ގާސިމް: އޭނާގެ މައްޗަށް ކުރާ ދައުވާތަކުގެ އަޑުއެހުމެއް މިދިޔަ ހުކުރު ދުވަހު ބާއްވަން ހަމަޖެއްސުމަށް ފަހު ވަނީ ކެންސަލްކޮށްފައި --ފޮޓޯ/މިހާރު
16 ޖުލައި 2017 - 11:06
4 comments
ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ މައްޗަށް ކުރާ ތިން ދައުވާގެ ތެރެއިން އެއް ދައުވާއެއްގެ ޝަރީއަތެއް މިއަދު ބާއްވަން ކްރިމިނަލް ކޯޓުން ހަމަޖައްސައިފި އެވެ.
ރައްޔިތުންގެ މަޖިލީހުގެ މެމްބަރުންނަށް ރިޝްވަތު ދޭން އުޅުނު ކަމަށް ބުނެ ގާސިމަށް ކުރާ ތިން ދައުވާގެ ތެރެއިން މިއަދު ބާއްވަން ހަމަޖައްސާފައި އޮތީ ރިޝްވަތު ހުށަހަޅަން އުޅުމުގެ ދައުވާގެ ޝަރީއަތެއް ކަމަށް ގާސިމްގެ ވަކީލުންގެ ޓީމުން ބުންޏެވެ. އެ މައްސަލައިގެ ޝަރީއަތް މިއަދު މެންދުރު 2:00 ގައި ބާއްވަން ނިންމައި، ޗިޓް ފޮނުވީ މިއަދު ކަމަށް ވަކީލުން ބުންޏެވެ.
މިދިޔަ ހުކުރުދުވަހު ވެސް އެ މައްސަލަތަކުގެ އިބްތިދާއީ އަޑުއެހުމެއް ބާއްވަން ކްރިމިނަލް ކޯޓުން ހަމަޖެއްސި އެވެ. އެކަމަކު ފަހުން ވަނީ އެ އަޑުއެހުން ކެންސަލްކޮށްފަ އެވެ. އެ ދުވަހު ބާއްވަން ހަމަޖެއްސީ އިބްތިދާއީ އަޑުއެހުމެއް ނަމަވެސް މިއަދު ގާސިމަށް ފޮނުވި ޗިޓްގައި އޮތީ ޝަރީއަތުގެ އަޑުއެހުމެއް ބާއްވާ ވާހަކަ ކަމަށް ގާސިމްގެ ވަކީލުންގެ ޓީމުން ބުންޏެވެ.
"ކުރިން ދުވަހު ބާއްވަން އުޅުނީ އިބްތިދާއީ އަޑުއެހުމެއް ކަމަށް އޭރު ފޮނުވި ޗިޓްގައި އޮތީ. އެ ދުވަހު [އިބްތިދާއީ އަޑުއެހުން] ކެންސަލް ވެފައި މިއަދު ފޮނުވި ޗިޓްގައި މިއޮތީ ޝަރީއަތެއް ކަމަށް މިއަދު މިބާއްވަނީ. އިބްތިދާއީ އަޑުއެހުން ނުބާއްވައި، ޝަރީއަތުގެ އަޑުއެހުމެއް ނުބޭއްވޭނެ،" ގާސިމްގެ ވަކީލުންގެ ޓީމުގައި މަސައްކަތް ކުރާ ކުރީގެ ޑެޕިއުޓީ ޕްރޮސެކިއުޓާ ޖެނެރަލް ހުސައިން ޝަމީމް ވިދާޅުވި އެވެ.
އެ މައްސަލަތަކުގެ ޝަރީއަތް މިހާރު ކުރިއަށް ގެންދަން ތައްޔާރު ވެފައި ވަނީ ކުރިން ޕްރޮސެކިއުޓާ ޖެނެރަލްގެ އޮފީހުން ވަކީލުން ހާޒިރު ނުވެގެން އެ މައްސަލަތައް ކޯޓުން ބޭރުކޮށްލާފައި ވަނިކޮށް، އެ މައްސަލަ ޕީޖީން އަލުން ހުށަހެޅުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަނު
16 July 2017
ގާސިމުގެ ހުކުން އަނެއްކާ އޮތީ ލިޔެފަ ބާ؟؟؟
ބަނާނާ ރިޕަބްލިކް
16 July 2017
ބެލެވާ ގޮތުގައި މިއަދު އޮންނާނީ ހުކުން އިއްވާ ޖާސިމްގެ ގޮނޑި ގެއްލުވާލުމެވެ.
އުމަރު
16 July 2017
މުޅި ކުރިމިނަލް ކޯޓް އަވަދިނެތި މުޅިންވެސް ގާސިމާއި، ފާރިޝް އަދި އަބްދުﷲ ރިޔާޒްގެ މައްސަލަތަށް ހުއްޓިފައި އޮންނަތަން މިފެންނަނީ، ކޮބައިތޯ ތިޔަ މައްސަލަތަކުގެ ކުރިން ތިޔަ ކޯޓަށް ހުށަހަޅާފައިވާ މައްސަލަތަށް؟ އެމައްސަލަތަށް ފަހައްޖައްސާފައި ތިޔަ މައްސަލަތަށް އަވަސްކުރެވެނީ ކިހިނެއްވެގެންތޯ؟ ކޮބައިތޯ އިންސާފަކީ؟ މިއަދު މިޤައުމަށް އެންމެ ނުރައްކާތެރި މީހަކީ ގާސިމްތޯ؟ ފާރިޝްތޯ؟ ނުވަތަ އަބްދުﷲ ރިޔާޒްތޯ؟ ކޯޓްތަކުގެ އިތުބާރު ކެނޑެނީ މިހިސާބުން، ރައީސް ޔާމީނު ޖައްސާލި ކޮން މީހެއްގެ މައްޗަށް ކުރިމިނަލްކޯޓް މިއޮންނަނީ ފާރަވެރިވެގެން އަދި މުޅިން ހުސްވެގެން، ޓެކުސްގެ ފައިސާއިން ހަރަދުކޮށްގެން ހިންގުމާއި މުސާރަ ހިނގާ ކޯޓްތަށް މިއަދު އޮތީ އެންމެ މީހެއްގެ މައްޗަށް ބަރޯސާވެ އޭނާގެ މުށުގެ ތެރޭގައި ސަލާމަތް ނުވެވިފައި މިހިސާބަށް ދަނީ ކީއްވެގެންތޯ؟
ސަރުކާރަށް ތާއީދު ނުކުރާ އެކަމު ބާޢީން ޖަލައްލާތީ އުފާވާމީހާ ބުނަނީ
16 July 2017
ތަންކޮލެއްއަވަސްކޮއްބަލަ ވަރައްބަލާހިތުން މިހިރީ ސޭޓު ޖަލުގަހުންނަތަން... މިލިޓަރީއާނުލާ ގެންދެވޭތޯބަލާތި... ހަރުގަނޑުމީހާވެސް ތިޖަލަކައްލާތަން ވަރައްދެކޭހިއްވޭ..