ލޯންޗެއް އަޑިއަށް ގޮސް، ކަނޑުވެފައި ތިބި ބަޔަކު ސަލާމަތްކޮށްފި

ކަނޑުވި މީހުން ކޯސްޓްގާޑުން ސަލާމަތް ކުރަނީ: ލޯންޗް ވަނީ އެއްކޮށް އަޑިއަށް ގޮސްފައި --ފޮޓޯ/އެމްއެންޑީއެފް

މުއިއްޒު އިބްރާހިމް، މިހާރު

28 ޖުލައި 2017 - 16:38

ކަނޑުގަދަވެ ލޯންޗެއް އަޑިއަށް ގޮސް، އެއިން ދަތުރުކުރި މީހުން ކަނޑުވެފައި ތިއްބާ ކޯސްޓްގާޑުން މިއަދު ސަލާމަތްކޮށްފި އެވެ.

އެމްއެންޑީއެފުން ބުނީ މިއަދު މެންދުރު 12:30 ހާއިރު އަޑިއަށް ގޮސްފައިވަނީ ޅ. މާބިންހުރާ އިން ފުރައިގެން ކުރެއްދޫ އައިލެންޑް ރިސޯޓަށް ދަތުރު ކުރަމުން ދިޔަ "މޫންލައިޓް" ނަމަކަށް ކިޔާ ލޯންޗެއް ކަމަށެވެ. އެ މައުލޫމާތު ލިބުމުން އެ ސަރަހައްދަށް ކޯސްޓްގާޑުން ދިޔައިރު އެ ލޯންޗުން ދަތުރުކުރި ހަ މީހުން ތިބީ ކަނޑުވެފައި ކަމަށާއި ލޯންޗް އޭރު އަޑިއަށް ގޮސްފައިވާ ކަމަށް އެމްއެންޑީއެފުން ބުންޏެވެ.

ކަނޑުވި މީހުން ސަލާމަތްކޮށް، ގެންދަނީ ކުރެއްދޫ ރިސޯޓަށެވެ. މީހުން ކަނޑުވި ހާދިސާގައި އެއްވެސް މީހަކަށް އަނިޔާއެއް ނުލިބޭ ކަމަށް އެމްއެންޑީއެފުން ބުނެ އެވެ.

ރާއްޖޭގެ ބޮޑު ބަޔަކަށް ވިއްސާރަކޮށް، ކަނޑުތައް ގަދަވާނެ ކަމަށް ލަފާކުރެވޭތީ، ކަނޑު ދަތުރުކުރާ ފަރާތްތަކުން ސަމާލުވުމަށް ކޯސްޓް ގާޑުން ވަނީ އިލްތިމާސްކޮށްފަ އެވެ. މިއަދު މެންދުރު ފަހު ވައި ގަދަވެ، ކަނޑުމަތީގެ އެކި ހާދިސާތައް ވަނީ ހިނގައިފަ އެވެ.

މޫސުން އެމްއެންޑީއެފް ކަނޑުމަތީގެ ހާދިސާ ކޯސްޓް ގާޑް

6 ކޮމެންޓް, 26 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޫ

29 July 2017

މިފެންނަނީ މނޑފ އާއި ފުލުހުންގެ ތަފާތު. މނޑފ އިން ރައްޔިތުންގެ ހިމާތަތުގައި ތިބިއިރު ފުލުހުން ތިބީ ރައްޔިތުން ތަޅާ ރޯނާގެންނެވުމަށް ފޫގަޅާފައި. ހުރި ހިތާމައެއްގެ ބޮޑުކަމާއެވެ. އެއީވެސް ހުވައެއްގެމަތީގައި ތިބި ބައއްވިއޔާއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުވަޒީރު

29 July 2017

ކަނޑުވެފަތިބި މީހުން ސަލާމަތްކުރީ އަންހެންވެރިންހެން ބޯދިގުކޮށްފަ، ހަށިގަނޑުގެ އެތަން މިތަން ތޮރުފާފަ، ކަންފަތުގަޔާއި އެނޫންވެސް ގުނަވަންތަކުގަ މުދިލާފަ، ފެންނުވަރާ ކަން ކަން މައްޗަށް ބިއްވެފަތިބޭ ކުދިންތަ؟ ނޫނީ މިއުޅޭ ސިޔާސީ މީހުންތަ؟ ނޫނީ މާއެނގިގަނެގެން އުޅޭ ނޫސްވެރިންތަ؟ ނޫނީ އާންމު ރައްޔިތުންތަ؟