އޭޑީކޭގެ ގޯތިތެރޭގައި ގާއިމްކުރާ ޕާކިން ސިސްޓަމް.--ފޮޓޯ: އަހުމަދު އަފްއާލް
05 ޖުލައި 2017 - 16:25
6 comments
އޭޑީކޭ ހޮސްޕިޓަލްގެ ގޯތިތެރޭގައި މެކޭނިކަލް ޕާކިން ސިސްޓަމެއް ގާއިމްކުރުމުގެ މަސައްކަތް ފަށައިފި އެވެ.
އެ ހޮސްޕިޓަލްގެ މެނޭޖިން ޑިރެކްޓަރު އަހުމަދު އަފްއާލް ވިދާޅުވީ ޕާކުކުރުމުގެ ދަތިކަމަށް ހައްލު ހޯދުމަށް ގާއިމްކުރާ މި ސިސްޓަމްގެ މަސައްކަތްތައް ވަރަށް އަވަހަށް ނިންމާލެވޭނެ ކަމަށެވެ.
ސިންގަޕޫރު ކުންފުންޏަކާ ހަވާލުކޮށްގެން ގާއިމްކުރާ މި ޕާކިން ސިސްޓަމްގައި، ހަތަރު ފުރޮޅުލީ 19 ވެހިކަލް ބޭއްވޭނެ އެވެ. އެގޮތުން ފުރަތަމަ ބުރި އެމްބިއުލާންސަށް ހާއްސަކޮށް، ބާކީ ހުސް ތަންތަނުގައި ކާރުތަކަށް ޕާކު ކުރެވޭނެ ކަމަށް އައްފާލް ވިދާޅުވި އެވެ. ނަމަވެސް އާއްމުންނަށް އެތަނުގައި ޕާކު ކުރެވޭނީ ފީއެއް ދައްކައިގެންނެވެ.
"ޕާކު ކުރާނެ ޖާގައެއް ނެތުމުން އުނދަގޫ ދިމާވޭ. އެހެންވެ އެ މައްސަލަތައް ހައްލުކުރަން ގާއިމްކުރާ ސިސްޓަމެއް އެއީ. ނަމަވެސް ޕޭޕާކިން ސިސްޓަމެއް އެއީ. ވަކި ވަރަކަށް ރުފިޔާ ދައްކައިގެން ޕާކު ކުރެވޭނީ. ފަހުން އިއުލާނުކުރާނަން އެ ތަނުގައި ޕާކު ކުރެވޭ އަދަދުތައް،" އަފްއާލް ވިދާޅުވި އެވެ.
އޭޑީކޭގައި މެކޭނިކަލް ޕާކިން ސިސްޓަމް ޓެސްޓްކުރަނީ
ކާރު ޕާކު ކުރަން ހާއްސަކޮށްގެން ވެލާނާގެ ސަރަހައްދުގައި ސަރުކާރުން ވެސް ވަނީ އަންނަނީ މެކޭނިކަލް ޕާކިން ސިސްޓަމެއް ގާއިމުކުރުމަށް މަސައްކަތް ކުރަމުންނެވެ.
ރާއްޖޭގެ އަމިއްލަ އެންމެ ބޮޑު ހޮސްޕިޓަލް، އޭޑީކޭއިން އަންނަނީ އެތަން އިތުރަށް ތަރައްގީކޮށް ހިދުމަތްތައް ފުޅާކުރަން ގިނަ މަސައްކަތްތަކެއް ކުރަމުންނެވެ. އެގޮތުން ތިއޭޓަރު ކޮމްޕްލެކްސްއަކާއި 10 ބުރީގެ އިމާރާތެއް އެޅުމަށް 18 މިލިއަން ޑޮލަރަށް ވުރެ އަގު ބޮޑު މަޝްރޫއެއް އަންނަނީ ހިންގަމުންނެވެ. މި މަސައްކަތުގެ ވެސް ބޮޑު ބައެއް މިހާރު ވަނީ ނިމިފަ އެވެ. އެތަނުގައި ތިއޭޓަރު ކޮމްޕްލެކްސްއަކާއި ކެތު ލެބެއް ގާއިމުކޮށް ހިތުގެ ބޮޑެތި ބަލިތަކަށް ފަރުވާ ދޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބޫ
06 July 2017
އޭޑީކޭ އިން މެޝިން ގެނެސް ބަހައްޓާ ނިންމާލީ ދެތިންމަހުން، އެކަމު ހައުސިންގ މިނިސޤޓްރީން ވެލާނަޭގެ ކައިރީ އެއޗެއް ބަހައްޓަން އުޅޭތާ އަހަރު؟؟ އަދި އެތަށް އެއޗެއްގެނެސް އެތައް ފައިސާއެއް ބަންދު ވެފައި .. މިއީ ހަމަ ހައުސިންގް މިނިސްޓްރީގެ އިހުމާޅު ނޫނީ ކޮރަޕްޝަން .. އަނެއްކާ މި ދޭތީގެ އަގާއި ޔޫސޭޖް އަޅާކިޔާއިރު ކިހިނެއްބާ؟؟
ހޭވިހޭވިތިއްބާ
06 July 2017
ތިތަނަކީ އޭޑީކޭ އަށް ދިވެހިސަރުކާރުން ދީފައޮތް ޚަޒާނާއެއް ތިތަން ބޭނުންކޮށްގެ ދިވެހިން އަތުން ނެގެންހުރި ފައިދާއެއްނަގާނެ!
ހަބޭސް
06 July 2017
މަރުހަބާ އައްފާލު މިސަރުކާރުން ހޭވިހޭވި ތިއްބާ އަމިއްލަފަރާތަކުން ސިސްޓަމް ހަރުކޮށް ބޭނުންކުރަންފަށަނީ
ނަސީމާ
06 July 2017
އޭޑީކޭ އިން ތިޔަ ސިސްޓަމް ގާއިމް ކުރުމަށް 2 މަސް ވެސް ނުނަގާ، އެކަމަކު މުއިޒުބެ ވެލާނާގެ އާއި ހީނާމާގެ ތިޔަ ކަހަލަ ޕާކިންގ ސިސްޓަމް ދައުލަތުގައި ހުރި ހުރިހާ ބަންގާޅިން ނާއި ވެހިކަލް އަދި ޓޫލްސް ބޭނުން ކޮށްގެން ވެސް 20 މަސްދުވަހަށް ވުރެ ދުވަސްވެއްޖެ. ދެންބުނާ ނެ އަހަރެން މިހަދަނީ ދޮގެކޭ؟
ބޭބެ
06 July 2017
ވަރަށް ރަނގަޅު ކަމެއް. ދުވާލުގެ ވަގުތުތަކުގައި ޑޮކްޓަރައް ދަންކަން ދާމީހުންނަށް 1 ގަޑިއިރު ފްރީކޮއްފަ ދެންވާ ކޮންމެ މިނިޓެކައް ބޮޑުފީއެއް ނެގީމަ ހުރިހާ އެންމެންނަށް ފުރުސަތު ލިބޭނެ ހަމަހަމަކޮއް. ރޭގަނޑުގެ ވަގުތުތަކަށް "ނައިޓް ޕާކިންގް" އެހެން ފީއެއް ނެގިދާނެ. ސަރުކާރުން ބަހައްޓާ މެކޭނިކަލް ޕާކިން ސިސްޓަމް ތަކުގަވެސް މިކަހަލަ ފީނިޒާމެއް އޮންނަ ނަމަ ވަރަށް ރަނގަޅުވާނެ.
ޒާ
06 July 2017
ކޮބައިތަ މާލޭގައި އެތައް ތަނެއްގައި އެސްޓީއޯއާއި ހަވާލު ކޮށްގެން މިއަހަރުގެ ކުރީކޮޅު ބަހައްޓާނެ ކަމަށް މުޢިއްޒުބުނި ސިސްޓަމްތައް. މިހާރު އެކަން ނިމިއްޖެދެއްތޯ؟ މުޢިއްޒުއަށްވެސް ކުރަންޖެހޭ ކަންކަން ގިނަވީމާ ކުރަންވީ ކޮންކަމެއްކަން ނިންމުނީ ކޮންކަމެއްކަންވެސް ނޭނގޭހާ ގިނަ.