މިފްކޯ އާއި އެސްޓީއޯގެ އިސްވެރިން މިއަދު ނޫސްވެރިންނާ ވާހަކަ ދައްކަވަނީ.---މިހާރު ފޮޓޯ
09 ޖުލައި 2017 - 16:40
9 comments
މިފްކޯ އަށް މަސް ގަންނަ އަގު ކިލޯއަކުން އެއް ރުފިޔާ މާދަމާ އިން ފެށިގެން ބޮޑުކުރާ ގޮތަށް ނިންމައިފި އެވެ.
އެކަން އިއުލާން ކުރުމަށް އެސްޓީއޯ ހެޑް އޮފީހުގައި މިއަދު ހަވީރު ބޭއްވި ނޫސްވެރިންގެ ބައްދަލުވުމެއްގައި ވާހަކަ ދައްކަވަމުން އެސްޓީއޯގެ މެނޭޖިން ޑިރެކްޓަރު އަހުމަދު ޝަހީރު ވިދާޅުވީ މަސްވެރިންގެ އަތުން މަސް ގަންނަ އަގު ބޮޑުކުރީ މިދިޔަ މަސްތަކުގައި ދުނިޔޭގެ ބާޒާރުގައި މަގު އަގު އުފުލިފައިވުމާއި މަސް ގަންނަ ބޭރުގެ ކުންފުނިތަކުން ވެސް ކުރިއަށް ވުރެ ރަނގަޅު އަގެއް ލިބޭތީ ކަމަށެވެ.
މިއީ 2014 ވަނަ އަހަރުގެ ފަހުން މިފްކޯ އިން މަސް ގަންނަ އަގަށް ބަދަލު ގެނައި ފުރަތަމަ ފަހަރެވެ.
މިފްކޯ އިން މިހާރު މަސް ގަންނަނީ ފިނިކުރި ކަނޑުމަސް ކިލޯއެއް 19ރ. އަށް އަދި ފިނި ނުކުރާ މަސް ކިލޯއެއް 17ރ. އަށެވެ.
މިފްކޯގެ ޗެއާމަންކަން ވެސް ކުރައްވާ ޝަހީރު ވިދާޅުވީ އެ ކުންފުނިން އަބަދުވެސް ބޭނުން ވަނީ މިފްކޯ އަށް ލިބޭ ފައިދާ މަސްވެރިންނާ ހިއްސާކުރަން ކަމަށެވެ. އެގޮތުން މަސްވެރިންނަށް ވިއްކާ ތެލުގެ އަގުތައް ދެ ފަހަރެއްގެ މިހާރު ހެޔޮކޮށްފައިވާ ކަމަށް ވެސް އޭނާ ވިދާޅުވި އެވެ.
"މަސްވެރިންނަށް ވީހާ ވެސް ލުއި ފަސޭހަކޮށް ކަންތައްތައް ހަމަޖައްސައިދިނުމަށް އަޅުގަނޑުމެންނަށް އަބަދުވެސް އަންނަނީ ސަރުކާރުން އިރުޝާދު ލިބެމުން. މިގޮތުން އަޅުގަނޑުމެން މިފްކޯއިން މިދަނީ މަސްވެރިންނާ ގުޅޭ ކަންތައްތައް ރަނގަޅުކުރަން މަސައްކަތް ކުރަމުން. މިގޮތުން މިދިޔަ ދުވަސްތަކުގައި މަސްވެރިންނަށް ލުއި ފަސޭހަކޮށްދިނުމުގެ ގޮތުން ވަރަށް ގިނަ މަސައްކަތްތަކެއް ކުރެވިފައި،" ޝަހީރު ވިދާޅުވި އެވެ.
އޭނާ ވިދާޅުވީ މިފްކޯގެ ބައެއް ފެސިލިޓީސްތައް ދުވަސްވެ ވީރާނާވެފައި ވީނަމަވެސް ކެނޑިނޭޅި މަސައްކަތް ކުރަނީ މަސްވެރިންނަށް ދޭ ހިދުމަތްތައް މިހާރަށް ވުރެ ރަނގަޅަށް ދިނުމަށް ކަމަށެވެ. އެގޮތުން ފިނޭންސް މިނިސްޓްރީ އާއި ފިޝަރީޒް މިނިސްޓްރީ އާއި މިފްކޯއާ ގުޅިގެން ޕްރޮޖެކްޓްތަކެއް ރާވައި އެކަމަށް ބޭނުންވާ ފައިސާ ވެސް މިހާރު ހަމަޖެހިފައިވާ ކަމަށް ޝަހީރު ވިދާޅުވި އެވެ.
"ކުރިއަށް އޮތް ހައެއްކަ މަސްދުވަހުގެ ތެރޭގައި އިރާދަކުރެއްވިއްޔާ އަޅުގަނޑުމެންގެ ފެސިލިޓީސްތައް ރަނގަޅު ކުރެވި، މަސްވެރިންގެ ބޭނުންތައް މިހާރަށް ވުރެ ރަނގަޅަށް ފުއްދައިދެވޭނެ ކަމުގެ އުފާވެރި ޚަބަރު ވެސް އަޅުގަނޑު ދެން،" އޭނާ ވިދާޅުވި އެވެ.
މިފްކޯގެ މެނޭޖިން ޑިރެކްޓަރު އަދުލީ އިސްމާއިލް ވިދާޅުވީ ވޭތުވެދިޔަ ދެތިން އަހަރު އެ ކުންފުނި އޮތީ ވަރަށް ނާޒުކު ފައްތަރެއްގައި ކަމަށެވެ.
"އެހެން މިދިމާވީ އަޅުގަނޑުމެން އަގުތަކަށް ބަދަލު ނުގެނެސް ދުނިޔޭގެ ބާޒާރަށް އަންނަ ހުރިހާ ބަދަލެއް މަސްވެރިންނަކަށް ނާދޭ. އަޅުގަނޑުމެންނަށް މަސް ޓަނެއްގެ އަގު ވަރަށް ބޮޑުތަން، ގާތްގަނޑަކަށް ދެ ގުނަ ދަށްވެގެންދިޔައިރު ވެސް މަސްވެރިންގެ އަތުން ގަންނަ އަގު އެންމެ ތަންކޮޅެއް ވެސް އަޅުގަނޑުމެން ދަށެއް ނުކުރަން،" އަދުލީ ވިދާޅުވި އެވެ.
އޭނާ ވިދާޅުވީ މަސް ގަންނަ އަގު ދަށް ނުކުރުމުގެ ސަބަބުން ކުންފުންޏަށް ވަރަށް ގިނަ ދަތިތަކަކާ ދިމާވި ކަމަށެވެ. އަދި އެކަން ސަރުކާރުން ދިޔައީ ފޫބައްދަމުން ކަމަށް ވެސް އަދުލީ ވިދާޅުވި އެވެ.
"މި އަހަރު އިރާދަކުރެއްވިއްޔާ ފްރޯޒަން ޓޫނާ މާކެޓް ފުދޭވަރަކަށް ރަނގަޅަށް ސްޓޭބަލް ވެގެން މިދަނީ. ފޯކާސްޓް ކުރެވޭ ގޮތުން އަހަރުގެ ދެން އޮތް ބައިވެސް ފުދޭވަރަކަށް ރަނގަޅުވާނެ ކަމަށް މި ފެންނަނީ. މިހެންވެ އެ ހެޔޮ ބަދަލު މަސްވެރިންނާ ހަމަޔަށް ގެނެސްދޭން އެބަ ޖެހޭ،" އަދުލީ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނިބިހޫރު
10 July 2017
ތިއޮތީ ވެފައި. ތިވަރު ބޮޑުކޮށްދިނީމާ ރައްޔިތުން ވަރަށް ހިނިއަންނާނެ. އަހަރެމެން ކާ ހަނޑޫ ކޮޅާއި ފުށް ކޮޅާއި ހަކުރު ކޮޅުގެ އަގު ތިރިކޮށްބަލަ.
ހަބޭސް13
10 July 2017
ޔާރައްބީ ހާދަބޮޑު އަދަދެކޭ ތިބޮޑުކުރީ
ބަދަލު
09 July 2017
ބޮޑު ކުރިޔަސް ވޯޓެއް ނުލިބޭނެ. ޥޯޓްދޭންޖެހޭގޮތް ގދ.ތިނަދޫ މީހުން ދިވެހިންނަށް ދަސްކޮށްދީފި.
GAN Island
09 July 2017
ބާރާއި ނުފޫޒު ބޭނުންކޮށް ''ފައިސާ ގޯނި ކޮޑަށްލައި ދުވެގެން ވެރިކަން ދެމެހެއްޓޭނަމަ'' މިއަދު ތިޔަ ކުރަމުންދާ ތަޖުރިބާ ކުރައްވާކަށް ޖެހިވަޑައި ނުގަންނަވާނެ. . . . ޤައުމީ ދިފާއީ ބާރު ނުވަތަ ޑިފެންސް މިނިސްޓަރަކަށް ހުންނަވާ ބޭފުޅަކު ދައުލަތުގެ ކުންފުނި ތަކުގެ ވެރިންނާއި ބައްދަލު ކުރައްވާ ތިބޭފުޅުން ވީ ހާބޮޑަށް ''ސަރުކާރު ދެމެހެއްޓުމަށް ސަރުކާރަށް އެއްބާރުލުން ދިނުމަށް'' އެދި އާދޭސް ދަންނަވާ ހިސާބަށް ދާނީ އެބުނާ ބަޔަކާއި ދޭތެރޭގައި ''ރައްޔިތުންގހެ ހިތުގައި އެހެން ކަހަލަ ކަންތައްތަކެއް'' އެބުރި މިވެރިކަން ރައްޔިތުންނަށް ''ގިލަން ވެރިކަމަކަށް'' ހީވެފައިވާތީ ކަން ޔަޤީން. . . . . . ތިޔަ އަގު ބޮޑު ކުރުމަށް ވުރެން ރައްޔިތުންގެ ސިކުނޑީގައި ބޮޑަށް ހަރުލާފައި ހުރީ ހަނޑޫ ހަކުރު ފުށް 100 ޕަސެންޓް އަދި ކަރަންޓް 80 ވަރަކަށް ދަރަޖައަށް އަގު އުފުލި ހަދާންތައް.
ހެޔޮ ބަސް
09 July 2017
ވީމާ 2 ޓަނު މަސް ކިރުމުން 1 ފީފާ ތެޔޮ ފްރީ ވީ ތާއެވެ. ހާދަ ހެޔޮ ފުޅެވެ.އަދި ވެސް ރަގަޅު ވާނެ އެވެ. ހެޔޮ ފުޅު ވެވޭނީ ވެސް ލިބޭ ވަރަކުން ތާއެވެ.
ދޮން އާމިރު
10 July 2017
ވައްޓެމުންދާއިރު ތިޔަކަހަލަ ދަޅަދައްކާނެއެވެ.
ޖޯޖް
09 July 2017
މި ފެންނަނީ އަދި ކިރިޔާ ބަދަލު މީ އިދިކޮޅު މީހުންގެ ބުރަ މައްސަކަތުގެ ނަތީއްޖާ ވަކިން ހާއްސަކޮއް ކުރީގެ ރައީސް އަދި ދަރުބާރު ފެކްޝަނު ކުދިން އެންމެ ހިތްތައް ކުދިކުދިވާ ކުރީގެ 3 އަހަރުގެ ބާނީ ތަރައްޤީގެ މޭސްތިރިޔާ ރައީސް ނަޝީދުގެ ބުރަ މަސައްކަތުގެ ނަތީއްޖާ .. މިހިރި މިހިރަ ކަންކަމާ ހުރެ މުޅި ގައުމު މިއަދު އެސި ގޮވަނީ ރައީސް ނަޝީދު މަސީހު އިސްތިއުފާ....
އެޑްމުންޑޯ
09 July 2017
ކޮސް ކަންތައް ނުކުރުމަށް މިފްކޯގެ ވެރިންނަށް ގޮވާލަން ، މިވޯޓާއި ގުޅިގެން ކަރަންޓް އަގުހެޔޮކުރުމާއި މަސް އަގުބޮޑުކުރމަކުން ވާނެކަމެއް ނޯންނާނެ، ރައްޔިތުން ނޫން ވޯޓް ދޭންތިބީ ، ޚިޔާނާތުގެ ކަސްތަޅުން ބަދެވިފައިވާ މިންބަރުން ވޯޓް ދޭނީ ، ކޮންމެ ކޮޅަކަށް ދިނަސް ރިޝްވަތު ނުނަގާ އެންމެ މިންބަރަކުވެސް ނުހުންނާނެ
ބީރު ބޮލު
09 July 2017
ވޯޓް ވިއްކުން އެއްމެ ބޮޑަށް އޮންނަނީ ރައްޔިތުންގެ ތެރޭގައެވެ.އިންތިޚާބު ތެރޭގައި ވެސް ވޯޓް ވިއްކާފައި ދެން އޮންނަނީ ހޮވުނު މީހާގެ ފަހަތުން އަޅުވާލުމެވެ.ދިރި އުޅުމުގެ ހުރިހާ ކަމެއް ފުރިހަމަ ކޮށްދޭން ޖެހޭނީ މެންބަރު ކަމަށް ދެކޭ ތައްޔިތުން ބައިވަރެވެ.