ހޯމް މިނިސްޓަރު އަޒްލީން: މަރުގެ އަދަބު ދޭން ފެށުމުގެ ތައްޔާރީތައް ކުރިއަށް ދާ ކަމަށް ވިދާޅުވި --މިހާރު ފޮޓޯ/ހުސައިން ވަހީދު
01 އޯގަސްޓް 2017 - 20:32
66 comments
ކުޑަ ދުވަސްކޮޅެއްގެ ތެރޭގައި ރާއްޖޭގައި މަރުގެ އަދަބު ތަންފީޒު ކުރާނެ ކަމަށް ހޯމް މިނިސްޓަރު އަޒްލީން އަހުމަދު މިއަދު ވިދާޅުވެއްޖެ އެވެ.
މަރުގެ އަދަބު ކުޑަ ދުވަސްކޮޅެއްގެ ތެރޭގައި ތަންފީޒު ކުރާނެ ކަމަށް ހޯމް މިނިސްޓަރު ވިދާޅުވިޔަސް އެކަން ކުރާނެ ވަކި ދުވަހެއް ހާމައެއް ނުކުރައްވަ އެވެ. އޭނާ ވިދާޅުވި ގޮތުގައި މަރުގެ އަދަބު ތަންފީޒު ކުރާނެ ދުވަހެއް މިވަގުތު ހާމަ ކުރެއްވެން ނެތީ އެކަމުގެ ޒާތުންނާއި ވާންޖެހޭ ތައްޔާރީތަކުގެ ސަބަބުންނެވެ.
"އެ މަސައްކަތް ބާރަށް ކުރިއަށް އެބަދޭ. އެ މަސައްކަތަށް އެއްވެސް މަޑުޖެހުމެއް ނާދޭ. އަޅުގަނޑަށް ތާރީޚު ދަންނަވަން ނޭނގެނީ 60 އެތައް އަހަރެއް ފަހުން މަރުގެ އަދަބު ތަންފީޒު ކުރެވިގެން މިދަނީ، އެހެންވީމަ އޭގެ ޓެކްނިކަލިޓީއަށް ބަލާއިރު އޭގެ ވާހަކަތައް އެހާ ކޮމަންކޮށް އެކީ އެކައްޗަކަށް ދަންނަވާލުމަކީ ފަސޭހަ ކަމަކަށް ނުވާތީވެ،" އަޒްލީން ވިދާޅުވި އެވެ.
މަރުގެ އަދަބު ތަންފީޒު ކުރެވޭނީ ވަކި އިޖުރާއަތުތަކެއް ފުރިހަމަވެގެން ކަން ފާހަގަ ކުރައްވައި، އަޒްލީން ވިދާޅުވި ގޮތުގައި އެއީ ރައީސުލް ޖުމްހޫރިއްޔާގެ މައްޗަށް ލާޒިމް ކަމެކެވެ. އެހެންވެ ރައީސް އަބްދުﷲ ޔާމީން އެކަން ކުރައްވާނެ ކަމަށް މިނިސްޓަރު ވިދާޅުވި އެވެ. އެކަން ކުރަންޖެހެނީ އިސްލާމީ ޝަރީއަތުގައި އަދި ގާނޫނުތަކުގައި ވެސް އެކަން ކުރަން ލާޒިމްވާތީ ކަމަށް އޭނާ ވިދާޅުވި އެވެ.
"މިއީ ރައީސުލް ޖުމްހޫރިއްޔާ އަށް ފަސޭހަ ވެގެން ނުވަތަ ސަރުކާރަށް ފަސޭހަ ވެގެން ކުރާ ކަމެއް ނޫން. އެކަމަކު މީހުން މަރާ މީހަކު ދެން މަރާނީ ކާކުކަމެއް ނޭނގޭނެ. އެހެންވީމަ މަރުގެ ހުކުމް ތަންފީޒު ކުރާނެ،" އަޒްލީން ވިދާޅުވި އެވެ.
މަރުގެ އަދަބު ދޭން ފަށާތީ ބައެއް ފަރާތްތަކުން ކަންބޮޑުވުން ފާޅުކުރާތީ އެކަމަށް ރައްދު ދެއްވައި، އަޒްލީން ވިދާޅުވީ މަރުވި މީހާގެ ހައްގުގައި ވާހަކަ ދައްކަން ގިނަ މީހުން ހަނދާން ނުވާ ކަމަށެވެ. އެ މީހުންގެ ހައްގު ހޯދައިދޭނީ ކޮން ބައެއްތޯ އަޒްލީން ސުވާލު އުފެއްދެވި އެވެ.
"މަރާލެވިގެންދާ މީހާއާ މެދު ރައްޔިތުންގެ ހިތްތަކުގައި ހިތްދަތިކަން އުފެދޭނެ އެ ވަގުތު. ފަހުން އެ މީހުންގެ ހައްގު އެ މީހުންނަށް ހޯދައިދެވިގެން މަރުގެ ހުކުމް ތަންފީޒުކުރާ ވާހަކަ ދެއްކެވުނީމަ، އެންމެން އެކަމާ ދެކޮޅަށް ވާހަކަ ދައްކާތަން މި ފެންނަނީ. އެކަމަކު އަޅުގަނޑުމެން ގަބޫލުކުރަނީ ރައްޔިތުން އެކަން ކުރުމާ އެއްކޮޅަށޭ ތިބީ،" އަޒްލީން ވިދާޅުވި އެވެ.
ރާއްޖޭގައި މަރަން ހުކުމް ކޮށްފައި ތިބި މީހުންގެ ތެރެއިން އިސްތިއުނާފް މަރުހަލާ ނިމިފައި އޮތީ އެންމެ ތިން މީހެއްގެ މައްސަލައިގަ އެވެ. އެއީ ޑރ. އަފްރާޝީމްގެ އަލީގެ ގާތިލް ހުސައިން ހުމާމް އަހުމަދާއި ސ. ހުޅުދޫ ލިލީމާގޭ އަބްދުﷲ ފަރުހަދުގެ ގާތިލް މުހައްމަދު ނަބީލާއި އަހުމަދު ނަޖީބްގެ ގާތިލް އަހުމަދު މުއްރަތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލަކުޑި ހަމީދު
05 August 2017
އަތް ވެސް ބުރި ކުރަން ވާނެ ވަގުންގެ! ޒިނޭކުރާ މީހުން ރަޖަމު ކުރަންވާނެ! ދީނުގެ އެއްބައިތަ ތަންފީޒުކުރަނީ؟
އަޙްމަދު
02 August 2017
ރިޒްޤު ދެއްވަނީ ﷲ.އެކަލާނގެ އަންގަވާފައިވޭތޯ މީހުންނާ ދިމާކުރަން.ފާއިޒް ވިސްނާ
މަރީ
02 August 2017
ހެޔޮނުވާނެ މިވަރުގެ ކޮރަޕްޓް އަދި ސިޔާސީ ބޭނުމަށް އިދި ކޮޅު ހުރިހާ މީހުންގެ ދުވަސްދުއްވާލަން ތައްޔާރަށް ތިބޭ ސަރުކާރެއްގެ ދަށުން މިވަރުގެ ކަމެއް ކުރާކަށް. މިކަމުގައި ކިތަންމެ ކުޑަ މިންވަރަކުންވެސް ބައިވެރިވާ މީހުންނަށް އެކަމުގެ ދެރަ ފެންނާނެ. މީ މުޅި ގައުމަށްވެސް ވަރަށް ނާމާން އަދި ބިރުވެތި ކަމެއް.
އާދިލް
02 August 2017
ކުޑަ ދުވަސްކޮޅެއްގެ ތެރޭގައި މަރުގެ އަދަބު ދޭން ފެށޭނެ. މިއީ އުފާވެރި ހަބަރެއްް. ބައެއް މީހުންނަށް ހީވިޔަސް މިކަމަކީ ހާއްސަކޮށް މުސްލިމް ގައުމުތަކަށް ވަރަށް މުހިންމު ކަމެށް. އެއީ ޔަހޫދީން އަަބަދުވެސް މަަސައްކަތް ކުރާނީ މުސްލިމް ގައުމުތައް ހަލާކު ކޮށްލެވޭތޯ.
ދދ
02 August 2017
ޑރ އަފުރާޝީމުގެ މަރާއި ގުޅޭ ވަރަށް މުހިންމު މައުލޫމާތުތަކެއް ރިޔާޒަށް އެގިލައްވާތީ އެކަމާއި ވަރަށް ބިރުން ހާސްވެ ބޯގޯސްވާބަޔަކު އެބައުޅޭ!
ހަބޭސް
02 August 2017
ސިޔާސީ ބޭނުމެއް ހާސިލްކުރަން ހުމާމު މަރާލުމަކީ މަރުގެ ހުކުމް ތަންފީޒުކުރުމެއްނޫން
އަހަރެން
02 August 2017
އަޒްލީން އަހުމަދު ދަންނަވަންތޯ މިގައުމުގެ ސަރުއީނިޒާމަކީ ރައްޔަތުންގެ %99 މީހުންގެ އިތުބާރު ގެއްލިފައިވާ ސަރުއީނިޒާމެއް މިފަދަ ނިޒާމެއްގެ ތެރެއިން މަރުގެ އަދަބު ތަންފީޒުކުރުން އެންމެރަގަޅުބާ؟ އަދި މަރާލި މީހުންގެ ވާރިސުންވެސް ސަރިއަތާމެދު ސުވާލުއުފައްދައި އަދި ވާރިސުން މިމީހުން މަރަން ގަބޫލެއްނޫން މިހާލަތުގައި ކިހެނެއްތޯ ތަންފީޒުކުރާނީ
ތާރުކުނާވަޙީދު
02 August 2017
މާތްﷲ އެންގެވި ގޮތަށް ޙުކުމްކޮށް އެޙުކުމް ތަންފީޛު ކުރުމަކީ މުސްލިމުންގެ މައްޗަށް ލާޒިމުކަމެއް. އަދި އެފަދަ ކަންކަމަށް އިންކާރެއްވެސް ނުކުރެވޭނެ. ސުވާލަކީ މިޤައުމުގައި މިހިންގަނީ މާތްﷲ އެންގެވި ގޮތަށް ޢަދުލްއިންޞާފުތޯ؟ ވަކި ދިމާލަކުން ވަކިކަހަލަ މައްސަލައެއް ހުށަހަޅައިފިނަމަ ފަނޑިޔާރުން ހީވަނީ ފަޔަށް ހިނިއަރައިގެން އުޅޭހެން. ދެއިރު ދެދަޅަޔަށް އަޑުއެހުންތައް ބާއްވާ ދަންވަރު ހޭލާތިބެގެންވެސް ޙުކުމްތައް ނެރޭ. އެނޫން މައްސަލަތައް އެތައް މަހެއް ވާއިރުވެސް އަޑުއެހުމެއް ނުބޭއްވޭ. އިހަށްދުވަހަކު ބޭފުޅަކު ވިދާޅުވެއްޖެ ވަކި މައްސަލައެއްގެ ޙުކުމް ލިޔުނީ އެމައްސަލަ ބެއްލެވި ފަނޑިޔާރެއްނޫނޭ. މިކަމަށް ފަނޑިޔާރުގެއިން އެއްވެސް އެއްޗެއް ނުބުނެ. އިހަށްރޭ ބޭފުޅަކު ވިދާޅުވީ މިތަނުގައި އޮތީ ކުޑަކެކުރި ބޮޑުކެކުރި އުސޫލޭ. ޢަދުލްއިންޞާފު ނެތްތަނެއްގައި އަދި ނުފޫޒުން އެއްކިބާވެފައިވާ ފަނޑިޔާރުގެއެއް ނެތްތަނެއްގައި މަރަށް މަރުހިފުން އިންސާފުވެރިވާނެ އެއްވެސް ގޮތެއް ނޯންނާނެ.
ޒެޑްސް 1
02 August 2017
ކީއްވެ މަރުގެ އަދީބު ދެން ރައީސް އަށް ފަސޭހަ އެއް ނޫނޭ ތިބުނަނީ. ރާއްޖޭގައި މަރުގެ އަދަބު ނުދޭތާ 60 އަހަރު ވެފައި ވަނިކޮށް އަލުން އެކަން ކުރަން ނިންމީ މަރުގެ އަަދަބު ދޭހިތް ވާ ބޮޑު ކަމުން ދޯ. އެކަން ރިޔާސީ ކެމްޕޭން ވައުދަކަށް ހެދީ އެކަން ކުރަން ބޭނުން ވާ ބޮޑުކަމުން ދޯ
ފެންވަރު
02 August 2017
މީހުން މަރާ އަޑުކަނޑާލަންވީމަ މި ސަރުކާރުހާ ދީނީ ސަރުކާރެއް ނެތް! ކޮބާ ވައްކަން ކުރާމީހުންގެ އަތްކެނޑުން؟؟ ކޮބާ ރާބޯ މީހުން ގައިގަ ހައްދުޖެހުން؟ ކޮބާ ބަޣާވާތްކުރާ މީހުން މެރުން؟ މިއީ ކޮންމެހެން ދީނުގަ ލާޒިމްކުރާތީ ކުރަން އުޅޭކަމެއް ނޫން. އަނެއްކާވެސް ދީން ހަތިޔާރަކަށް ހެދުން. ދެން ހިތްހަމަނުޖެހޭއިރަށް މަރަށްމަރޭ ކިޔާފަ މީހުން މަރަންފަށާ. ފުރަތަމަ ޢަދުލު އިންސާފު ޤާއިމްކުެރވޭތޯ ބަލާބަލަ! ހާކިމުގެ އެ ވާޖިބު މަތިން ހަނދާނެއް ނުވޭދޯ! ދީނުގެ ތަންތަންކޮޅު ނަގައިގެން އަމިއްލަ ފައިދާއަށް މަސައްކަތްކުރުން ނޫންކަމެއް ނުކުރޭ!