ތަރިކަ މަޝްރޫއުގެ ލޯގޯ އިފްތިތާހު ކޮށްފައި:- އެ ލޯގޯ ލިޔުންތަކުގައި ބޭނުން ކުރަން ޖެހެނީ އެއް އަހަރު ވަންދެން --ފޮޓޯ/ރައީސް އޮފީސް
06 އޯގަސްޓް 2017 - 19:25
1 comments
ސަރުކާރުން އިއުލާން ކޮށްފައިވާ ތަރިކަ މަޝްރޫއުގެ ލޯގޯ ސަރުކާރުގެ ލިޔުންތަކުގައި ޖެހުމަށް ރައީސް އަބްދުﷲ ޔާމީން އަންގަވައިފަ އެވެ.
އިސްލާމީ ވަހުދަތާއި ގައުމީ ރޫހު އާލާ ކުރުމަށް މިދިޔަ މާޗް މަހު ސަރުކާރުން ފެށި ތަރިކަ މަޝްރޫއުގެ ލޯގޯ ސަރުކާރުގެ ލިޔުންތަކުގައި ބޭނުން ކުރަން ފަށަން އަންގާފައިވަނީ މި މަހުގެ 15 ވަނަ ދުވަހުން ފެށިގެންނެވެ.
ރައީސް އޮފީހުގެ މިނިސްޓަ އޮފް ސްޓޭޓް ފޯ ޕްރެޒިޑެންޝަން އެފެއާޒް މުހައްމަދު މުޖުތާޒް ސޮއި ކުރައްވައި، މިއަދު ނެރުނު ދެންނެވުމުގައި ވަނީ މި މަހުގެ 15 ވަނަ ދުވަހުން ފެށިގެން އެއް އަހަރުގެ މުއްދަތަށް ސަރުކާރުގެ ރަސްމީ ލިޔުންތަކާއި ސިޓީތަކުގައި ތަރިކަ މަޝްރޫއުގެ ލޯގޯ ޖަހަން ރައީސް ޔާމީން އަންގާފައިވާ ކަމަށެވެ. އަދި ދައުލަތުގެ މުއައްސަސާތަކުން ކުރިއަށް ގެންދާ ތަރިކައާ ބެހޭ އެކި ހަރަކާތްތަކުގައި ވެސް އެ ލޯގޯ ބޭނުން ކުރަން އަންގާ ކަމަށް އެ ދެންނެވުމުގައިވެ އެވެ.
އެ ދެންނެވުމުގައިވާ ގޮތުން އެ ލޯގޯ ލިޔުންތަކުގައި ބޭނުން ކުރާނެ ގޮތުގެ މައުލޫމާތު ހޯމް މިނިސްޓްރީން ސަރުކާރުގެ އޮފީސްތަކަށް ދޭނެ އެވެ.
މީގެ ކުރިން ވަނީ ޓޫރިޒަމް ޕްރޮމޯޓް ކުރަން ހިންގި ބޮޑު ކެމްޕެއިނެއް ކަމަށްވާ ވިޒިޓް މޯލްޑިވްސްގެ ލޯގޯ ވެސް ސަރުކާރުގެ ލިޔުންތަކުގައި ބޭނުންކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
GAN Island
06 August 2017
ހަމަ އެކަނި ނަމަކުން ''ޤައުމީ ރޫހް އާލާވާނެ ގޮތެއް ނޯންނާނެ'' ކަން ޤަބޫލު ކުރާނީ ކޮން ދުވަހަކުންބާ ؟ މި ދައުލަތަކީ ތިޔަ ''މާލެ އާއި މާލޭގެ ބިންވެރިން'' ކަމުގައި ދެކޭހާ ދުވަހަކު އަހަރުމެން ތީގެ ތެރޭގައި ގުނައިގެން ނުވާނެ. . . . ދިވެހި ''ދައުލަތުގެ ތަނަވަސްކަމާއި ޤައުމުގެ ޤުދުރަތީ މުއްސަނދިކަން ތަފާތު ކުރުމެއްނެތި ރާއްޖޭގެ އެންމެންގެ މެދުގައި ހިއްސާ ނުކުރާ ހާ ހިދު'' ޤައުމީ ވަހުދަތޭ ޤައުމީ ލޯތްބޭ ކިޔައިގެން ތިދައްކާ ވާހަކަ އަށް އަހަރުމެން ހެއްލޭކަށް ބޭނުމެއްނޫން. . . . އާބާދީގެ 3 ބައިގުޅަ 2 ބައިމީހުން ނަޖިސްފެނުން ފެންވަރަން ''ގުއިވަޅުން ފެންބޯން ދޫކޮށްލާފައި'' ދައުލަތުގެ މުއްސަނދިކަން މަދު މީސްކޮޅަކަށް ހޭދަ ކުރުމަކީ ޤަބޫލު ކުރެވޭނެ ކަމެއްނޫން. ''ކުލީ އަޅުންގެ ގޮތުގައި އިތުރު ދުވަސްތައް ގުނާކަށް އަހަރުމެން ނޭދެން'' އަދި އެކަން ބަދަލު ކުރުމަށް ނުކުރާނެ އެއްކަމެއް ވެސް ނޯންނާނެ.