ސުޕްރީމް ކޯޓުގައި އޮތް އިސްތިއުނާފުގެ ޝަރީއަތަކަށް ނާޒިމް ވަޑައިގަންނަވަނީ: ސުޕްރީމް ކޯޓުގެ ނިންމުމާ އެކު، ނާޒިމަށް ވަނީ އިސްތިއުނާފުގެ ހުރިހާ ދޮރެއް ބަންދުވެފައި.---ފޮޓޯ: ނިޝާން އަލީ/މިހާރު
26 ޖޫން 2016 - 15:44
45 comments
ކުރީގެ ޑިފެންސް މިނިސްޓަރު މުހައްމަދު ނާޒިމްގެ ކޮޓަރިން ހަތިޔާރު ފެނުނު މައްސަލާގައި އޭނާގެ މައްޗަށް ކޮށްފައިވާ 11 އަހަރުގެ ޖަލު ހުކުމުގެ އިސްތިއުނާފުގެ މައްސަލަ ބަލައިނުގަންނަން ސުޕްރީމް ކޯޓުން މިއަދު ނިންމައިފި އެވެ.
ނާޒިމްގެ އިސްތިއުނާފުގެ މައްސަލަ ބަލައިނުގަތުމަށް ރާއްޖޭގެ އެންމެ މަތީ ކޯޓުން ނިންމިއިރު، އޭނާގެ ކޮޓަރިން ފެނުނު ފިސްތޯލައިން ކުރީގެ ނައިބު ރައީސް އަހުމަދު އަދީބުގެ ޑީއެންއޭ ފެނިފައިވާ ކަމަށް ފުލުހުން ވަނީ މިދިޔަ ބުދަދުވަހުގެ ރޭ ބުނެފަ އެވެ. އަދި އެ ޑީއެންއޭގެ ރިޕޯޓް ޕްރޮސިކިއުޓަ ޖެނެރަލްގެ އޮފީހުން މިދިޔަ ބުރާސްފަތިދުވަހު ވަނީ ސުޕްރީމް ކޯޓަށް ފޮނުވައިފަ އެވެ.
"މިހާރު" އަށް އެނގިފައިވާ ގޮތުގައި ނާޒިމްގެ މައްސަލަ ސުޕްރީމް ކޯޓުން ބަލައިނުގަންނަން މިއަދު ނިންމީ، ފިސްތޯލައިން އަދީބުގެ ޑީއެންއޭ ފެނިފައިވާތީ، އެކަމާ ގުޅޭ ގޮތުން ކޯޓުގައި ދައުލަތުގެ ފަރާތުން ވާހަކަ ދައްކަން އެދިފައި ވަނިކޮށެވެ. އެކަމަށް އެދިފައި ވަނީ އެނގިފައިވާ ގޮތުގައި، ޑީއެންއޭގެ ރިޕޯޓާ އެކު ޕީޖީގެ އޮފީހުން ސުޕްރީމް ކޯޓަށް ފޮނުވި ސިޓީއެއްގަ އެވެ.
މިދިޔަ އަހަރުގެ ޖެނުއަރީ މަހުގެ ތެރޭގައި ނާޒިމްގެ ކޮޓަރިން ފިސްތޯލައަކާއި ތިން ވަޒަން ފެނުނު މައްސަލާގައި ނާޒިމް ޖަލަށްލާން ކުރި ހުކުމުގެ އިސްތިއުނާފުގެ މައްސަލަ ބަލައިނުގަތުމަށް ސުޕްރީމް ކޯޓުން ނިންމީ، އެ ،މައްސަލަ ބަލައިިގަތުމާ މެދު ގޮތެއް ނިންމަން އިޖްރާއީ އަޑުއެހުންތަކެއް ކުރިއަށް ގެންދިއުމަށް ފަހު އެވެ.
ސުޕްރީމް ކޯޓުން މިއަދު ނާޒިމްގެ ވަކީލުންނަށް ފޮނުވި ލިޔުމުގައި ވަނީ ނާޒިމް ޖަލަށްލާން ކުރި ހުކުމަށް ތާއީދުކޮށް ހައި ކޯޓުން ކޮށްފައިވާ ހުކުމަކީ ޝަރުއީ އަދި ގާނޫނީ އުސޫލުތަކާ ޚިލާފަށް ކޮށްފައިވާ ހުކުމެއް ކަމަށް ބެލެވެން ނެތް ކަމަށެވެ.
"މިހާރު" އަށް އެނގިފައިވާ ގޮތުގައި ނާޒިމްގެ މައްސަލަ ސުޕްރީމް ކޯޓުން ބަލައިނުގަންނަން މިއަދު ނިންމީ، ފިސްތޯލައިން އަދީބުގެ ޑީއެންއޭ ފެނިފައިވާތީ، އެކަމާ ގުޅޭ ގޮތުން ކޯޓުގައި ދައުލަތުގެ ފަރާތުން ވާހަކަ ދައްކަން އެދިފައި ވަނިކޮށެވެ. އެކަމަށް އެދިފައި ވަނީ އެނގިފައިވާ ގޮތުގައި، ޑީއެންއޭގެ ރިޕޯޓާ އެކު ޕީޖީގެ އޮފީހުން ސުޕްރީމް ކޯޓަށް ފޮނުވި ސިޓީއެއްގަ އެވެ.
އެހެންވެ އެ މައްސަލައަކީ ކޯޓުތަކުގެ ގާނޫނާއި ސުޕްރީމް ކޯޓުގެ ގަވާއިދުގެ ދަށުން ބަލައިގަންނަންޖެހޭ ބާވަތުގެ މައްސަލައަކަށް ނުވާތީ، އެ މައްސަލަ ބަލައިގަނެވެން ނެތް ކަމަށް ނިންމީ ކަމަށް އެ ލިޔުމުގައިވެ އެވެ.
ސުޕްރީމް ކޯޓަށް މައްސަލަ ބަލައިގަތުމާ މެދު ގޮތެއް ނިންމަނީ އެ ކޯޓުގެ ފަނޑިޔާރުންގެ މަޖިލީހުންނެވެ.
ސުޕްރީމް ކޯޓަކީ އިސްތިއުނާފްގެ އެންމެ ފަހު މަރުހަލާ ކަމަށް ވެފައި ސުޕްރީމް ކޯޓުގެ އެ ނިންމުމާ އެކު އިސްތިއުނާފްގެ ހުރިހާ ދޮރެއް ނާޒިމަށް ބަންދުވީ އެވެ. އެ އަދަބުން ނާޒިމަށް ދެން ސަލާމަތްވެވޭނީ މައާފް ދިނުމާއި އަދަބު ލުއިކޮށް ދިނުމުގެ ގާނޫނުގެ ދަށުން އޭނާއަށް ރައީސުލްޖުމްހޫރިއްޔާ މައާފް ދެއްވުމުން ނުވަތަ އަދަބު ލުއިކޮށް ދިނުމުންނެވެ.
ދަށު ކޯޓާއި ހައި ކޯޓުގައި މައްސަލަ ކުރިއަށް ގެންދިޔައިރު ވެސް އެފަދަ މައުލޫމާތެއް ފުލުހުން ހާމަކޮށްފައި ނުވާއިރު އެ ޑީއެންއޭ ފެނުނު ކަން ފުލުހުން ހާމަ ކުރީ ނާޒިމްގެ މައްސަލަ ބަލައިގަތުމާ މެދު ގޮތެއް ނިންމަން ކުރިއަށް ގެންދިޔަ އިޖްރާއީ އަޑުއެހުންތައް ވެސް ނިންމާލާފައި ވަނިކޮށެވެ. އެކަމަކު ޕްރޮސެކިއުޓާ ޖެނެރަލްގެ އޮފީހުން ފަހުން ވަނީ އެ މައުލޫމާތު ސުޕްރީމް ކޯޓާއި ހިއްސާކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޭރު
27 June 2016
ނާޒިމަށްވެސް އަދި އަދީބަށްވެސް އިންސާފު ލިބޭނެ ދުވަހެއް އެބައޮތެވެ. ހުރިހާ ކަމެއް އަދީބު ބޮލަށް ކަނޑާލައިގެން މިއަދު ސަލާމަތް ވެދާނެއެވެ.
ތަލަބީ
27 June 2016
އިންސާފެއް ގައުމުގަނެތޭ ، ކެހިވެރި މި ރާއްޖޭގާ، ރޯލާ ރޯލާ އޮންނަންވެސް ވީ ޔެގޮޅީގާ....
ނައްސާ... ފ ދ
27 June 2016
ކޯޓުގެ ނަން ކިތަންމެ ވަރަކަށް ބަދަލުވިޔަސް ޕޮރޮގްރާމް ކޮއްފަ އިންނަ ރޮބޯ ބަދަލެއް ނުވެއެއްނު އެހެންވީމަ ދެން ވާނެގޮތް ތި ވަނީ.. ލޯޔަރުން އެ ދައްކާ ވާހަކަ ތެދުކަން ރޮބޯ އަށް މާރަނގަޅަށް އެނގެޔޭ!
Alifaheem
27 June 2016
ފުރޭމު ކުރި މީހާ ބޭނުމެއް ނުވާނެ !
ޖަޑާ/މާލެ
27 June 2016
އެމައްސަލަ އާއި އަދީބުގެ ޑީއެންއޭ އެފިސްތޯލައިން ފެނުންއެއީ ވަކިދެކަމެއް! ޕޮލިހުން ޖެހެނީ އެތަހްޤީްު އަދީބުގެ މައްޗަށްކުރަން! ޕީޖީއަށް ނާޒިމްގެ މައްސަލައާއި މިކަން ގުޅުވަުން މިމަރްޙަލާގައި ބޭނުމެއްނެތް!! ޤާނޫނު ބުނަނީ އެމީހެއް ދިރިއުޅޭތަނަކުން އެފަދަ އެއްޗެއް ފެނުމުން އެއީ އަތުގެ ބަރުވެރިކަން އޮވެ އެމިހަކު ޒިންމާވާންޖެހޭ ކަމެއްކަމުގައި! އަދި އެކޮތަރިން ފެނުނުކަމަށް ވަނީ ޕޮލިސްމީހަކު ހެކިދީވެސްފައި. ބަރީއްޔާވާންބޭނުންނަމަ އެމީހަކު ދަށުކޯޓް މަރުހާލާގައި އެވަރުގެ ހެކި ހުށަހަޅަންޖެހޭ... އަދީބުގެ ފިންގާއަކީ އެފަދަ ހެއްކެއްނޫން އެއީ ޤަރީނާއެއް! ލިބިފައިވާ ހެކި މުގުރާފދަ އެއްޗަކަށް މިޤަރީނާނުވޭ!!އަދިމިއީ އެފަދަ މަރުހަލާއެއްވެސްނޫން!!
ބަޝީރު ހުސައިން
27 June 2016
ޖަޑާ މަޑާ ކިޔާފަ ޤާނޫނު ނޭނގުނަސް ކޮމެންޓް ކުރާތި! ނާޒިމް ދިރިއުޅޭ ތަނަކުން ތިޔަ ފިސްތޯލައެއް ފެނުނީ ފުލުހުން އެތަނަށް ވަދެ ނާޒިމް އާ އާއިލާ ސިޓިންގް ރޫމަށް ނެރެ އޭގެ ފަހުން ގޮސް ޗެކް ކުރުމުން. ފުރަތަމަ ދުވަހުން ފެށިގެންވެސް ނާޒިމް ބުނަމުން އައީ އެއީ ނާޒިމް ފްރޭމް ކުރުމަށް އަދީބު އަޑީގަ ހުރެގެން ކުރުވިކަމެކޭ. ދަށު ކޯޓުގަވެސް ހާމަވީ އެ ހަތިޔާރުން ފެނުނު ފިންގާޕްރިންޓް ނާޒިމް އާ ދިމާނުވާކަން. އެއީ ކާކުގެ ފިންގާ ޕްރިންޓެއްތޯ ފުލުހުން ނުބަލާ. ޑީއެންއޭ ތަހުލީލުކުރުމުން މި އެނގުނީ ފިސްތޯލައިން އަދީބުގެ ޑީއެންއޭ ފެނުނުކަން. ނާޒިމްގެ އެއްޗެއްނަމަ އަދި އަދީބުގެ ދައުރެއް ނެތްނަމަ ނާޒިމްގެ ފިންގާ ޕްރިންޓާ ޑީއެންއޭ ނުފެނި އަދީބުގެ ޑީއެންއޭ ފެންނަންވީ ކީއްވެ؟ މިވަރުން އެކަށީގެންވާ ޝައްކެއް އުފެދޭ. ޤާނޫނުއަސާސީގަ ބުނަނީ އެކަށީގެންވާ ޝައްކެއްނެތް މިންވަރަށް ކުށް ސާބިތުވާންޖެހޭނެޔޭ. ވާއެއް ނުވާއެއް ނޭނގުނަސް ދެންވެސް ކޮމެންޓް ލިޔާތި
ތުއްތޮންބެ
27 June 2016
ގައުމެއްގެ ގާނޫނު ތަންފީޒުކުރާ ފަރާތްތަކާ ޝަރުއީ ކޯޓު ތަކުގެ ކަރުގައި ކޮރަޕްޝަންގެ ކަސްތޮޅު އެޅޭ ހިސާބުން ދެން އެގައުމު އެވެއްޓެނީ ސަލާމަތް ނުވާވަރުގެ ފުން އަނދަވަޅަކަށެވެ. އެއީ އެއްގޮތަކުން ބަލާއިރު ގޭންގް ތަކުން މަގުތަކުގައި ހަރަކާތްތެރިވުމަށްވުރެ ރައްޔިތުންނަށް އަދި މާ ނުރައްކާތެރި ޙާލަތެކެވެ. މިފަދަ ޙާލަތެއް މެދުވެރިވެފައިވާ ގައުމެއްގައި އެއްވެސް ރައްޔިތަކަށް ސަލާމަތެއް ރައްކާތެރިކަމެއް ނުލިބޭނެއެވެ. ސަބަބަކީ މިފަދަ ޖަރީމާތަކުގެ މުގުލުގައި ތިބޭނީ ލޯ އެންފޯސްމެންޓް އިދާރާތައް ކަމަށް ވެފައި އެބަމީހުންގެ މަދަދުގާރަކަށް ޝަރުޢީ ކޯޓުތައް ވާނެތީއެވެ. މިބުނި ބަހުގެ ތެދުކަން ގަބޫލުކުރެވޭނީ ޚުދު އެމީހަކު ޙައްޤަކާނުލައި ހައްޔުކޮށް އެމީހެއްގެ ޙައްގުތައް ނިގުޅައިގަނެވޭ ދުވަހަކުންނެވެ. (ކުރިން އާރާ ބާރުގައި ތިބި ސިފައިންނާ ފުލުހުންނާ ފަނޑިޔާރުކަން ކުރެއްވި ބޭފުޅުންވެސް މިޙާލަތުގައި ރާއްޖޭގައި މިވަގުތުވެސް އެބަތިއްބެވި ދެއްތޯއެވެ؟) އަޅުގަނޑުގެ ދުޢާ އަކީ ވަޒީފާ ގެއްލި ދާނެކަމުގެ ބިރަށް ޓަކައި ނުވަތަ އަމިއްލަ އެދުމަށްޓަކައި ޙައްޤުބަސް ބުނުމުން އެއްކިބާވެ އަނިޔާވެރިންނަށް ހިއްވަރާ ވާގިދޭން މަޖުބޫރު ވާފަދަ ފިނޑި ނިކަމެތި، މަޚްލޫގުން ދެކެ ބިރުގަންނަ ބަޔަކު ކަމުގައި އަޅަމެން (އެންމެހާ މުސްލިމުން) ނުލެއްވުމެވެ. އާމީން
އިބްރޭ
27 June 2016
ކޮންމެ މީހަކަށްވެސް ރަހަދެނީ އެމީހަކަށް ނުވަތަ އެމީހެއްގެ ގާތް ނުވަތަ ޢާއިލީ މީހަކަށް ނުހައްގުން އަނިޔާ ލިބުނީމަ. ނާޒިމް ފާޅުގައި ކުރި ބަޣާވަތުގެ ހިތިރަހަ ނާޒިމް އަށް މިހާރު އިހްސާސް ކުރެވޭނެ. އެއްވެސް ހައްގެއްނެތި ދިވެހި ރައްޔިތުން ހޮވާފައި އޮތް ވެރިކަމެއް ފައިސާ އާ ބާރުގެ ބޭނުމުގައި ފާޅުގައި ފޮރޮޅާލީ. ނާޒިމްގެ ސަބަބުން މިއަދު ދިވެހި އެތަށް ބަޔަކަށް ބޭއިންސާފުން އަނިޔާ ލިބެމުން އެދަނީ. އިމްރާނު މުހްތާޒު ނިހާން. ނުވިތާކަށް ގައުމުން މިހާތަނަށް ނުކުރާހާ ބޮޑެތި ވައްކަން ކުރމުގެ މަގު ފަހިވެގެން އެދަނީ. އެތަށް އަހަރެއްވަންދެން ދިވެހިންގެ ގިނަ ބަޔަކު ދެކެމުން އައި ހުވަފެން ފުނޑާލީ ނާޒިމް. އަޅުގަނޑުގެ އެއްވެސް ހަމްދަރުދީ އެއް ނާޒިމަކަށް ނެތް.
މެސީ
27 June 2016
ތި ކަމުން އެނގެނީ ނާޒިމް ސޯ ފްރޭމް ކުރީ އަދީބު ނޫންކަން. ތީ ހަމަ ސީދާ ރައީސް ޔާމިން ގެ ފްރޭމެއް
އައްޔަ
26 June 2016
ބަގާވާތް ކުރުމަކީ ހާދަހާވާ ސުންޕާ ކަމެކެވެ.
އެމްސް
26 June 2016
ކޯޓެކޭ ފުލުސް އޮފީހެކޭ ވާ ތަފާތެއް ނެތް! ކަންކަމަށް ދިވެހިން ކަމުނުދިޔައިމަ ޢާއްމުކޮށް ރާއްޖޭގަ ހަދާ ގޮތަކީ މަސައްކަތްތަކަށް ބޭރުމީހުން ގެނައުން، ޚާއްސަކޮށް އަގުހެޔޮ ބޮންދުން!
އަލީ
26 June 2016
މައްސަލަ ނުބަލާ، ދެފަރާތުގެ ވާހަކަތައް އަޑު ނާހާ، ކިހިނެއްތޯ ކޯޓަށް ނިންމޭނީ އެއީ ރަގަޅަށް ނިމިފައި އޮތް ކަމެއް ކަމަށް؟ މީހަކު އަޅެ އަޖައިބެއް ނުވާނެތޯ؟