ގެއްލިގެން ހޯދަމުން އަންނަ ސުމޭދު (ކުރީގައި): އޭނާ ގެއްލުނުތާ މަހެއްވެއްޖެ.
05 ޖުލައި 2017 - 11:09
13 comments
އައްޑޫގައި މަހަށް ނުކުމެ އުޅެނިކޮށް ޑިންގީ ބަންޑުން ޖަހައިލުމުން ގެއްލިފައިވާ މުހައްމަދު ސުމައިދު ހޯދުމުގެ މަސައްކަތް އަދި ވެސް ކުރަމުންދާ ކަމަށް ސިފައިން މިއަދު ބުނެފި އެވެ.
ސުމައިދު، 27، ގެއްލުނުތާ އިއްޔެ އަށް އެއް މަސް ވީއިރު އޭނާ ގެއްލުނު ސަރަހައްދުގެ ބޮޑު ބައެއްް ވަނީ ބަލައި ފާސްކޮށްފަ އެވެ. އެމްއެންޑީއެފްގެ މީޑިއާ އޮފިޝަލް ވިދާޅުވީ ވައިގެ މަގުން ސުމައިދު ހޯދުމަށް އައްޑޫގައި ހުންނަ ފްލައިން ސްކޫލުގެ އެހީތެރިކަން ވެސް ހޯދަމުން އަންނަ ކަމަށެވެ.
ވައިގެ މަގުންނާއި ޑައިވް ކޮށްގެންނާއި ކޯސްޓްގެ ގާޑްގެ އުޅަނދުފަހަރު ބޭނުން ކޮށްގެން އޭނާ ހޯދުމުގެ މަސައްކަތް ކޮށްފައިވާ އިރު އޭނާގެ ހިލަމެއް އަދި ވެސް ނުވެ އެވެ.
ސުމައިދު ގެއްލުނީ އިތުރު ދެ ރައްޓެހިންނާ އެކު މަހަށް ނުކުމެ އުޅެނިކޮންނެވެ. އެއީ ފޭދޫ ފަހާގޭ ހުސައިން ސައީދާއި ފޭދޫ ބެންހާގޭ އިބްރާހިމް ނާއިފެވެ. ނަމަވެސް އެ ދެ މީހުން ވަނީ ސަލާމަތްވެފަ އެވެ. އެ ދެ މީހުން ފަތާފައިި މަޑިހެރަ އަށް އެރުމަށް ފަހު، ފަހުން ދިޔައީ ވިލިނގިލި ރިސޯޓަށެވެ.
ސުމައިދު ހޯދަމުން ދަނިކޮށް އޭނާގެ ފޯނު ކަމަށް ބެލެވޭ ފޯނެއް ވެސް ޝަންގްރިއްލާ ރިސޯޓު ކައިރިީގައި އޮންނަ މަޑިހެރަ ކައިރިން މިދިޔަ މަހުގެ ފަސް ވަނަ ދުވަހު ވަނީ ފެނިފަ އެވެ.
ހުސައިން ބުނި ގޮތުގައި އެ މީހުން ކަނޑުވީ މަހަށް ދިޔަ 17 ފޫޓުގެ ޑިންގީ، ބޮޑު ރާޅަކާ އެކު ބަންޑުން ޖަހާލުމުންނެވެ.
ޑިންގީ ފަޅު ރަށުން ފެނުނު އިރު، އޭގައި ހުރި ތަކެއްޗާ އެކު ފެނިފައިވާތީ ސުމޫދުގެ އާއިލާ އިން ވަނީ ޑިންގީ ބަންޑުން ޖަހާލީ ކަމަށް ގަބޫލު ނުކުރެވޭ ކަމަށް ބުނެފަ އެވެ. އަދި ފުލުހުން ވެސް ވަނީ ޑިންގީ ބަންޑުން ޖަހާލިކަން ކަށަވަރު ނުވާ ކަމަށް ބުނެފަ އެވެ. މި ހާދިސާ ތަހުގީގު ކުރަން ފުލުހުންގެ ހާއްސަ ޓީމެއް އައްޑޫގައި އަންނަނީ ހަރަކާތްތެރިވަމުންނެވެ. ސުމައިދު ގެއްލިފައިވާއިރު، އޭނާގެ ހަތަރު އަހަރުގެ ކުއްޖަކާއި އަންބަކު ދުނިޔޭގައި އެބަހުއްޓެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފުނޯސް
05 July 2017
ރިޟުވާން ހޯދުމުގެ މަސައްކަތް ކުރިއަށް ދޭތޯ؟
މެންޓަލިސްޓް
05 July 2017
ފުލުހުންނަށް ވަރަށްސަލާމް ،،، ނިކަންރަގަޅަށް ސިނކުޑީ ހުޅުވައިލައިގެން ވިސްނާލަބަލަ ،،، ތިޔަ ސުވައިދު އަކީ އެސްއޯގައި 5 އަހަރުވަންދެން އުޅެ މިދިޔަޑިސެންބަރ މަހު އައްޑޫއަށް ބަދަލުވި ކުއްޖެއް ،، މިގައުމުގައި އަނދީރި ބާރުތަކެށް އެބައުޅެމުންދޭ ،،، ރިލްވާންވެސް ގެއްލުނީ ،،، ސުވެއިދުވެސް ޑީންގީއެއް ބަންޑުންވީއޭ ކިޔައިގެން ސްޓޯރީއެއް ޖައްސައިގެން ގެއްލުނީ ،،، މާލޭގެ ބޮޑު ކުންފުންޏެއްގެ ލޯންޗްޑަރއިވަރާޢި އޭނާގެ އަނެހެނުންވެސް ވީއެއްނުވީއެއްނޭންގި ދުނިޔެއަޅައިދިއައީ ،،، އެހެންވީމައި ކުޑާކޮށް އެންމެންވެސް ހޭލާ މިވާއެއްނުވާއެއް ހޯދޭތޯ އުޅުމަކީ ބުއްދިވެރިކަމެށް ،،، އެއީ މާދަމާ ގެއްލިގެން ހޯދަންޖެހޭނީ ކާކުކަމެށްވެސް ނޭންގޭ ،،، ގައުމުގެ ހާލަތްއޮތީ އެކަހަލަ ގޮތަކަށް ،، ވަރަށްވެދުން
ޕޮގުބާ
05 July 2017
ތިކަމެއް ދެންނުވާނެ ކަނޑުގަ މަރުވިޔަސް އެބޭފުޅާގެ ހަށިގަނޑުގެ ބައިތަށް ހަލާކުވެގެން ފުނޑުފުނޑުވެގެން ހިނގައިދާނެ މިހާރު އެކިދިމަދިމާލަށް
ބޭބެ
05 July 2017
ފޯނު ފެނުނު. ދޮށިފެނުނު. ޑިންގީ 3 ފަހަރު ބަންޑުންވިކަމަށް ބުނި. ކަނޑުމަތީ މަސްވެރިކަމުގައި އުޅޭ އެންމެން ޑިންގީ އެގޮތައް ބަނޑުންވުމަށްފަހު ރަނގަޅުފުށަށް 2 މީހަކަށް ޖެހޭނެކަމަށް އިންކާރުކުރޭ. ޑިންގީފެނުނު. ކާތަށީގައި އޮތް މިރުސްވެސް ނުގުޑިއޮތް. މައްސަލަ ބަލަން ޓީމެއް އައި. ހަބަރެއްނުވެ މައްސަލަ މާލެއަށް ބަދަލުކުރި. ހާދިސާގައި ދެންތިބި ދެކުދިންގެ ވާހަކަ ދިމާނުވި. އަދި ބުއްދި ޤަބޫލުނުކުރާ ވާހަކަ ހުރި. . ދެންވެސް ފުލުހުން މީގެ ކޭސް ބީ އަކަށް މާރޑާރ ނަގަން ނުވޭތޯ؟ ބަނދުގައި ބައިތިއްބައިގެން ރަނގަޅަށް ވީނުވީ ހޯދަން ނުވޭތޯ. އިސްލާމިކް މިނިސްޓަރީއިން ޢާއިލާއަށް، ޢައިބަށް ކަޝްނަމާދުކުރަން އަނގާކަށް ނުވޭތޯ؟ ފުލުހުންގެ މުޢައްސަސާއިން ޔަތީމުވި ތުއްތު ކުއްޖާއަށް އެހީވާނެ އުސޫލެއް ދައްކާކަށް ނުވޭތޯ؟ މީހަކު ރިޝްވަތުދިން ކަމުގެ ހެކި ލިބުނު ވާހަކަ ބުނަން ކޮންފަރެންސް ބޭއްވޭއިރު މި ކޭސްގެ ޕްރޮގްރެސް ހާމަކުރާކަށް ނުވޭތޯ؟
ރަޝީދު
05 July 2017
ބޭބެ ރަގަޅަށް މައުލޫމާތު ނޭނގި ކޮމެންޓް ނުކުރެއްވުން ވަރަށް ބޮޑަށް އެދެން. ޝުކުރިއްޔާ
Mishy
06 July 2017
ދެން ތީނަ ރަގަޅު މައުލޫމާތު ހާމަ ކުރަންވީނު..
މެކުސް
05 July 2017
ސަމް ކަލެއަށް މާބޮޑައް އެންގެނީ ... ސުމައިދަކީ އާންމުމީހެއް މަތިން ފޭބި މީހެއްނޫން .. އަދާކުރާވަޒީފާގެ ގޮތުން ތަފާތެއް ނުކުރެވޭނެ
ދޫނި ރާއްޖެ
05 July 2017
ތިކަން ސިޔާސީ ނުކުރަން އެދެން. މިހާރު ސިޔާސީ ކަންތަކުގެ އަޑު ގަދަވެފައިވާތީ ތި ހާދިސާވެސް ސިޔާސީ ހަތިޔާރަކަށް ބޭނުން ކޮށްފާނެ. އެ އާއިލާއިން ކުރާނެ ހިތާމަޔަށް އިހްތިރާމް ކުރޭ.
ސިޔާސަތާ ބެހޭށެވެ.
05 July 2017
ކޮންމެ އިހުމާލަކީ ސިޔާސަތުގެ ފެއިލްވުމެއް. އަހަރެންނަށް ނުކިއެވުނީ ސިޔާސަތުގެ ފެއިލްވުމަކުން. އަހަރެންގެ ބޯހިޔާވަހިކަމެއް ނެތީ ސިޔާސަތުގެ ފެއިލްވުމަކުން. ގޭދޮށުކުދިން ލޯމެރި އާސްމާނުގައި އެތިބެނީ ސިޔާސަތުގެ ފެއިލްވުމަކުން. އަހަރެންނަށް ރައްކާތެރިކަން ނެތީ ސިޔާސަތުގެ ފެއިލްވުމަކުން. 13 މަރު އެންމެ ތިން އަހަރު. ކުޑަކަމެއްތަ. ކުޑަ ފެއިލްުވުމެއްތަ. ސިޔާސީ ފެއިލްނުވާނަމަ އެކަން އެގޮތަށް ވާނެތަ؟ ކީއްވެކަން އެނގޭތަ. އަހަރެންގެ މިހުރިހާ ކަމެއް ރަގަޅަށް ކޮށްދޭން ލާރިއާ މުދަލާ ދީފައި އަހަރެން އައްޔަނުކުރީ ސިޔާސީ މީހުން. އެމީހުން މިކަންކަން ރަގަޅުކުރަން ތިބާ އަހަރެމެންނާއެކު. އަހަރެމެން ބުނާ ބަހެއް ނާހާ. އަަހަރެމެން ނިކަމެތި ކޮށް އަމިއްލަ ފައިދާއަށް އުޅެ މުޅި ސިސްޓަމް ބޮއްސުންލައިފި. މީގައި އަހަރެމެންގެ އިހުމާލަކީ ހޮވި އިރު ރަގަޅު އެތި ހޮވަން ނޭގެން. މި ލިބުނީ ފިލާވަޅެއް.
ޔާނު
05 July 2017
މީހަކަށް ތިކަހަލަ ކަމެއް މެދުވެރިވެއްޖާ އެމީހަކު ހޯދުމަޢް ކުރެވެން ހުރިހާ ކަމެށްކުރުމަކީވަރަށް ރަގަނޅުކަމެއް އެކަމަކު ސުވާލަކީ އާދައިގެ ރައްޔިތަކުގެއްލިގެން ތިވަރުގެ މަސައްކަތެއް ކޮށްފާނެ ބާވެޔޭ
ސަމް
05 July 2017
އަޅުގަނޑު މިވާހަކަ މި ހައިލައިޓް ކޮއްލަނީ އެއްވެސް ހާލެއްގަ ނުބައި ނިޔަތެއްގައެއް ނޫން،،، ހިތައަރާ ޢާންމު މީހެއް ނަމަ މިހާ ގިނަދުވަސް ވަންދެން ހޯދާނެ ބާ؟
އަމާ
05 July 2017
އެކަމަކު ކޮންމެ މީހަކަސް ހޯދަން ޖެހޭނެ. ރިލުވާންވެސް ހޯދަން ޖެހޭނެ. ނުހޯދުން އެއީ މައްސަލައެއް.
ޔާނު
05 July 2017
ޢަހަރެެންނެސް ތިކަހަލަ އިބާރާތަކުން އަރެންގެ ހިޔާލުވެސް ކޮމެންޓް ކޮއްފިން މާޒީގަ ވެފަނެއް ކަމެއްވީމަ ހަމަބުނެލީ