ފިލްމީތަރި އައިޝަތު ރިޝްމީ ހަފުލާއެއްގައި: ކޮކޯ ހަސަންގެ ފަރާތުން ރިޝްމީއާ ދެކޮޅަށް ދައުވާކުރީ ފިލްމް ވިޝްކާއަކީ އޭނާގެ މިލްކެއް ކަމަށް ބުނެ --. ފޮޓޯ/މިހާރު
15 ޖުލައި 2017 - 13:05
6 comments
ދިވެހި ފިލްމް "ވިޝްކާ" ގެ މިލްކުވެރިއަކީ އެ ފިލްމުގެ ޕްރޮޑިއުސަރު އައިޝަތު ރިޝްމީ ކަމަށް ކޯޓުން ކަނޑައަޅާފައިވާތީ، އެ ފިލްމުގެ މިލްކުވެެރިކަމާ މެދު ކެމެރާމަން ހަސަން ހަލީމް (ކޮކޯ) ދައުވާ ކުރި މައްސަލަ ނުބެލޭނެ ކަމަށް ސިވިލް ކޯޓުން ހުކުމްކޮށްފި އެވެ.
"ވިޝްކާ" ގެ ވާހަކަ އާއި ސްކްރީންޕްލޭ އަކީ ހަލީމްގެ އެއްޗެއް ކަމަށް ބުނެ އެ ފިލްމުގެ މިލްކުވެރިކަމާ މެދު ކޮކޯ ހަސަންގެ ފަރާތުން ދައުވާ ކޮށްފައި ވަނިކޮށް ރިޝްމީގެ ފަރާތުން ކޯޓަށް ހުށަހެޅި އެހެން މައްސަލައެއްގައި މިދިޔަ އާދިއްތަ ދުވަހު ސިވިލް ކޯޓުން ވަނީ އެ ފިލްމަކީ ރިޝްމީގެ މިލްކެއް ކަމަށް ހުކުމްކޮށްފަ އެވެ.
އެ މައްސަލާގައި އެގޮތަށް ހުކުމް ކޮށްފައިވާތީ، ކޮކޯ ހަސަންގެ ފަރާތުން ރިޝްމީއާ ދެކޮޮޅަށް ދައުވާކުރި މައްސަލަ އިތުރަށް ކުރިއަށް ގެންދާނެ ތަނެއް ނެތް ކަމަށް ކޯޓުން ނިންމީ މިދިޔަ ބުދަ ދުވަހު އެވެ. އެ މައްސަލައިގައި ކޮކޯ ހަސަންގެ ފަރާތުން ވަކާލާތު ކުރީ ރާއްޖޭގެ މަޝްހޫރު ވަކީލުންތަކެކެވެ. އޭގެ ތެރޭގައި ކުރީގެ ޕްރޮސެކިއުޓަ ޖެނެރަލް އަހުމަދު މުއިއްޒާއި ސުއޫދު އެންޑް އަންވަރު ކޯ ގެ އެއް ހިއްސާދާރު ޝަހުދީ އަންވަރު ހިމެނިވަޑައިގަންވަ އެވެ.
ރިޝްމީގެ ފަރާތުން ކޯޓުގައި ދައުވާކުރީ ފިލްމުގެ ވާހަކަ އާއި ސްކްރީންޕްލޭ އަކީ ވާހަކަ ލިޔުނު އަބްދުﷲ ވިޝާމާއި ސްކްރީންޕްލޭ ތައްޔާރުކުރި މަހުދީ އަހުމަދުގެ އަތުން ރިޝްމީ ގަނެފައިވާ އެއްޗެއް ކަމަށް ކަނޑައަޅައި ދިނުމަށް އެދިފަ އެވެ. އެ މައްސަލައިގައި ކޯޓުން ނިންމާފައިވަނީ އެ ފިލްމުގެ ވާހަކަ އާއި ސްކްރީންޕްލޭ މިލްކުވަނީ ރިޝްމީއަށް ކަމަށެވެ.
އެ ފިލްމުގެ މިލްކުވެރިކަމާ މެދު ކޮކޯ ހަސަންގެ ފަރާތުން ދައުވާކޮށް، އެ ފިލްމު ޕްރިމިއާ ކުރުން ހުއްޓުވުމަށް ވެސް އޭނާ ފަރާތުން ކޯޓުގައި ވަގުތީ އަމުރަކަށް އެދުނެވެ. އެކަމަކު ކޯޓުން އޭރު ނިންމީ މައްސަލަ ނިމުމުގެ ކުރިން ފިލްމު ހުއްޓުވަން އެންގޭނެ ތަނެއް ނެތް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރިއަލިޓީ
16 July 2017
ކާކުތޯ މި މައްސަލަ ބެއްލެވީ ދަށު ކޯޓުގަ؟ ޤާޞީ ހަލީމްތޯ؟ ކޮކޯ ހަސަން ވެސް ޒުވާން ދޫހެލޭ ގޮލަޔަކު ވަކީލަކަށް ލައިގެން ދިޔަނަމަމާ ރަނގަޅުވީސް ބޮޑެތި ނަންނަން ކިޔާ މީސް މީހުން ލައިގެން އުޅުމަށްވުރެއް
ޒެޑްސް 1
15 July 2017
ރިޝްމީ ވަނީ ވިޝްކާގެ އޯނަރޝިޕް ނެގި ބާރުގަދަ އަންހެނާގެ ބައި ދައްކާ އާ ފިލްމެއް ކުޅެން. ނަމަކީ "ވިޝްކާ އެންޑް ކޮކޯ". ފިލްމު ނިންމާލާނީ ވިޝްކާގެ ކޯޓު ކޭހުގައި ކޮކޯ އަށް ދައުވާ ނުކުރެވޭނެ ކަމަށް ފަނޑިޔާރު މުގުރު ޖަހާލާ ހިސާބުން.
އަޒޭ
15 July 2017
ރިޝްމީ މައްސަލަ ހުށަހެޅީ މަހުދީ އާއި ވިޝާމްއާއި ދެކޮޅަށް. މައްސަލައިގަ ރިޝްމީއާއި އެއްކޮށް ކޯޓުގައި ހެކި ބަސް ދިނީވެސް އެދެމީހުން. އެކަމަކު އެހެން މީހަކު މިލްކުވެރިކަމަށް ދައުވާ ކުރުމުން އެކަން ނުބަަލާ މައްސަލަ ބޭރުކޮށްލެވޭނެ އެއްވެސް ޖާގައެއް ނޯންނާނެ.
ޒިބުރާ
15 July 2017
އާޝިގީ2
ައަންދަލާ
15 July 2017
ކޮކޯ ހަސަންމެން އިސްތިހާރު ހެދި ޒަމާން މާޒީވެ ގޮސްފި. މިހާރު ދެން ފިލުމު ހަދަން ނޫޅެ ދޮންމަނިކް ތިރީގަ ޑިގު ޖަހަން އިނިއްޔާ މާ ތާހިރު ވާނެ.
ބަލްކު އެންޑް ބަލަކް
15 July 2017
މިކޯޓުކޭސްއަށް ފިލްމެއް ތައްޔާރުކޮށްލުން ކީއްތޯ. އަމިއްލަ ލައިފްގާވެސް ޑުރާމާކުޅުން މިމީހުންގެ ގޮތަކީ.