08 ޖުލައި 2017 - 16:10
6 comments
ދޯހާ (ޖުލައި 8) - ދަތިކުރުމުގެ ފިޔަވަޅުތައް އަޅައިގެން ގެއްލުންތައް ދޭން އުޅުނު ނަމަވެސް އެއަށް ވުރެ ގަތަރުގެ ފުދުންތެރިކަން މާބޮޑު ކަމަށް އެ ގައުމުގެ މާލީ ވަޒީރު އަލީ ޝަރީފް އަލް އިމާދީ ވިދާޅުވެއްޖެ އެވެ.
ގަތަރުން ޓެރަރިޒަމަށް ފަންޑު ކުރުމާ ކަމަށް ބުނެ އެ ގައުމާ ސިޔާސީ ގުޅުން ކަނޑާލުމަށް ފަހު އިގްތިސާދީ ގޮތުން ދަތިކޮށްފައި ވަނީ ސައުދީ އަރަބިއާ، ޔުނައިޓެޑް އަރަބި އެމިރޭޓްސް، ބަހުރޭން އަދި މިސްރުންނެވެ. މި ތުހުމަތުތައް ދޮގު ކުރުމަށް ފަހު ގަތަރުން ވަނީ އެ ގައުމަށް ކުރި ޝަރުތުތަކަށް ވެސް ދެކޮޅު ހަދައިފަ އެވެ.
ޓައިމްސް އަށް ދެއްވި އިންޓަވިއުއެއްގައި މާލީ ވަޒީރު އަލް އިމާދީ ވިދާޅުވީ އެތަައް ޒަމާނެއް ވަންދެން ގަތަރުން ގޭސް ވިއްކައިގެން ހޯދި ފައިސާ އިން އެ ގައުމުގެ މާލީ ރިޒާވް ވަރަށް ބޮޑު ކަމަށެވެ.
"ގަތަރުގެ ޖީޑީޕީގެ 250 ޕަސެންޓަށް ސޮވެރިން ވެލްތު ފަންޑު އަރާ. ގަތަރުގެ ސެންޓްރަލް ބޭންކުގެ ރިޒާވް އެހާ ބޮޑު. އޭގެ އިތުރުން ފިނޭންސް މިނިސްޓްރީގެ ސްޓްރެޓެޖިކް ރިޒާވް ވެސް ބޮޑު،" އަލް އިމާދީ ވިދާޅުވި އެވެ.
އިމާދީ ވިދާޅުވީ އިގްތިސާދީ ދަތިކުރުމުގެ ފިޔަވަޅަކުން އަރައިގަނެވޭނެ މިންވަރަށް ގަތަރުގެ އަމިއްލަ ތަނަވަސްކަން އެބަހުރި ކަމަށެވެ. ގަތަރަށް ދަތިކުރުމުގެ ފިޔަވަޅު އެޅި ގައުމުތަކަށް އިޝާރާތް ކުރައްވާ އިމާދީ ވިދާޅުވީ ބަހުރޭނާއި މިސްރުން އުޅެނީ އިގްތިސާދަށް އާމްދަނީ އިތުރު ކުރެވޭނެ ގޮތެއް ނެތިގެން ކަމަށެވެ. ސައުދީ އަރަބިއާ އަށް ބަލާއިރު އެ ގައުމު ވަނީ މާލީ ގޮތުން ހަގީގީ މައްސަލަތަކެއްގެ ތެރޭގައި ކަމަށް ވެސް ވިދާޅުވި އެވެ. ގަތަރަށް ދެން ދަތިކުރި އަނެއް ގައުމު ކަމަށްވާ ޔޫއޭއީ އަށް ވުރެ ގަތަރުގެ އިގްތިސާދީ ދުވެލި 40 ޕަސެންޓް ހަލުވި ކަމަށް ވެސް އިމާދީ ވިދާޅުވި އެވެ.
ގަތަރުގެ ޚާރިޖީ ވަޒީރު ޝެއިޚް މުހައްމަދު ބިން އަބްދުއްރަހުމާން އަލް ސާނީ ވިދާޅުވީ ދަތިކުރުމުގެ ފިޔަވަޅުތަކުން ގަތަރުގެ ރައްޔިތުން ސަލާމަތް ކުރުމަށް އަޅަން ޖެހުނު ކޮންމެ ފިޔަވަޅެއް އަޅާނެ ކަމަށެވެ.
ގަތަރަށް ކުރިމަތިކުރި ޝަރުތުތައް ގަބޫލް ނުކުރުމުން ހަތަރު ގައުމުން ވަނީ އިގްތިސާދީ ގޮތުން އިތުރު ފިޔަވަޅުތައް އަޅާނެ ކަމަށް ގަތަރަށް އިންޒާރު ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒ
09 July 2017
ގަތަރު ދެން ފޮނިކަނޑާނެ ކަމެއް ނެތް.
ޢަސްލު ދިވެހި މީހާ
08 July 2017
ރާއްޖެއާމެދު އެއްޗެއް ގަތަރުން ނުބުނާތީ ހައިރާންވޭ..ގުޅުން ކަޑާލިކަން ނޭގެނީބާ..
ރޯނުއެދުރު
08 July 2017
ނީލަގެރި އެތެއްގެ ބޮޑުވާ އިގިލީގަ ހިންޏެއް ހެފީމާ އެއަށް އިގޭނެބާ؟؟؟
އަހުމަދު
19 July 2017
ގަތަރަށްއެނގޭ ދިވެހިންތިބީ ގަތަރާއެކީކަން.
"މިހާރު"ގެ ފަހުރުވެރި ކިޔުންތެރިޔާ/ހދ.ކުޅުދުއްފުށި/ހާލުފޮޅި
08 July 2017
ގަތަރަށް ފިޔަވަޅު އަޅަން ބުނާ ގައުމުތަކުގެ އިގުތިސާދު މާ ދަށް. ސައުދީއިން ތެލަށް ބަރޯސާވެ ގިނަ ފައިސާ ސައުދޫ އާއިލާއަށް އެއްކުރުމުން ގައުމުގެ އިގުތިސާދު ކުރިޔަކަށް ނާރާ. ސައުދުމެން މުސްލިމު ކަމަށް ހެދިގެން ދުނިޔެމަތީ ހިތު ހުރިގޮތަކަށް އުޅެން ފައިސާ ހުރީމަ ހީކޮށްގެން ނުވާނެ އަމިއްލަ ގައުމުގެ ހާލަތު ރަގަޅު ކަމަށް. އިގުތިސާދަކީ ގައުމުގެ ތައްޔިތުން. ރަށްޔިތުންގެ މިނިވަންކަމާއި އަމިއްލަ ތަނަވަސްކަމަކީ ގުޅިފައިވާ ކަންކަން. ހަގީގީ މިނިވަންކަން ނުލިބި ސައުދީގައި އެތަށް އަންހެނުންނެއް އެބަތިބި. ކާރެއް ސައިކަލެއް ދުއްވެނީ ނޫން މުހިންމު ކަމެއް ޖެހިގެން ތާކަށް ދާން ޖެހުނަސް. އެހެންމީހުނަށް ދުއްތުރާ ނުކޮށް ފުރަތަމަ އަމިއްލަ ގައުމު ސަލާމަތް ކުރޭ. އެހެން ނޫނީ ރައްޔިތުން ނުކުންނާނެ. އަބަދު ތި ރަސްކަމެއް ނުކުރެވޭނެ. މިނިވަން ވެރިކަމެއް ގާއިމު ކުރޭ.
ސައްޕޭ
08 July 2017
ސައުދީ ލައްވާ ޤަތަރު ފުޑާލަން ކުރާމަސައްކަތުގެ އަޑީގައިވަނީ ޔަހޫދީންނާއި އެމެރިކާ ކަންކަށަވަރު، އެމީހުންގެ ބޭނުމަކީ މިހާރުފުޑާނުލެވި ހުރި އަރަބި ޤައުމުތައް ދޭތެރެޖައްސައި ފިތުނައުފައްދާގެން އެގައުމުތައް ފުޑާލަން، މިހާރު އެމެރިކާ ނިންމާފައިވަނީ އެމެރިކާމީހުން މަރުނުވާގޮތަށް އަރަބި ޤައުމުތަކާި ހަނގުރާމަކުރުވަން، ދެރަކަމަކީ އަހަރެންގެ ވެރިންނަށް މިވަރު ނުވިސްނޭކަން، ސައުދީން ކުޑަލާރިކޮޅެއް ދިއްކޮށްލާއިރަށް އެމީހުންބުނާ ޤައުމަކާ ގުޅުންކަޑައި އެބަޔަކާއި އަަދާވާތްތެރިވެ ގަނޭ މީ އެއްމެންވެސް ވިސްނަންވެއްޖެކަމެއް!