އިދިކޮޅު ފަރާތްތަކުން އިއްޔެ ބޭއްވި ޕްރެސް ކޮންފަރެންސް ފެށުމުގެ ކުރިން ފާރިސް އާއި ޖޭޕީގެ ޑެޕިއުޓީ ލީޑަރު ރިޔާޒްގެ ފަހަތުގައި އެ ޕާޓީގެ ލީޑަރު ގާސިމް އިބްރާހިމް ހުއްޓިވަޑައިގެން --މިހާރު ފޮޓޯ/ހުސެން ވަހީދު
04 ޖުލައި 2017 - 14:59
145 comments
ރައްޔިތުންގެ މަޖިލިހުގެ ރައީސް އަބްދުﷲ މަސީހުގެ އިތުބާރު ނެތްކަމުގެ މައްސަލަ ކާމިޔާބުކުރަން މަޖިލިހުގެ ބައެއް މެމްބަރުންނަށް ދިއްގަރު ދާއިރާގެ އަހުމަދު ފާރިސް ރިޝްވަތު ދެއްވިކަމުގެ ހެއްކާއި ގަރީނާ އެބަ ހުރި ކަމަށް، ފުލުހުން މިއަދު ބުނެފި އެވެ.
އިސްކަންދަރު ކޮށީގައި ފުލުހުންގެ ފަރާތުން އިއްވި ބަޔާނެއްގައި، ސްޕްރިންޓެންޑެންޓް އޮފް ޕޮލިސް، އަހުމަދު ޝިފާން ވިދާޅުވީ މެމްބަރުންނަށް ރިޝްވަތު ދޭން އުޅުނު ކަމުގެ ޝަކުވާއެއް ރޭ ވެސް ހުށަހެޅި ކަމަށާއި އެ މައްސަލާގައި މީހަކު މިހާތަނަށް ހައްޔަރުކޮށްފައިވާ ކަމަށެވެ.
ހައްޔަރުކޮށްފައި ވަނީ، ޝިފާން ވިދާޅުވި ގޮތުގައި، އަަހުމަދު ޝާފިއު، ސްވީޓް ފްލާވާ، ލ. ފޮނަދޫ އެވެ. އޭގެ އިތުރުން އަހުމަދު ސޮފްވާން ހޯދަމުން އަންނަނީ ވެސް މެމްބަރުންނަށް ރިޝްވަތު ދޭން އުޅުނުކަމުގެ ތުހުމަތުގައި ކަމަށް އޭނާ ވިދާޅުވި އެވެ.
"މިހާރު" އަށް އެނގިފައިވާ ގޮތުގައި ޝާފިއު ހައްޔަރުކުރި ރޭ ކުނޫޒްގައި ބޭއްވި އިދިކޮޅު ފަރާތްތަކުގެ ޖަލްސާ އަށް ފަހު، އެ ސަރަހައްދުންނެވެ.
ސޮފްވާން އަކީ ކުރީގެ ރައީސް މައުމޫން އަބްދުލްގައްޔޫމްގެ މުވަައްޒަފެއްގެ ގޮތުން އުޅުނު މީހެކެވެ. އޭނާ މިހާރު އުޅެނީ ރާއްޖެ އިން ބޭރުގަ އެވެ.
މަސީހާ ދެކޮޅަށް ސޮއިކުރެއްވި ޕީޕީއެމްގެ 10 މެމްބަރުން:
- ދިއްދޫ ދާއިރާގެ މެމްބަރު އަބްދުއްލަތީފް މުހައްމަދު - ދަގެނތި ދާއިރާގެ މެމްބަރު އިލްހާމް އަހުމަދު - މައްޗަންގޮޅި ދެކުނު ދާއިރާގެ މެމްބަރު އަބްދުﷲ ސިނާން - އިހަވަންދޫ ދާއިރާގެ މެމްބަރު މުހައްމަދު އަބްދުﷲ - ތިނަދޫ އުތުރު ދާއިރާގެ ސައުދުﷲ ހިލްމީ - ފުވައްމުލަކު އުތުރު ދާއިރާގެ މެމްބަރު އަލީ ޝާހު - ތިނަދޫ ދެކުނު ދާއިރާގެ އަބްދުﷲ އަހުމަދު - މަހިބަދޫ ދާއިރާގެ މެމްބަރު އަހުމަދު ތޯރިގް (ޓޮމް) - ހަނިމާދޫ ދާއިރާގެ މެމްބަރު ހުސެއިން ޝަހުދީ - އިސްދޫ ދާއިރާގެ މެމްބަރު އަހުމަދު ރަޝީދު އިބްރާހީމް (ގާރީ)
* މި ލިސްޓުގައި ހިމެނޭ 10 މެމްބަރުންގެ ތެރެއިން ލަތީފް ވަނީ ޕީޕީއެމުން ވަކިވިކަން ފަހުން އިއުލާން ކުރައްވާފައި. އަދި ގާރީ ރަޝީދު ވަނީ ލިސްޓުގައި އޮތީ އޭނާގެ ވަގު ސޮއެއް ކަމަށް ފަހުން ވިދާޅުވެފައި. ނަމަވެސް އޭނާ ލިސްޓުގައި ސޮއިކުރައްވާ ފޮޓޯ އިދިކޮޅު ފަރާތްތަކުން ވަނީ އާންމުކޮށްފައި.
ޝިފާން ވިދާޅުވީ މަޖިލިހުގެ މެމްބަރުންނަށް ރިޝްވަތު ހުށަހަޅާ މައްސަލަތައް ތަހުގީގުކުރަން ފުލުހުން ތިބީ ސާބިތުވެ އެވެ. އަދި އެކަމުން އެއްވެސް ފަރާތެއް އިސްތިސްނާ ނުވާނެ ކަމަށް ވެސް އޭނާ ވިދާޅުވި އެވެ.
ފުލުހުންގެ ކުއްލި ބަޔާން މިއައީ މަސީހާ ދެކޮޅަށް 45 މެމްބަރަކު މައްސަލަ ހުށަހަޅާފައި ވަނިކޮށެވެ. އޭގެ ތެރޭގައި ޕީޕީއެމްގެ 10 މެމްބަރަކު ވެސް ހިމެނެ އެވެ. އެކަމަކު ސޮއި ހިމެނޭ އިސްދޫ ދާއިރާގެ އަހުމަދު ރަޝީދު ފަހުން ވިދާޅުވެފައި ވަނީ އޭނާ ސޮއިނުކުރައްވާ ކަމަށެވެ.
ރޭ އޭނާ ފުލުސް އޮފީހަށް ވަޑައިގެން ޝަކުވާއެއް ހުށަހެޅުއްވި ކަމަށް، މިއަދު ހެނދުނު ޝިފާން ވިދާޅުވި އެވެ. އަދި ފުލުހުންގެ ބަޔާނުގައި ރޭ ވެސް "އެފަދަ ޝަކުވާއެއް" ހުށަހެޅި ކަމަށް ހިމަނާފައި އޮތީ، ރަޝީދުގެ މައްސަލައާ ގުޅުވައިގެން ކަމަށް ބެލެވެ އެވެ.
ސުވާލުކުރުމުގެ އެއްވެސް ފުރުސަތެއް ފުލުހުން މިއަދު ނުދެ އެވެ. އަދި މި ފަހުން ނޫސްވެރިންނަށް ބާއްވާ ފުލުހުންގެ ބައްދުލުންތަކުގައި ސުވާލުކުރަން ފުރުސަތު ނުދީ ހަމައެކަނި އިއްވަނީ ބަޔާނެކެވެ.
ފާރިސްއާ ބެހޭ ގޮތުން ފުލުހުން ވާހަކަ ދެއްކި އޭނާއާ ދެކޮޅަށް ދައުލަތުން ކުރާ ދައުވާއާ ގުޅޭ ލިޔުންތައް ކްރިމިނަލް ކޯޓުން މިއަދު ވަނީ ހަވާލުކޮށްފި އެވެ.
ކުރީގެ ރައީސް މައުމޫންގެ ދަރިކަލުންގެ މައްޗަށް ކުރަނީ، ޕީޕީއެމްގެ ދިދަ ބޭނުންކުރެއްވި މައްސަލާގައި، ޝަހްސު އޮޅުވައިލުމުގެ ދައުވާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހާލުގެ ދުލުން
05 July 2017
އާދޭހާއި އެކު ފުލުހުންނަށް ދަންނަވަން މަޖްލިސް މެންބަރުންގެ ގޮނޑި ކަށަވަރުވާތާ ކުޑަދުވަސްކޮޅެއްގެ ތެރޭގައި އަތްނޮފޯރާ ހިސާބަށް މުއްސަދިކަން ދާގޮތް ބަލާދީބަ
ބަލާ މީހެއް
05 July 2017
"ޝިފާން ވިދާޅުވީ މަޖިލިހުގެ މެމްބަރުންނަށް ރިޝްވަތު ހުށަހަޅާ މައްސަލަތައް ތަހުގީގުކުރަން ފުލުހުން ތިބީ ސާބިތުވެ އެވެ. އަދި އެކަމުން އެއްވެސް ފަރާތެއް އިސްތިސްނާ ނުވާނެ ކަމަށް ވެސް އޭނާ ވިދާޅުވި އެވެ." މިވަރަށް ތައްޔަރަށް އަދި ާބިތުކަމައެކު ތިއްބެވި ބޭފުޅުން ރުފިޔަގޯނި ބެހިމީހާއާއި އަދި އެބެހީ ތިމަންނާދިން ފައިސައޭ ބުނިމީހުންގެ މައްސަލައަކީ ރިށްވަތަށް ނުހަދަންވެގެންތޯ އެ ބައި ނުބައްލަވަން އެތިއްބެވީ. މުޑުދާރުކަންދޯ !!!!
ނިކަމެތި ދިވެހި ރައްޔިތުމީހާ
05 July 2017
ލޮބުވެތި ދިވެހި ފުލުހުންނެވެ. ތިޔަހެން ބުނެ ތިޔަ އަރައިގަތީ މީހެއްގެ އަބުރަށެވެ. ފާރިސް ރިޝްވަތު ދިންތޯ ނުވަތަ ނޫންތޯ ކަނޑައަޅާ މުއައްސަސާއަކީ ދިވެހިންގެ ފުލުހުންގެ ޚިދުމަތަށް ވެގެން ނުވާނެއެވެ. އެކަމަކީ ދިވެހި ރާއްޖޭގެ ކޯޓުތަކުން ކަނޑައަޅާ އަދަބު ދޭންޖެހޭ ކަމެކެވެ. އެހެން ނޫނަސް ތަޙުޤީގީ މަރުހަލާގައި ހުންނަ ތިކަހަލަ ކަންކަމަށް ފުލުހުން ބަޔާންދީ ހެދުމަކީ ހާދަހާވާ އަންޕްރޮފެޝަނަލް ކަމެކެވެ. މި ނިކަމެތި ދިވެހި ރައްޔިތު މީހާ ހީކޮށްގެން މި ހުންނަނީ ފުލުހުންނަކީ ތިޔަށްވުރެ ޕްރޮފެޝަނަލް ބައެއް ކަމަށެވެ. ކުރާނީ ކީއްތޯއެވެ. މި ނޫންވެސް ދުވަހެއް އޮތްކަން ހަނދާންވާ ހަމަ އެއްވެސް މީހަކު ނޫޅެނީއެވެ. ދިވެހިރާއްޖެއަށް އަދަށްވުރެ ފެހި މާދަމައެއް އެދެމުން އަޅުގަނޑުގެ ކޮމެންޓް ކުރުކޮށްލަމެވެ.
ހިޓްމޭން - ރަސްގެފާނު
04 July 2017
އެހެންތަ.. ރިޝްވަތު ހިފިކަމުގެ ހެކިވެސް ހުންނާތާ؟
އަހްމަދު
04 July 2017
ފުލުހުން ކަންތައްތައް މިކުރާ ގޮތުން ރައްޔިތެއްގެ ހައިސިއްޔަތުން ވަރަށް ކަންބޮޑުވޭ. ޖިނާއީ ކުށެއް ކޮށްފައިވާ ކަމަށާއި އެކަން ކުރި ކަމުގެ ހެކި ހުރި ކަމަށްބުނެ ނޫސްބަޔާނެއް ނޫން ނެރޭނީ. ދުނިޔޭގެ ކޮން ގައުމެއްގައި ކަންކުރާ ގޮތެއްތޯ މިއީ. ފުލުހުންގެ ވާޖިބަކީ ޤާނޫނާ އެއްގޮތަށް މައްސަލަތައް ތަހްޤީޤުކުރުން. ސިޔާސީ މީހުން ބުނާ ގޮތަށް ބަޔާން ނެރުމެއް ނޫން. ގައުމުގެ ހާލަތާމެދު ކަންބޮޑުވެ ދެރަވޭ.
ރައްޔިތުމީހާ
04 July 2017
މީގެއިން މި އެގެނީ ފުލުހުންނަކީ ވަކި ގޮތަކަށް ތައްގަނޑް ޖެހިފަ ތިބި ސިޔާސީ ބައެއް ކަން. މީހަކަށް ކަމެއްގަ ޝައްކު ކުރެވުނޭ އަދި މީހަކު މައްސަލަ ހުށަހަޅައިފިއޭ ބުނެގެން ހުރިހާ ނޫސްވެރިން އެއްކޮށް ހިގަމުންދާ ތަހުގީގެއްގަ ވަކި މީހަކު އަބުރު ގެއްލޭ ގޮތަށް ފުލުހުން ނަކަސް ކަންތައް ކޮށް ގެން ނުނާވެ. އޭގެ މާނަ ރައްޔިތުން ނިކަން ރަގަޅަށް ވިސްނާނެ. ފުލުހުން ވަކި ބަޔަކާ ދެކޮޅަށް ތިގޮތަށް ސިޔާސީ ވުމުން ރައްޔިތުން ގެ މަސްލަހަތައް ތި އަރައިގަނެވެނީ އެކަމުން ރައްޔިތުން ގެ މެދުގައި ހަމަނުޖެހުން އުފެދޭނީ. ފާރިސްގެ މައްޗަށް ހެކި ހުރެއްޖެ ނަމަ ހުށަހަޅަން ޖެހޭ ފަރާތް ތަކަށް ހުށަހަޅައިގެން މައްސަލަ ކުރިއަށް ގެންދޭ. ރައީސް ޔާމިން ވެސް ބުނެފަ އޮތް އަދީބް ބަހަނީ ތިމަންނަގެ ފައިސާ އޭ ތަފާތު ނުކުރާނަމަ އެމައްސަލަ ވެސް ތަހުގީގުކޮށް ޝަރީއަތައް ފޮނުވާ. ވަކި މީހަކު ގެ މައްޗަށް ޝަރީއަތުން ކަމެއްސާބިތު ނުވަނީސް އެމީހާގެ އަބުރު ނަގާލުމުގެ ފުރުސަތު ފުލުހުންނަކަށް ވެސް ނޯންނާނެ. ފުލުހުން ސިޔާސީ ނުވެ ގައުމާއި ރައްޔިތުންގެ މަސްލަހަތު އިސްކުރޭ ކޮންމެ ގޮތެއްވިޔަސް އިދިކޮޅު މީހުން ގެ އަޑު މަޑެއް ނުކުރެވޭނެ ސިޔާސީ ގޮތުން. އެއީ މިހާރުގެ ހަގީގަތަކީ.
މިއޮތީވާ ފުލުހެއް
04 July 2017
ޝިފާން، ސިޔާސީ މީހުން ފަހަތުން ނުދުވެ މަގޭ ލެޕްޓޮޕާއި ހާރޑް އަދިގޭގަ ހުރި ލާރިކޮޅު ގެންދިޔަ މީހަކު ހޯދަ ދީބަލަ މިހާރު 1 އަހަރުވީއޭ. ނުވަޏާ އިސްތިއުފާދީފަ ގޭގައޮވޭ.
އަލީ
04 July 2017
އެހެން ވިދާޅުވެއްޖިތަ ހެކި ހުންނާނެ. އެއީ މީހެއްގެ ގެއިން (އެހެން ބައެއްގެ ފިންގަޕްރިންޓާއި ޑީއެންއޭ އާއި އެކީ ނަމަވެސް) ފިސްތޯލައެއް ނެރެ ހެއްކަށް ހަދާ އެކަން މީހެއްގެ ބޮލުގައި އަޅުވާ ސާބިތުކޮށް އަދަބު ދެމުން ދާ ބައެއް. އެވަރު ކަމެއް ކޮށްލެވޭ ބައަކަށް ތިޔަކަހަލަ ހެއްކެއް ނުހޯދޭންވީ ކީއްވެ؟
ލޮބިއްޓެ
04 July 2017
ހެކި ގުދަން ހުޅުވާފަ ހުރިނެތް އެއްޗިހި ބަލާ ދުވަހަކީ ދޮތަ؟
އައްދޭ
04 July 2017
އެހެން ވެއްޖެއްޔާ ރިޝްވަތު ހިފި މީހުންވެސް އާއްމުކޮށް އެމީހުންނަށްވެސް ފިޔަވަޅު އަޅަންޖެހޭނެނު. ފައިސާގޯނި ހިފައިގެން ހިނގި މީހާ އިއުތިރާފްވެސްވި، އެކަމަކު ފަހުން އެއްވެސް ހަބަރެއްނުވި...