މީރާގެ މި އަހަރުގެ ރަންލާރި އެވޯޑް ހާސިލް ކުރި ކުންފުންޏެއްގެ އިސްބޭފުޅަކާ، ނައިބު ރައީސް ޖިހާދު މިރޭ އެ އެވޯޑް ހަވާލުކޮށްދެއްވަނީ.---މިހާރު ފޮޓޯ: ހުސެއިން ވަހީދު
05 އޯގަސްޓް 2017 - 00:28
13 comments
މޯލްޑިވްސް އިންލަންޑް ރެވެނިއު އޮތޯރިޓީ (މީރާ) އިން ކުދި، މެދު އަދި ބޮޑެތި ވިޔަފާރިތަކަށް ކޮންމެ އަހަރަކު ދޭ ރަންލާރި އެވޯޑު 11 ގިންތިއަކުން 17 ފަރާތަކަށް މިރޭ ދީފި އެވެ.
ދައުލަތުގެ ޓެކްސް އިދާރާ އަށް ހަތް އަހަރު ފުރުން ފާހަގަކުރުމަށް ދަރުބާރުގޭގައި ބޭއްވި ޚާއްސަ ހަފުލާގައި އެވޯޑުތައް ހަވާލުކޮށްދެއްވީ ނައިބު ރައީސް އަބްދުﷲ ޖިހާދެވެ.
މިދިޔަ އަހަރު މީރާ އަށް އެންމެ ގިނަ އަދަދަކަށް ވިޔަފާރީގެ ފައިދާއިން ޓެކްސް ދެއްކި ތިން ކުންފުންޏަކަށް ވަނީ ޚާއްސަ އެވޯޑެއް ދީފަ އެވެ. އެއީ ރާއްޖޭގެ އެންމެ ބޮޑު ޓޫރިޒަމް ކުންފުނި ޔުނިވާސަލް އެންޓަ ޕްރައިސަސް އާއި ސީ ޕްލޭންގެ ޚިދުމަތްދޭ އެންމެ ބޮޑު ކުންފުނި ޓްރާންސް މޯލްޑިވިއަން އެއާވޭސް (ޓީއެމްއޭ) އަދި ލިލީ ހޮޓެލްސް އެވެ.
މީރާ އިން 2013 ވަނަ އަހަރު ތައާރަފްކުރި އެވޯޑު ދިނުމުގައި ރިސޯޓުތައް ވަނީ އެނދުގެ ނިސްބަތުން ތިން ބަޔަކަށް ބަހާލައިފަ އެވެ. އެއީ 150 އަށް ވުރެ މަދު އެނދު ހުރި ރިސޯޓްތަކާއި 150 އެނދާއި 250 އެނދާ ދެމެދުގެ ރިސޯޓު އަދި 250 އެނދަށް ވުރެ ގިނަ ރިސޯޓެވެ. މިއިން ކޮންމެ ގިންތިއަކުން އެއް ރިސޯޓަށް ރަންލާރި އެވޯޑު ދީފައިވެ އެވެ. އޭގެ އިތުރުން ޖީއެސްޓީ ރަންލާރި އެވޯޑު ޓޫރިސްޓް ހޮޓާ އަދި ގެސްޓް ހައުސް އާއި ޓޫރިސްޓު އުޅަނދު އަދި ޓްރެވަލް އެޖެންސީގެ އިތުރުން އެތެރޭގެ ވައިގެ ޚިދުމަތްދޭ ފަރާތްތަކަށް ވެސް އެ އެވޯޑު ދީފައިވެ އެވެ.
ޓޫރިޒަމް ދާއިރާ ނޫން ދާއިރާތަކުން ވެސް ޖީއެސްޓީ ރަންލާރި، އާމްދަނީގެ ނިސްބަތުން ތިން ބަޔަކަށް ބަހާލައިގެން ކޮންމެ ގިންތިއަކުން އެއް ފަރާތަށް އެވޯޑު ދިިނެވެ. އަދި ސަރުކާރު ހިއްސާވާ ކުންފުނިތަކުގެ ތެރެއިން އެންމެ ގިނައިން ޓެކްސް ދެއްކި ދިރާގަށް ވެސް ހާއްސަ ރަންލާރި އެވޯޑެއް ދީފައިވެ އެވެ. މީގެ އިތުރުން އެންމެ ގިނައިން ވިތުހޮލްޑިން ޓެކްސް ޓެކްސް ދެއްކި ފަރާތަކާއި އެންމެ ގިނައިން ބޭންކް ޕްރޮފިޓް ޓެކްސް ދެއްކި ފަރާތަކަށް ވެސް ރަންލާރި އެވޯޑު ދީފައިވެ އެވެ. އެ އެވޯޑު ލިބުނީ ބޭންކް އޮފް މޯލްޑިވްސް އަށެވެ.
މީރާ އިން މި އަހަރު 17 ފަރާތަކަށް ރަންލާރި އެވޯޑު ދިން ނަމަވެސް ބުނީ ޓެކްސްއާ ބެހޭ ގާނޫނުގައިވާ ގޮތުން ރަންލާރި އެވޯޑު ލިބޭ ފަރާތުން ޓެކްސްގެ ގޮތުގައި ދެއްކި މިންވަރު ހާމަ ނުކުރެވޭނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ
05 August 2017
ގާސީމުއަށް ނުލިބޭތަ މިފަހަރު؟
ނައިބު ރައީސް
05 August 2017
ނައިބު ރައީސް އިސް އެލައިވް!! އެކައުންޓް ފްރީޒް އޮންދަަވޭ!!
ޖޖ
05 August 2017
ތިޔައީ ރިޝްވަތު !
ރަންނަމާރި
05 August 2017
ރަންލާރި ދީފައި ކުޑަދުވަސް ކޮޅަކުން ބުނާނެ ޓެކުހެއް ނުދެއްކިޔޭ. ދެން ބަންދު ކުރާނީ.
ޢަލިދީދީއައްޑޫސިޓީ
05 August 2017
ކޮންމެހެން ޓެކްސް ބަރާބަރަށް ދެއްކީމަ އެވޯރޑް ދޭންޖެހޭބާ؟؟؟ އެންމެ ރަނގަޅަށް ހިންގާ ކުންފުންޏަކަށް، އެންމެ ބަރާބަރަށް މުއައްޒިފުންނަށް މުސާރަ އާއި އިނާޔަތް ދޭ ކުންފުންޏަކަށް ރަން އެވޯޑް ނުދެނީ ކީއްވެބާ؟؟؟
ޔަގީނޭދޯ
05 August 2017
މީރާގެ ރަންލާރި އެވޯޑު 17 ފަރާތަކަށް ދިނުން އެއީ ރަނގަޅު ކަމެކެވެ. އެގޮތުން ވިދި ވިދިގެން 3 އަހަރު ރަންލާރި އެވޯރޑް ހޯދާ ދިވެހި އަމިއްލަ ކުންފުނި ތަކަށް މާލެ ސަރަހައްދުން ފަޅެއް ހިލޭ ދޭން ޖެހޭނެއެވެ. ދެން އެފަޅު ޖެހޭނެ ހިއްކައިގެން އެތަނުގައި މަލްޓި ޑިސިޕްލިނަރީ ވިޔަފާރި ހިންގަން އެފަދަ ކުންފުންނަކުން. އެގޮތުން ސިޓީ އެއް އެފަދަ ފަޅެއްގައި ތަރައްގީ ކޮށްގެން އެފަދަ ފަޅަކާއި މާލެ އާއި ދެމެދު ހައި ސްޕީޑް ފެރީ ނުވަތަ ބްރިޖް އަޅައިގެން ގުޅުވައިގެން ތަރައްގީ ކުރަން ޖެހޭނީ. މިސާލަކަށް މާލެ އާއި ވިލިގިލި އާއި ދެމެދު ކަނޑުއޮޅި ހިއްކިދާނެ ދޯ މާލެ ވަރުގެ ތިން މާލެ އަށް ބޮޑު ވަން ދެން. ދެން އެފަދަ ސިޓީ އަކާއި މާލެ އާއި ދެމެދު ބްރިޖް އަޅާ ގުޅުވާލުމުން އެފަދަ އަމިއްލަ ކުންފުންނެއްގެ ވިޔަފާރި ފުޅާ ވެގެން ގޮސް މައިކްރޮސޮފްޓް އަށް ވުރެން މުއްސަނދި ވާނެ ކަން އެއީ ކަށަވަރުވެ ޔަގީން ވާ ކަމެކެވެ.
ދަވޭ
05 August 2017
މީރާއިން ދިވެހި އަމިއްލަ ކުންފުނި ތައް ކުރިއަރުވަން ކުރަނީ ކޮންކަމެއް ތޯ. މީރާ އަށް އެކަމުގައި ކުރެވޭނެ ކަމެއް ނޯންނާނެއެވެ. އެކަމަކު މީރާ އަށް އެޑްވައިޒް ދެވޭނެ ނޫންތޭ ނުވަތަ ރިކޮމެންޑޭޝަން ނެރެވޭނެ ނޫންތޭ ތިމާވެށި މިނިސްޓްރީ އަށާއި ހައުސިންގް މިނިސްޓްރީގެ މައްޗަށް. އެއީ ދިވެހި ކުންފުނި ތަކަށް އިސްކަން ދޭނެ އުސޫލެއް ސަރުކާރުގެ ބިޑިންގް ސިސްޓަމް ތެރޭގައި ހިމެނޭ ފައިނޭންޝަލް ޕްރޮޕޯސަލް ގައި ދިނުން. އެގޮތުން ދިވެހި ކުންފުނި ތަކަށް ޑޮމެސްޓިކް ޕްރިފަރެންސް ކްލޯސްގެ ދަށުން %100 މާރކްސް ބައި ޑިފޯލްޓް ގައި އޮޓޮމެޓިކް އިން ލިބޭނެ ގޮތް ހެދުން.
ފޮނިކަލޯ
05 August 2017
ތި މީރާއިން ރާއްޖޭގައި ހެދިފައި އޮތް ޤާނޫނަކައް އިހުތިރާމް ކުރަނީ , ސަބަކީ ދައުލަތައް ފައިސާހޯދުން ސިޔާސީ މީހުންގެ ނާޗަރަންްގީ އައް ފައިސާ ހޯދުން ކުދި އަދި މެދުފަންތި އޭކިޔައިގެން މިހާރު ހުރިހާ ކުދި ވިޔަފާރި ތައް މީރާ ވުޖޫދައް އައި ފަހުން މި ހުރިހައި ކުދި ވިޔަފާރި ތައް ވަނީ ހަލާލުކޮށް އިނދަ ޖައްސައިލާފަ މިކަމައް ރާއްޖޭގައި ފައްކާ ޤާނޫނުއް އޮތީ ދެން އެހެނިހެން ކަން ކަމައް ހެދިފައި ހުރި ޤާނޫނަކީ މިރާއްޖޭގައި އިހުތިރާމު ކުރާ ޤާނޫނެއްނޫން
މުރާނިޡް
05 August 2017
މިރާއްޖޭގާ އޮތް އެއްމެ މުއްސަދި ކުންފުނި. އެކުދިން ނެށި ލަވާގަވެސް ކިޔަނީ 'ރައްޔެތުން ފައިސާ ދައްކާތީ ވަރަށް ބޮޑަށް ސުކުރިއްޔާ އޭ'...
ޢަޒާން
05 August 2017
ޜަން ލާރި އެއީ ފްރީޒް ކުރުމުގެ އިޝާރާތެއް