ކްރިމިނަލް ކޯޓު: އެ ކޯޓު ވަގުތީ ގޮތުން ހިންގުން ގާޒީ އާދަމް އާރިފާ ސުޕްރީމް ކޯޓުން މިއަދު ވަނީ ހަވާލުކޮށްފައި.---މިހާރު ފައިލް ފޮޓޯ
11 ޖުލައި 2017 - 10:01
9 comments
ކްރިމިނަލް ކޯޓު ވަގުތީ ގޮތުން ހިންގުން އެ ކޯޓުގެ ގާޒީ އާދަމް އާރިފްއާ ސުޕްރީމް ކޯޓުން މިއަދު ހަވާލުކޮށްފި އެވެ.
ކްރިމިނަލް ކޯޓު ވަގުތީ ގޮތުން ހިންގުން އާދަމް އާރިފްއާ މި ހަވާލުކުރީ، އެ ކޯޓުގެ އިސް ގާޒީ އަބްދުލްބާރީ ޔޫސުފް ޖުވެނައިލް ކޯޓަށް ބަދަލުކުރުމަށް ޖުޑީޝަލް ސާވިސް ކޮމިޝަން (ޖޭއެސްސީ) އިން ރޭ ނިންމުމުންނެވެ.
ބާރީގެ އިތުރުން ކްރިމިނަލް ކޯޓުގެ ގާޒީ އަހުމަދު ޝަކީލް ފެމިލީ ކޯޓަށް ބަދަލުކުރުމަށް ވެސް ޖޭއެސްސީން ރޭ ވަނީ ނިންމައިފަ އެވެ.
ކްރިމިނަލް ކޯޓު ވަގުތީ ގޮތުން ހިންގުން ހަވާލުކުރި އާދަމް އާރިފަކީ، ރައްޔިތުންގެ މަޖިލީހުގެ މެމްބަރުންނަށް ރިޝްވަތު ދޭން އުޅުނު ކަމަށް ބުނެ ޖުމްހޫރީ ޕާޓީގެ ލީޑަރު ގާސިމް އިބްރާހީމަށް ކުރާ ތިން ދައުވާ ކުރިއަށް ގެންދިއުމާ މެދު ރޭ ގޮތެއް ނިންމަން ކަނޑައެޅި ބެންޗުގައި ހިމެނިވަޑައިގެންނެވި ބޭފުޅެކެވެ. ދެން އެ ބެންޗުގައި ތިއްބެވީ ބާރީ އާއި ޝަކީލް އެވެ.
ގާސިމްގެ މައްސަލަ ކުރިއަށް ގެންދިއުމާ މެދު ގޮތެއް ނިންމަން ރޭ 7:00 ގައި ބާއްވަން އުޅުނު ޝަރީއަތަށް ޕްރޮސެކިއުޓަ ޖެނެރަލް އޮފީހުގެ ވަކީލުން ހާޒިރު ނުވުމުން ވަނީ އެ މައްސަލަ ބޭރުކޮށްލައިފަ އެވެ. ނަމަވެސް ޕްރޮސެކިއުޓަ ޖެނެރަލްގެ އޮފީހުން ފަހުން މީޑިއާގައި ބުނީ ކްރިމިނަލް ކޯޓުން މައްސަލަ ބޭރުކޮށްލީ، އެ ޝަރީއަތް މިއަދަށް ފަސްކޮށްދިނުމަށް އެދިފައި ވަނިކޮށް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސޯލިހް
23 August 2017
ތިޔައީ ހާދަ ރަގަޅު ފަޑިޔާރެކޭ... ތިޔަބޭފުޅާއަށް ދެން ވާނީ ކިހިނެތްބާވައޭ ހިތަށްއަރަނީ،، އެއީ ތިޔަތަނަށް ލީ ހުރިހާ ފަޑިޔާރުންނަށް ވެގެންދިޔަގޮތް އަޅުގަޑުމެންނަށްވަނީ ފެނިފަ.
މުޙައްމަދު
11 July 2017
އާދަމް ޢާރިފަށް މަރުޙިބާ ކިޔަން!
ޙއ ކެލާ
11 July 2017
ޚޮއްކޯ އާރިފޫ ތިއޮތީ އިމްތިހާނުގެ ވަގުތު ޖެހިފަ .. ވިސްނަ ފިކުރުކޮށް ﷲ އަށް ޝުކުރު ކޮށް ތެދު މަގު ޚިޔާރުކުރޭ .. ނުބައިކޯށް ކަމެއް ނުނިންމާތި
ހުއްބުލްވަތަން
11 July 2017
އަދުގެ ކޯޓުތަކުގެ ވެރިން ބަދަލުކުރުމެކޭ ބަތްކައްކާކުޅުމޭ ހުރީ ކޮންތަފާތެއްތޯ؟
އަހުމަދު
11 July 2017
މި ކުޑަދުވަސްކޮޅުގެ ބޭނުން ހެޔޮގޮތުގައި ހިއްޕަވާނެކަމަށް އުއްމީދު ކުރަން.
ްއިހޫ
11 July 2017
އާދަމްއަކީ ހަމަ ބާރީއެކޭ އެއްފަދައިން އަޒްހަރުން ތަޢުލީމު ހާސިލު ކުރި މީހެއް. ޙަވާލުކުރެވުނު މަސްއޫލިއްޔަތަކީ ކިހާ ނުރައްކާ ކަމެއްކަން އެންމެ ރަގަޅަށް އެނގޭނީ މިމީހުންނަށް. އެކަމަކު މިވެސް ވަރަށް ކޮރަޕްޓު މީހެކޭ ބުނާތީ އަހަން. މާތްﷲ އަށް ބިރުވެތި ޙައްޤު ގޮތުގައި މަސައްކަތް ކުރާނެ ކަމަށް އުއްމީދުކުރަން
ހުއްބުލްވަތަން
11 July 2017
ބާރީ އަޒުހަރަށް ވަޑައިގެންނެވި ވާހަކަ އަޑުއެހިތާ މިހުރީ. މޭބީ ޓްރޫ މޭބީ ނޮޓް
ނަސޭހަތް
11 July 2017
ޤާޒީ ތިޔަ ޙަވާލުވީ ބޮޑު މަސްއޫލިއްޔަތަކާ. ދަރިފުޅާ ޢަދުލުވެރިކަމާއެކު ޙުކުމްކުރާތި. މަޤާމުގެއްލުނަސް ޢަދުލުވެރިކަން އިސްކުރާތި.
މޭޓް
11 July 2017
ދިވެހިރާއްޖޭގެ ކޯޓްތަކަކީ ސަރުކާރުގެ ކުންފުނިތަކެއްތަ ބޭނުންވާއިރަށް ހިންގުން އެހެންމީހަކާ ހަވާލުކުރަނީ؟