ފ.ނިލަންދޫ. އެ ރަށުގެ ގޭގޭގެ މިދިޔަ ރޯދަމަހުގެ ކަރަންޓު ބިލުން 75 ޕަސެންޓް ޑިސްކައުންޓް ދޭން ވަނީ ނިންމާފައި. -
01 ޖުލައި 2017 - 14:53
6 comments
ފ. ނިލަންދޫ ގޭގޭގެ މިދިޔަ ރޯދަމަހުގެ ކަރަންޓު ބިލުން 75 ޕަސެންޓް ޑިސްކައުންޓެއް ދޭން ނިންމާފައިވާ ކަމަށް އެ ރަށު ކައުންސިލްގެ އިދާރާ އިން މިއަދު ބުނެފި އެވެ.
ނައިބު ރައީސް އަލީ މުހައްމަދު ވިދާޅުވީ މިދިޔަ އަހަރުގެ ރޯދަމަހު ވެސް ނިލަންދޫގެ ގޭގޭގެ ކަރަންޓު ބިލުން ޑިސްކައުންޓެއް ދީފައިވާ ކަމަށެވެ. އަދި މި ފަހަރު ކުރިއަށް ވުރެ ބޮޑު ޑިސްކައުންޓެއް ދޭން ނިންމީ ދާދި ފަހުން ކުރި ވިއްސާރާގައި ނަގޫ ރޯޅިއެއް އަރައި ރަށުގެ ބައެއް ގޭގެ އަށް ބޮޑެތި ގެއްލުންތަކެއް ލިބުމާ ގުޅިގެން ރައްޔިތުންނަށް ލުޔެއް ދިނުމުގެ ގޮތުން ކަމަށް އޭނާ ވިދާޅުވި އެވެ.
ދާދިފަހުން ނިލަންދޫއަށް ކުރި ވިއްސާރާގައި އެ ރަށުގެ ގެއަކަށް ގެއްލުން ލިބިފައި.
"ދާދިފަހުން ކުރި ވިއްސާރާގައި ވަރަށް ގިނަ ގޭގޭގެ އިލެކްޓްރޯނިކް ސާމާނު ހަލާކުވެފައިވޭ. އެހެންވީމަ ރައްޔިތުންނަށް ލުޔެއް ދިނުމުގެ ގޮތުން ކައުންސިލުން ނިންމީ ރޯދަމަހުގެ ބިލުން ޑިސްކައުންޓެއް ދޭން،" އަލީ ވިދާޅުވި އެވެ.
އާބާދީގައި 2،300 މީހުން ހިމެނޭ ނިލަންދޫގައި ހުންނަ 215 ގޭގެ ކަރަންޓު ބިލަށް މަހަކު 300،000 އެއްހާ ރުފިޔާ ދައްކަ އެވެ.
ރޯދަމަހުގެ އިނާޔަތުގެ ގޮތުގައި އެހެން ބައެއް ރަށްރަށުގެ ކަރަންޓު ބިލް ވެސް އެ ރަށްރަށުގެ ކައުންސިލް އިދާރާތަކުން ދައްކައިދީފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުސްރިފު
02 July 2017
ލާރި ތަޅާ ބުރުއްސުމަކީ ރަނގަޅު ކަމެއް ނޫން. މީ ކައުންސިލު މެމްބަރުން ވަޒީފާ ގަ ދެމިތިބުމަށް ކެމްޕޭނު ކުރުމުގެ ގޮތުން ކުރާ ކަމަކަށް ވެދާނެ. މިއައް ވުރެ ރަނގަޅުވާނެ ތިލާރިން ސޯލާ ޕެނަލްތައް ގަނެ ރައްޔިތުންނަށް ދެމެހެއްޓެނިވި ގޮތަށް ކަރަންޓު ފޯރުކޮށް ދިނަސް. ލޯކަލް ގަވަރުމެންޓު އޮތޯރިޓީއިން މިގޮތަށް ކައުންސިލްތަކުން ކުރާ ތާކުންތާކު ނުޖެހޭ ކަންތައް ހުއްޓުވަން އެބަޖެހޭ. މީ ރައްޔިތުންގެ ލާރިން އިސްރާފު ކުރން.
މުސައްނިފު
02 July 2017
އެއްވެސް ލާރިއެއް މިތާނު ނެތް ތަޅާފައެއް. ނިލަންދޫގެ އިންޖީނުގެ އަކީ މީގެ އެތައް އަހަރެއް ކުރިން ރައްޔިތުންގެ މަސައްކަތުން، ރައްޔިތުންނަށް ޚިދުމަތް ދޭން ހަދާފައި ހުރި ތަނެއް. މި ރޯދަ މަހުވެސް ރައްޔިތުން ނިންމީ ޑިސްކައުންޓެއް ދޭން.
ބެއްޔާއްކަލޯ
02 July 2017
މިއީ އެއްވެސް ދެމެހެއްޓެނިވިކަމެއް ނެތި ރައްޔިތުންގެ ފައިސާ ބުރުއްސާލުމެވެ. މިކަން ޢާންމުވުމުގެ ކުރިން ހުއްޓުވަން ޖެހެއެވެ.
ހަޑިގިއްލާ
02 July 2017
ނިލަންދޫގެ އާބާދީގައި 2300 މީހުން ހަމަވީ ކޮންދުވަހަކުތޯ؟
އަލީ
01 July 2017
ނަގޫރޯޅި އަރާ ހަލާކުވެ ކަރަންޓު ރައްޔަތުންނަށް ބޭނުން ނުކުރެވުނު މަހުގަތަ ތި ޑިސްކައުންޓު ދެނީ؟ ތިއިން ވާނެ ފައިދާ އަކީ ކޮބާ؟
ޗިކުސް
01 July 2017
ހުރިހާ ކައުންސިލްތަކުންވެސް ރައްޔިތުންގެ ލާބަޔާ މަންފާޔައް މިގޮތައް މަސައްކަތް ކުރާނަމަ ހާދަ ރަގަލޭ. ގިނަ ކައުންސިލްތަކުން ބަލާނީ ކޮންމެވެސް ނަމުގަ ފުޓްބޯލް މުބާރާތެއް ބޭއްވޭތޯ.