ގަތަރާ ދެކޮޅަށް އިތުރު ފިޔަަވަޅުތައް އަޅާނެކަމުގެ އިންޒާރު ދިނީ ޝަރުތުތައް ގަބޫލް ނުކުރުމުން. --ފޮޓޯ:އޭއެފްޕީ
07 ޖުލައި 2017 - 12:17
9 comments
ރިޔާޒް (ޖުލައި 8) - ގަތަރަށް ކުރިމަތި ކުރި ޝަރުތުތައް އެ ގައުމުން ގަބޫލް ނުކުރުމާ އެކު އާ ފިޔަވަޅުތައް އަޅާނެކަމުގެ އިންޒާރު ސައުދީ ކޯލީޝަނުގައި ހިމެނޭ ހަތަރު ގައުމުން ދީފި އެވެ.
ސައުދީ، ބަހުރޭން، ޔޫއޭއީ އަދި މިސްރުން ނެރުނު ގުޅިފައިވާ ބަޔާނެއްގައި ބުނެފައި ވަނީ ޝަރުތުތައް ގަތަރުން ގަބޫލް ނުކުރުމަކީ ސަރަހައްދުގެ ސަލާމަތަށް އެ ގައުމުން ނުރައްކާ ކުރުން ކަމަށެވެ.
މި ހަތަރު ގައުމާ އެނޫން ވެސް ބައެއް ގައުމުތަކުން ގަތަރާ މިދިޔަ މަހު ގުޅުން ކަނޑާލީ އެ ގައުމުން ޓެރަރިޒަމަށް ވާގިވެރިވާ ކަމަށް ބުނެ އެވެ. ގަތަރާ ދެކޮޅަށް އެޅި ފިޔަވަޅުތަކުގެ ތެރޭގައި އެ ހަތަރު ގައުމުގެ އެއްގަމާއި ވައިގެ ސަރަހައްދު ގަތަރަށް ބަންދު ކުރުން ހިމެނެ އެވެ. ނަތީޖާއެއްގެ ގޮތުން ގަތަރު އެއާވޭސް އިން އެ ގައުމުތަކަށް ކުރާ ދަތުރުތައް ހުއްޓާލަން ޖެހި އަދި ގަތަރަށް އެ ގައުމުތަކުން މުދާ އެތެރެ ކުރުން ހުއްޓުނެވެ.
މި ފިޔަވަޅުތަކަށް ލުއި ދިނުމުގެ ގޮތުން ގަތަރަށް ވަނީ 13 ޝަރުތެއް ކުރިމަތިކޮށްފަ އެވެ. ނަމަވެސް ގަތަރުން ވަނީ އެއީ އަމަލީ ގޮތުން ކުރެވޭނެ ކަންތައް ނޫން ކަމަށް ބުނެ އެ ޑިމާންޑްތަކަށް ދެކޮޅު ހަދައިފަ އެވެ.
ގަތަރާ ދެކޮޅަށް އަޅާނެ އާ ފިޔަވަޅުތަކުގެ ތަފްސީލް ނުދެ އެވެ.
ގަތަރުގެ ޚާރިޖީ ވަޒީރު ޝެއިޚް މުހައްމަދު އަބްދުއްރަހުމާން އަލް ސާނީ ވިދާޅުވެފައި ވަނީ ގަތަރާ ގުޅުން ކަނޑާލުމަކީ އެ ގައުމުގެ ހިސާރުކޮށް އަރައިގަތުން ކަމަށެވެ. އަދި ގަތަރުން ދެބަސްވުމުގެ ޖަވާބަކަށް ވާން ޖެހޭނީ އިތުރަށް ދަތި ކުރުން ނޫން ކަމަށާއި އެއީ މަޝްވަރާގެ އުސޫލުން ދާން ޖެހޭނެ ކަމެއް ކަމަށް ވެސް ވިދާޅުވި އެވެ.
ތެލާއި ގޭހުގެ މުއްސަނދިކަން ލިބިފައިވާ މެދުއިރުމަތީގެ ކުޑަ ގައުމުގެ 2.7 މިލިއަން މީހުންގެ އަސާސީ ގިނަ ތަކެއްޗަކީ އިމްޕޯޓް ކުރާ އެއްޗިއްސެވެ. ގަލްފުގެ ބައެއް ގައުމުތަކުން ގުޅުން ކަނޑާލުމުން ގަތަރަށް ގިނަ ތަކެތި މިހާރު އެތެރެ ކުރަނީ އީރާާނާއި ތުރުކީންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަންގާޅުއަލީ
08 July 2017
މުސްލިމުންނަށް ހަމަނޭވާލެވޭނީ ސައުދީ ކުންފުނި ރޫޅާލައިގެންކަމަށް ހާދަހީވެޔޭ. ދުނިޔޭގެ ހުރި އެންމެބޮޑު ޓެރަރިސްޓު ޔަހޫދީ ދައުލަތަތަށް ހިމާޔަތްދެނީ ސައުދީން. މުސްލިމުން ބޮލަށް ބޮންއަޅަނީ ސައުދީން އިރާގު ލީބިޔާ ސީރިޔާ ހަލާކުކޮށް މިހާރު އިރާނާއި ގަތަރު ހަލާކުނުވެގެން ލޮލުފިޔަނުޖެހިގެން އުޅޭބައެއް. ހުޅަގާއި އެމެރިކާއިން މުސްލިމުން ހަލާކުކުރަން ބޭނުންކުރާ އެޖެނެޓެއް.ތިޔާ.
ވިސްނާ
07 July 2017
ދިވެހިސަރުކާރުން ބުނީ ވިޔަފާރީގެ އެއްވެސް ކަމެއް ނުހުއްޓާނަމޭ. އެހެންވެ އަަހަރެންވެސް ބޭނުން މަސްދަޅާއި ރާއްޖޭގެ އުފެއްދުންތައް ގަތަރަށް އެކްސްޕޯޓް ކުރަން.
ޒެޑް
07 July 2017
ރާްޖޭން ގަތަރާއި ގުޅުން މިކަނޑާލީ އަލްޖަޒީރާ އިން ސްޓީލިންގް ޕެރަޑައިޒް ގެ ނަމުގައި ބޭޒާރުކޮށްލީމަ ދޯ.
ފެނޭދޯ
07 July 2017
މިހާރު އަލްޖަޒީރާ އަށް ހުންނާނެ ރާކަނި މަސްކެވިފައި ދޯ.
އދ
07 July 2017
މެދުއިރުމަތީގައި އޮތް ރީތި ކުރިއަރާފައިވާ ޤައުމެއް އިޒްރާއިީލަށް ވާގިވެރިވާ ޤައުމުތަކުން ފުޑާލަނީ
"މިހާރު"ގެ ފަހުރުވެރި ކިޔުންތެރިޔާ/ހދ.ކުޅުދުއްފުށި/ހާލުފޮޅި
07 July 2017
ފުރަތަމަ ކަމަކަށް ގަތަރުން ޓެރަރިޒަމަށް ވާގިވެރި ވާކަމުގެ ހެއްކެއްވެސް ސައުދީ އަކަށް ނުދެއްކުން. ހެކި އޮންނަޖެހޭ. އަލްޖަޒީރާ ހުއްޓާލާ މުޅި ސަރަހައްދުގެ މިނިވަން ނޫސްވެރިކަމަށް ގެންލުން ލިބޭ ޝަރުތުތަށް ކުރުމުން އެނގެނީ ސައުދީގެ ކޮރަޕްޝަނުގެ ވާހަކަތަކަކީ ހަމަ ހަގީގަޔެއްކަން.
ދަގަ
07 July 2017
ތަމެން ސައުދީން ކުރާ ކަމުގެ ތެރެއަށް ނުބޭނި ރަށުތެރޭން މުޑި ކާށި ހޮވަން ދަގަ.
އަޑީބް އެންޑް ބަދީއް
07 July 2017
ސައުދީކަންތައް މިދަނީ މާ މައްޗަށް.
ރަށަށްދޭބަލަ
07 July 2017
ތަމެން ސައުދީ އޭ ނުކިޔާ ރަށަށްދޭބަލަ. ރަށަށްދޭބަލަ.