ގެސްޓް ހައުސްތަކުން ގްރީން ޓެކުހަށް ނަގާނީ ހަތަރު ޑޮލަރު

ފަތުރުވެރިންތަކެއް އިއްޒުއްދީން ފާލަމުން ހިނގާފައި ދަނީ. ގެސްޓްހައުސްތަކަށް އަންނަ ޓޫރިސްޓުންގެ އަތުން އަންނަ އޮކްޓޯބަރު މަހުން ފެށިގެން ގްރީން ޓެކްސްގެ ގޮތުގައި ހަތަރު ނެގުމަށް ކޮމެޓީން ވަނީ ފާސްކޮށްފައި. ފޮޓޯ: މިހާރު

މުހައްމަދު ޔާމީން، މިހާރު

26 ޖޫން 2016 - 16:10

9 comments

ގެސްޓްހައުސްތަކަށް އަންނަ ޓޫރިސްޓުންގެ އަތުން އަންނަ އޮކްޓޯބަރު މަހުން ފެށިގެން ގްރީން ޓެކްސްގެ ގޮތުގައި ހަތަރު ޑޮލަރު ނެގުމަށް ރައްޔިތުންގެ މަޖިލީހުގެ އިގްތިސާދީ ކޮމެޓީން މިއަދު ނިންމައިފި އެވެ.

އިގްތިސާދީ ކޮމެޓީގެ މެމްބަރަކު "މިހާރު"އާ ވާހަކަ ދައްކަވަމުން ވިދާޅުވި ގޮތުގައި ކޮމެޓީ ބައްދަލުވުމުގައި ތިން ހުށަހެޅުމެއް ހުށަހެޅި އެވެ. ނަމަވެސް ފާސްވީ ޕީޕީއެމަށް ނިސްބަތްވާ، މާފަންނު ދެކުނު ދާއިރާގެ އަބްދުﷲ ރިފާއު ހުށަހެޅުއްވި އިސްލާހެވެ.

ރިފާއު ހުށަހެޅުއްވީ ގްރީން ޓެކްސްގެ ގޮތުގައި ނަގަން ނިންމި ހަ ޑޮލަރުގެ ބަދަލުގައި ހަތަރު ޑޮލަރަށް ބަދަލު ކުރުމަށާއި އޮކްޓޯބަރު މަހު ޓެކްސް ނަގަން ފެށުމަށެވެ. އެގޮތަށް ފާސްވީ ޕީޕީއެމްގެ ހަތަރު މެމްބަރުންގެ ވޯޓާ އެކުގަ އެވެ. މި ހުށަހެޅުމަށް ދެކޮޅު ހެއްދެވީ އެމްޑީޕީ އާއި ޖުމްހޫރީ ޕާޓީގެ މެމްބަރުންނެވެ.

މީގެ އިތުރުން ގެސްޓް ހައުސްތަކުން ގްރީން ޓެކްސް އުވާލުމަށާއި ޓޫރިޒަމްގެ ގާނޫނަށް ގެނައި އިސްލާހާ ބެހޭ ގޮތުން ހިޔާލު ހޯދުމަށް އެންޓި ކޮރަޕްޝަން ކޮމިޝަނާއި އޮޑިޓާ ޖެނެރަލްގެ އޮފީހުގެ އިސް ވެރިން ހާޒިރު ކުރުމަށް ވެސް ހުށަހެޅި އެވެ. އެކަމަކު އިދިކޮޅު މެމްބަރުންގެ އެ ހުށަހެޅުންތައް ފާހެއް ނުވެ އެވެ.

މި ޓެކްސް ދައުލަތަށް ދެއްކުމަކީ، މަޖިލީހުގެ މެޖޯރިޓީ ލީޑަރު އަހުމަދު ނިހާން ހުށަހެޅުއްވި ބިލުގައިވާ ގޮތުން، އެ މީހަކު ހުންނަ ތަނެއްގެ ޒިންމާއެކެވެ. ނަމަވެސް އިދިކޮޅު މެމްބަރުން ވަނީ ގްރީން ޓެކްސް ނެގުމަކީ ގެސްޓް ހައުސް ވިޔަފާރި އިނދަ ޖައްސާލުން ކަމަށް ވިދާޅުވެފަ އެވެ.

މިދިޔަ ނޮވެމްބަރު މަހު ތައާރަފްކުރި ގްރީން ޓެކްސް މިހާރު ނަގަނީ ރިސޯޓުތަކާއި ހޮޓާތަކުގެ އިތުރަށް ސަފާރީތަކުގައި ތިބޭ ޓޫރިސްޓުންގެ އަތުންނެވެ.

މި އަހަރުގެ މިހާތަނަށް ގްރީން ޓެކްސްގެ ގޮތުގައި ދައުލަތަށް 17.9 މިލިއަން ޑޮލަރު (272 މިލިއަން ރުފިޔާ) ވަނީ ލިބިފަ އެވެ. މީރާގެ ހިސާބުތައް ދައްކާ ގޮތުން ދެ ވަނަ އަށް އެންމެ ގިނަ އަދަދަކަށް ދައުލަތަށް ޑޮލަރު ވަންނަނީ ގްރީން ޓެކްސް އިންނެވެ.

ރައްޔިތުންގެ މަޖިލިސް ޓޫރިޒަމް ލޯކަލް ޓޫރިޒަމް ޓޫރިޒަމް ގާނޫނު ގެސްޓް ހައުސް

9 ކޮމެންޓް, 28 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޯހަލާކު

27 June 2016

އާއްމުންފެލައިގެން ނަގާލާރި ޕްރޮޖެކްޓްތަކުގެ ކަމިޝަނުގެ ގޮތުގައި އެއްކަލަ މޫނު ހަޑިމީހާގެ ޖީބަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

Alifaheem

27 June 2016

ޣަރުދޮޔަބޯތަށިން ވެސް ޖީއެސްޓީ ދައްކައިން ހޮޓާތަކުން ކައިގެން މިއުޅެނީ މިހާލުގައި އުޅެނިކޮށް ރަށުގެސްޓުހައުސް އަށް މީހުންނާންނަ ވަރަށް އަގުބޮޑުކުރަން ކޮންމެ ރެޔަކަށް ބޮލަކަށް 4 ޑޮލަރުނެގީމައި ކޮޓަރިޔަކުން 8 ޑޮލަރު 150 ރުފިޔާ ނަގަނީ މުސީބާތެއް މިއޮތީ ޖެހިފައި. ޢިސްތިއުފާ ދީފައި ވަގަށް ނެގި ރުފިޔާ ތަށް ހިފައިގެން ގައުމުދޫކޮށް ދިޔުމަށް ގޮވާލަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޯ

27 June 2016

ރައީސް އެވެ! ކުދި އަދި މެދު ފަންތީގެ ވިޔަފާރި ތައް އިނދަ ޖައްސަާފައި ނޫނީ ހުއްޓާ ނުލާތި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެންދޯ!

26 June 2016

މިއޮއް ސަރުކާރެއް، ލާރިނެގުމާގެން މޮޔަވެފަ. ކުޑަގޮތަކއަްވެސް ލާރިއެއް ނެގެންއޮތިއްޔާ ހެޔެއްނެއް.. އެ ހެޔޮ ކުދިވިޔަފާރިތައް ފުނޑާލާފަވެސް. ސާބަސް. ސުކުރިއްޔާ ޔާމީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަސަނެކްސް

26 June 2016

ތީ ބޮޑުދަރިއަށް ކާންދޭން ކުޑަދަރި ކެެއްކުން ކަހަލަ ކަމެއް. ރިސޯޓުތައް ބިރުގަންނަ އިރަށް ގެސްޓް ހައުސް ހަލާކު ކުރަނީ. ހަަަރާމް ޓުވަރިޒަމް އަށްޓަކައި ހަލާލް ޓުވަރިޒަމް ހަލާކު ކުރަނީ. ބޮޑެތި މަހުޖަނުން ނައްޓަކައި އާންމުން ހަލާކު އަރުވާލަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަލާތި

26 June 2016

ގްރީން ޓެކްސް ނަގަން ޖެހޭނެ ގެސްޓް ހައުސް ތަކުން ވެސް. ސަބަބަކީ ގެސްޓް ހައުސް ތަކުން ވެސް ތިމާވެށި ބޭނުން ކުރާނެއެވެ. އެހެން ކަމަށްވާނަމަ ރާއްޖޭގެ ތިމާވެށި ހިމާޔަތް ކުރުުމަށް ޓަކައި ގެސްޓުންގެ އަތުން ވެސް ޓެކްސް އެއް ނަގަން ޖެހޭނެއެވެ، އެއީ އެއްވެސް މައްސަލަ އެއް ނޫނެވެ. ދައުލަތަށް ވަންނަ އާމްދަނީ އިތިރު ކޮށްގެން މެނުވީ މިސަރުކާރު ދެކޮޅު ނުޖެއްސޭނެއެވެ. އެކަމަކު ދައުލަތަށް އެވަރުން އާމްދަނީ ނަގާފައި މަަސައްކަތް ނުކޮށް ގޭގައި ތިބޭ ބަޔަކަށް އެފައިސާ ނުޖެހޭނެ އެތައް ހާހުން ކޮންމެ މަހަކު ދޭކަށް. މިގޮތަށް މިކަން ކުރާނަމަ ދުވަހަކު ވެސް މިގައުމު އިގްތިސާދީ ގޮތުން އަރައި ނުގަންނާނެއެވެ.