ އެވެ.
މުހައްމަދު، ސައޫދީގެ ވަލީ އަހްދުގެ މަގާމަށް މުހައްމަދު މި އައްޔަން ކުރެއްވީ އެ މަގާމުގައި ކުރިން ހުންނެވި މުހައްމަދު ބިން ނާޔިފް ބިން އަބްދުލްއަޒީޒް ވަކި ކުރެއްވުމަށް ފަހު އެވެ. މިހާތަނަށް މުހައްމަދު ހުންނެވީ ވަލީ އަހްދުގެ ނައިބުގެ މަގާމުގަ އެވެ.
ވަލީ އަހްދު މުހައްމަދަކީ ރަސްގެފާނު ސަލްމާންގެ ހަ ވަނަ ދަރިކަލުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަލޯ
22 June 2017
ލަނޑައާއި ވާނީ ލަނޑައާ
އުދުހޭ
22 June 2017
އިސްރާއީލުން އެހިނގަމުންދާ ޖަރީމާތަކަށް ތާއީދުކުރާ މީހުން މިކަމަށް އަދި ސައުދީއަށް ތާއީދުކުރާނެ. މީގެ އެތަށް އަހަރެއް ކުރިން ބަގާވާތަކުން ވެރިކަން ހޯދި ސުއޫދު އާއިލާއާ އަހަރެން ނަފްރަތުކުރަން.
އައްމަކަޅޭ
22 June 2017
ސައުދީ އަދީބު ދެއްތޯ! ކިހާވަރަކުން ދާނެބާ!
ކުރިއަރަނީއޭ
22 June 2017
ސައޫދީގެ އާ ވަލީ އަހްދު ޕްރިންސް މުހައްމަދަށް ރައީސް ޔާމީން ތަހުނިޔާ ފޮނުއްވައިފިކަން އެއީ ވަރަށް ރަނގަޅަށް މަމެންގެ ބިއުޓިފުލް ސަރުކާރުން ކުރެއްވި ކަމެކެވެ. މަމެން އުއްމީދު ކުރަނީ ސައުދީ ފަންޑް އިން މަމެންނަށް މާލެ ސަރަހައްދުގައި 1 ލައްކަ ހައުސިންގް ޔުނިޓްސް އެޅުމަށް ބޭނުންވާ ފަންޑް އަދި ސައުދީ މެދުވެރިކޮށް ރާއްޖެ އަށް ހިލަ އާއި ހިލަވެލި ލިބޭނެ ކަމަށް. އަދި އެސްޓީއޯ އާއި ސައުދީ ޝިޕިންގް ކޮމްޕެނީ އާއި ގުޅިގެން މިވިޔަފާރި ލާރޖް ކޮށް ޖައްސާ މިހާރު މިރާއްޖޭން ހިލަ އާއި ހިލަވެލި އަށް އިންޑިއާ އަށް ވެފައި އޮންނަ ބަރޯސާ އެއްކޮށް ނައްތާލާނެ ކަމަށެވެ. އެއިރުން އަސްލު ހަގީގީ ސޫރައިގައި މަމެންގެ ގައުމުގެ އިގްތިސާދު ކުރިއަރާނީ. އެއިރުން މަމެންނަށް ޔަގީން އިންޑިއާގެ އިގްތިސާދުގެ މައްޗަށް ދިވެހިރާއްޖެ އަށް ކުރި ހޯދޭނެ ކަން.
މަމެެން
22 June 2017
މި ސަރުކާރުން އެވަރަށް ސައުދީ އަށް ހޯ ގޮވާ އިރުވެސް ފ މައްސަލަ އަށް ފަހު ސައުދީން ރާއްޖޭން ގޮވާ އަޑު އިވޭކަމަކަށް ނުވޭ.
ޢަލީ
22 June 2017
ހަމަ އަދީބު ހިނގިމަގުން ހިނގައި ނިމިދާނެ ސޮރެއްތީ. 33 އަހަރުގައި އަދީބު ނައިބު ކަމަށް އައި ފަދައިން ސަލްމާނުގެ މުހައްމަދުވެސް ވަލީ އަހުދު ކަމަށް މިއައި 33 އަހަރުގައި. މިޑްރާމާ ނިމޭނީ ހަމަ އަދީބުގެ ޑްރާމާ އެކޭ އެއްފަދަޔަކުން
އެކްސް
22 June 2017
އާނ.. އިސްލާމީ އުންމަތް އެއްބައިވަންތަކުރެވޭނީ މިވަރަށް.. އަވަށްޓެރި މުސްލިމް ގައުމަކަަށް ދަތިކުރުމުގެ ފިޔަވަޅު އަޅައި އިސްލާމްދީނުގެ އަދުއްވުން ހިތް އުފާކޮށްދިނުމަކީ އެއްބައިވަންތަކުރުންތަ؟
ްޤުއްޓޭ
22 June 2017
ސަހަރޯ! ފައިސާ ކޮލެއްގެ އިންތިޒާރުގާ މަމެން މި ތިބީ.
ފާތުމަ
21 June 2017
ވަރަށް ތަފާތު މީހެއް...! http://worldnewsdailyreport.com/saudi-prince-offers-10m-to-spend-one-night-with-kim-kardashian/
މާނާ
22 June 2017
މި ސޮރު ވާޙަކަ އެއް ނޫން އެއީކީ. އޮޅުވާނުލާ.
Maldives
21 June 2017
މުހައްމަދަކީ އިޒުރޭލާ އެމެރިކާގެ ރަހުމަތްތެރިއެއް. އެދެ ގަުމުންވެސް ވަނީ މިނިންމުމަށް މަރުހަބާކިޔާފަ.
Maldives
21 June 2017
ހަތަރެސްކަން ހަމަވީ