ކޯސްޓް ގާޑުގެ އުޅަނދެއް ދަތުރު ކުރަނީ: ކަނޑު ދަތުރު ކުރުމުގައި ސަމާލުވާން ކޯސްޓްގާޑުން އިލްތިމާސް ކުރޭ- ފޮޓޯ: ހުސެއިން ވަހީދު/ މިހާރު
28 ޖުލައި 2017 - 17:54
9 comments
ޑިންގީއެއްގައި ކ. މާފުށިން ފުރައިގެން މާލެއަށް ދަތުރުކުރި މީހަކު ގެއްލިގެން ހޯދަމުން ދަނިކޮށް ފެނިއްޖެ އެވެ.
އުމުރުން 54 އަހަރުގެ މި މީހާ 17 ފޫޓުގެ ޑިންގީގައި އެކަނި ފުރި ފަހުން ޚަބަރެއް ނުވެގެން ހޯދަން ފެށިތާ ދެ ގަޑިއެއްހާއިރު ފަހުން ފެނުނީ މާލެ އާއި ހުޅުލެއާ ދެމެދު ބްރިޖް އަޅާ ހިސާބުން ކަމަށް ކޯސްޓް ގާޑުން ބުންޏެވެ. އެތަނުން ބުނީ ފެނުނުއިރު އެ މީހާގެ ހާލު ރަނގަޅު ކަމަށެވެ.
އެމްއެންޑީއެފުން ބުނި ގޮތުގައި އެ މީހާ ގެއްލުނީ ދަތުރު ކުރުމުގައި އެރި އޮޅުމަކުން ކަމަށް އެ މީހާ ބުނެ އެވެ.
ގެއްލުން މީހާ ހޯދަން ކޯސްޓްގާޑްގެ ތިން އުޅަނދެއް ބޭނުން ކުރިއިރު އެ ސަރަހައްދުން ދަތުރުކުރާ ސީޕްލޭންތަކުގެ އެހީތެރިކަމަށް ވެސް އެދުނު ކަމަށް އެމްއެންޑީއެފުން ބުނެ އެވެ.
މިހާރު ރާއްޖެ އަށް ކުރަމުންދާ ވިއްސާރައިގައި ކަނޑުމަތީގެ ބައެއް ހާދިސާތައް ހިނގަމުންދާއިރު މިއަދު މެންދުރު ވެސް ވަނީ ލޯންޗެއް އަޑިއަށް ގޮސްފަ އެވެ. އެ ލޯންޗުން ދަތުރުކުރި އެންމެން ކޯސްޓްގާޑުން ވަނީ ސަލާމަތްކޮށްފަ އެވެ.
މޫސުން ގޯސްވެފައިވާތީ ކަނޑު ދަތުރު ކުރުމުގައި ސަމާލުވާން ކޯސްޓްގާޑުން ވަނީ އިލްތިމާސްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުމާރު
29 July 2017
ތިމީހާ ސަލާމަތްކުރީ އަންހެންވެރިންހެން ބޯދިގުކޮށްފަ، ހަށިގަނޑުގެ އެތަން މިތަން ތޮރުފާފަ، ކަންފަތުގަޔާއި އެނޫންވެސް ގުނަވަންތަކުގަ މުދިލާފަ، ފެންނުވަރާ ކަން ކަން މައްޗަށް ބިއްވެފަތިބޭ ކުދިންތަ؟ ނޫނީ މިއުޅޭ ސިޔާސީ މީހުންތަ؟ ނޫނީ މާއެނގިގަނެގެން އުޅޭ ނޫސްވެރިންތަ؟ ނޫނީ އާންމު ރައްޔިތުންތަ؟
އަހުމަދު
29 July 2017
ގައުމުގެ ދިފާއުގައި ތިބި ސިފައިން.
ކުމާރުގެ ބާބީ
29 July 2017
ބަލަ ބޮޑު މުސާރައާއި ކެއުން ބުއިމާއި ބޭސްފަރުވާ ރައްޔިތުންގެ ހަރަދު ގަ ދީފަ ތިބެނީ ޔުނީފޯމުލައިގެން ބޭންޖަހަން އެކަންޏެއް ނޫނޭ. މީހުން ހޯދުމާ މީހުން ސަލާމަތް ކުރުމަކީވެސް ވަޒީފާގެ ވާޖިބެއް. މިފަހަރު އިންޑިއާގެ އެހީ ނުހޯދާ އެޑިންގީ ފެނުނީ މާލެ ކައިރީ އޮތީމާ. ދެން އެކަމާ މާ ނުފުއްޕާތިބިއްޔާމުން ރަނގަޅުވާނީ.
ރަދީފް
29 July 2017
ގމާރު. ބަލިމީހަކު އޮޕަރޭޝަންކުރަން މަސްވެރިއެއް އަދި ޓީޗަރެއް ނުދާނެ. ވާހަކަ އޮޅުވާލަން މާމޮޅުވާހަކަ ލިޔާނަކަމެއްނެތް.
ޓަނަލް
29 July 2017
ތިދައްކަނީ ޝައިނީގެ އެކުވެރި "ޒުވާނުން"ގެ ވާހަކަދޯ؟
މައިދަރި
28 July 2017
އެމް.އެން.ޑީ.އެފް. އަށް މަރުހަބާ މިހާތަނަށް ގެއްލިގެން ހޯދުނު ކިތައްވަނަ މީހާތޯ ތިޔައީ ، މާލެއާއި ތިޔަހާކައިރިން ހޯދުނީމާ ހިތަށްމިއަރަނީ އޮޔާދިޔަނަމަ ހޯދުނީސްބާއޭ.
ރޮކެޓް ސައިންސް
28 July 2017
ތި މަސައްކަތް ސަޅި. ތިގޮތަށް އަހަރުމެންނަށް ހޯދަދީބަލަ ވީނުވީެއް ނޭގި ގެއްލިގެން މިއުޅޭ މަޖްލިސް މެންބަރުންތައް. މިބުނީ ކުށެއްނެތި ހައްޔަރު ކޮއްގެން ތިއުޅޭ އަހަރުމެންގެ މަޖްލިސް މެންބަރުން އަދި ކުށެއްނެތި ޖަލަށް ލައިގެން އުޅޭ ސިޔާސީ ބޭފުޅުންތަށް
އަބްދު
28 July 2017
ނަސީބެއްނު ސަބްމެރިންް އެއް ބޭނުން ނުކުރިކަން. 3 ކޯސްޓްގާޑް ލޯންޗާޢި ސީޕްލޭން ބޭނުން ކޮށްގެން ހޯދިމީހާ ފެނުނީ މާލެ އާދެވުނު ފަހުން.
އަހުމަދު
29 July 2017
މަގުއޮޅުނުވާހަކަ އެއޮތީދޯ ޖަހާފަ އެހެންވީމަ އެމީހާއަށް ދެވޭނުދެވޭހިސާބު ނޭނގި ކޮއްމެތަނަކަށްވެސް ދެވިފަ ހުރެދާނެ