"ބޮސް" ގެ ޓީމުން ބުނީ ޓާގެޓަކީ މި މަހުގެ 15 އަށް ޝޫޓިން އެއްކޮށް ނިންމައިލުން ކަމަށް.
"ބޮސް" ގެ ޝޫޓިންގެ ތެރެއިން.
04 އޯގަސްޓް 2017 - 06:38
6 comments
އަންނަ އޮކްޓޯބަރު މަހުގެ 24 ގައި ރިލީޒް ކުރާ ފިލްމް "ބޮސް" ގެ ޝޫޓިންގެ 75 ޕަސެންޓް ނިންމާލައިފައިވާ ކަމަށް ޑައިރެކްޓަރު އައިޝަތު ރިޝްމީ ބުނެފި އެވެ.
މި ފިލްމަކީ ފާތުމަތު ނަހުލާގެ ކްރިސްޓަލް އެންޓަޓައިންމަންޓުން ޕްރޮޑިއުސްކުރާ އަސަރު ގަދަ ލޯބީގެ ފިލްމެކެވެ. ފިލްމުގެ ލީޑް ރޯލުން ފެނިގެން ދާނީ އަލަށް ތައާރަފުވާ މުހައްމަދު ޔުނާންއާ އެކު، ރިޝްމީގެ ކޮއްކޮ އަދި މިހާރު އެންމެ ވިދާ ބަތަލާ މަރިޔަމް އައްޒަ އެވެ.
ފިލްމްގެ އިތުރު ކާސްޓުންގެ ތެރޭގައި އިބްރާހީމް ޖިހާދު (ޖިމީ)، ފާތުމަތު އާޒިފާ (އަޒޫ)، އަލީ އާޒިމް (ދޮންއައްޔަ) އަދި އަލީ ޝަމީލް ހިމެނެ އެވެ.
"ބޮސް" ގެ ޝޫޓިންގެ ތެރެއިން.
ފިލްމުގެ ޝޫޓިންގައި ސަން އަކްއާ ވިލުރީފްގައި ހުރެ ރިޝްމީ ބުނީ "ބޮސް" ގެ މަސައްކަތް ދާ ގޮތާ ދޭތެރޭ ވަރަށް ހިތްހަމަޖެހޭ ކަމަށެވެ.
"ހަމަ ވަރަށް ހިތްހަމަޖެހޭ ގޮތަށް މަސައްކަތް ކުރިއަށް ދަނީ. ފިލްމުގެ ހަތްދިހަ ފަސްޕަސަންޓް ޝޫޓްކޮށް ނިންމާލެވުނު އިރު ކާސްޓާއި ކްރޫގެ މަސައްކަތް ވަރަށް ބަރާބަރޭ ބުނެވޭނީ،" އޭނާ ބުންޏެވެ.
ރިޝްމީ ބުނީ "ބޮސް" އޭނާ ޑައިރެކްޓް ކުރިޔަސް، ފިލްމުގެ މަންޒަރުތައް ފައިނަލް ކުރަނީ ނަހުލާ ހިތްހަމަޖެހޭވަރު ކޮށްފައި ކަމަށެވެ. އެހެންވެ ނަހުލާ ކުރިިން ގެނެސް ދިން ލޯބީގެ ފިލްމްތަކުގައި ހުރި ގޮތްގަނޑު "ބޮސް" ގައި ވަރަށް ބޮޑަށް ހުންނާނެ ކަމަށް ބުންޏެވެ.
"ބޮސް" ގެ ޝޫޓިންގެ ތެރެއިން.
ރިޝްމީ ބުނީ މި ފިލްމުގެ ލީޑުން އާ އެކްޓަރަކު ފެނުނުސް، ޔުނާންގެ މަސައްކަތް ވެސް ވަރަށް ފުރިހަމަ ކަމަށެވެ.
ނަހުލާ ވެސް ބުނީ "ބޮސް" ގެ މަސައްކަތް އަދި ކުރިއަށް ދަނީ ރޭވި ގޮތަށް ކަމަށެވެ. އެހެންވެ ޓާގެޓަކީ މި މަހުގެ 15 އަށް ޝޫޓިން އެއްކޮށް ނިންމައިލުން ކަމަށް ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަލީ
05 August 2017
ހާދަ ފާސްޓޭ ފިލްމް ސޫޓްކޮށް ނިންމާލެއް. އެހެންވީމަ މީގަ ކޮލަޓީވާނެ ވަރާދޭތެރޭ އެބަ ވިސްނަންޖެހޭ. އަނެއްކާ ރިސްމީ ޑަރެކްޓަރަށް ހަދާފަ ހުއްޓަސް މަންޒަރުން ބޮޑަށް ފެންނަނީ ނަހުލާ ޑައިރެކްޓް ކުރާހެން.
ތާއީދު
05 August 2017
ހަހަހަހަހަހަހަހަަހަ. އެހެން ވިއްޔާ ކޮލެޓީ ތަނގަޅެއްނުވާނީ. ކޮންމެސް އެއްޗެކޭ ކިޔާތި
އެމް.އެފް.އޭ
04 August 2017
ބަތޮލުނ ހޮދާ ހޯދާ ނުލިބިގެނ ރަމަލާން މަހު ޑްރާމާ މުބާރާތުން ހޯދި ސޮރެއް މިއީ ދެން ޗޮއިސް އެއް ނެތިއްޔާ ކީއް ކުރާނީ. މިލިންކް ގެ ޥީޑިއޯ ބަލަަލަބަލަ އެކްޝަން ގޮވަނީ ރިޝްމީ ކަޓް ގޮވަނީ ނަހުލާ ޑައިރެކްޓަރަކީ ރިޝްމީ ވާނުވާ ބަލަން ފުރަތަމަ ޖެހޭނީ
ތާއީދު
05 August 2017
މާ ބޮޑަށް ތި އިނގެނި
ޕެނިކު ފަރީދާ
04 August 2017
ނަހުލާގެ ފިލްމެކޭ ބުނާއިރަށް ހަނދާންވަނީ ތެޑުރީ މަތިން. ނަހުލާ ކަރަންޓް ފަހާފޮއްޓަކުން ފިލްމު ފަހަމުންދާއިރު ތެޑުރީ އަތުން ފަހާތިނޯހަކުން ދޯ ފިލްމު ފަހަމުންދަނީ. ގަރުނަކުންވެސް ތެޑުރީގެ ފިލްމެއް ފެންނަވަރެއް ނުވޭ.
ލިމްބެ
04 August 2017
ޓެޑްރީ ބުނީ ތިމަންނަ ނުދައްނަމޯ ނަހުލާ ކިޔާ މީހަކު