އިބްރާހިމް ދީދީ މަޖިލީހުގައި ވާހަކަ ދައްކަވަނީ: އޭނާއަށް ކުރި ދައުވާ 2015 ގައި އޮތީ އަނބުރާ ގެންގޮސްފައި-- ފޮޓޯ: މަޖިލިސް
04 ޖުލައި 2017 - 12:23
36 comments
ކްރިމިނަލް ކޯޓުގެ އިސް ގާޒީ އަބްދުﷲ މުހައްމަދު ބަންދުކުރި މައްސަލާގައި ރައްޔިތުންގެ މަޖިލީހުގެ ހިތަދޫ މެދު ދާއިރާގެ މެމްބަރު އިބްރާހިމް ދީދީ (ކުރީގެ ބްރިގޭޑިއާ ޖެނެރަލް ޑީޑީ) ގެ މައްޗަށް ކުރި ދައުވާ އަނބުރާ ގެންގޮސްފައި އޮތުމަށް ފަހު އެ މައްސަލަ އަލުން ކްރިމިނަލް ކޯޓަށް ފޮނުވައިފި އެވެ.
ކުރީގެ ރައީސް މުހައްމަދު ނަޝީދުގެ ވެރިކަމުގައި ޖެނުއަރީ، 2012 ގައި ސިފައިންގެ ބެލުމުގެ ދަށުން އަބްދުﷲ ގާޒީ ހައްޔަރުކޮށް، ކ. ގިރިފުށީގައި ބަންދުކޮށްފައި ބެހެއްޓި މައްސަލާގައި އިބްރާހިމް ދީދީގެ މައްޗަށް ކުރި ދައުވާ 2015 ގައި އަނބުރާ ގެންގޮސްފައި އޮތުމަށް ފަހު އެ މައްސަލަ އަލުން ކޯޓަށް ފޮނުވީ މިދިޔަ މަހުގެ 25 ވަނަ ދުވަހު އެވެ.
އަބްދުﷲ ގާޒީ ހައްޔަރު ކުރިއިރު ސިފައިންގެ މާލޭ އޭރިޔާގެ ކޮމާންޑަރަކަށް ހުންނެވި އަދި ފަހުން ސިފައިންގެ ޚިދުމަތުން ރިޓަޔާވެ ވަޑައިގެން، އެމްޑީޕީގެ މެމްބަރެއްގެ ގޮތުގައި މަޖިލީހަށް ހޮވިވަޑައިގަތް އިބްރާހިމް ދީދީގެ މައްޗަށް ދައުލަތުން ކުރަނީ ޓެރަރިޒަަމްގެ ދައުވާ އެވެ.
އެއީ ކުށް ސާބިތުވެއްޖެ ނަމަ 10 އަހަރާއި 15 އަހަރާ ދެމެދުގެ ޖަލު ހުކުމެއް ނުވަތަ އަރުވާލުމުގެ ހުކުމެއް އަންނާނެ ކުށެކެވެ. އެ ކުށް ސާބިތުވެއްޖެ ނަމަ މެމްބަރުކަމުގެ ގޮނޑި ވެސް ގެއްލޭނެ އެވެ.
އަބްދުﷲ ގާޒީ ގާނޫނާ ޚިލާފަށް ބަންދުކުރި މައްސަލާގައި ކުރީގެ ރައީސް ނަޝީދުގެ މައްޗަށް ކުށް ސާބިތުވެ 13 އަހަރުގެ ޖަލު ހުކުމެއް އައިސްފައިވާއިރު އޭރުގެ ޑިފެންސް މިނިސްޓަރު ތޮލްހަތު އިބްރާހިމް ކަލޭފާނުގެ މައްޗަށް 10 އަހަރުގެ ޖަލު ހުކުމެއް ވަނީ އިއްވައިފަ އެވެ.
އެ މައްސަލާގައި އޭރުގެ ޗީފް އޮފް ޑިފެންސް ފޯސް މޫސާ އަލީ ޖަލީލާއި އަބްދުﷲ ގާޒީ ހައްޔަރު ކުރުމުގެ އޮޕަރޭޝަން (އޮޕަރޭޝަން ލިބަޓީ ޝީލްޑް) ގެ ކޮމާންޑަރަކަށް ހުރި ކާނަލް އަހުމަދު ޒިޔާދުގެ މައްޗަށް ވެސް ދައުލަތުން ދައުވާކުރި އެވެ. އެކަމަކު އެ ދެ ބޭފުޅުންގެ މައްޗަށް ކުށް ސާބިތުނުވާ ކަމަށް ވަނީ ހުކުމްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހްމަދު ރާޝިދު
05 July 2017
1018 ކާމިޔާބު ކުރުމަށް ރައީސް ޔާމީން ބޭނުނާފުޅުވެ ލައްވަވާާނަމަ އެމަނިކުފާނަށް ގޯސްލަފާ އަރުވާ ވަޒީރުންނާއި މެމްބަރުންގެ ޚިޔާލާއަ ވިސްނުން ގަބޫލުނުކުރައްވާ އެބޭބޭފުޅުން ދުރުކޮށް ހެޔޮލަފާ ގޮތް ޚިޔާރު ކުރާށެވެ. މަނިކުފާނު އަރިހުގައި ތިޔަ އުޅުއްވަނީ ހެޔޮއެދިގެންކަމަށް އުޅުއްވާ ހަތުރުންނެވެ. މިކަމާ ވިސްނަވާށެވެ.
ބުޝް
04 July 2017
މީހުން މަދުކުރާނެ ގޮތެއް ނެތިގެން ދައުވާ ކުރިއަސް މާތްﷲ ގެ އިރާދަ ފުޅުން ހިތި ގޮތަކަށް މިސަރުކާރު ބަލިވާނެ! ހައްގަށް ނަސްރު ލިބޭނީ . ބާތިލް ފަނާވާނެ
އަބުދުއްރަހީމު
04 July 2017
ކަލޯ އަބުދުއްރަހީމޫ، މިހާރުދެން ނެތެންނު ވޯޓު ކިޔާ އެއްވެސް އެއްޗަކުން ކުރި ލިބޭކަށް އެހެންވީމަ މި ރައީސް އަށް ފެންނަނީ ހުރިހާއެންމެންގެ މައްޗަށް ދައުވާ އުފުލަން، ދެން ކޯޓުތަކުން ކުރިއެރުމެއް ނުލިބިއްޖިއްޔާ ބަޗާނީ ނޫންތެ.
ވވވ
04 July 2017
ބިސާމޫ ކަލެއަށް ތިޔަ ކުރެވެނީ އަދި ޕީޖީކަން. ވަރަށް ވެދުން. ލަދުފުޅު ހަމަ ނުގަނޭތޯ؟
ދަމާކަނޑާ
04 July 2017
އިއްޒަތްތެރި ޔާމީން! ހަރުކަށި ކަމާއި އަނިޔާއިން ރައްޔަތުންގެ ތާއީދެއް ނުލިބޭނެ. 45 މެމްބަރުންގެ ސޮޔަށްފަހު މަނިކުފާނުގެ އަނިޔާވެރިކަން އަނެއްކާވެސް އިންތިހާއަށް ހިގައްޖ!ތިàފަދަކޮންމެ އަމަލަކުން ރައްޔިތުންގެ ސަޕޯޓްއިތުރައް ގެއްލުންފިޔަވަައި ވާނެ އިތުރުކަމެއް ނޯނާނެ. އެގޭހެން ހީނުވާތީ ބުނެލީ. ތިyޔ ސަޕޯޓްގެއްލޭ ކަންތައްތައް އަބަދުކުރާތީ އޭ މީހުން ކިޔަނީ އިތުރުދައުރަކަށް ކުރިމައްޗެއްނުލާނެއޭ!
ކިއު 2019 ފުވައްމުލަކު ދެކުނު ދާއިރާ
04 July 2017
އިންސާނުންނާއި އެކަތައިގެވެސް ވެސް ހަގީގީ ބާރުވެރިކަމަކީ ފަންވަރެވެ. ހަރުކަށިކަމަކީ ބަލިކަށިކަމެކެވެ. ހަރުކަށިކަމުގެ ނަތީޖާއެއްގެ ގޮތުން އެހެންމީހުންގެ ހަރުކަށިކަން އިހްސާސްކުރަންޖެހިދެއެވެ. އިހްސާންތެރިވެ ވަޑައިގަންނަވާށެވެ. ދިގުމުއްދަތުގެ ޖަލު ހުކުމަކީ އެހާ ހިތްގައިމުގޮތެއް ކަމުގައި އަޅުގަނޑަކަށް ގަބޫލެއް ނުކުރެވެއެވެ. ވަރަށް ވެދުން
ހުދުކުލަ
04 July 2017
އައިރުގާނޫނީ އަމުރަށް ތަބާވި މީހުންނަށް އެއްވެސް ފިޔަވަޅެއް ނާަޅަނީތޯ.
ޑިމޮކްރަސީ
04 July 2017
ރައީސްމީހާ ވެރިކަމުގަ ހުރެވެނި ރައްޔިތުން ރުހޭ މީހަކަށްނު ތިޔާމީހާ އަށް އެވަރުވެސް ނޭގޭތަ ނޫނީ ތިޔަމީހާގެ ބައިވެރިންގެ ގަމާރުކަމުން އެމީހުންނަށްވެސް އެވަރުނޭގެނީތަ
ވިސްނާ
04 July 2017
މިއީ ސިފައިން މިއަދު ވަރަށް ވިސްނައި ފިކުރުކުރަންޖެހޭ ހަގީގަތެއް! ސިފައިންގެ ވެރީން ކުރާ ގާނޫނާއި ޚިލާފު އޯޑަރުތަކަށް ތަބާވުމުގެ ހިތި ނަޖީއްޖާ. ޚާއްސަކޮށް ސިފައިންގެ މިހާރުގެ ލީޑަރޝިޕް ހިންގާ ގާނޫނާ ޚިލާފު ކަންކަން ކުރާ ސިފައިން ފަހަތުން ގާނޫން އަރާ ހަމަކުރާނެ. ލިބޭ ޕްރޮމޯޝަނެއް ނޫން މިހިއްމީ.. މުސްކުޅިވާ ދުވަހު ލޯބިވާ މީހުން ގާތުގައި މަޑު ނުކުރެވޭނެ ކަމީ ފެންނަން ހުރި ހަގީގަތެއް...
ޓުރީ
04 July 2017
ޢަންނި އެކޭ ދީދީ އެކޭވާންޖެހޭނީ ހަމަހަމަ